Morgunblaðið - 17.08.2006, Side 10
Eftir Gunnar Pál Baldvinsson
gunnarpall@mbl.is
ÁSGEIR Karlsson, yfirmaður fíkni-
efnadeildar lögreglunnar í Reykjavík,
segir það sína persónulegu skoðun að
lenging afgreiðslutíma skemmtistaða
í miðbæ Reykjavíkur kalli á aukna
notkun fólks á örvandi efnum. Í sam-
tali við Morgunblaðið í gær sagði Ás-
geir að fólk sem einungis notaði
áfengi væri ekki líklegt til að geta
haldið sér vakandi lengi og margir
fengju sér því örvandi efni til að geta
haldið sér lengur á fótum. „Mín skoð-
un er að þessi langi afgreiðslutími sé
ekki af hinu góða. Bæði er fólk orðið
þreytt og erfitt í skapi eftir mikla
áfengis- og vímuefnaneyslu en síðan
Telur misráðið að
hafa lengur opið
getur verið að þetta fólk blandist sam-
an við venjulegt fólk sem fer á stjá
snemma á morgnana, með slæmum
afleiðingum.“
Neysla örvandi efna færst í vöxt
Upphaflega var markmiðið með
hinum lengda afgreiðslutíma að
dreifa álaginu, sem skapast þegar
fólk kemur út af skemmtistöðunum,
yfir lengra tímabil. Ásgeir segist ekki
viss um að það hafi tekist. „Mér þykir
líklegt að neysla örvandi efna hafi
færst í vöxt við lengingu afgreiðslu-
tíma skemmtistaða og eins færist of-
beldi í vöxt eftir því sem fólk er búið
að vera lengur að og missir ráð og
rænu.“ Bendir hann á að svo virðist
sem ofbeldi fari vaxandi og að fréttir
berist frá sjúkrahúsum um meira álag
en áður.
Í Morgunblaðinu í gær var haft eft-
ir Sigfúsi Helgasyni, formanni
íþróttafélagsins Þórs, að nokkuð hefði
verið um fólk undir áhrifum fíkniefna,
jafnvel með hnífa á sér. Sagðist Sigfús
hafa sagt starfsmönnum sínum að
forðast að eiga samskipti við eða hafa
afskipti af slíkum einstaklingum. Ás-
geir segir að fólk sem lifi í fíkniefna-
heiminum gangi oft með hnífa eða
einhvers konar vopn og þá einkum til
sjálfsvarnar og meira hafi borið á
slíku í seinni tíð. Hjá sumum sé það
hluti af skemmtanamynstrinu að nota
fíkniefni og það gerist ætíð þegar
mikið af fólki komi saman að meira
komi upp af fíkniefnamálum.
Ásgeir Karlsson um lengdan afgreiðslutíma skemmtistaða
GEIR Jón Þórisson yfirlögreglu-
þjónn boðar aukið eftirlit af hálfu
lögreglu á Menningarnótt í ár frá
því sem verið hefur. Lögreglumenn
á vakt um kvöldið verða nú 70 en
voru um 50 í fyrra. Því til viðbótar
munu 20 björgunarsveitarmenn
tryggja starfsvettvang lögreglu ef
þurfa þykir.
Að sögn Geirs eru dæmi þess að
stórir hópar ungs fólks safnist
saman í miðborginni á Menning-
arnótt eftir að dagskrá lýkur, enda
síðasta fríhelgi hjá skólafólki. Í
fyrra var hópamyndun ungs fólks í
miðborginni áberandi að skipu-
lagðri dagskrá lokinni, m.a. vegna
þess að rigna tók eftir að flug-
eldasýningu lauk. Lögregla átti
erfitt um vik með að tvístra hópum
og koma í veg fyrir átök innan
þeirra og mikil slagsmál brutust út
í Hafnarstræti sem enduðu með
hnífstungu. „Það er ljóst að þessi
mikla hópamyndun sem átti sér
stað á Lækjartorgi varð okkur of-
viða á tímabili og nú ætlum við að
grípa inn í fyrr, vera komnir fyrr á
torgið til að taka á móti fólki sem
þar safnast saman,“ segir Geir
Jón. Hann segir að lítil þúfa hafi
velt þungu hlassi og óuppgerðar
sakir nokkurra einstaklinga verið
uppspretta fjöldaslagsmála.
„Stærsti hluti hópsins vissi ekkert
út á hvað deilurnar gengu en tók
þátt í þessari sefjun og sparkaði í
liggjandi mann að ástæðulausu,“
segir Geir.
Unglingadrykkja upprætt
Geir segir að í ár, líkt og und-
anfarin ár, verði mikil áhersla lögð
á að uppræta unglingadrykkju.
Gönguhópar fulltrúa lögreglu og
starfsmanna Reykjavíkurborgar
mun ganga í bænum og senda börn
sem fara á skjön við útivistarregl-
ur í Foreldrahúsið. Þar verður opið
frá miðnætti og tekið á móti börn-
um yngri en 16 ára sem eru á ferli
eftir lögboðinn útivistartíma auk
þess sem börn undir 18 ára aldri
sem eru undir áhrifum áfengis eða
annarra vímugjafa verða flutt í
Foreldrahúsið. Börnin verða í hús-
inu í umsjá fagfólks þar til for-
eldrar þeirra sækja þau.
