Morgunblaðið - 17.08.2006, Blaðsíða 33
MORGUNBLAÐIÐ FIMMTUDAGUR 17. ÁGÚST 2006 33
MINNINGAR
✝ Baldur Stefáns-son fæddist á
Búðum í Fáskrúðs-
firði 22. ágúst 1920.
Hann andaðist á
Hjúkrunarheimilinu
Sunnuhlíð 26. júlí sl.
Baldur var sonur
hjónanna Stefáns P.
Jakobssonar, kaup-
manns og útgerðar-
manns á Fáskrúðs-
firði, f. 8.maí 1880,
d. 1. júlí 1940, og
Þorgerðar Sigurð-
ardóttur, húsfreyju
og síðar hótelstýru á Hjalteyri, f.
18. júlí 1893,
d. 23. október 1982. Systkini
Baldurs eru: Ásta, f. 1916, d. 2002,
maki Sveinn L. Bjarnason, látinn;
Laufey, f. 1922, maki Karl Sig-
urðsson; Sigurður Bragi, f. 1925,
d. 1999, maki Sigurveig Jónsdótt-
ir; Birgir f. 1928, maki Erla Júl-
íusdóttir, og Halla, f. 1932, d.
2003, maki Páll Þorvaldsson.
Baldur kvæntist 27. júní 1942
eftirlifandi eiginkonu sinni, Mar-
gréti Stefánsdóttur, f. 18. ágúst
1917. Foreldrar Margrétar voru
Stefán Sigurjónsson, bóndi í Hall-
fríðarstaðarkoti í Hörgárdal, f.
26. apríl 1892, d. 21. mars 1971, og
kona hans Ella Sigurðardóttir frá
Hjalteyri, f. 1. júní 1898, d. 13. júlí
1937. Börn Baldurs og Margrétar
eru: 1) Stefán leikstjóri, f. 18. júní
1944, kvæntur Þórunni Sigurðar-
dóttur, f. 29. september 1944.
Börn þeirra eru: a) Baldur, f. 2.
apríl 1971, kvæntur Þóru Björk
Ólafsdóttur, f. 17. júní 1973. Son-
ur þeirra er Stefán Logi, f. 1999,
og sonur hennar úr fyrri sambúð
er Fáfnir, f. 1995; b) Unnur Ösp, f.
6. apríl 1976, sambýlismaður
Björn Thors, f. 1978. 2) Þorgeir
verslunarstjóri , f.
17. júlí 1952, kvænt-
ur Regínu G. Arn-
grímsdóttur, f. 11.
apríl 1955. Börn
þeirra eru: a) Guð-
munda, f. 19. júlí
1972, gift Kristni
Brynjólfssyni, f.
1959. Börn þeirra
eru Kristófer Andri,
f. 1993, og Sara, f.
1997; b) Margrét, f.
9. ágúst 1975, sam-
býlismaður Gísli
Dan Gíslason, f.
1980, börn hennar eru Leonharð
Þorgeir, f. 1986, og Natan Elí, f.
2003; c) Ólafur Jakob, f. 12. maí
1983, í sambúð með Söndru Ell-
ertsdóttur, f. 1986. 3) Vignir versl-
unarmaður, f. 26. september 1956,
kvæntur Þóreyju Birnu Ásgeirs-
dóttur, f. 30. apríl 1958. Börn
þeirra eru: a) Björg Ragnheiður,
f. 11. mars 1980, í sambúð með
Ágústi Steinarssyni, f. 1980, b)
Arna, f. 12. mars 1984, í sambúð
með Sveini Baldvinssyni, f. 1982,
c) Katrín, f. 2. júlí 1990, og d) Mar-
grét, f. 12. október 1993.
Baldur ólst upp á Fáskrúðsfirði
til 18 ára aldurs en flutti þá með
foreldrum sínum til Hjalteyrar við
Eyjafjörð. Hann var starfsmaður í
Síldarverksmiðjunni á Hjalteyri í
tæpan áratug til 1947 en fluttist
þá til Reykjavíkur. Árið 1950
fluttu þau hjónin í Kópavog þar
sem þau bjuggu eftir það. Baldur
starfaði allan sinn starfsaldur
syðra hjá Áfengisverslun ríkisins,
síðar Áfengis- og tóbaksverslun
ríkisins, fyrst sem bifreiðastjóri,
en sem yfirverkstjóri frá 1966.
Útför Baldurs verður gerð frá
Kópavogskirkju í dag og hefst at-
höfnin klukkan 13.
