Morgunblaðið - 27.04.2006, Side 40

40 FIMMTUDAGUR 27. APRÍL 2006 MORGUNBLAÐIÐ
UMRÆÐAN
EINKAVÆÐING Ríkisútvarps-
ins hefur nú algjöran forgang
meirihlutans á Alþingi. Kjör aldr-
aðra og láglaunafólks, smánarlaun
fólks við umönnunarstörf og skort-
ur á fólki til starfa á hjúkr-
unarheimilum, sem
brýnt er að tekið verði
á, fá ekki umræðu og
úrlausn á þingi. For-
ysta Framsókn-
arflokksins og frjáls-
hyggjulið Sjálf-
stæðisflokksins barðist
fyrir því að auðlindin
vatn, rigningin og
snjórinn verði í einka-
eign. Með samstilltu
átaki stjórnarandstöð-
unnar tókst að fresta
gildistöku þeirra laga
þar til eftir næstu
kosningar. Fyrr hefði mörgum
framsóknarmanninum þótt það tíð-
indi að forysta flokksins og ný-
frjálshyggjuliðið í Sjálfstæð-
isflokknum gengju þannig í eina
sæng. Einkavæðing á RARIK var
samþykkt og nú eru það verkefni
Ríkisútvarpsins, Íbúðalánasjóðs,
Matvælaeftirlits, Landhelgisgæslu
og Flugmálastjórnar sem fara næst
á sölulista nái áform ríkisstjórn-
arinnar fram að ganga.
Menn eru jafnvel reiðubúnir að
fórna millilandaflugvellinum okkar í
Keflavík.
Það er eins og ríkisstjórn sé
haldin einkavæðingaræði.
„Einkavætt og selt“
Á síðastliðnum 10 árum hafa
sterk öfl innan Sjálfstæðisflokksins
barist fyrir að Ríkisútvarpið yrði
bútað niður og selt. Og eftir 2000
hefur það verið opinbert baráttu-
mál ungliðahreyfinga Sjálfstæð-
isflokksins. Bæði í fyrra og einnig í
vetur fluttu forystumenn í þingliði
Sjálfstæðisflokksins frumvarp um
brottfall laga um Ríkisútvarpið.
Flutningsmenn tala þar tæpitungu-
laust: Fyrst skal það hluta-
félagavætt og svo selt. Í síðustu
útgáfu frumvarps þessara andstæð-
inga Ríkisútvarpsins segir:
„Einkavæðing RÚV: Með frum-
varpi þessu er lagt til að lög nr.
122/ 2000 um Ríkisútvarpið verði
felld úr gildi 1. janúar 2007 en nán-
ar tilgreind ákvæði þeirra verði
tekin upp í útvarpslög nr. 53/2000.
Stofnað verði hluta-
félag um rekstur Rík-
isútvarpsins og það
selt.“
Þarna tala pólitískir
sálufélagar framsókn-
armanna.
Framsókn gengin
í björg einkavæð-
ingar?
Einstaka stjórn-
arliðar reyna að slá
um sig sauðagæru og
tala með holum hljómi
um að ekki standi til
að selja RÚV hf. Stofnun nýs lög-
aðila um útvapið sé bara form-
breyting. Það er þó eins og þeir
finni á sér að enginn trúi þeim. Ná-
kvæmlega sama var sagt þegar
einkavæðing Landssímans hófst.
Hann yrði ekki seldur. Hvernig
fór? Jú, hann var seldur með
grunnneti og öllu saman þvert á
gefin loforð og gegn vilja meg-
inþorra þjóðarinnar. Sú var tíðin að
framsóknarmenn hreyktu sér af því
að þeim væri treystandi til að
standa vörð um Ríkisútvarpið sem
sameign allra landsmanna. Þeir
stæðu gegn hugmyndum og vilja
sjálfstæðismanna um að gera Rík-
isútvarpið að hlutafélagi. Nú er
ljóst að forysta Framsóknarflokks-
ins er að svíkja þau loforð og kyng-
ir fórn Ríkisútvarpsins klígjulaust
enda samvinnuhugsjónin og fé-
lagshyggjan djúpt niðri í skúffu.
Þeir sem æmta þar á bæ eru fljótt
kveðnir í kútinn.
Útvarpsstjóri þulur
ríkisstjórnarinnar
Þáttur Páls Magnússonar út-
varpsstjóra í umræðunni um út-
varpið er með eindæmum, en hann
hefur stigið fram á ritvöllinn og
gerst ákafur erindreki ríkisstjórn-
arinnar í aðförinni að Ríkisútvarp-
inu og réttindum starfsfólki þess.
