Morgunblaðið - 17.08.2006, Blaðsíða 32
32 FIMMTUDAGUR 17. ÁGÚST 2006 MORGUNBLAÐIÐ
UMRÆÐAN
BRÉF TIL BLAÐSINS
Morgunblaðið Hádegismóum 2, 110 Reykjavík Bréf til blaðsins | mbl.is
SÍÐASTLIÐINN laugardag birtist
heilsíðuauglýsing í Morgunblaðinu
frá „Samvinnuhópi kristinna trú-
félaga“ undir fyrirsögninni „Frjáls
úr viðjum samkynhneigðar“, þar
sem nokkrir sértrúarsöfnuðir benda
á leiðir til að lækna samkynhneigð.
Samkynhneigð er ekki sjúkdómur,
samkynhneigð er ekki heilaþvottur
eins og sá sem fram fer í söfnuðum
sumra trúfélaga, sem margir hafa
komið stórskaðaðir frá. Í Biblíunni
segir að við séum öll jöfn fyrir guði,
guð gerir ekki upp á milli manna.
Það á engu að skipta hvern þú elsk-
ar og gengur lífsins veg með, það á
ekki að skipta máli hver kynhneigð
eða kynþáttur manneskjunnar er.
Það getur enginn farið með það
dómsvald og sagt að svona líðist
ekki. Við búum í frjálsu landi þar
sem ríkir lýðræði. Menning okkar
hefur breyst, þjóðfélagið er opnara.
Sem betur fer.
Hversu lengi ætla trúfélögin að
halda áfram á þessari braut?
Hversu marga ætla þau að meiða?
Því miður hefur það verið lítið í
umræðunni en margir hafa fallið
fyrir sjálfs sín hendi vegna þess um-
tals og stefnu sem trúfélögin hafa í
garð samkynhneigðra. Ekki alls
fyrir löngu svipti sig lífi náinn
frændi minn sem hafði verið hátt-
settur hjá Hvítasunnuhreyfingunni.
Hann hafði loksins fundið sig, kom-
inn á sextugsaldur. Hann var ham-
ingjusamur og búinn að kynnast
góðum manni. En því miður höndl-
aði hann ekki það mótlæti sem hann
varð fyrir er trúbræður hans sneru
við honum baki, ásamt öðrum mót-
byr sem hann varð fyrir. Hversu
margir þurfa að fara á þennan hátt
vegna ykkar? Ykkur kemur ekki við
við hliðina á hverjum manneskjan
sefur. Umburðarlyndi kostar ekkert
en mannslíf er dýrt.
Það eru miklir fjötrar að þurfa að
fara gegnum lífið ósáttur við sjálfan
sig. Við getum ekki farið eftir meira
en 2000 ára gamalli uppskrift um
það að karlmaður og kona eigi að
vera saman, það væri eins og að
taka það upp að við ættum að
brenna sakamenn á báli.
Mig langar svo að lokun að spyrja
þá, sem stóðu að umræddri auglýs-
ingu, um það sem haft var eftir for-
stöðumanni Hvítasunnukirkjunnar í
Keflavík hvort allir kristnir menn
væru á bak við þessa auglýsingu.
Mér er þá spurn, hverrar trúar
eru þau 50.000 manns sem hafa far-
ið í gleðigönguna undanfarin ár?
Það væri forvitnilegt að fá svar við
því.
JÓSEF SMÁRI
GUNNARSSON,
formaður Betra lífs –
hagsmunafélags.
Allir eru jafnir fyrir guði
Frá Jósef Smára Gunnarssyni:
ENN einu sinni heyrum við af hinum
svokölluðu hinsegin dögum. Og ennþá
sjá fjölmiðlar ástæðu til að gera þessu
efni rækileg skil. Margir teldu gott að
fá aðra eins auglýsingu á sínum mál-
stað og samkynhneigðir fá þarna.
Meira að segja stóð Borgarbókasafnið
fyrir sérstakri dagskrá af þessu tilefni.
