Morgunblaðið - 17.08.2006, Blaðsíða 1

Morgunblaðið/JúlíusLoka þurfti Vesturlandsvegi við Kjalarnes eftir að jeppi og jepplingur skullu saman. Lögreglan og Rannsóknarnefnd umferðarslysa rannsaka slysið.
ÞRÍR eru látnir og tveir liggja alvarlega
slasaðir eftir tvö slys í umferðinni í gær.
Fyrra slysið varð kl. 12.40 á Vesturlandsvegi
við Kjalarnes þegar tveir bílar sem komu
hvor á móti öðrum skullu harkalega saman. Á
áttunda tímanum í gærkvöld létust tveir eftir
árekstur sem varð á Garðskagavegi rétt utan
Sandgerðis.
Í árekstrinum sem varð á Kjalarnesi lést
stúlka sem var farþegi í öðrum bílnum, en
ökumaðurinn, liðlega sextugur að aldri, slas-
aðist alvarlega og var fluttur á Landspítalann
í Fossvogi. Að sögn læknis á gjörgæsludeild
var hinn slasaði þar til rannsóknar í gær.
Bíll hans og stúlkunnar var jepplingur og
voru þau á suðurleið við Móa þegar árekstur
varð við jeppa sem var á norðurleið. Í jepp-
anum var ökumaður um sjötugt einn á ferð
og slasaðist hann minna.
Tildrög slyssins eru ókunn en eru til rann-
sóknar hjá lögreglunni í Reykjavík auk þess
sem Rannsóknarnefnd umferðarslysa hefur
málið til skoðunar. Vesturlandsvegi var lokað
meðan lögregla og sjúkralið unnu á vett-
vangi.
Tveir létust á Garðskagavegi
Lögreglunni í Keflavík barst tilkynning
skömmu eftir klukkan sjö í gærkvöldi um al-
varlegt umferðarslys á Garðskagavegi
skammt utan við Sandgerði. Að sögn lögregl-
unnar í Keflavík skullu fólksbíll og sendi-
ferðabíll saman og lést ökumaður sendiferða-
bílsins, maður á fertugsaldri, á staðnum en
tuttugu og tveggja ára farþegi hans og átján
ára ökumaður fólksbílsins voru fluttir alvar-
lega slasaðir á Landspítala – háskólasjúkra-
hús í Reykjavík og lést farþeginn skömmu
eftir komuna á slysadeild, að sögn læknis.
Átján ára ökumaðurinn var fluttur á gjör-
gæsludeild en er ekki í lífshættu. Ekki er vit-
að að svo stöddu hvað olli slysinu en lög-
reglan í Keflavík vinnur að rannsókn málsins.
Ekki er hægt að birta nöfn hinna látnu að
svo stöddu.Lögreglu- og sjúkraflutningamenn að störfum á slysstað á Garðskagavegi.
Þrír létust og tveir slösuðust
alvarlega í umferðinni í gær
Sextán manns látnir eftir umferðarslys á árinu
Eftir Sigurð Pálma Sigurbjörnsson
og Örlyg Stein Sigurjónsson
Morgunblaðið/Júlíus
Klár í
skólann!
Opiðtil21
Hizbollah eða
eðlilegt líf
Viðtal Kristjáns Jónssonar
við Fouad Ajami | Miðopna
Viðskipti og Íþróttir í dag
Viðskipti | Norðurlöndin geta lært hvert af öðru
Örari
hjartsláttur hagkerfanna Íþróttir | Langþráður draumur Hattar
frá Egilsstöðum rætist
Endurtaka Tiger og Garcia leikinn?
FRAKKAR eru reiðubúnir til þess
að fara fyrir friðargæsluliði Samein-
uðu þjóðanna í Líbanon fram í febr-
úar á næsta ári. Skilyrðið er að
gæsluliðið fái skýrt umboð og vald til
að sinna starfi sínu, að sögn varn-
armálaráðherra Frakklands, Mic-
hele Alliot-Marie. Enn eru innbyrðis
deilur í Líbanonsstjórn um vopna-
hléið og skilyrði þess og Kofi Annan,
framkvæmdastjóri SÞ, varaði í gær
við því að hléið væri „afar brothætt“.
Fulltrúar nokkurra ríkja sem
hyggjast senda hermenn til friðar-
gæslunnar í Líbanon munu koma
saman til fundar í New York í dag.
Æðsti embættismaður stjórnvalda
í Suður-Líbanon hefur gefið í skyn
að Hizbollah-liðar muni ekki láta
vopnin af hendi heldur fela þau og
hverfa inn í mannmergðina.
Forsætisráðherra Líbanons, Fuad
Siniora, sagði hins vegar í gær að
þegar líbanski herinn tæki við í suð-
urhéruðunum með aðstoð friðar-
gæsluliðsins yrði bundinn endi á
„smáríkjaveldið“ á svæðinu. Líb-
anonsher yrði eini vopnaði aðilinn
þar. „Takist ekki að hrinda þessu í
framkvæmd mun það geta valdið því
að landið verði vettvangur innan-
landsátaka auk alþjóðlegra stríða,“
sagði Siniora. Virtist hann því boða
að Hizbollah yrði afvopnað.
Vopnahlé sagt brothætt
Eftir Kristján Jónsson
kjon@mbl.is
 Hizbollah | Miðopna
STOFNAÐ 1913 221. TBL. 94. ÁRG. FIMMTUDAGUR 17. ÁGÚST 2006 PRENTSMIÐJA MORGUNBLAÐSINS mbl.is