Morgunblaðið - 27.04.2006, Page 31

MORGUNBLAÐIÐ FIMMTUDAGUR 27. APRÍL 2006 31
UMRÆÐAN
ÞAÐ VAR óneitanlega sérstakt
að sjá Ásgeir Hannes Eiríksson í
Kastljósi á dögunum
að ræða um vænt-
anlegan „innflytj-
endavanda“. Umtals-
efnið var
skoðanakönnun sem
hann hafði látið gera
þar sem um þriðj-
ungur landsmanna
svaraði því játandi að
takmarka ætti flutn-
ing innflytjenda til
landsins. Ásgeir taldi
þetta sanna það að
hér væri í uppsigl-
ingu „innflytj-
endavandi“.
Rétt er það að víða
um lönd hefur skap-
ast svokallaður „inn-
flytjendavandi“.
Vandinn tengist þó
oft ekki beinlínis inn-
flytjendunum sjálfum
heldur þeirri stað-
reynd að þeir mynda
oft lágstéttina í sam-
félaginu. Þeir vinna
verst launuðu störfin,
hafa því minni efni
en aðrir á góðu hús-
næði, tómstundastarfi
fyrir börnin, góðum
mat og öðru því sem
gefur lífinu gildi.
„Vandinn“ liggur því
kannski ekki í fjölda
innflytjenda og jafn-
vel ekki heldur í því
að þeir skuli upp til
hópa vera í lágstétt
samfélagsins heldur
kannski frekar í því
að til sé lágstétt í
samfélaginu.
Vandinn liggur líka
í því að hingað til
hafa íslensk stjórn-
völd látið sig litlu
skipta að bilið milli
ríkra og fátækra er
að breikka. Þau hafa
m.a.s. ýtt undir það
með breytingum á
skattakerfinu í þá átt að afnema
hátekjuskatt, halda persónu-
afslætti niðri og annað slíkt sem
gerir það að verkum að láglauna-
fólkið leggur hlutfallslega meira til
samfélagsins en þeir sem úr meiru
hafa að moða.
Kennum íslensku
og móðurmál
Við þetta bætist svo að stjórn-
völd hafa að ýmsu leyti látið nýja
landsmenn afskipta. Miklu skiptir
að við Íslendingar tökum vel á
móti þeim sem hér setjast að. Við
megum ekki gleyma því að inn-
flytjendur eru upp til hópa fólk
sem er komið hingað til að vinna
störf sem þarf að vinna, bæta líf
og hag einstaklinga og fyrirtækja.
Margir sem hingað hafa komið
hafa aðlagast íslensku samfélagi en
auðgað það um leið með menningu
sinni og sjónarmiðum. Hins vegar
er ekki hægt að líta framhjá því að
margir í sömu stöðu þurfa sér-
stakan stuðning við að koma sér
fyrir, aðlagast samfélaginu og
verða þar fullgildir þátttakendur.
Hlutir sem okkur sem hér höfum
alla tíð búið þykja einfaldir, s.s. að
sækja um heimilislækni, gera
skattskýrslu eða fá sér bókasafn-
skort geta orðið þeim flóknir sem
ekki þekkja samfélagið og tala
ekki tungumálið. Svo ekki sé
minnst á þátttöku í félagsstarfi,
stjórnmálum eða viðskiptalífi.
En hvernig verður best hlúð að
nýjum landsmönnum? Við í
Vinstrihreyfingunni – grænu fram-
boði teljum mikilvægt að þeir sem
hingað flytja fái kennslu í íslensku
sér að kostnaðarlausu. Ennfremur
að börn nýrra landsmanna fái
kennslu í móðurmáli sínu eftir því
sem unnt er og að foreldrar þeirra
verði styrktir í að kenna þeim
móðurmál sitt. Góð kunnátta í eig-
in móðurmáli styrkir fólk í að læra
önnur tungumál og
hjálpar því að sætta
ólíka menningarheima.
Þetta er lykilatriði til
að aðlögun að sam-
félaginu gangi sem
greiðast. Í þessum
efnum geta sveit-
arfélögin tekið frum-
kvæði, einkum Reykja-
víkurborg sem er
stærsta og öflugasta
sveitarfélagið.
Sömu laun fyrir
okkur og hina
Þá skiptir miklu að
almennar upplýsingar
um íslenskt samfélag,
t.d. heilbrigðis- og
tryggingakerfi, séu
nýjum landsmönnum
tiltækar og aðgengi-
legar, og verði þýddar
á sem flest tungumál.