Jæja, tilefnið hlýtur að vera ærið. En
mér er spurn: Hvernig fara samtök
samkynhneigðra að því að kosta eins
dýra „skrúðgöngu“ og þessa, niður all-
an Laugaveg, og tilheyrandi auglýs-
ingar? Mér hefur verið sagt að borg-
arsjóður hafi á liðnum árum stutt
fyrirbærið með milljónum króna.
Þarna er að margra mati verið að
greiða vafasama skemmtun og að
margra mati siðleysi fárra með al-
mannafé. Er það siðferðilega verjandi
að greiða fúlgur fjár úr borgarsjóði til
þess sem er eins siðferðilega umdeilt
mál og hvatning til að lifa samkyn-
hneigðu líferni? Mér finnst fréttaflutn-
ingur af hinsegin dögum kominn úr
böndunum. Ég held að þetta sé í átt-
unda sinn sem þeir eru haldnir en svo
virðist á fjölmiðlum að fyrirbærið sé
alveg sérstök nýjung og mjög frétt-
næmt efni. Mér og mörgum öðrum
finnst meira en nóg komið af þessari
áróðurskenndu fréttamennsku. Eru
kannski einhverjir á fréttastofunum
sem vilja ítrekað halda þessu efni að
okkur almenningi?
Mér er sagt að í göngunni leggi
sumir sig fram við að striplast og ögra
með erótískum tilburðum og klæðnaði,
en við hlið þeirra gangi prúðbúnir
stjórnmálamenn og aðrir broddborg-
arar og láti velþóknun sína í ljós með
brosi og hrósyrðum … Var einhver að
tala um nýju fötin keisarans?
FRIÐRIK SCHRAM,
prestur.
Er ekki komið nóg?
Frá Friðriki Schram:
ÞAÐ er margt sem þarf að athuga
þegar orð Biblíunnar eru skoðuð í
nútímaljósi. Nauðsynlegt er að lesa
orð hennar í samhengi, bæði sagn-
fræðilegu og menningarlegu. Þetta
ætti guðfræðimenntaði presturinn
Hjörtur Magni að vita. Vitnar hann í
orð Páls postula um þræla og konur
í fréttum Sjónvarps á sunnudags-
kvöld. Í guðfræðigeiranum er al-
mennt talið að þessi orð Páls séu rit-
uð inn í sérstakar kringumstæður
og ætti því að draga hinn algilda
sannleik úr þeim (sérstakt er versið
í Kólossubréfi 3:22, ættum öll að
taka til okkar). Svo sannarlega hef-
ur þetta verið misnotað og er það
miður. Það er verk guðfræðinga og
guðsmanna að túlka hvað þetta þýð-
ir fyrir samtímann. Niðurstaðan úr
slíkum pælingum er gjarnan kær-
leikur. Við þurfum að sýna hvert
öðru kærleik. Undirmenn sýni yf-
irmönnum kær-
leik og öfugt,
ekki að und-
irmenn (þrælar)
láti allt vaða yfir
sig. Eiginmenn
sýni eiginkonum
og öfugt, ekki að
eiginmenn eigi
konuna og fari
með hana að vild.
Í tilfelli okkar í
dag; Gagnkynhneigðir sýni samkyn-
hneigðum kærleik og öfugt. Kær-
leikurinn sem kristnir menn eiga að
lifa í felst ekki í því að vera alveg
sama um náungann, heldur að þykja
vænt um og gera allt til þess að
hjálpa, styrkja og oft beina inn á
rétta braut.
Samvinnuhópur kristinna trú-
félaga á Íslandi stóð að auglýsingu í
Morgunblaðinu sem ætluð var sam-
kynhneigðum. Þetta var eitt af svör-
um kristinna manna til þessa hóps
fólks. Besta svarið er að sýna kær-
leik. Þeir sem Hjörtur Magni kallar
bókstafstrúarmenn eru flestallir
sannir bókstafstrúarmenn. Það þýð-
ir að þeir vilja ekki fara gegn orðum
Biblíunnar og brjóta. Það þýðir líka
að þeir vilja auðsýna öllum mönnum
kærleika, án allra fordóma. Það ætti
að vera eitthvað til að vera stoltur
af. Þessir bókstafstrúarmenn Hjart-
ar Magna vilja konum allt gott,
flestir giftir einni, og hafa óbeit á
þrældómi.