Takk pabbi. Takk fyrir páfa-
gaukana, kisurnar, hjólin, fótbolt-
ana, bíltúrana, ferðalögin, skelli-
nöðruna, bílana og konuna mína
(þú sagðir henni hvar hún gæti
fundið mig, annars hefði hún ef-
laust aldrei haft upp á mér). Kær-
ar þakkir fyrir að hafa átt mömmu
sem eiginkonu. Ómetanlegar þakk-
ir fyrir allt sem þú gerðir fyrir mig
á lífsleiðinni. Þú varst einstakur.
Elsku mamma, megi góður guð
styrkja þig og vernda um ókomna
tíð.
Þorgeir.
Mig langar að minnast Baldurs
tengdaföður míns og þakka honum
með nokkrum orðum. Fyrstu kynni
mín af Baldri voru árið 1973, með
símtali sem ég átti við hann, og er-
indið var að fá upplýsingar hjá
honum um hvar ég gæti haft upp á
Þorgeiri syni hans. Ég man að það
var ljúfur maður sem talaði við
mig í símann og leysti hann greið-
lega úr erindi mínu þá sem ætíð
síðan. Sonurinn fannst og stuttu
síðar var ég flutt í kjallarann hjá
Baldri og Margréti í Hófgerðinu
ásamt dóttur minni Guðmundu, þá
eins árs gamalli, en þar bjuggum
við hjónin fyrstu tvö sambýlisárin.
Sá tími var ógleymanlegur fyrir
það helst hversu vel var tekið á
móti okkur og gaman er að minn-
ast þess þegar sú litla skreið upp
stigann til ömmu og afa og oftar
en ekki bættist við máltíðirnar hjá
henni. Sú viðbót var þannig að hún
settist á hné afa síns og tók þar á
móti ólíklegustu fæðu, því Baldur
hafði gaman af að borða og þá
stundum ekki alveg algengustu
fæðu þess tíma og vitnar þar best
um þegar sú litla hámaði í sig bæði
skerpukjöt og kálfasvið af bestu
lyst. Þá var nú ekki síður eftirsótt
að fara með honum í kompuna
góðu í kjallaranum, en þar var
gnægð allskyns góðgætis.
Bræðraborg á Hjalteyri var að-
alsælustaður Baldurs og Mar-
grétar á sumrin, á meðan heilsan
leyfði. Ég og mín fjölskylda feng-
um að njóta þess, bæði ein og sér,
ásamt því að dvelja með þeim
hjónum þar og þaðan á ég mínar
kærustu minningar. Hvert sinn
sem mér líður illa þá þarf ég ekki
annað en að loka augunum og láta
hugann reika til Hjalteyrar og
fjallanna þar í kring til að létta
mína lund.
Sú venja skapaðist strax fyrstu
jól okkar hjóna að borða á að-
fangadagskvöld hjá Baldri og Mar-
gréti og hélst sá siður einnig eftir
að við fluttum til Vestmannaeyja,
en þá var siglt með Herjólfi að
morgni aðfangadags til að komast í
hlýjuna í Hófgerðinu, annars voru
engin jól í okkar huga.
Ég þakka þér fyrir allt sem þú
gerðir fyrir mig og mína. Elsku
Margrét, megi góður guð gefa þér
styrk og vera með þér á þessari
stundu.
Regína.
Látinn er eftir langvarandi veik-
indi Baldur Stefánsson, fyrrum yf-
irverkstjóri hjá Áfengis- og tób-
aksverslun ríkisins.
Baldur var tengdafaðir minn og
ég kynntist honum lítillega áður en
ég kom inn í fjölskylduna. Ég var
send sem blaðamaður upp í ÁTVR
að skoða hjá honum einhverja nýja
tegund af brennivíni sem var verið
að gera tilraun með að brugga. Ég
minnist þess hvað hann var áhuga-
samur og skemmtilegur, ræðinn og
fróður.
Baldur var mikill gæfumaður,
þótt síðustu áratugina ætti hann
við afar erfið veikindi að stríða.
Raunar var hann ekki nema um
sextugt þegar hann mátti sætta sig
við ólæknandi sjúkdóm, sem tak-
markaði mjög alla hans möguleika
í lífi og starfi. Þó naut hann sín
býsna vel, ók norður á Hjalteyri á
hverju sumri og fór meira að segja
út á kænu og veiddi í soðið löngu
eftir að hann var orðinn alvarlega
veikur og hreyfingar hans skertar.
Á síðustu árunum var hann á
hjúkrunarheimilinu Sunnuhlíð í
Kópavogi og naut þar góðrar
umönnunar aðeins nokkra metra
frá heimili þeirra Margrétar og
hann gat farið yfir um helgar og
notið sín í faðmi fjölskyldunnar.