Þorsteinn Pálsson, fyrrverandi
forsætisráðherra og formaður
Sjálfstæðisflokksins og núverandi
ritstjóri Fréttablaðsins, segir í
góðri grein í Fréttablaðinu sum-
ardaginn fyrsta um bein afskipti
útvarpsstjóra af umræðunni:
„Útvarpsstjóri er jafnframt
þeirri stöðu sinni þulur á frétta-
stofu Sjónvarpsins og er maklega
virtur fyrir það. Með því að blanda
sér í opinbera umræðu um eitt
mesta pólitíska deilumál þessa
þings á þann veg sem hann hefur
gert kemur hann aukheldur fram
sem eins konar þulur ríkisstjórn-
arinnar í málinu. Sennilega er það í
fyrsta skipti sem útvarpsstjóri ger-
ist með svo skýrum hætti þátttak-
andi í stjórnmáladeilum.“
Hver sem endalok frumvarpsins
um að háeffa RÚV verða hefur út-
varpsstjóri með afskiptum sínum
rýrt verulega þann trúverðugleika
sem maður í hans stöðu gagnvart
þjóðinni verður að ráða yfir.
Víst er að þjóðin er að vakna til
varnar þjóðarútvarpinu sínu.
Stjórnarandstaðan á Alþingi mun
sameinuð berjast fyrir hagsmunum
þjóðarinnar og gegn því að Rík-
isútvarpinu verði fórnað.
Þjóðin getur treyst því að þing-
menn Vinstri grænna munu í þeim
efnum ekki láta sitt eftir liggja.
Glæpur gegn þjóðinni að
fórna Ríkisútvarpinu?
Jón Bjarnason fjallar
um málefni Ríkisútvarpsins ’Stjórnarandstaðaná Alþingi mun sam-
einuð berjast fyrir
hagsmunum þjóð-
arinnar og gegn því
að Ríkisútvarpinu
verði fórnað.‘
Jón Bjarnason
Höfundur er þingmaður Vinstrihreyf-
ingarinnar – græns framboðs.
KÆRU landsmenn. Hafið þið
nokkuð velt fyrir ykkur hvers
vegna þið heyrið svo sjaldan í fólki
sem stamar? Þið hafið
ef til vill aldrei heyrt
neinn stama sem
nokkru nemur? Það
furðulega er að um
einn af hundraði
landsmanna stamar,
um þrjú þúsund
manns. Margir lítið,
sumir þannig að fáir
taka eftir, en þó-
nokkrir stama það
mikið að þeim er
ómögulegt að lifa því
sem flestum finnst
eðlilegt líf. En af
hverju vitum við ekki
af þessu fólki sem á
svona erfitt? Af
hverju sjáum við aldr-
ei mann standa á önd-
inni og koma ekki upp
orði vegna stams?
Ætli það sé ekki
vegna þess fólk sem
stamar heldur sig til hlés og þegir.
Fólk nýtir ekki hæfileika sína sem
neinu nemur. Fer ekki í skóla, tek-
ur ekki þátt í félagsmálum og held-
ur sig yfirleitt frá öllu sem hvetur
til munnlegra samskipta. Hér er
um að ræða þjóðfélagsþegna sem
líður gjarnan illa og eiga félagslega
ákaflega erfitt uppdráttar.
Við skulum hafa þennan mögu-
leika í huga þegar við fréttum af
barni sem stamar og gera allt sem
í okkar valdi stendur til að hjálpa
viðkomandi yfir það sem vonandi er
tímabundið ástand. Talið er að 80%
þeirra sem byrja að stama ungir
hætti því af sjálfsdáðum eða með
aðstoð innan nokkurra mánaða. Þá
eru samt eftir 20% sem eru plag-
aðir af þessum vanda í einhvern
tíma. Fyrir foreldra þessara
krakka er lykilatriði að fá tilsögn
hjá talmeinafræðingi og það strax,
ekki bíða og sjá til. Ég tel, að ef öll
börn sem byrja að stama fá viðeig-
andi stuðning strax getum við
fækkað þeim sem
stama fram á fullorð-
insár verulega, til
óendanlegs gagns fyrir
viðkomandi og veru-
legs gagns fyrir allt
samfélagið. Undirrit-
aður skorar því á alla
sem ábyrgð bera á
ungum börnum sem
stama, foreldra, leik-
skólakennara, grunn-
skólakennara, afa,
ömmur, frændur og
frænkur, að sjá til þess
að talmeinafræðingur
meti barnið sem fyrst.
