Morgunblaðið - 21.08.2006, Blaðsíða 4

4 MÁNUDAGUR 21. ÁGÚST 2006 MORGUNBLAÐIÐ
FRÉTTIR
Skógarhlíð 18 – 105 Reykjavík – sími 591 9000
Akureyri – sími 461 1099 • Hafnarfirði – sími 510 9500
www.terranova.is
Terra Nova býður ótrúlegt tilboð á síðustu sætunum til Salou 24. og 31.
ágúst. Salou er fallegur bær á Costa Dorada ströndinni, sunnan Barce-
lona. Þar er Port Aventura, stærsti og glæsilegasti skemmtigarður Spánar,
stórkostlegar strendur, fjölbreytt aðstaða og litríkt næturlíf. Þú bókar og
tryggir þér sæti og 4 dögum fyrir brott-
för færðu að vita hvar þú gistir. kr. 29.990
Netverð á mann, m.v. gistingu í tvíbýli í 5
nætur. Súpersól tilboð, 24. og 31. ágúst.
Aukavika kr. 10.000.
Súpersól til
Salou
24. og 31. ágúst
frá kr. 29.990
Síðustu sætin
- SPENNANDI VALKOSTUR
TALSMAÐUR neytenda hefur
beint þeim tilmælum til Fjöl-
greiðslumiðlunar hf., sem rekur
sameiginlega greiðslurás fyrir
greiðslukortaviðskipti á Íslandi, að
öllum fyrirtækjum verði skylt að
taka í notkun búnað sem ekki prent-
ar allt númer greiðslukorts á kvitt-
anir. Þetta kemur fram í fréttatil-
kynningu frá talsmanni neytenda en
enn eru einhver fyrirtæki með út-
stöðvar (posa og annan afgreiðslu-
búnað sem tekur við greiðslum með
kortum), sem enn prenta fullt
greiðslukortanúmer á afrit korthafa
af greiðslukortakvittun eða á kassa-
kvittun. Samkvæmt tilmælunum
verði þessu fyrirtækjum skylt í sam-
ráði við greiðslukortafyrirtæki að
notast framvegis aðeins við útstöðv-
ar, sem ekki prenta á afrit korthafa
af greiðslukortakvittun eða á kassa-
kvittun meira en 4-6 síðustu stafina í
greiðslukortanúmeri.
„Mælst er til þess að tilmælin
verði að þessu leyti komin til fullrar
framkvæmdar fyrir 15. nóvember
2006. Þá er vinsamlegast mælst til
þess að sömu aðilum verði innan
hæfilegs tíma gert skylt að notast
framvegis aðeins við útstöðvar, sem
ekki prenta gildistíma greiðslukorts
á nein eintök greiðslukortakvittunar
eða kassakvittunar, hvort sem um er
að ræða eintak fyrirtækis eða eintak
korthafa,“ segir í fréttatilkynning-
unni en þar kemur fram að Fjöl-
greiðslumiðlun hafi þegar fallist á til-
mælin.
Aðeins hluti kortanúm-
ers verði á kvittunum
ÞYRPING hf. hefur lagt fram til-
lögu við skipulags- og mann-
virkjanefnd Seltjarnarnesbæjar
þess efnis að heimiluð verði land-
fylling norðaustan við gatnamót
Norðurstrandar, Suðurstrandar og
Eiðsgranda. Er gert ráð fyrir versl-
unarhúsnæði, útivistarstígum,
„bryggju“ og opnum svæðum á fyll-
ingunni.
Tillagan hefur verið kynnt skipu-
lags- og mannvirkjanefnd en ekki
verið afgreidd af hennar hálfu. Gert
er ráð fyrir því í tillögunni að land-
fyllingin verði rúmir tveir hektarar
eða um 22.400 fermetrar og grunn-
flötur verslana um 6.550 fermetrar.
Húsnæðið mun hýsa verslanir
Hagkaups og Bónuss auk stoðversl-
ana. Oddur Víðisson, fram-
kvæmdastjóri Þyrpingar hf., segir
tillöguna hugsaða sem lausn á
verslunar- og þjónustumálum í Sel-
tjarnarnesbæ og að hluta fyrir vest-
urbæ Reykjavíkur.
