Morgunblaðið - 17.08.2006, Side 4

4 FIMMTUDAGUR 17. ÁGÚST 2006 MORGUNBLAÐIÐ
FRÉTTIR
Viltu gerast ferðaráðgjafi?
Ferðamálaskóli Íslands er eini skólinn hér á landi sem býður upp á
alþjóðlegt nám frá IATA/UFTAA, sem eru alþjóðleg samtök flugfélaga
og ferðaskrifstofa, og útskrifar skólinn á hverju ári „ferðaráðgjafa“ til
starfa hjá flugfélögum, ferðaskrifstofum og við aðra ferðaþjónustu.
Með aukningu ferðamanna hefur þörfin eftir fólki með slíka menntun
aldrei verið meiri. Flestir, sem útskrifuðust í vor, fengu starf innan
ferðaþjónustunnar að loknu námi. www.menntun.is
JÓNAS Fr. Jónsson, forstjóri Fjármálaeftirlitsins
(FME), segist mjög ósáttur við úrskurð kæru-
nefndar vegna ákvarðana FME en á mánudag
felldi hún úr gildi ákvörðun FME um að hópur
stofnfjáreiganda fari sameiginlega ekki með meira
en 5% atkvæðisréttar í Sparisjóði Hafnarfjarðar
(SPH). Jónas segir að úrskurður nefndarinnar beri
keim af því að búið sé að ákveða að leggja þessa
kærunefnd niður, þetta séu fjörbrot nefndarinnar.
„Mér finnst niðurstaðan illa rökstudd og nefndin
reynir að koma sér hjá því að taka efnislega á mál-
inu. Ég hvet alla til að lesa úrskurðina því þar er
hægt að sjá hvernig peningaslóðin liggur á milli að-
ila að málinu,“ segir hann.
Jónas bendir á að í úrskurðinum sé byggt á því
að FME hafi ekki tekist að sanna samstarf milli að-
ila sem voru til rannsóknar vegna viðskipta með
stofnfjárhluti í SPH. Nefndin geri að þessu leyti
geysiháar kröfur um sönnunarbyrði. „Sérstaklega í
ljósi þess að allir aðilar sem tengdust málinu neit-
uðu samstarfi við Fjármálaeftirlitið á öllum stigum
málsins. Þeir neituðu meðal annars ítrekað að
svara fyrirspurnum. Þessi sama kærunefnd hafði
áður komist að því að Fjármálaeftirlitið mætti
spyrja þessa aðila en að þeir þyrftu ekki að svara.“
Jónas segir að þrátt fyrir þetta hafi FME getað
sýnt fram á peningaslóð á milli þessara aðila og þar
hafi verið um verulegar fjárhæðir að tefla. Í ljósi
þessa sé sérstaklega ósanngjarnt af nefndinni að
segja að ákvörðun FME hafi byggst á sögusögn-
um, það sé einfaldlega rangt. „Það var þagnarmúr
sem var reistur um þessi viðskipti en hann brast
loksins og upplýsingar komu
upp á yfirborðið. En það var
ekki það sem réð úrslitum
heldur var það peningaslóðin
sem lá á milli manna. Það var
þessi slóð sem við töldum að
sýndi fram á að menn væru í
samstarfi. Nefndin hafði ekki
mikinn áhuga á að skoða þetta
eða kalla eftir frekari gögn-
um.“
Jónas gerir sömuleiðis at-
hugasemd við það álit nefndarinnar að FME hafi
ekki gefið þeim aðilum sem rannsóknin beindist að
næg tækifæri til að koma að andmælum. „Að mínu
mati fengu þeir fullt svigrúm til andmæla, ef þeir
hefðu kært sig um það,“ segir Jónas. Þá hafi kæru-
nefndin ekkert fjallað um hvaða andmælum þeir
vildu koma á framfæri eða hvort það hefði haft ein-
hverja þýðingu fyrir niðurstöðu málsins. „Þar með
er nefndin í raun og veru að bregðast hlutverki sínu
því það liggja fyrir hæstaréttardómar um að sjálf-
stæðar úrskurðarnefndir geti, ef þær telja að and-
mælaréttar hafi ekki verið gætt, bætt úr þeim galla
við meðferð sína á málinu.“ Nefndin hafi enga til-
raun gert til þess.