Geir kveður mikilvægt að for-
eldrar og aðrir uppeldisaðilar átti
sig á því að það sé ekki hlutverk
lögreglu einnar að koma í veg fyrir
að ofurölvi unglingar séu í mið-
bænum til þess að uppræta vand-
ann þurfi samstöðu allra sem koma
að uppeldi barnsins, og þar sé hluti
foreldra stærstur.
Aukinn viðbúnaður verður jafn-
framt á slysadeild LSH í Fossvogi
og skipulagið svipað og tíðkast á
gamlárskvöldi. Reykjavíkurdeild
Rauða krossins verður á rölti í
miðbænum fram yfir flugeldasýn-
ingu, auk þess sem hún stendur
vaktina í athvarfi fyrir týnd börn
við Amtmannsstíg 5, þar sem reynt
verður að leiða saman börn og for-
eldra sem orðið hafa viðskila í mið-
bænum.
Sæbrautin lokuð að mestu
Árni Friðleifsson, varðstjóri hjá
umferðardeild lögreglunnar, segir
að Sæbraut að Kringlumýrarbraut
verði lokuð frá klukkan þrjú að
mestu leyti. „Við getum einfaldlega
ekki tekið þá áhættu að fá mikla
umferð á Sæbrautina að kvöld-
lagi,“ segir Árni en eins og fram
kom í Morgunblaðinu í gær verður
flugeldum skotið upp af sjó svo að
gestir geti séð þá allt frá höfninni í
vestri og austur undir Laugarnes.
Aukinn viðbúnaður
á Menningarnótt
Morgunblaðið/ Jim Smart
Lögregla hvetur foreldra til að axla ábyrgð á Menningarnótt.
Eftir Friðrik Ársælsson
fridrik@mbl.is
10 FIMMTUDAGUR 17. ÁGÚST 2006 MORGUNBLAÐIÐ
FRÉTTIR
Glæsilegur 52 síðna
blaðauki um menntun fylgir
Morgunblaðinu á morgun
stað með greiningu á nýtingarmögu-
leikum Miklatúns og Hljóm-
skálagarðsins,“ segir Gísli Marteinn
Baldursson, formaður ráðsins.
Hann segir að nýr meirihluti sé
samstiga í þessu máli og rætt verði
um það á næstu fundum umhverf-
isráðs. Spurður hvers konar starf-
semi muni verða í garðinum segir
Gísli að hugmyndavinna sé ekki al-
mennilega farin af stað en sjálfsagt
verði litið til fyrirmynda á borð við
Kaffi Flóru í Grasagarðinum. „Á
næstu fundum munum við fá til okk-
ar menn eins og Bolla Kristinsson
með spennandi og stærri hug-
myndir um garðinn, en einnig mun
Marentza Poulsen, sem rekur Kaffi
Flóru í Grasagarðinum, greina okk-
ur frá reynslu sinni af rekstrinum,“
segir Gísli.
Hann segir að ef af verði sé lík-
legast að kaffihúsið verði einungis
starfrækt á sumrin og svæðið þann-
ig látið þjóna tilgangi griðastaðar
fjölskyldufólks á góðviðrisdegi.
Spurður um hugmyndir Hrafns
Gunnlaugssonar og fleiri um flutn-
ing hluta Árbæjarsafns í garðinn,
segir Gísli að eitt sé að flytja safnið
og annað að nota aðflutt gömul hús
sem þjónustumiðstöðvar í garðinum.
„Við viljum að garðurinn verði
áfram garður,“ segir Gísli. „Við úti-
lokum hins vegar alls ekki að nýta
gömul flutningshús sem Árbæj-
arsafn getur ekki tekið á móti undir
starfsemina,“ segir Gísli.
UMHVERFISRÁÐ Reykjavíkur
hefur látið Þórólf Jónsson garð-
yrkjustjóra útbúa minnisblað um
kaffihús í Hljómskálagarðinum. Þar
reifar Þórólfur sjónarmið sín um
uppbyggingu kaffihúss í garðinum,
hugmyndir um staðsetningu og
áhrif uppbyggingarinnar á garðinn.
Í máli hans kemur fram að Hljóm-
skálagarðurinn hafi mikla sérstöðu
sökum staðsetningar sinnar en bjóði
ekki upp á nógu fjölbreytilega starf-
semi fyrir borgarbúa. Hann segir að
þótt hið friðsæla yfirbragð garðsins
sé vissulega eftirsóknarvert, megi
gera ýmislegt til að auka líf í garð-
inum án þess að glata rónni sem ein-
kennir hann. Þetta mætti til að
mynda gera með því að koma upp
sviði fyrir tónleika og uppákomur
auk kaffihúss. Hvað staðsetningu
kaffihússins varðar, nefnir Þórólfur
að standi það við suðausturenda
Tjarnarinnar, við Þorfinnstjörn,
muni það tengja þjónustuna við leik-
svæðið og sé því ákjósanlegur kost-
ur, þótt tæknilegar forsendur vegna
lagnatenginga og jarðvegsaðstæðna
geti sett strik í reikninginn.
Gömlu húsi mögulega fundinn
staður í garðinum
„Við í umhverfisráði viljum nýta
okkar yndislegu grænu svæði betur
og þess vegna höfum við farið af
Morgunblaðið/Kristinn
Kaffihús rísi í
Hljómskálagarði
Eftir Friðrik Ársælsson
fridrik@mbl.is