Það gleður mig að samkyn-
hneigðir skuli vera jafnáhugasamir
um trúmál og raun ber vitni. En trú
er ekki bara trú. Kristnir menn trúa
því að Jesús Kristur sé vegurinn,
sannleikurinn og lífið. Það er trúin á
hann sem að gefur okkur hamingj-
una í þessu lífi og líf eftir dauðann.
Allir geta deilt þeirri trú.
DANÍEL
STEINGRÍMSSON,
guðfræðinemi.
Upp með þrælahald
Frá Daníel Steingrímssyni:
Daníel
Steingrímsson
SAMVINNUHÓPUR kristinna trú-
félaga birti auglýsingu sem bar yf-
irskriftina,, Frjáls úr viðjum sam-
kynhneigðar“ hér í Morgunblaðinu
12. ágúst sl. Í henni boðar hópurinn
,,fagnaðarerindi“ sitt um að menn
geti „frelsast“ frá eigin kynhneigð
með hjálp Jesú Krists.
Í augum samvinnuhóps kristinna
trúfélaga virðist samkynhneigð telj-
ast til samfélagsmeina eins og t.d.
eiturlyfjaneysla, klámvæðing eða
ofsaakstur. Hin þrjú síðarnefndu
teljast til vandamála því þau geta
stofnað lífi manna og heilsu í hættu
og vega að mannlegri reisn á einn
eða annan hátt. Kynhneigð er aftur
á móti ekki vandamál því hún er
einkamál hvers og eins og skaðar
ekki aðra heldur er aftur á móti ein
grunnforsenda hamingjuríks lífs.
Kynhneigð verður fyrst ,,vanda-
mál“ þegar þröngsýnir hópar finna
sig knúna til að vega að virðingu og
mannfrelsi samkynhneigðra.
Mér er til efs að samvinnuhópur
kristinna trúfélaga átti sig á því að
hann er að tala
um ástarsam-
bönd annarra
sem eru mjög
persónulegt at-
riði og eitthvað
það mikilvægasta
í lífi hvers ein-
staklings. Auðvit-
að kemur trúin
alltaf inn í einka-
lífið en virðing fyrir hverjum og
einum er grunnatriði. Hvað fyndist
okkur um auglýsingar um einkalíf
okkar eins og: ,,Hættu að elska
konuna þína því samband ykkar er
ekki þóknanlegt Guði“ eða „Biddu
Jesú um lækningu því það er sjúk-
dómur að elska manninn þinn.“ Við
myndum fyrtast við og krefjast
þess að fá að vera látin í friði.
Eflaust eru til margir samkyn-
hneigðir sem fagna því að ,,frels-
ast“ og ég virði þá ákvörðun líka.
Ég get samt ekki komist hjá óþæg-
indum við tilhugsunina um að enn
geti fólk ekki vandræðalaust – í
sátt við sjálft sig – lifað eins og
Guð skapaði það heldur finni sig
knúið af samfélaginu til að breytast
á einhvern hátt. Erum við ekki öll
dýrmæt eins og við erum? Guð hef-
ur gefið okkur allt. Fagnaðarerindi
Jesú felst ekki í því að reyna
breyta gjöf Guðs til okkar mann-
anna, heldur að finna gjöfina í okk-
ur sjálfum og annast hana hvert og
eitt.
