Morgunblaðið - 07.06.2006, Side 41
MORGUNBLAÐIÐ MIÐVIKUDAGUR 7. JÚNÍ 2006 41
DAGBÓK
Vestnorræna ráðið heldur þemaráðstefnu íManiitsoq á Grænlandi 6. til 9. júní. Um-ræðuefni ráðstefnunnar eru málefni vest-norrænna ferðamála og ferðaþjónustu
auk samstarfs vestnorrænu landanna í ferðamálum.
Halldór Blöndal er formaður Íslandsdeildar
Vestnorræna þingmannaráðsins: „Ísland, Græn-
land og Færeyjar hafa um langt skeið átt mjög náið
samstarf í ferðamálum og er ferðamálaráðstefna
þessara þriggja landa haldin árlega, til skiptis í
hverju landanna þriggja,“ segir Halldór. „Ákveðið
var á ferðamálaráðstefnunni 1991 að auka sam-
vinnu þjóðanna, meðal annars með það að markmiði
að efla flugsamgöngur og greiða sérstaklega fyrir
ferðum félagasamtaka og ungmenna milli land-
anna.“
Halldór segir vestnorrænu löndin hafa mikinn
ávinning af slíku samstarfi: „Þessi lönd hafa sér-
stöðu, bæði landfræðilega, náttúrulega og menning-
arlega. Grænland, Færeyjar og Ísland hafa flug- og
sjósamgöngur sín á milli sem bjóða upp á þann
möguleika að löndin eigi sameiginlegan ferða-
mannamarkað. Þemaráðstefna Vestnorræna ráðs-
ins er haldin til að undirstrika þetta og til að skapa
vettvang til endurmats á þeirri stöðu sem er í ferða-
málum landanna um leið og leitað er nýrra leiða til
að ná auknum árangri,“ útskýrir Halldór.
„Ferðamannaþjónusta skiptir sköpum fyrir
efnahag þjóða. Við vitum að hrein og frjáls náttúra
landanna þriggja hefur mikið aðdráttarafl sem
áfangastaður ferðamanna og hafa löndin upp á
margt að bjóða fyrir gesti. Það eitt og sér er þó ekki
nóg, heldur þarf með markvissum hætti að vekja at-
hygli á sérstöðu þjóðanna og kostum og stuðla að
góðum samgöngum milli landanna.“
Halldór bætir við að þó Ísland, Grænland og Fær-
eyjar vilji byggja upp sterkan ferðamannaiðnað sé
það um leið sameiginlegt stefnumál þjóðanna að
gæta þess að náttúran spillist hvorki né verði fyrir
hnjaski. „Við þurfum að fara vel með þær nátt-
úruauðlindir sem við eigum og huga þarf vel að nytj-
um og samspili manns og náttúru.“
Á þingi Vestnorræna ráðsins verður margt
áhugaverðra fyrirlesara, bæði frá hinu opinbera og
frá fyrirtækjum á sviði ferðaþjónustu. Meðal fyr-
irlesara má nefna fulltrúa ferðamálaráða þjóðanna.
„Ferðamálaráðherrar Færeyja og Grænlands munu
halda erindi, en fyrir Íslands hönd mætir Sigríður
Anna Þórðardóttir, samstarfsráðherra Norður-
landanna, og verður með mjög áhugavert innlegg,“
segir Halldór.
Meðal annarra fyrirlesara eru Klaus Æ. Mogen-
sen frá Rannsóknarsetri um framtíðina í Danmörku,
Árni Gunnarsson frá Flugfélagi Íslands og Ársæll
Harðarson frá Ferðamálaráði Íslands.
Nánar má lesa um starfsemi Vestnorræna ráðsins
á heimasíðunni www.vestnordisk.is.
Ferðamál | Þemaráðstefna Vestnorræna ráðsins í Maniitsoq á Grænlandi 6. til 9. júní
Vestnorræn ferðamál og -þjónusta
Halldór Blöndal fædd-
ist í Reykjavík 1938.
Hann lauk stúdentsprófi
frá MA 1959 og stundaði
nám í lögfræði og sagn-
fræði við HÍ. Hann var
landbúnaðar- og sam-
gönguráðherra 1991–
1995 og samgöngu-
ráðherra 1995–1999.
Halldór hefur setið á Al-
þingi síðan 1979 og var
forseti Alþingis á árunum 1999–2005. Hann
hefur setið í Utanríkisnefnd frá 2005 og er for-
maður Íslandsdeildar Vestnorræna þing-
mannaráðsins frá 2005. Halldór á þrjú börn og
er kvæntur Kristrúnu Eymundsdóttur kennara.