„Íbúar á þessu svæði hafa ekki
átt þess kost að leysa öll sín mál
varðandi daglega neysluvöru á ein-
um stað. Við teljum okkur vera að
koma á móts við þær þarfir sem
fyrir eru á svæðinu, en til þess
þurfum við meira rými en í boði er
á þessu svæði. Aðstaða Hagkaupa á
Eiðistorgi er barn síns tíma og það
þarf stærri verslun til að geta boðið
upp á það vöruúrval sem rekstr-
araðilar og viðskiptavinir vilja,“
segir Oddur. Auk þess sé framtíð
verslunar Bónuss á Hrólfsskálamel
í uppnámi þar sem ákveðið hefur
verið í aðalskipulagi að íbúðabyggð
verði á melnum.
Besti kosturinn
Hugmyndin að landfyllingu kom
að sögn Odds upp eftir að Þyrping
hafði kynnt sér ýmsa aðra kosti um
staðsetningu verslananna.
„Við byrjuðum á því að skoða
Hrólfsskálamel, áður en hann var
kominn eins langt í skipulagi og
hann er kominn núna. Síðan fórum
við niður á bensínstöð Skeljungs, á
horninu við Norðurströndina, skoð-
uðum þá lóð bara fyrir Bónus. Hag-
kaup hefði áfram verið á Eiðistorgi,
en þá hefðum við ekki losnað við
þessa keyrslu á milli.
Eiðistorgið var þriðji kosturinn
og sú vinna var skoðuð í samvinnu
við bæinn. Við fundum ekki lend-
ingu þar enda hefði það verið dýrt
og mikið fyrirtæki. Rífa hefði þurft
núverandi byggingar og byggja
upp, sem hefði þýtt að verslunum
yrði lokað í langan tíma á meðan á
framkvæmdum stæði,“ segir Oddur.
Bendir hann á að vel hafi gefist
að hafa Bónus og Hagkaup saman í
Spönginni í Grafarvogi því við-
skiptavinir þurfi ekki að keyra á
milli verslananna. Á landfyllingunni
við Seltjarnarnes verði jafnframt
ákveðin samnýting bílastæða þann-
ig að bílastæðafjöldi verði minni
þar en samanlagður bílastæðafjöldi
við verslun Bónuss á Hrólfs-
skálamel og Hagkaupa við Eið-
istorg.
Önnur röksemd fyrir staðsetn-
ingu verslunarkjarnans skv. tillög-
unni er að mati Odds sú að létt sé á
umferð um Nesveginn sem orðinn
sé heldur íþyngdur af bílaumferð.
Annan kost við staðsetninguna
nefnir hann nálægð við aðra þjón-
ustu.
Vilja takmarka sjónáreiti
„Sjónáreitið reynum við að hafa
sem minnst. Verkefnið er enn á
hugmyndarstigi og við þróun þess
leggjum við okkur í líma við að láta
lítið fara fyrir byggingunum,“ segir
Oddur, en þær verða á bilinu fimm
til sjö metra háar.
Skv. tillögunni verða athafna-
svæði verslana og bílastæði starfs-
manna falin bak við grjóthleðslur
og jarðvegsmanir. Manirnar munu
veita skjól fyrir norðanvindi segir í
tillögunni og þar er gert ráð fyrir
gróðri, bekkjum og svæðum til úti-
veru. Gert er ráð fyrir göngustígum
fram hjá verslununum, öðrum við
sjávarsíðuna og hinum við Norður-
strönd.
Spurður um hugsanleg verklok
segir Oddur það alfarið fara eftir
viðbrögðum skipulags- og mann-
virkjanefndar.
„Nefndin á eftir að skoða málið
og taka afstöðu. Okkar væntingar
eru að þetta taki ekki langan tíma í
ákvörðun, hver svo sem hún verður.
Tillagan felur í sér breytingu á að-
alskipulagi og deiliskipulagi og
heimildir verða vonandi fyrir hendi
á fyrri hluta næsta árs. Ef það
gengur eftir gerum við væntingar
til þess að svæðið verði tilbúið vorið
2008,“ segir Oddur Víðisson, fram-
kvæmdastjóri Þyrpingar hf.