Þá þarf að búa þannig
um hnúta að íslenskur
vinnumarkaður sé
þeim opinn og að þeir
sem hingað koma til að
vinna fái upplýsingar
frá íslenskum stétt-
arfélögum um almenn
launakjör og réttindi.
Of oft heyrist fólk
segja að fólk frá öðr-
um löndum þar sem
launin eru lág eigi
bara að vera þakklátt
fyrir þau laun sem það
fái hér þó að þau laun
séu langt undir ís-
lenskum kjarasamn-
ingum. Við viljum ekki
gera slíkan grein-
armun á fólki eftir
uppruna eða fæðing-
arstað. Það er smásál-
arlegur hugs-
unarháttur. Við
Íslendingar erum full-
færir um að borga
mannsæmandi laun og
þau eiga ekki að fara
eftir þjóðerni.
Atvinnumál útlendinga hér á
landi hafa verið okkur Vinstri-
grænum hugleikin og hefur þing-
flokkur VG lagt fram nokkur þing-
mál sem taka á þessum efnum.
Meðal annars höfum við lagt til að
atvinnuleyfi sem samkvæmt núver-
andi útlendingalöggjöf eru veitt at-
vinnurekanda verði veitt viðkom-
andi starfsmanni enda er hugsunin
á bak við hitt forneskjuleg vist-
arbandshugsun þar sem atvinnu-
rekandinn hefur öll völd en starfs-
menn eru nokkurs konar hjú.
Nýir landsmenn auðga og efla
íslenskt samfélag. Þeir eru ekki
vandamál. Hins vegar er það
vandamál að hér í landi breikki bil-
ið milli ríkra og fátækra og stétt-
skipting sé að aukast. Þess vegna
á að vinna gegn henni. Við eigum
hins vegar að fagna nýjum lands-
mönnum, taka þeim opnum örmum
og gera okkar besta til að þeir eins
og aðrir eigi gott líf hér á landi.
Það viljum við í Vinstri-grænum.
Fögnum nýjum
landsmönnum
Katrín Jakobsdóttir og
Svandís Svavarsdóttir
fjalla um innflytjendur
Katrín
Jakobsdóttir
’„Vandinn“ ligg-ur því kannski
ekki í fjölda inn-
flytjenda og jafn-
vel ekki heldur í
því að þeir skuli
upp til hópa vera
í lágstétt sam-
félagsins heldur
kannski frekar í
því að til sé lág-
stétt í samfélag-
inu.‘
Katrín er varaformaður VG. Svandís
er framkvæmdastjóri VG og skipar 1.
sæti á V-listanum í Reykjavík.
Svandís
Svavarsdóttir
EF FRUMVARP ríkisstjórn-
arinnar um Ríkisútvarpið hf. verð-
ur að lögum, eins og það er nú úr
garði gert, hlýtur það að verða
höfuðviðfangsefni og baráttumál
Hollvinasamtaka Ríkisútvarpsins
að fá þeim lögum breytt.
Vinnubrögðin við málatilbún-
aðinn einkennast af hroðvirkni og
vitanlega hefðu mál-
efni Ríkisútvarpsins
átt að verða til um-
ræðu með öðrum fjöl-
miðlamálum sem nú
bíða úrlausnar, en
ekki rekin áfram með
þeim hætti sem raun
ber vitni og er lög-
gjafarþinginu til
vansa.
Nýfrjálshyggjuöflin
í Sjálfstæðisflokknum
ráða för í málinu og
stefna þeirra er að
selja og einkavæða
þessa dýrmætu eign þjóðarinnar.
Þó er látið sem ekki standi til að
selja Ríkisútvarpið, en fólk trúir
því ekki vegna þess að nákvæm-
lega eins var talað þegar einka-
væðing Landssímans stóð fyrir
dyrum. Enda var hann seldur með
grunnnetinu og öllu, þvert á vilja
meginþorra landsmanna.
Þau lög sem nú verða sett munu
veikja stöðu og starfsemi Rík-
isútvarpsins auk þess sem póli-
tískt kverkatak er hert. Á öðru
þurfti Ríkisútvarpið að halda, sem
hefur liðið fyrir pólitískt ofríki um
langa hríð.
Samtökin Hollvinir Rík-
isútvarpsins sendu Alþingi um-
sögn sína um fyrirhugað frumvarp
og leyfir undirrituð sér að vísa til
þess. Þar var m.a. lögð áhersla á
eftirfarandi:
1. Andstöðu við hlutafélagavæð-
ingu RÚV, sem er grundvall-
arstefna samtakanna, enda öll
einkavæðingaráform þjóð-
arfjölmiðilsins fráleit.
