Morgunblaðið - 16.07.2006, Blaðsíða 6
6 SUNNUDAGUR 16. JÚLÍ 2006 MORGUNBLAÐIÐ
FRÉTTIR
Skógarhlíð 18 – 105 Reykjavík – sími 591 9000
Akureyri – sími 461 1099 • Hafnarfirði – sími 510 9500
www.terranova.is
Golden Sands í Búlgaríu hefur sannarlega slegið í gegn hjá Íslendingum.
Terra Nova býður nú síðustu sætin í júlí á ótrúlegum kjörum. Gríptu tæki-
færið og skelltu þér til þessa vinsæla sumarleyfisstaðar sem bíður þín
með frábæra strönd, einstakt loftslag, ótæmandi afþreyingarmöguleika,
fjölbreytta veitingastaði og fjörugt næturlíf. Þú bókar sæti og 4 dögum
fyrir brottför færðu að vita hvar þú gistir.
kr. 29.994
Netverð á mann, m.v. hjón með 1 barn,
2 - 11 ára í hótelherbergi í viku.
Súpersólartilboð 20. eða 27. júlí.
Aukavika kr. 10.000.
kr. 34.990
Netverð á mann. m.v. 2 fullorðna í
hótelherbergi í viku.
Súpersólartilboð 20. eða 27. júlí.
Aukavika kr. 10.000.
Súpersól til
Búlgaríu
20. eða 27. júlí
frá kr. 29.994
Síðustu sætin
- SPENNANDI VALKOSTUR
BERGSTEINN Jóns-
son, fyrrverandi pró-
fessor í sagnfræði við
Háskóla Íslands, lést 10.
júlí sl. á 80. aldursári.
Bergsteinn fæddist í
Reykjavík 4. október
1926, sonur hjónanna
Jóns Árnasonar verka-
manns og Kristínar
Jónsdóttur húsmóður.
Bergsteinn lauk stúd-
entsprófi frá Mennta-
skólanum í Reykjavík
1945, cand. phil. og BA-
prófi, og loks cand. mag.
prófi frá Háskóla Ís-
lands 1957.
Hann starfaði sem póstafgreiðslu-
maður með námi, en kenndi að námi
loknu við Gagnfræðaskóla Vestur-
bæjar, Menntaskólann í Reykjavík og
Kvennaskólann í Reykjavík. Berg-
steinn hóf störf hjá Háskóla Íslands
1967 og starfaði þar við
fræða- og kennslustörf
allt til ársins 1992.
Bergsteinn var af-
kastamikill fræðimaður
og höfundur og með-
höfundur fjölda rita og
greina um sagnfræði
og tengd efni. Hann
samdi meðal annars
Mannkynssögu 1648–
1789 sem kom út 1963
og samdi ásamt Birni
Þorsteinssyni Íslands-
sögu til okkar daga sem
út kom 1991. Síðast lét
Bergsteinn frá sér
verkið Báran rís og hnígur, sem kom
út árið 2005, um samfélag íslensku-
mælandi fólks í Norður-Dakóta.
Eftirlifandi kona Bergsteins er
Guðrún Þórey Jónsdóttir húsmóðir.
Eiga þau þrjú börn: Auði, Jón og
Önnu.