1. e4 c5 2. Rf3 e6 3. d4 cxd4 4. Rxd4
Rf6 5. Rc3 d6 6. Be3 a6 7. g4 h5 8. g5
Rg4 9. Bc1 Db6 10. h3 Re5 11. Rb3
g6 12. Be3 Dc7 13. f4 Rec6 14. Dd2
Rd7 15. 0–0–0 b5 16. Kb1 Bb7 17.
Hh2 Be7 18. Hf2 Rc5 19. Bg2 0–0 20.
f5 Re5 21. f6 Rc4 22. De2 Bd8 23. e5
Rxb3 24. exd6 Rxd6 25. Bxb7 Dxb7
26. axb3 Rf5 27. Bc5 Bb6 28. Hxf5
exf5 29. Bxf8 Hxf8 30. Rd5 Bc5 31. b4
Ba7
Staðan kom upp í opnum flokki á
ólympíuskákmótinu sem lauk fyrir
skömmu í Tórínó á Ítalíu. Stórmeist-
arinn Þröstur Þórhallsson (2.448)
hafði hvítt gegn argentínska al-
þjóðlega meistaranum Diego Valerga
(2.470). 32. Re7+ Kh7 33. Rxf5! Dc8
svartur hefði orðið mát eftir 33. …
gxf5 34. Dxh5+ Kg8 35. Dh6. 34. Rd6
Dd8 sennilega hugðist svartur leika
34...Dxh3 en því hefði hvítur svarað
með 35. De7! Kg8 36. Rf5! Dxf5 37.
Dxf8+! og hvítur mátar. Eftir texta-
leikinn er taflið einnig gjörtapað. 35.
Rxf7! og svartur gafst upp. Þröstur
fékk hæsta vinningshlutfallið í ís-
lenska liðinu en hann fékk fimm vinn-
inga af sjö mögulegum og samsvaraði
árangur hans 2.489 stigum.
SKÁK
Helgi Áss Grétarsson | ritstjórn@mbl.is
Hvítur á leik.
Hraðinn.
Norður
♠ÁK9
♥ÁG10 V/NS
♦G93
♣KG64
Vestur Austur
♠10864 ♠32
♥K54 ♥83
♦ÁKD2 ♦10854
♣D3 ♣Á10982
Suður
♠DG75
♥D9762
♦76
♣75
Suður spilar þrjú hjörtu eftir
þessar sagnir:
Vestur Norður Austur Suður
1 tígull Dobl 3 tíglar 3 hjörtu
Pass Pass Pass
Samningurinn er traustur og leg-
an góð – svo góð, reyndar, að tíu
slagir eru í boði. Eigi að síður fór
sagnhafi einn niður eftir tígulkóng-
inn út.
Hvernig gat það gerst?
Spilið kom upp í frönsku móti fyr-
ir margt löngu. Í vestursætinu var
bridshöfundurinn José Le Dentu.
Hann gerði sér grein fyrir að vörnin
ætti í mesta lagi tvo tígulslagi, og
ennfremur að lítil von væri á fimm
slögum ef sagnhafi héldi á laufás.
Le Dentu skipti því snarlega yfir í
laufþrist í öðrum slag.
Slíkt gera menn gjarnan með ás-
inn og suður glotti þegar hann
stakk upp kóngnum. En austur átti
ásinn og spilaði aftur laufi. Þetta
var einmitt það sem Le Dentu hafði
vonast til, en nú var komið að ör-
lagastundinni – hann spilaði
LITLUM tígli undan ÁD!
Allt gerist þetta fumlaust og
sagnhafi lét níuna úr borði, gjör-
samlega sofandi fyrir þeim mögu-
leika að gosinn gæti haldið slag.
Austur komst þannig inn á tíuna til
að spila laufi og tryggja Le Dentu
fimmta slaginn á hjartakóng.
Svona vörn verður að spila hratt.
BRIDS
Guðmundur Páll Arnarson | ritstjórn@mbl.is
Óliðlegheit í Sambíói
10 ÁRA dóttir mín og bekkj-
arsystur hennar ákváðu að gera sér
dagamun og fara í bíó. Ég skrifaði
fyrir hana ávísun uppá 1.000 kr.,
bíómiðinn kostaði 400 kr. (hún var
með miða upp á 2 fyrir 1 frá Sím-
anum). Farið var föstudaginn 26.
maí kl. 15.45 á Shaggy dog í Sam-
bíóinu í Álfabakka.
Klukkan 16 hringdi dóttir mín í
mig, grátandi, vegna þess að ekki
var tekið við ávísun nema gegn
skilríkjum eða skrifaðar á staðnum.
Þar sem hún er ekki með skilríki,
enda 10 ára, og ekki með ávís-
anareikning, enda 10 ára, þá fékk
hún ekki að kaupa miða. Ég fékk
að tala við afgreiðslustúlkuna, sem
tjáði mér reglurnar með ávísanir.