Batahorfur eru þeim
mun betri sem fyrr er
tekið á vandanum af
fagmanni.
Næsta skref, fyrir
bæði foreldra og barn,
er að hitta aðra í svip-
aðri stöðu. Foreldrar
bera saman bækur sínar og börnin
efla samskiptagetu og vilja með
samveru við börn og fullorðna sem
stama líka.
Þess vegna skora ég á foreldra
barna sem stama að mæta á aðal-
fund og gönguferð Málbjargar
næsta laugardag í Grindavík og
kynnast því hvað það getur gert
börnunum gott að hitta jafningja
sem stama. Mætið með börn ykkar
og unglinga þrátt fyrir að þau séu
treg til að mæta eins og þeim er
svo tamt. Það tekur á að hitta nýtt
fólk, en hagnaðurinn getur skipt
sköpum fyrir lífsgæðin í framhald-
inu.
Er það nokkurt
mál þótt nokkrir
meðbræður
okkar stami?
Björn Tryggvason fjallar um
vanda þeirra sem stama
Björn Tryggvason
’Næsta skref,fyrir bæði for-
eldra og barn, er
að hitta aðra í
svipaðri stöðu.‘
Höfundur er formaður
Málbjargar, félags um stam.
SAMFYLKINGIN er nafn á
íslenzkum stjórnmálaflokki,
sem staðsetur sig vinstra meg-
in á miðjunni í íslenzkri pólitík.
Þessi samfylking varð til við
samruna Alþýðuflokks, Alþýðu-
bandalags og Kvennalista og
nokkurra pólitískra öreinda, þó
ekki Fylkingarinnar, sem var
alvöru vinstrisinnaður flokkur
án fylgis í raun. Við stofnun
Samfylkingarinnar varð líka til
Vinstri hreyfingin – grænt
framboð, sem innihélt frá upp-
hafi nokkra einlæga sósíalista
og vinstrimenn og vernd-
unarsinna, pólitíska hagleiks-
menn, sem undu ekki nefndri
samfylkingu. Hingað til hefur
fylgi þess flokks nánast ein-
göngu byggzt á sannfæring-
arkrafti og mælsku formanns
flokksins, aðrir talsmenn hans
hafa frekar talað fólk frá
flokknum en að.
Nafnið Samfylkingin er nafn-
leysa. Ekkert gefur til kynna,
að um sé að ræða stjórn-
málaflokk, betra nafn hefði ver-
ið út frá stofnsögu flokksins:
Sameiningarfylkingin, en það
er hálf kristilegt og óþjált orð
og gefur of mikið til kynna. Al-
þýðuflokkur, Alþýðubandalag
eða jafnvel Jafnaðarmanna-
flokkurinn hefðu verið betri
nöfn fyrir þennan pólitíska
flokk, en það mátti ekki af
sögulegum ástæðum. Sund-
urlyndisfjandinn leiddi þetta
merkingarsnauða nafn: Sam-
fylkingin því til öndvegis hjá
stofnendunum.
Aðrir íslenzkir stjórn-
málaflokkar: Framsókn-
arflokkur, Sjálfstæðisflokkur,
já jafnvel Frjálslyndi flokk-
urinn heita skiljanlegum nöfn-
um, þótt vísan í sjálf nöfnin
gefi ekki mikið til kynna um
raunverulega stefnu flokkanna.
Vinstri hreyfingin – grænt
framboð er auðvitað á vorum
ímyndarvæddu tímum vita-
vonlaust nafn, jafnvel nafnið á
pólitískum afa þessa flokks:
Sameiningarflokkur alþýðu –
sósíalistaflokkurinn hefði ekki
verið leiðinlegra en núverandi
nafn. En nafn Vinstrigrænna
hefur þó það fram yfir Sam-
fylkinguna, að í því felst og
skilst hinn huglægi pólitíski
ásetningur félaganna.
Í Samfylkingunni felst ekki
neitt, nema að óljóst margir
hafi komið saman í hóp.
Bragi Kristjónsson
Nöfn og nafnleysur
Höfundur er bókakaupmaður.