Baldur var kominn af miklu
myndarfólki austur á Fáskrúðsfirði
og bar það nokkuð með sér, faðir
hans var kaupmaður og útgerð-
armaður og móðir hans síðar hót-
elstýra á Hjalteyri, hvort tveggja
fólk sem bar með sér framsýni og
dugnað og heimilið var víðfrægt.
Margar heimsóknir okkar Stefáns
þangað austur og einnig á Borg-
arfjörð eystri, þar sem hann átti
einnig stóran frændgarð, sýndu vel
hversu sterk ítök þetta fólk átti í
sinni heimabyggð og hversu vel
það var liðið. Baldur var vinsæll og
hjálplegur maður eins og hann átti
kyn til og vildi öllum vel. Ekki
voru þau Margrét sammála í póli-
tík frekar en ýmsu öðru, en þau
voru þó ætíð samtaka í lífi sínu og
sinntu okkur tengdadætrunum og
barnabörnum af mikilli ástúð og
áhuga.
Mér þótti sérstaklega vænt um
að Baldur náði að heimsækja okk-
ur í sumarhúsið í Svínadal fyrir
nokkrum árum og gaman hefði
verið ef hans heilsa hefði leyft
fleiri slíkar heimsóknir. Það er
vissulega mikil ógæfa að verða að
lúta í lægra haldi fyrir alvarlegum
sjúkdómi sem tekur þriðjung full-
orðinsáranna, eins og raunin var
með Baldur. Gæfan er hins vegar
meiri þegar fjölskyldan nýtur vel-
sældar og hamingju og börn og
barnabörn vaxa úr grasi ömmu og
afa til ánægju og gleði eins og
raunin var með Baldur. Ég hygg
að það hafi vegið þungt á móti erf-
iðleikunum sem hann mátti sætta
sig við.
Ég vil þakka Baldri fyrir hlýhug
og margar góðar stundir á löngum
tíma.
Blessuð sé minning hans.
Þórunn Sigurðardóttir.
Elsku afi minn er farinn. Hann
hafði átt við áralöng og erfið veik-
indi að stríða og því er það viss
blessun að hann hafi nú fengið
friðinn. Ég man alltaf eftir árunum
í Hófgerði hjá afa Baldri og ömmu
Margréti. Þar átti ég ófáar ynd-
islegar stundir. Ég man eftir öllum
jólunum sem við eyddum þar og
öllum leikjunum sem við frænk-
urnar gleymdum okkur í þar –
dúkkuleikjum og búðarleikjum. Við
vorum búnar að kaupa og selja
nánast alla hluti heimilisins. Það
ríkti alltaf hlýja og umhyggjusemi
í kringum afa og ömmu og sam-
band þeirra var einstakt. Ég sá
þau aldrei fella styggðaryrði til
hvort annars og alltaf voru þau
einstaklega samrýmd. Afi var dá-
lítill nautnaseggur, hann sat gjarn-
an eftir mat í ruggustólnum, reykti
vindil og maulaði súkkulaði. Ég
elskaði vindlalyktina í kringum
hann. Löngu eftir að hann var orð-
inn veikur leyfði hann sér ennþá
þá nautn að reykja vindilinn sinn.
Ég man líka eftir sumrunum
okkar saman á Hjalteyri. Þá fórum
við stundum saman út á bát og
renndum fyrir fisk. Sátum, spjöll-
uðum og hlustuðum á þögnina. Svo
þegar fiskur beit á hjá mér þá
leyfði afi mér að sleppa honum þar
sem ég hafði það ekki í mér að
drepa hann en fann ómælda
ánægju í því að leyfa honum að
lifa.
Amma og afi voru ástfangin alla
tíð. Það reyndist ömmu sérlega
erfitt að horfa upp á afa veikjast
og þegar hann var fluttur á hjúkr-
unarheimilið í húsinu á móti íbúð-
inni hennar þá fór hún oft fram á
gang og horfði á hann yfir götuna í
gegnum gluggana. Þessa mynd
geymi ég alltaf í huga mér. Amma
og afi að horfast í augu í gegnum
gluggana og regnið. Þetta er eitt-
hvað það rómantískasta sem ég hef
heyrt um. Ástin er yfirsterkari öllu
og ég vona að ég muni njóta þeirra
gæfu að elska og verða elskuð eins
og amma og afi elskuðu hvort ann-
að.
