Morgunblaðið - 17.08.2006, Blaðsíða 20

20 FIMMTUDAGUR 17. ÁGÚST 2006 MORGUNBLAÐIÐ
MINNSTAÐUR
HÖFUÐBORGARSVÆÐIÐ
AKUREYRI
„VIÐ erum mjög óhress og finnst
með ólíkindum að við skulum ekki
virt svars,“ segir Kristján Þór Júl-
íusson, bæjarstjóri á Akureyri, í
samtali við Morgunblaðið, í fram-
haldi bókunar sem samþykkt var í
bæjarstjórn á þriðjudag en þar var
undrun lýst á niðurstöðu nýlegrar
skýrslu dómsmálaráðuneytisins um
tillögur að framtíðarskipulagi þyrlu-
björgunarþjónustu hér á landi.
Niðurstaða skýrsluhöfunda er sú
að þjónustan verði í umsjá Land-
helgisgæslunnar og allar björgunar-
þyrlurnar skuli staðsettar í Reykja-
vík.
Kristján segir að í mars síðastliðn-
um hafi bæjarstjórn Akureyrar ósk-
að eftir viðræðum við ríkisvaldið um
uppbyggingu björgunarstarfs þjóð-
arinnar, „en við heyrðum svo ekkert
fyrr en þessi makalausa skýrsla kom
út,“ segir bæjarstjórinn. „Við erum
að ítreka fyrri bókun okkar, frá því í
mars; ítreka þær áherslur sem við
lögðum fram þá. Það er furðulegt að
þær skuli ekki einu sinni fást rædd-
ar.“
Öryggi
Í bókuninni, sem samþykkt var
samhljóða í bæjarstjórn á þriðjudag
segir meðal annars:
„Bæjarstjórn leggur áherslu á að
vandað sé til undirbúnings á yfirtöku
Íslendinga á þessu mikilvæga verk-
efni. Taka þarf tillit til öryggis allra
landsmanna og sjófarenda á svæðinu
kringum landið sem er skilgreint
sem starfssvæði þyrlubjörgunar-
sveitarinnar. Nauðsynlegt er að
skipulag björgunarmála sé þannig
að björgunar- og viðbragðstími sé
sem stystur. Jafnframt er áríðandi
að hafa í huga að siglingar flutninga-
skipa um norðurskautssvæðið eru að
aukast og krefjast frekari viðbúnað-
ar á þessu viðkvæma svæði. Með vís-
an til ofangreindra raka telur bæj-
arstjórn bæði nauðsynlegt og
skynsamlegt að a.m.k. ein björgun-
arþyrla verði staðsett á Akureyri.“
Bæjarstjórinn á Akureyri segir
öryggi höfuðatriði að mati bæjaryf-
irvalda. Miklu skipti að viðbragðs-
tími sé sem skemmstur og það hljóti
að liggja í augum uppi að betra sé að
vélarnar séu ekki allar á sama stað.
Engar röksemdir
„Sjómenn eru allt í kringum landið
og ferðamenn á öllu landinu, svo
dæmi séu tekin, en þessi þáttur er
einfaldlega afgreiddur í örfáum lín-
um í skýrslunni og það er með al-
gjörum endemum. Það eru engar
röksemdir fyrir þessu; málið bara af-
greitt með mjög einföldum hætti af
rútíneruðum embættismönnum í
stjórnarráðinu sem vilja láta stofn-
anir sínar vaxa.“
Kristján Þór segir skýrsluna ef-
laust mjög vel unna varðandi tækni-
lega hluti eins og þyrlutegundir og
annað slíkt, en bæjarstjórn Akureyr-
ar hafi ekki óskað eftir því að ræða
slíka hluti.
„Við horfum líka til þess að hér á
Akureyri er miðstöð sjúkraflugs í
landinu, og hér er öflugt sjúkrahús. Í
skýrslunni segir að meginhluti
björgunarstarfs þyrlusveitarinnar
felist í því að koma slösuðu fólki í
sjúkrahús í Reykjavík og að veður-
aðstæður séu hagstæðar fyrir sveit-
ina í Reykjavík – og mér finnst með
ólíkindum að staðarvalið skuli af-
greitt með þeim hætti,“ sagði Krist-
ján Þór Júlíusson.
