Morgunblaðið - 21.08.2006, Blaðsíða 27

MORGUNBLAÐIÐ MÁNUDAGUR 21. ÁGÚST 2006 27
DAGBÓK
Bandarísku starfsþróunarsamtökinNCDA veittu á dögunum dr. GuðbjörguVilhjálmsdóttur, dósent við fé-lagsvísindadeild Háskóla Íslands, við-
urkenningu fyrir framlag hennar til menntunar
náms- og starfsráðgjafa og til stefnumótunar á
sviði náms- og starfsráðgjafar á Íslandi.
NCDA eru samtök náms- og starfsráðgjafa,
rannsakenda og kennara á sviði starfs- og náms-
ráðgjafar. Verðlaun NCDA eru veitt árlega ein-
staklingi á alþjóðavettvangi sem unnið hefur að
þróun og uppbyggingu á sviði starfs- og náms-
ráðgjafar.
„Það ber vott um framsýni af hálfu fé-
lagsvísindadeildar Háskólans að koma þessu námi
á fót fyrir sextán árum, en sú stefnumótun sem átt
hefur sér stað hefur ekki hvað síst verið unnin í
nánum tengslum við mína fyrrum nemendur,“
segir Guðbjörg sem kennt hefur við félagsvís-
indadeild Háskólans síðan 1991 og var þar áður
námsráðgjafi við KHÍ. „Gegnum nemendurna hef
ég fengið að koma að ýmsum verkefnum, eins og
námsefnisgerð og uppbyggingu náms- og starfs-
ráðgjafar í skólum og vinnumiðlunum víða um
landið. Árið 2004 var nám náms- og starfsráðgjafa
lengt í tveggja ára meistaranám og eru rann-
sóknir nemenda nú þegar farnar að gefa okkur
mikilvægar upplýsingar um aðstæður í starfinu.“
Félag náms- og starfsráðgjafa fagnar 25 ára af-
mæli í ár: „Segja má að starf félagsmanna hafi
með þessu hlotið alþjóðlega viðurkenningu, og
gott að við lítum á þessum tímamótum til þess
hvernig næstu kaflarnir verða í sögu náms- og
starfsráðgjafar hér á landi. Skortur er á formlegri
stefnumótun á sviði náms- og starfsráðgjafar og
brýnt að vinna að heildarlöggjöf og stefnumótun á
sviðinu. Á alþjóðlegum vettvangi, s.s. hjá OECD
og ESB, er nú verið að vinna öflugt stefnumót-
unarstarf í náms- og starfsráðgjöf. Við þurfum að
stökkva upp í þann vagn. Það virðist líka deginum
ljósara að þörfin er mikil enda mikil eftirspurn
eftir starfs- og námsráðgjöfum, bæði á öllum
skólastigum, á vinnumiðlunum og við símennt-
unarstöðvar. Fagið hefur klárlega vaxið út fyrir
skólaumhverfið og er í örri þróun.“
Meðal þess sem Guðbjörg vill sjá með bættri
stefnumótun eru markvissari aðgerðir gegn brott-
falli úr skóla: „Með því að hafa markvissari
fræðslu um nám og störf, sem og markvissari
undirbúning undir framhaldsskólanám en nú er
mætti fyrirbyggja brottfall enn betur. Einnig
vantar okkur ýmiskonar hjálpargögn, eins og góð-
an upplýsingabanka um nám og störf, og athuga
mætti að innleiða í starf íslenskra námsráðgjafa
kerfi að bandarískri fyrirmynd, þar sem haldið er
með skipulegum og markvissum hætti utan um
alla þætti sem tengjast ferðalagi einstaklingsins
gegnum skólakerfið og út á vinnumarkaðinn,“
segir Guðbjörg.
„Lögverndun starfsins er sömuleiðis ofarlega
á óskalista náms- og starfsráðgjafa, og einnig er
margt sem við myndum vilja gera betur í mennt-
un náms- og starfsráðgjafa, þá sérstaklega að
efla starfsþjálfun í náminu, t.d. með því að
styðja náms- og starfsráðgjafa á fyrsta ári í
starfi.“
Menntun | Bandarísku starfsþróunarsamtökin veita Guðbjörgu Vilhjálmsdóttur viðurkenningu
Þörf á skýrari stefnumótun

Guðbjörg Vilhjálms-
dóttir fæddist í Hafn-
arfirði 1956. Hún lauk
stúdentsprófi frá MT
1976, BA-prófi frá HÍ
1982 og embættisprófi
í náms- og starfs-
ráðgjöf frá Lyon-
háskóla 1985. Árið
1987 lauk Guðbjörg
meistaraprófi við Sor-
bonne og doktorsprófi
við Háskólann í Hertsfordshire 2004. Hún
starfaði sem námsráðgjafi við KHÍ 1987–1991
en hefur síðan verið kennari við félagsvís-
indadeild HÍ. Guðbjörg er gift Torfa H. Tulinius
prófessor og eiga þau tvö börn.