Önnur úrræði lögreglu
Það sem sé þó alvarlegast varði þá niðurstöðu
nefndarinnar að eftir að FME vakti athygli rík-
islögreglustjóra á að hugsanlega hefðu verið fram-
in refsiverð brot í viðskiptum með stofnhluti í spari-
sjóðnum, hafi FME brostið vald til að fjalla frekar
um málið. „Þetta er í fyrsta lagi þvert gegn nið-
urstöðu áfrýjunarnefndar samkeppnismála í olíu-
samráðsmálinu sem þó var miklu stærra mál að
öllu leyti. Í öðru lagi gengur þetta gegn þeirri hugs-
un sem er í löggjöfinni. Það væri mjög alvarlegt
fyrir möguleika okkar til að sinna eftirliti almennt
og réttargæslu á fjármálamarkaði ef þessi túlkun
stæðist,“ sagði hann. Rannsókn lögreglu væri allt
annars eðlis en rannsókn FME, lögregla beitti öðr-
um aðferðum og hefði önnur úrræði. Markmiðin
væru sömuleiðis önnur. Lögregla kanni hvort ein-
staklingar séu sekir um refsiverða háttsemi en
FME fylgist með heilbrigði markaðarins og heil-
brigði viðkomandi fyrirtækis. Þá geti lögregla farið
í refsimál en FME geti hugsanlega takmarkað at-
kvæðarétt hluthafa í fyrirtækjum.
Jónas segir að verið sé að íhuga hvort úrskurð-
inum verði skotið til dómstóla og minnir jafnframt
á að þegar nefndin hafi verið aflögð muni menn
þurfa að leita til dómstóla vegna ákvarðana FME.
Það sé mun betri kostur en núverandi fyrirkomu-
lag, enda verði þá öll málsatvik og sönnunarfærsla
fyrir opnum tjöldum.
„Almennt séð þá held ég að þetta kalli enn og aft-
ur á vangaveltur um hvort löggjöfin verndi nægi-
lega séreðli sparisjóðanna og verji þá gegn yfirtöku
eins og stefnt er að í lögunum. Sérstaklega á þetta
við þegar um er að ræða fjársterka og útsjónar-
sama aðila. Hins vegar hef ég áhyggjur af því að
þessi úrskurður geti vakið spurningar meðal er-
lendra aðila um það hvort hér séu nægileg úrræði
til að fylgjast með eignarhaldi fjármálafyrirtækja.
Ég hlakka að minnsta kosti ekki til þess ef erlend
greiningardeild spyrst fyrir um úrræði okkar til að
hafa eftirlit með eignarhaldi í ljósi þessarar nið-
urstöðu,“ segir Jónas Fr. Jónsson, forstjóri Fjár-
málaeftirlitsins.
Segir úrskurð um ákvarðanir FME órökstuddan og illa unninn
Til marks um fjörbrot
kærunefndarinnar
Eftir Rúnar Pálmason
nunarp@mbl.is
Jónas Fr.
Jónsson
FORSÆTISRÁÐHERRA, Geir H.
Haarde, hefur þegið boð Ómars
Ragnarssonar um að skoða Kára-
hnjúkasvæðið með leiðsögn hans.
Ómar bauð Geir og Þorgerði Katr-
ínu Gunnarsdóttur, mennta-
málaráðherra, í ferð með sér en
sagði í samtali við Morgunblaðið að
Geir hafi hringt í sig í gærkvöldi og
þegið boðið fyrir alla ráðherra Sjálf-
stæðisflokksins.
Ómar var hinn kátasti með þessa
lyktan mála og bjóst við að ferðin
yrði farin næstkomandi laugardag.
Hann var ekki fullviss um að allir
ráðherrar flokksins myndu koma
með en bjóst ekki við öðru en að það
væri lítið mál að leysa ef upp kæmi.
Auk ráðherranna hafa þrír yf-
irmenn fjölmiðla þegið boð Ómars
um að skoða Kárahnjúkasvæðið og
verður einnig farið með þá á næstu
dögum, að sögn Ómars. Þetta eru
þeir Páll Magnússon útvarpsstjóri,
Sigurjón M. Egilsson ritstjóri
Blaðsins og Sigmundur Ernir Rún-
arsson fréttastjóri NFS.
Að sögn Ómars hafa allt að 50
manns farið með honum í ferðir um
Kárahnjúkasvæðið í sumar en hann
hefur eins og kunnugt er staðið fyr-
ir skipulögðum ferðum með almenn-
ing í viðleitni sinni til að kynna
svæðið, hvort heldur er á flugvél
eða jeppa. Einnig hefur hann farið í
gönguferðir með fólk um svæðið.
„Öllum þykir mikið til koma, því
fólk fær á skömmum tíma gott tæki-
færi til að sjá hvað um er að ræða,“
segir hann. Ómar líkir sér við bíó-
stjóra með því að sýna svæðið og
segir hann suma gesti sína hafa orð-
ið svo djúpt snortna að þeir gátu
ekki haldið aftur af tárunum.