Andlát
BERGSTEINN
JÓNSSON
Eftir Sigurð Pálma Sigurbjörnsson
siggip@mbl.is
NÝRRAR Herjólfsferju er nú leitað
og sagði Sigurmundur G. Einarsson
hjá Viking Tours í Vestmannaeyjum
að nokkrar ferjur hefðu nú verið
skoðaðar. Hann segir að skipin séu
skoðuð út frá kröfum Siglingastofn-
unar en ekki hafi fundist neitt slíkt
ennþá. Aðspurður hvert sé næsta
skref ef hentugt skip finnst sagði Sig-
urmundur það vera að þrýsta á
stjórnvöld: „Ef við finnum hentugt
skip hefur Guðmundur Hallvarðsson,
formaður samgöngunefndar, gefið
það út að þá sé ekkert annað en að
drífa í því að kaupa nýjan Herjólf
sem uppfyllir þær kröfur sem til hans
eru gerðar.“
Tæplega 2.000 manns hafa skrifað
nafn sitt á vefsíðuna eyjafrelsi.net en
þar segir að undirritaðir telji ástand í
samgöngumálum á milli lands og
Eyja sé með öllu óásættanlegt. Er
talið að ferðaþjónusta í Eyjum muni
hrynja ef ekki verður gert átak í flug-
samgöngum, sem eru í ólestri nú og
að ákvörðun verði tekin um ferjuna
Herjólf, sem er svo til fullnýtt alla
daga sumarsins. Segir hópurinn að
ráðamenn hafi svikið gefin loforð um
bættar samgöngur.
Skynsamlegt
að skoða málið
Guðmundur Hallvarðsson, formað-
ur samgöngunefndar Alþingis, sagði í
samtali við Morgunblaðið að sam-
göngur á milli lands og Eyja hefðu
breyst mikið á undanförnu árum og
að pláss nýttist ekki eins vel í Herjólfi
og áður: „Það er orðið þannig fyrir
Eyjamenn sem eru að fara í land að
þeir lenda í því eins og Reykvíkingar
sem eru að leggja í stæði í miðborg-
inni, að bílar hafa allir stækkað og
bílastæði sem áður tóku 100 bíla taka
nú 80. Þetta sama er að gerast um
borð í Herjólfi. Það er orðið svo að
Vestmannaeyingar sem eru að á leið-
inni í land þurfa jafnvel að senda bíl-
inn í land áður en þeir fara sjálfir,“
sagði Guðmundur og bætti því við að
stundum þyrftu heilu fjölskyldurnar
að skipta sér upp. Guðmundur sagði
að með því að leggja niður strand-
flutninga hefði álagið á Herjólfi auk-
ist, en gámaflutningar með ferjunni
hafa aukist til muna á kostnað bif-
reiðaflutninga. Guðmundur taldi það
skynsamlegt að skoða þetta mál hið
fyrsta í ljósi breyttra aðstæðna og
kaupa eða leigja nýtt skip fremur en
að bíða til ársins 2010 þegar áformað
er að endurnýja Herjólf.
Um 2.000 manns krefjast bættra samgangna á milli lands og Eyja
Vilja skoða kaup eða
leigu á nýjum Herjólfi
Morgunblaðið/Þorgeir
ÞINGMENN Suðurkjördæmis hafa
heitið Vestmannaeyingum stuðningi
sínum í baráttu þeirra fyrir bættum
samgöngum og þar á meðal sjúkra-
flugi milli lands og Eyja. Þingmenn-
irnir áttu fund með bæjarstjóra á
fimmtudag vegna ástands í sam-
göngumálum og sjúkraflugi sem er
mikið hitamál vegna misbrests á því
að hafa tiltæka sjúkravél þegar á
þurfti að halda nýverið. Bráða-
birgðaniðurstöður starfshóps á veg-
um heilbrigðisráðuneytisins, sem
skoðar hvort ástæða sé til að rifta
samningi um sjúkraflug við Lands-
flug, eru væntanlegar á morgun,
mánudag. Þá átti Guðmundur Hall-
varðsson, formaður samgöngunefnd-
ar Alþingis, fund með bæjarstjóra á
fimmtudag vegna samgöngumála.
Þar lýsti hann yfir fullum stuðningi
og vilja til að bæta samgöngurnar.
Að sögn Elliða Vignissonar bæjar-
stjóra er sjúkraflugið fellt þar undir,
enda sé það ein gerð af samgöngum.
Ekki var þó rædd nein ákveðin
þingsályktunartillaga á fundunum.