Tillaga að breyttu skipulagi lögð fyrir skipulags- og mannvirkjanefnd
Verslunarkjarni muni rísa á
landfyllingu við Seltjarnarnes
Morgunblaðið/Ásdís
Horft út eftir Eiðsgranda og Norðurströnd með sjávarsíðunni. Í tillögu Þyrpingar hf. er gert ráð fyrir versl-
unarhúsnæði á tveggja hektara landfyllingu. Grunnflötur verslana yrði um 6.550 fermetrar.
 
















Eftir Jóhann Magnús Jóhannsson
johaj@mbl.is
ÍSLAND er komið í 5. sæti í opna
flokknum á Evrópumótinu í brids
þegar 22 umferðum er lokið af 33
en liðið hefur unnið 9 af 10 síðustu
leikjum sínum.
Í gær vann íslenska liðið Belgíu
25:1 í 22. umferð, tapaði fyrir Pól-
verjum, 14:16, í 21. umferð og vann
Þjóðverja, 18:12, í 20. umferð.
Ítalar eru efstir með 436 stig,
Norðmenn eru með 407 stig, Írar
hafa 398, Ungverjar 385 og Íslend-
ingar 384.
Í kvennaflokki tapaði íslenska
liðið öllum leikjum sínum í gær og
er í 22. og neðsta sæti.
Ekkert er spilað á Evrópumótinu
í dag.
Ísland komið í 5.
sæti á EM í brids
TVEGGJA ára barn varð fyrir bíl á
Hringbraut í Keflavík um hádegi
gærdag. Það var flutt á sjúkrahús
til skoðunar en áverkar þess reynd-
ust vera litlir og fékk það að fara
heim að skoðun lokinni að sögn lög-
reglunnar í Keflavík.
Tveggja ára
fyrir bíl
SLÖKKVILIÐ höfuðborgarsvæð-
isins (SHS) var kallað út vegna
reyks í fjölbýlishúsi í Hörðalandi í
Fossvogi um klukkan 10.30 í gær-
morgun. Að sögn SHS var ein
manneskja inni í húsinu en hún var
komin út þegar slökkviliðið kom á
staðinn. Svo virðist sem reykurinn
hafi myndast vegna potts sem hafði
gleymst á eldavél, en nágranni í
húsinu gerði slökkviliði viðvart.
Enginn eldur var laus að sögn SHS
en slökkviliðið reykræsti íbúðina.
Þá var enginn fluttur á sjúkrahús.
Slökkvilið
kallað út vegna
reyks í fjölbýli
Morgunblaðið/Júlíus
ELDUR kviknaði á bæ í Blöndudal í
fyrrakvöld og mátti litlu muna að
illa færi. Að sögn lögreglunnar á
Blönduósi kviknaði eldurinn í upp-
þvottavél en ábúandinn var í véla-
geymslu 50-60 metra frá húsinu og
rétt heyrði í reykskynjara sem fór í
gang. Ábúandanum tókst að
slökkva eldinn með slökkvitæki áð-
ur en lögregla og slökkvilið kom á
vettvang en litlu mátti muna að illa
færi þar sem eldurinn var kominn í
innréttingu og sekúnduspursmál að
honum tækist að læsa sig í loft-
klæðningu. Miklar skemmdir eru í
húsinu sem er frá 1930, af völdum
elds, reykjar og vatns.
Eldur í húsi
í Blöndudal
UMFERÐARÓHAPP varð í Dýra-
firði skammt frá Þingeyri aðfara-
nótt sunnudags þegar ökumaður
missti stjórn á bifreið sinni með
þeim afleiðingum að hún fór út af
veginum og valt. Vegfarandi til-
kynnti að hann hefði séð bílinn
mannlausan og var því björg-
unarsveit kölluð út til þess að leita
að manninum sem fannst skömmu
síðar. Lögregla segir að maðurinn
hafi gengið af stað frá slysstaðnum
í átt að Þingeyri kaldur og hrakinn
og með áverka á höfði en að öðru
leyti ekki alvarlega slasaður. Að
sögn lögreglunnar á Ísafirði leikur
grunur á að ökumaðurinn hafi ver-
ið ölvaður við akstur.
Bílvelta í
Dýrafirði