EFTIR sameiningu Tækniháskóla
Íslands við Háskólann í Reykjavík
(HR) á síðasta ári hefur orðið til öflug
tækni- og verkfræðideild innan skól-
ans. Á komandi hausti er áætlað að
nemendur við HR verði um 2.800 tals-
ins og þar af munu um 1.200 nem-
endur stunda nám í
tækni- og verk-
fræðideild á 17 mismun-
andi námsleiðum í
tæknifræði, tölv-
unarfræði og verkfræði.
Með uppbyggingu deild-
arinnar hefur HR mark-
að sér skýra stöðu sem
leiðandi háskóli á tækni-
sviðinu samhliða
áherslum á við-
skiptafræði, lögfræði og
kennslufræði/lýðheilsu.
Tækni- og verk-
fræðideild HR stefnir að
því að starfa í fremstu víglínu tækni og
vísinda, bjóða greinar sem eru í örum
vexti og beita framsæknum kennslu-
aðferðum. Síðastliðið haust hófst
kennsla í verkfræði með greinum sem
eru nýjar hér á landi. Fjármála-,
rekstrar-, heilbrigðis- og iðnaðarverk-
fræði. Þótt iðnaðarverkfræði hafi verið
kennd hér á landi áður er lögð áhersla
á hátækniverkfræði (e. mechatronics) í
iðnaðarverkfræðinni í HR sem er nýtt.
Á komandi hausti er stefnt að því að
bæta við námsbraut í hugbún-
aðarverkfræði enda býr HR að því að
eiga öflugt tölvunarfræðisvið.
Tæknifræðin heldur sérstöðu sinni
sem hagnýtt háskólanám sem lýkur
með embættisprófi að loknum 3,5 ár-
um. Námsleiðirnar eru byggingar-,
rafmagns- og véltæknifræði. Tækni-
fræðingar eiga þess nú kost að bæta
við sig meistaragráðu innan HR. Hún
getur annaðhvort falist í sérmenntun
innan faggreina og aukinni sérhæf-
ingu, eða verk-
efnastjórnun, fram-
kvæmda- og
rekstrarfræði. Eins geta
þessir nemendur valið
tilteknar fræðilegar
greinar í meistaranámi
og orðið verkfræðingar
þegar þeir ljúka náminu.
Sérstaða greinanna
verður samt áfram skýr.
Verkfræðin er fremur
fræðileg en tæknifræðin
hagnýtari. Þeirri að-
greiningu er hægt að
halda alveg upp í meist-
aragráðu, en einnig er hægt að skipta
úr tæknifræði í verkfræði.
Í tölvunarfræði er öflugt grunnnám
sem veitir sterka undirstöðu til starfa í
atvinnulífinu og til frekara náms. Um
300 nemendur stunda nú grunnnám á
tölvunarfræðisviði. Innan tölv-
unarfræðisviðs eru fimm öflug rann-
sóknarsetur og umtalsverður fjöldi
meistaranema stundar nám innan
þess.
Stefna tækni- og verkfræðideildar
er að vanda val nemenda inn í hverja
námsbraut og fylgja þeim þétt eftir,
fremur en að taka inn stóra hópa með
tilheyrandi brottfalli. Þjónustustig
deildarinnar er hátt og nemendum er
fylgt vel eftir. Kennsluhættir og
námsfyrirkomulag eru með öðru sniði
en tíðkast hefur á fyrstu árum há-
skólanáms hér á landi. Í stað þess að
kenna fimm námskeið í 15 vikur eru
fjögur námskeið kennd í 12 vikur sem
lýkur með prófum. Síðan taka nem-
endur fimmta fagið á þremur vikum
þar sem kennslan er mjög sam-
þjöppuð og byggist gjarnan á hag-
nýtum viðfangsefnum. Þessi tilhögun
auðveldar deildinni að fá erlenda
gestafyrirlesara og nemendum að
fara í námsferðir innanlands og utan í
tengslum við námið.
Tækni- og verkfræðideild státar af
afar öflugu liði fastra kennara auk
þess sem mikill fjöldi stundakennara
úr atvinnulífinu leggur henni lið.
Tækni – Háskólinn í Reykjavík
Dr. Bjarki A. Brynjarsson
fjallar um tækni- og verk-
fræðideild HR ’Tækni- og verkfræði-deild HR stefnir að því að
starfa í fremstu víglínu
tækni og vísinda, bjóða
greinar sem eru í örum
vexti og beita fram-
sæknum kennslu-
aðferðum.‘
Bjarki A. Brynjarsson
Höfundur er forseti tækni- og verk-
fræðideildar Háskólans í Reykjavík.