Auglýsing samstarfshóps krist-
inna trúfélaga er ekki viðhorf til
vandamáls, heldur skapar hún
vandamál. Ég get ekki bent á sér-
staka vefslóð þar sem hægt er að fá
aðstoð til að ,,frelsast úr viðjum
haturs á samkynhneigðum“, en vil
mæla með því að fólk lesi Biblíuna
með ,,öllu hjarta sínu, allri sálu
sinni, öllum mætti sínum og öllum
huga sínum“ í stað þess að klippa
út hluta eftir hentugleikum og að-
hyllast bókstafstrú (raunar ,,hluta-
textatrú“). Biblían segir og gefur
okkur allt sem við þurfum að en við
verðum að muna að merkinguna er
ekki bara að finna í textanum.
TOSHIKI TOMA,
prestur innflytjenda.
Athugasemd við auglýsingu frá
Samvinnuhópi kristinna trúfélaga
Frá Toshiki Toma:
Toshiki Toma
GETA tveir karlmenn viðhaldið
mannkyninu eða geta tvær konur
gert það?
Getur verið að þessi spurning sé í
raun grundvallarspurningin um
„rétt“ samkynhneigðra einstaklinga
„gegn“ gagnkynhneigðum ein-
staklingum eða öfugt? Ég segi já.
Þetta er spurningin sem við þurf-
um að kljást við og svara með ein-
földu jái eða neii og komast þá að nið-
urstöðu.
Þetta er í raun grundvallarspurn-
ingin um sjálft mannkynið, réttindi
mannsins, og í raun allt mannlegt
samskiptaferli sem viðvíkur þjóðfé-
lagið, fjölskyldur og skyldur manna
til hvers annars.
Þetta er ekki spurningin um að
vera með eða á móti, heldur hvað er-
um við og afhverju erum við svona
eins og við erum.
Það er afar einfalt og jafnvel ein-
feldningslegt fyrir samkynhneigða
að benda á þá sem gagnrýna hið nei-
kvæða við samkynhneigð að það sé
sprottið af því að einhver sé á móti
viðkomandi einstaklingi, eða að sam-
kynhneigðir eigi sama „rétt“ og
gagnkynhneigðir.
Því einfaldlega er það þannig að
gagnkynhneigðir hafa skapað það
þjóðfélag, það munstur og þau fjöl-
skyldutengsl sem verða að vera til ef
manneskjan á að vera til.
Það að berjast eða að vera á móti
ákveðnum kröfum samkynhneigðara
þýðir ekki að einhver sé á móti ein-
staklingnum sem
þar býr að baki.
Einföldun: Ef
þér finnst blár lit-
ur fallegri en
rauður er ekki
þar með sagt að
þú sért á móti öll-
um þeim sem
finnst rauður fal-
legri, eða er það
svo?
Því miður hefur baráttufólki sam-
kynhneigðra tekist að setja málið
þannig upp. Fyrir vikið hefur fjöldi
fólks sem málið varðar ekki kært sig
um að taka þátt í umræðunni. Það
kýs einfaldlega að taka þátt í að búa
til sín börn, ala þau upp og mæta í
„gay“-göngu af því að sumarið er svo
stutt á Íslandi og það er svo gaman
að sjá hverjir eru þar á ferð. Það felst
í sjálfu sér enginn stuðningur á bak
við það að fólk fylkist í bæinn á við-
burðarsnauðum sumarnóttum á Ís-
landi.
Ekki frekar en þegar Bónus aug-
lýsir ódýra mjólk einn dag á ári. Það
er engin stuðningsyfirlýsing við Jó-
hannes í Bónus þótt fólk mæti ein-
mitt þá hvað flest í Bónus á Íslandi.
Æði oft gleymist það þegar sam-
kynhneigðir halda á börnum sínum
frá fyrri tilhneigingu/hjónabandi, að
segja frá því að þar er líka annað for-
eldri sem hefur ekki sama möguleika
á að tjá tilfinningar sínar. Jafnvel
biturð, hatur eða ást sem aldrei fær
að komast til skila. Aldrei spyrja
menn hvað ef allir væru samkyn-
hneigðir, hvar er þá hið mannlega
samfélag, hvar er velferðin, hvar er
þá kirkjan eða þá hvenær verða
endalokin? Hverjir skapa velferðina?