Bæjarstjórn undrandi á skýrslu dómsmálaráðherra um þyrlubjörgunarþjónustu
„Með ólíkindum að við
skulum ekki virt svars“
Morgunblaðið/Skapti Hallgrímsson
Allir vilja þyrlu Fyrir kosningarnar í vor lögðu öll framboðin á Akureyri á það áherslu að unnið yrði að því að ein
þyrla yrði á Akureyri – hér eru oddvitar þriggja flokka í sjónvarpsþætti kvöldið fyrir kjördag; Jóhannes Bjarna-
son, Framsóknarflokki, Kristján Þór Júlíusson, Sjálfstæðisflokki, og Oddur Helgi Halldórsson, Lista fólksins.
Öryggisverðir á FSA | Örygg-
isverðir hafa verið á slysadeild
Fjórðungssjúkrahússins á Ak-
ureyri aðfaranótt laugardags og
sunnudags í sumar, og hefur það
gefið góða raun, að því er fram
kemur á heimasíðu FSA.
Ákvörðun um þetta var tekin í
lok júní þegar upp kom atvik er
ógnaði öryggi starfsfólks og sjúk-
linga, og fyrirkomulagið verður
hið sama það sem eftir lifir sum-
ars. „Hefur þetta fyrirkomulag
reynst vel og kom það sér-
staklega í ljós um liðna versl-
unarmannahelgi er tveir örygg-
isverðir voru að störfum
samtímis,“ segir á heimasíðu
FSA.
  
Ljós og myrkur | Í árhundruð
breyttust ljósfæri Íslendinga ekk-
ert. Lýsið var ekki aðeins holl-
ustudrykkur heldur ljósgjafi og
tólg ekki aðeins fita.
Af hverju lifðu Íslendingar í
myrkri stóran hluta ársins? Í
tengslum við endurútgáfu Ís-
lenskra þjóðhátta eftir sr. Jónas
Jónasson frá Hrafnagili stendur
Minjasafnið á Akureyri fyrir
kvöldvökum um íslenska þjóð-
hætti í Gamla bænum í Laufási.
og í kvöld flytur Haraldur Þór
Egilsson, sagnfræðingur, erindi
um ljósfæri í íslenska bænda-
samfélaginu. Fyrirlesturinn hefst
kl. 20.30.
  
Djass í Deiglunni | Kvartett
Andrésar Þórs, Nýr dagur, leikur
í Deiglunni í kvöld. Tónleikarnir
hefjast kl. 21.30. Andrés Þór
Gunnlaugsson leikur á gítar, Sig-
urður Flosason á saxófón, Þor-
grímur Jónsson á kontrabassa og
Scott McLemore á trommur. Að-
gangseyrir kr. 1000.
Eftir Berg Ebba Benediktsson
bergur@mbl.is
AUGLÝSA þarf deiliskipulag að
svokölluðum Ellingsenreit í Vest-
urbæ Reykjavík að nýju, en úr-
skurðarnefnd skipulags- og bygg-
ingarmála hefur fellt skipulagið úr
gildi. Óvíst er með framtíð Alliance-
hússins sem stendur á reitnum á
meðan ekkert deiliskipulag er í
gildi. Vinna við auglýsingu og gerð
nýs skipulags liggur nú fyrir hjá
Reykjavíkurborg.
„Í úrskurðinum eru gefnar þær
ábendingar að reiturinn sé of lítill.
Við þurfum því augljóslega að
stækka reitinn og þeir mæla með að
það verði gert alveg út að Æg-
isgötu. Það verður unnið nýtt deili-
skipulag sem nær þá yfir stærra
svæði. Þetta mun væntanlega taka
nokkra mánuði enda þarf að fara í
auglýsingaferli og fleira,“ segir Sal-
vör Jónsdóttir, sviðsstjóri hjá skipu-
lags- og byggingarsviði borg-
arinnar.
„Þessi sjónarmið úrskurðarnefnd-
arinnar um jafnræði í nýtingarhlut-
falli eru einnig athyglisverð, nýting-
arhlutfallið fer eftir því hvað lóðin
er stór, í tilfelli Mýrargötu 26 er
hún mjög lítil og í raun ekkert
stærri en húsið sjálft, og því verður
nýtingarhlutfallið augljóslega hátt,“
bætir hún við.