Ég spurði þá hvort ég gæti borgað
með kreditkorti, s.s. símgreiðslu, og
það var nú aldeilis sjálfsagt, ég
gæti borgað miðann í gegnum sím-
ann en dóttir mín mætti ekki fá
miðann, ég yrði að koma og sækja
hann og afhenda dóttur minni,
hmmm … til hvers er ég þá að
borga hann í gegnum síma? Nú var
ég alveg að fara á límingunum,
myndin byrjuð, stelpan grátandi,
vinkonurnar væntanlega orðnar
órólegar og engrar miskunnar eða
liðlegheita að vænta hjá starfs-
manninum. Úr varð að vinkonurnar
gátu skrapað saman í miða handa
henni og gáfu henni með sér af
poppinu.
Ég hef notað ávísanir í 20 ár og
oftast hefur það gengið vel. Ég
held að starfsmaðurinn hafi ekki
getað tekið fagmannlega á mál-
unum vegna ungs aldurs.
Spurning hvort fyrirtækið þurfi
annaðhvort að tíma að ráða eldri
starfsmenn (hærri laun, ættu að
hafa efni á því – ekki er ódýrt að
skreppa í bíóferð með fjölskylduna
en það er annar handleggur) eða að
kenna starfsmönnum að bregðast
við og leysa úr aðstæðum sem
koma upp. Sérstaklega finnst mér
þetta alvarlegt vegna aldurs við-
skiptavinar, ef þetta hefði verið ég
að koma með ávísun hefði þetta
verið bara fúlt en þetta eru börn að
koma glöð í bragði og eru svo brot-
in niður með reglum fullorðna
fólksins, sem ekki eru þó þannig í
þessu tilviki að ekki megi redda.
Bara spurning um liðlegheit.
Hanna Magga Nielsen.
Blár gári týndist á
Seltjarnarnesi
BLÁR gári flaug af heimili sínu á
Seltjarnarnesi föstudaginn 2. júní
og er hans sárt saknað. Þeir sem
hafa séð eða fangað bláan gára frá
og með föstudeginum eru vinsam-
lega beðnir að hafa samband við
Ragnheiði í síma 868 0899. Fund-
arlaun.
Simbi týndist í Garðabæ
SIMBI týndist frá Arnarási í
Garðabæ 31. maí sl. Hann er
bröndóttur, með hvíta bringu, 5
ára. Hann var með gula ól og
merki. Merktur í eyra. Hann gæti
verið á leið í Hafnarfjörð þar sem
hann bjó áður. Þeir sem ahfa orðið
varir við Simba vinsamlega hafið
samband í síma 840 3080, 565 1019.
Grár köttur í óskilum
á Ásvallagötu
STÓR grár heimilisköttur, ómerkt-
ur en með far eftir hálsband er á
vergangi á Ásvallagötu. Eigandi
hafi samband í síma 551 5501.
Velvakandi
Svarað í síma 5691100 frá 10–12
og 13–15 | velvakandi@mbl.is ÓPERA eftir Antonio Vivaldi
verður flutt í fyrsta sinn í margar
aldir í Spoleto á Ítalíu í sumar, að
því að New York Times greinir
frá. Um er að ræða óperuna L’Er-
cole su’l Termodonte og er sagt að
hér sé um fyrsta opinbera flutning
hennar frá árinu 1723 að ræða.
Flutningurinn fer fram á tón-
listarhátíðinni „Tveir heimar“ í
Spoleto í sumar og mun banda-
ríski stjórnandinn Alan Curtis
stjórna Baroque Ensemble í verk-
inu. „Ég hef verið að vinna að
þessari óperu í meira en tíu ár,“
sagði Cortis á blaðamannafundi
sem haldinn var af tilefninu.
„Mezzósópransöngkonan Cecilia
Bartoli sagði að nokkrar af uppá-
halds aríum sínum væru úr þessari
óperu. Ég lagðist því í að finna
þær allar.“
Hátíðin fer fram dagana 30. júní
– 16. júlí í Spoleto, sem er um 130
kílómetrum fyrir norðan Róma-
borg.
Sjaldgæf Vivaldi-ópera á fjalirnar í Spoleto
ÚT ER
komin bók-
in Specim-
ina Com-
mercii eftir
Ívar Brynj-
ólfsson.
Þar er lýst
á mynd-
rænan
hátt niðurstöðu 12 ára rannsóknar
höfundar á sjónrænu útliti samtíma-
verslanaumhverfis Íslendinga.
EKKI PRESS forlagið gefur út.
Nýjar bækur
mbl.is
smáauglýsingar
Sængurfataverslun,
Glæsibæ • Sími 552 0978
• www.damask.is
• Opið mán.-fös. kl. 10-18,
lau. kl. 10-16.
10-50% AFSLÁTTUR
Tilboðsdagar
Af öllum vörum
miðvikudag, fimmtudag og föstudag