2. Það er nauðsynlegt að RÚV
sé alveg óháð
framkvæmda-
valdinu á hverj-
um tíma.
3. Metnaðarfull inn-
lend dag-
skrárgerð á að
vera meginhlut-
verk RÚV þar
sem höfuðáhersla
er á mál, mennt-
un og menningu.
Opinber útvarps-
rekstur á að vera
vörður lýðræðis
með þjóðinni,
sem bægir frá sérhagsmuna-
fullri flokkspólitík.
4. Það er stefna Hollvina-
samtakanna að æðsta stjórn
RÚV verði skipuð fulltrúum
fjölmennra hópa samfélagsins,
svo víðfeðmar skoðanir fái
notið sín. og víðtæk þekking.
Það væri líka viðfangsefni
slíkrar yfirstjórnar að tryggja
sjálfstæði almannaútvarpsins.
5. Með nýju lögunum verður
hlutafélagið RÚV ,,losað und-
an ýmsum lögum og reglum
sem gilda sérstaklega um rík-
isrekstur svo sem varðandi
fjárreiður, upplýsingagjöf,
starfsmannahald og lántöku-
heimildir“. Hollvinasamtökin
telja mjög miður að þjóðin
eigi ekki aðgang að öllum
upplýsingum varðandi þau at-
riði sem hér voru nefnd og
vilja að stjórnsýsla sé
gagnsæ.
5. Hollvinasamtök RÚV telja að
þjóðarútvarp eigi að mestu
leyti að vera rekið fyrir skatt-
peninga og ekkert til sparað
að efla stofnunina til að verða
sverð og skjöldur íslenskrar
menningar og lýðræðis.
Þjóðarútvarp okkar er almanna-
útvarp sem á alls ekki að heyra til
fyrirtækjarekstrar með kröfu um
hagnað og arðsemi. Ríkisútvarpið
er menningarstofnun sem gegnir
mikilvægu hlutverki í almanna-
þjónustu. Við höfum þegar einka-
stöðvar sem reknar eru með arð-
semina eina að leiðarljósi og
fjölmiðlum í einkaeigu er hvorki
skylt að gæta hlutleysis né sinna
menningar- eða öryggishlutverki.
Þá kröfu getum við þó gert óhikað
til þjóðarútvarps í almannaeigu.
Þjóðarútvarpið
Margrét K. Sverrisdóttir
fjallar um Ríkisútvarpið ’Þjóðarútvarp okkar er almannaútvarp sem á
alls ekki að heyra til
fyrirtækjarekstrar með
kröfu um hagnað og
arðsemi.‘
Margrét Sverrisdóttir
Höfundur er formaður
Hollvinasamtaka Ríkisútvarpsins.
Nicorette nikótínlyf eru fáanleg án lyfseðils og eru notuð þegar reykingum er hætt eða þegar dregið er úr reykingum. Til að ná sem bestum árangri skal ávallt fylgja
leiðbeiningum í fylgiseðli. Skammtar eru einstaklingsbundnir eftir því hve mikið er reykt, hvort hætta á reykingum eða draga úr þeim. Því ber að kynna sér upplýsingar um
notkun í fylgiseðli. Í fylgiseðlinum eru upplýsingar um: verkun og notkun, varúðarreglur, mikilvægar upplýsingar sem nauðsynlegt er að lesa áður en lyfin eru notuð,
hugsanlegar aukaverkanir og aðrar upplýsingar. Leitið til læknis eða lyfjafræðings ef þörf er á frekari upplýsingum um lyfin. Þeir sem fengið hafa ofnæmi fyrir nikótíni eða
öðrum innihaldsefnum lyfsins, nýlegt hjartaáfall, óstöðuga versnandi hjartaöng, alvarleg hjartsláttarglöp eða nýlegt heilablóðfall eiga ekki að nota Nicorette nikótínlyf. Börn
yngri en 15 ára, þungaðar konur og konur með barn á brjósti eiga ekki að nota Nicorette nikótínlyf nema að ráði læknis.
Handhafi markaðsleyfis: Pfizer ApS. Umboð á Íslandi: Vistor hf., Hörgatúni 2, Garðabæ.
www.nicorette.is
Lesið allan fylgiseðilinn vandlega áður en byrjað er
að nota lyfið. Geymið fylgiseðilinn. Nauðsynlegt getur verið að lesa hann síðar.
20% afsláttur af
Nicorette Freshmint
Bragðsemendist lengur
*Tilboðið gildir til 30. apríl
Fréttir
í tölvupósti