Elsku amma mín, við erum öll
hérna hjá þér og ég hlakka alltaf
til að koma til þín og spjalla við
svona klára og yndislega mann-
eskju eins og þig.
Ef þú ferð á undan mér yfir í sælli veröld
taktu þá á móti mér með þín sálarkeröld.
En ef ég fer á undan þér yfir í sælu straff-
ið
mun ég taka á móti þér. Manga gefur
kaffið.
(Þórbergur Þórðarson)
Unnur Ösp.
Elsku afi okkar.
Nú ertu farinn frá okkur, það er
svo sárt að hugsa til þess en við
vitum að nú líður þér betur og ert
kominn á betri stað þar sem við
munum hittast aftur.
Minningarnar eru margar og
dýrmætar, sérstaklega allar stund-
irnar okkar á Hjalteyri með þér og
ömmu. Einnig er okkur minnis-
stætt þegar amma eldaði handa
okkur uppáhaldsmatinn okkar,
kjötsúpu og fiskibollur, þá ljómaðir
þú alltaf afi.
Við munum líka eftir fallega
brosinu þínu, sem mætti okkur í
hvert sinn sem við komum til þín í
Sunnuhlíð. Þú varst alltaf svo
ánægður að sjá okkur afi, og alltaf
svo sterkur þótt þú værir veikur.
Það er okkur ómetanlegt að hafa
fengið að hafa þig hjá okkur svona
lengi, elsku afi okkar.
Við eigum ótalmargar góðar
minningar um þig afi, sem við
munum alltaf geyma í hjörtum
okkar, takk fyrir allt.
Þínar stelpur,
Björg, Arna, Katrín og Mar-
grét.
BALDUR
STEFÁNSSON
Ástkær eiginmaður minn, faðir, tengdafaðir og
afi,
JÓN ÓSKARSSON,
Laufskálum 6,
Hellu,
lést á Sjúkrahúsi Suðurlands, Selfossi, laugar-
daginn 12. ágúst.
Útförin fer fram frá Oddakirkju á Rangárvöllum
föstudaginn 18. ágúst kl. 14.00.
Áslaug Jónasdóttir,
Óskar Jónsson, Dóra Sjöfn Stefánsdóttir,
Ágústa J. Jónsdóttir, Hreiðar Hermannsson,
Anna Jónsdóttir, Bjarni Diðrik Sigurðsson
og barnabörn.
Okkar kæri
BÓAS GUÐMUNDUR SIGURÐSSON,
Bleiksárhíð 10,
Eskifirði,
andaðist miðvikudaginn 9. ágúst.
Útförin fer fram frá Eskifjarðarkirkju laugardaginn
19. ágúst kl. 13.00.
Þeim sem vilja minnast hans er bent á Svæðis-
skrifstofu Austurlands, Landsbanki 175-15-370117.
Edda Kristinsdóttir,
Bóas K. Bóasson, Sigrún Gunnlaugsdóttir,
G. Karl Bóasson, Árdís G. Aðalsteinsdóttir,
Kristján Þ. Bóasson, Sigríður H. Aðalsteinsdóttir,
Dilja Rannveig Bóasdóttir,
barnabörn og langafabarn.
Ástkær eiginmaður minn, faðir okkar, tengdafaðir
og afi,
LOGI SIGURÐSSON,
Sólbrekku 2,
Húsavík,
andaðist á Heilbrigðisstofnun Þingeyinga þriðju-
daginn 15. ágúst síðastliðinn.
Jarðarförin verður tilkynnt síðar.
Guðrún Sigurðardóttir,
Jón Aðalgeir Logason,
Jóhanna Sigríður Logadóttir, Guðmundur Vilhjálmsson,
Eygló Logadóttir, Eggert Hákonarson,
Birgir Hólm Logason, Steinunn Sif Skúladóttir
og barnabörn.
Elskuleg móðir okkar, tengdamóðir, amma, lang-
amma og langalangamma,
GUÐLAUG JÓHANNSDÓTTIR,
Fróðengi 20,
sem lést á hjúkrunarheimilinu Grund mánudaginn
7. ágúst, verður jarðsungin frá Grafarvogskirkju
föstudaginn 18. ágúst kl. 15.00.
Jóhann Stefánsson, Edda J. Hámundardóttir,
Ebba Stefánsdóttir, Aðalsteinn Hallsson,
Róshildur Stefánsdóttir, Birkir Þór Gunnarsson,
Sigríður Stefánsdóttir, Sveinn Þórir Jónsson,
Gautur Stefánsson, Guðbjörg Vilmundardóttir,
barnabörn, barnabarnabörn
og langalangömmubarn.