Fólk verður hissa á
því sem það sér
Ómar segist líka hafa verið á
svæðinu í fyrra en þá hafi enginn
haft áhuga á að fljúga með honum
yfir svæðið. „En nú vilja allir fljúga
– þetta er mjög sérkennilegt. Fólk
sagðist í fyrra ekki vilja eyða pen-
ingum í að skoða grjót og urð. En
nú er þetta allt öðruvísi og fólk sér
allt annað en það átti von á. Það
hefur t.d. ekki sést mynd af hinum
stóra og langa upphleypta vegi,
varnargarðinum svokallaða, í nein-
um fjölmiðli nema þegar ég sýndi
hann í Sjónvarpinu í fyrra. Fólk
verður óskaplega hissa að sjá þetta
mikla mannvirki og fræðast um
hvaða hlutverki hann eigi að
gegna.“
Ómar notar tvær flugvélar fyrir
útsýnisflugið auk jeppa sem hann
hefur á svæðinu.
Sjálfstæðismenn þiggja boð Ómars
Eftir Örlyg Stein Sigurjónsson
og Andra Karl
Morgunblaðið/RAX
Ómar Ragnarsson hefur í sumar,
eins og í fyrrasumar, verið með
flugferðir um Kárahnjúkasvæðið.
„ÚRSKURÐIRNIR þrír eru allir á þá
leið að Fjármálaeftirlitið (FME) hafi
ekki farið að stjórnsýslulögum við
þessar ákvarðanir þegar verið var
að svipta menn atkvæðisrétti á aðal-
fundi Sparisjóðs Hafnarfjarðar. Það
er hlutur sem við höfum haldið
fram, að FME hafi farið offari í
rannsóknum á
valdaskiptunum í
SPH og það er til
dæmis vikið að því
í úrskurðunum að
hlaupið hafi verið
eftir sögusögnum
og kjaftasögum
sem einhverjir sem
betri aðgang hafa
að FME en aðrir
hafi komið á framfæri við þá,“ segir
Sigurður G. Guðjónsson, hæstarétt-
arlögmaður og stofnfjáreigandi í
SPH. „Ég er mjög ánægður með það
að kærunefndin skuli hafa tekið á
þessu máli og snúið þessu við en líka
dapur og vonsvikinn yfir því að lög-
gjafinn hafi að beiðni FME látið hafa
sig út í það að afmá kærunefndina
með nýjum lögum. Þannig að þeir
sem starfa á fjármálamarkaði í dag
geti ekki kært ákvarðanir FME án
þess að þurfa að reka málið fyrir
dómstólum. Sem er mjög sérstakt.
Ég er mjög dapur yfir því að kæru-
leið innan stjórnsýslunnar skuli hafa
verið afnumin með lögum í sumar,
þegar það hafi sýnt sig að hún hafi
verið að standa vörð um að það hafi
verið farið að réttum stjórnsýslu-
reglum á sviði fjármálasviðs rétt
eins og á sviði samkeppniseftirlits.
Menn gætu rétt ímyndað sér það að
áfrýjunarnefnd í samkeppnismálum
yrði einfaldlega tekin burt.“
Ánægður en
vonsvikinn
Sigurður G.
Guðjónsson
ÞEIR létu verkin tala Kristján
Loftsson, eigandi Hvals, og fé-
lagar þegar verið var að undirbúa
Hval 9 fyrir að fara í slipp í gær-
dag. Kristján áætlaði að Hvalur 9
færi upp í slipp stálsmiðjunnar á
föstudag en að sögn hans fór skip-
ið síðast í slipp árið 1989. Skipið
verður yfirfarið og gert klárt til
veiða á hval ef til þess kemur að
stjórnvöld gefi leyfi til hvalveiða.
Kristján segir að góður markaður
sé fyrir hvalkjöt í Noregi og Jap-
an en aðeins vanti að fá að veiða á
nýjan leik. „En við verðum klárir
þegar það verður leyft,“ sagði
Kristján að lokum.
Tilbúnir til
hvalveiða ef
kallið kemur
Ljósmynd/Alfons Finsson
TVÍTUGUR karlmaður játaði
í gær að hafa ráðist á og reynt
að nauðga ungri konu á óupp-
lýstum stíg í Breiðholti í síð-
ustu viku. Hann ógnaði kon-
unni með hnífi og fletti
klæðum hennar að hluta en
hún komst undan eftir að hafa
barist á móti og fengið sig
lausa.
Að sögn lögreglunnar í
Reykjavík var maðurinn hand-
samaður á vinnustað sínum og
mun hann hafa játað við yf-
irheyrslur. Óskað hefur verið
eftir gæsluvarðhaldi yfir
manninum.
Játaði til-
raun til
nauðgunar