„Hins vegar er ljóst að á næstu dög-
um mun liggja fyrir vilji okkar
heimamanna hvað varðar sam-
göngur næstu fjögur árin,“ segir El-
liði. „Við fögnum mjög niðurstöðum
varðandi Bakkafjöru og tillögu
Sturlu Böðvarssonar samgönguráð-
herra en hins vegar er ljóst að við
getum ekki búið við núverandi sam-
göngur næstu fjögur árin.“
Þingmenn lofa stuðningi
vegna sjúkraflugs til Eyja
ANTON Holt, myntfræðingur hjá
Seðlabanka Íslands, segir að tveir
silfurpeningar sem fundust á bökk-
um Öxarár á Þingvöllum styrki þá
söguskoðun að á Þingvöllum hafi
menn komið saman ekki aðeins til
að setja lög heldur einnig til að eiga
viðskipti. Peningarnir sem fundust
eru norskir og voru slegnir á tíma-
bilinu 1065–1080.
Anton segir fátítt að finna gamla
silfurpeninga á Íslandi, en það sé
hins vegar skemmtilegt að á síðustu
árum hafi menn fundið nokkra slíka
peninga. Þessir peningar séu allir af
svipuðum toga, þ.e. norskir pen-
ingar frá 11. öld.
Anton segir að peningarnir sem
fundust á Þingvöllum séu það sem
kallað sé „anonymous“, en það þýði
að þeir séu ekki gefnir út í nafni til-
tekins konungs. Þessi „anonymous“-
tímabil séu nokkur, en þeir sem
fundust á Þingvöllum séu frá fyrsta
tímabilinu sem stóð frá 1065–1080.
Fyrir þetta tímabil fór Haraldur
Sigurðarson hinn harðráði með
konungsvald í Noregi (1047–1066).
Sá sem tók við af honum var Ólafur
kyrri Haraldsson (1067–1093).
Anton segir að á framhlið mynt-
arinnar sé bylgja sem sé stíliseruð
mynd af dýri, líklega dreka. Á hinni
hliðinni sé klassískt krossmark.
„Þessi peningafundur styrkir kenn-
ingar um að á Þingvöllum hafi menn
komið saman m.a. til að stunda við-
skipti. Menn voru að kaupa sverð,
spjót, land, ambáttir og fleira. Síðan
urðu menn fullir og þá vildi einn og
einn peningur týnast,“ segir Anton.
Sú fornleifarannsókn sem gerð
var í Miðmundartúni á Þingvöllum
2002–2006 leiddi í ljós að þar er
mikið af fornleifum. Anton segir
ekki langt síðan þar fannst hálfur
silfurpeningur þegar verið var að
grafa fyrir niðurfalli. Hann segir
ekki ólíklegt að fleiri peningar eigi
eftir að finnast á Þingvöllum verði
uppgreftri þar haldið áfram.
!
" Á Þingvöllum voru
stunduð viðskipti
Ívar Brynjólfsson/Þjms Ísl.
Eftir Egil Ólafsson
egol@mbl.is
MANNLAUS jeppi steyptist niður
klettabelti í Vesturárdal í Miðfirði á
fimmtudag og hafnaði í Vesturá.
Að sögn lögregl-
unnar á Blöndu-
ósi varð óhappið
um kl. 11 að
kvöldi. Fór jepp-
inn niður um 10–
15 metra kletta-
belti og lenti á
framendanum en
hélst á hjólunum.
Var hægt að aka bílnum í ánni, en
ekki hægt að koma honum aftur
upp á veg hjálparlaust.
Var Flugbjörgunarsveitin á
Laugarbakka fengin til aðstoðar
við að ná bílnum upp úr ánni.
Samkvæmt heimildum Morg-
unblaðsins mun ökumaður bifreið-
arinnar hafa skilið bílinn eftir til að
skima eftir fiskum í ánni, og ekki
vitað fyrr til en bíllinn rann
framhjá honum og steyptist í ána.
Engin slys urðu á fólki en ekki
fylgir sögunni hvort löxunum í ánni
hafi orðið meint af.
Jeppi hafnaði
í Vesturá