Eru það einmitt ekki börnin sem
fæðast og koma út í samfélagið á
hverjum tíma? Hvað ef amma þín og
afi hefðu verið samkynhneigð þau
hefðu verið hommi og lesbía hvar
værir þú þá? Getur það verið að
gagnkynhneigðir skapi það sam-
félag, þá velferð, það skólakerfi, það
umhverfi eða bara allt mannlegt sem
aðrir gera tilkall til, og finnst sjálf-
sagt að eiga hlutdeild í?
Af hverju tölum við ekki hreint út
og segjum hlutina eins og þeir eru?
Af hverju segja samkynhneigðir
ekki börnum sínum frá fyrri sambúð,
að börnin þeirra eigi ekki möguleika
á að eignast systur eða bróður? Af-
hverju þurfa hinir að segja þeim það?
Afhverju segja samkynhneigðir
ekki frá því að ef við hættum að geta
einstaklinga sem halda samfélaginu
gangandi að þá deyjum við út án
„réttinda“?
Með öðrum orðum sagt; tölum
saman á því tungumáli sem báðir
skilja. Spyrjum einfaldra spurninga
og svörum á einfaldan mannlegan
hátt.
Hvað er samkynhneigð og hvað
þýðir hún fyrir mannkynið, hvað er
gagnkynhneigð og hvað þýðir hún
fyrir mannkynið?
GUÐMUNDUR R
LÚÐVÍKSSON,
myndlistamaður.
Geta tveir karlmenn saman átt börn?
Frá Guðmundi R Lúðvíkssyni:
Guðmundur R.
Lúðvíksson
MÉR finnst alltaf
hálfhallærislegt
þegar upp kemur
í þjóðfélaginu
mikil umræða um
samkynhneigð.
Það vekur jafnvel
hjá mér ofurlitla
kátínu að nú á
þessari miklu
upplýsingaöld
skuli menn enn
vera að velta sér svona upp úr líferni
annarra. Þegar styrjaldir geisa, of-
beldi er daglegt brauð meðal fólks
(jafnvel gagnkynhneigðra) og margt
fleira eru ákveðnir aðilar sem virðast
halda að helsta ógn sem að okkur
steðji sé fjölgun samkynhneigðra.
Eins og flestum ætti að vera kunn-
ugt um birtist nú á dögunum auglýs-
ing í Morgunblaðinu þar sem boðaðar
voru leiðir til að losna úr viðjum sam-
kynhneigðar. Skömmu síðar heyrði
ég viðtal við einhvern guðfræðing þar
sem hann þuldi upp allskyns tölfræði
til stuðnings því að slík meðferð bæri
árangur. Bandarískar rannsóknir
sýndu svo ekki væri um villst að hægt
væri að ,,lækna“ samkynhneigða.
Næstum 30% árangur hefði náðst.
Hér er mín skýring á því. Nú er ég
karlmaður. Segjum sem svo að allt
mitt líf væri mér kennt að það væri
rangt að vera karlmaður. Það væri
fordæmt af samfélagi mínu og trúar-
brögðum. Svo væri mér boðin með-
ferð eftir að allir væru búnir að vinna
í því allt mitt líf að sannfæra mig um
að eitthvað væri að mér. Líklega
myndi ég fara í meðferðina með opn-
um huga og koma út dillandi mjöðm-
um og slúðrandi um vinkonur mín-
ar …
Sjálfur hef ég ákveðna fordóma
gagnvart heittrúuðum. Þó held ég að
ekki sé rétt að bjóða þeim, sem trúa
statt og stöðugt á Guð og Jesú, ein-
hverja meðferð. Jafnvel þótt ég sé al-
gerlega sannfærður um að trúar-
brögð hafi kallað meiri hörmungar
yfir heiminn en samkynhneigð.
SIGURÐUR HEIÐARR
BJÖRGVINSSON,
verkamaður og nemi.
Samkynhneigð
í samfélaginu
Frá Sigurði Heiðarri Björgvinssyni:
Sigurður Hreiðarr
Björgvinsson