Salvör tekur undir að óvissa ríki
um framtíð Alliance-hússins núna
eftir að skipulagið hefur verið fellt
úr gildi. „Þar sem ekki er í gildi
skipulag á svæðinu erum við að ein-
hverju leyti með autt blað. Reykja-
víkurborg hafði gert ráð fyrir að
húsið mætti hverfa og að þarna yrði
uppbygging. Teórískt séð má því vel
vera að halda megi í Alliance-húsið,“
segir Salvör og bætir við að húsa-
friðun sé hinsvegar á könnu ríkisins.
„Ef menntamálaráðherra friðar
hús eftir tillögu húsafriðunarnefnd-
ar höfum við ekki leyfi til að hrófla
við því,“ segir Salvör og útskýrir að
borgaryfirvöld gætu t.d. ekki upp á
sitt eindæmi fyrirskipað niðurrif á
Stjórnarráðinu eða öðrum friðuðum
húsum.
Skipulaginu ekki flýtt
En skyldu borgaryfirvöld þurfa
að taka afstöðu til þess að hrað-
frystihúsið sem stóð á lóð Mýr-
argötu 26 hafi þegar verið rifið sam-
kvæmt skipulaginu sem nú er fallið
úr gildi.
„Eigandinn var búinn að fá bygg-
ingarleyfi og húsið var rifið í takt
við deiliskipulagið sem gilti þá,“ út-
skýrir Salvör. „Eigandinn var tilbú-
inn með verktaka og teikningar og
allt, en nú lendir hann í því að geta
ekki hreyft neitt fyrr en nýtt bygg-
ingarleyfi hefur verið gefið út,“ seg-
ir hún og telur ekki ólíklegt að eig-
andi muni krefjast skaðabóta.
En kemur þá til greina að flýta
samþykkt nýs skipulags? „Nei, það
getum við ekki gert því ferlið er
bundið í lög. Almenningur getur
gert athugasemdir og svo þarf að fá
álit Skipulagsstofnunar og fleira og
þetta tekur í heildina 14 vikur,“
Spurður um hugsanlega friðun á
Alliance-húsinu telur Þorsteinn
Gunnarsson, formaður húsafrið-
unarnefndar, málið ekki enn vera á
því stigi að rætt sé um friðun húss-
ins.
Athyglisverðar hugmyndir
um nýtingu
„Fyrir síðasta fund fór nefndin í
vettvangsferð og skoðaði húsið hátt
og lágt og staðfesti að ástand þess
væri afar gott. Ýmislegt innandyra
er ennþá með upphaflegum um-
merkjum og lítið er búið að raska
hlutum,“ segir Þorsteinn og bætir
við að leigutaki sé að húsinu sem
hafi athyglisverðar hugmyndir um
notkun þess.
„Í framhaldi af þessari vettvangs-
skoðun fengum við inn á fund hjá
okkur kynningu á rammaskipulag-
inu og komumst á þá skoðun að
hægt væri að varðveita húsið sam-
kvæmt því skipulagi. Næsta skref
hjá okkur er að ræða við borg-
arstjóra og þar munum við leggja
áherslu á að við teljum húsið hafa
mikið varðveislugildi. Ef nefndin
tekur svo ákvörðun um friðun húss-
ins sendir hún tillögu um það til
menntamálaráðherra,“ segir Þor-
steinn en útskýrir að mikilvægt sé
að vera í samráði við borgarstjóra
um málið vegna afstöðu borgarinnar
gagnvart hugsanlegum skaðabóta-
kröfum.
Vinna þarf nýtt deiliskipulag fyrir reitinn
Morgunblaðið/Brynjar Gauti
Nýtt byggingarleyfi Ellingsenreiturinn með lóð Mýrargötu 26 í forgrunni. Þar hefur nú verið tekinn grunnur að nýju íbúðarhúsi en áður stóð þar hrað-
frystihús. Handan grunnsins sést í eystri gafl Alliance-hússins. Eigandi lóðarinnar Mýrargötu 26 þarf nýtt byggingarleyfi til að geta haldið áfram.