Menningarnótt eða -dagur
HVERS vegna er þessi dagur
kallaður Menningarnótt þegar
dagskráin endar ellefu um kvöldið
og flestöll dagskrá er yfir miðjan
daginn. Það er skrítið að heyra
fólk segja frá sýningum sem eru
klukkan tvö að deginum til en
samt á Menningarnótt. Vitum við
ekki öll muninn á nótt og degi?
Borgarbúi
Til varnar færustu sér-
fræðingum þjóðarinnar
ÉG hnaut um það í grein forstjóra
Landsvirkjunar í Morgun-
blaðinu16. ágúst að umhverfisáhrif
Kárahnjúkavirkjunar hefðu verið
rannsökuð og metin af færustu
sérfræðingum þjóðarinnar og öll
gögn birt og ekkert undan dregið.
Ég hrökk við vegna þess að ég
hélt að það hefði ekki farið fram
hjá neinum að hinir færustu sér-
fræðingar og þartilbærar rík-
isstofnanir vöruðu við þessum
framkvæmdum. Það voru stjórn-
málamenn sem gengu gegn ráð-
leggingum þeirra og þeir verða að
bera ábyrgð á því en ekki færustu
sérfræðingar þjóðarinnar.
Helgi Björnsson
Gleraugu týndust í
Kringilsárrana
ÉG var svo óheppinn að skilja
eftir gleraugu á gróðursælum
grasbala við Kringilsárrana 7.
ágúst síðastliðinn. Gleraugun hafa
brúna fíngerða málmumgjörð, en
grasbalinn var norðvestanvert í
rananum nálægt hvítu stikuröð-
inni sem mér skilst að marki út-
línur fyrirhugaðs lóns. Skyldi ein-
hver rekast á þau þá hafið
endilega samband í síma 892
2613, annars hverfa fyrir víst
gleraugun um leið og gróðurinn
fer á kaf.
Einar
Velvakandi
Svarað í síma 5691100 frá 10–12
og 13–15 | velvakandi@mbl.is
Staðurogstund
http://www.mbl.is/sos
Tónlist
Listasafn Íslands | Kammersveitin Ísa-
fold spilar verk eftir öndverðartónskáld
20. aldar, þ.á m. Schönberg, Webern og
Takemitsu. Einnig verður frumflutt nýtt
verk eftir Hauk Tómasson, verðlaunahafa
Tónlistarverðlauna Norðurlandaráðs, sem
samið er sérstaklega fyrir Ísafold sum-
arið 2006. Tónleikarnir eru kl. 20.
Listasafn Sigurjóns Ólafssonar | Á sum-
artónleikum 22. ágúst kl. 20.30, leikur
Margrét Árnadóttir sellóleikari tvö verk
eftir Johann Sebastian Bach fyrir ein-
leiksselló, Svítu nr. 2 í d moll BWV 1008
og Svítu nr. 6 í D dúr BWV 1012.
Myndlist
101 gallery | Serge Comte – sjö systur –
seven sisters. Til 2. sept. Opið fim.–laug.
kl. 14–17.
Anima gallerí | Bára Kristinsdóttir sýnir
ljósmyndir. Myndirnar eru allar teknar í
Jupiter í Flórída á þessu ári. Sýningin
stendur til 9. sept. opið miðvikud.–
laugard. kl. 13–17. www.animagalleri.is
Art-Iceland Mublan | Fyrsta samsýning
gallerísins Art-Iceland.com. Listamenn-
irnir sem sýna eru: Árni Rúnar Sverr-
isson, Helga Sigurðardóttir og Álfheiður
Ólafsdóttir. Sýningin er í Versluninni
Mublunni, Nýbýlavegi 18, Kópavogi.
Byggðasafn Garðskaga | Samsýning:
Reynir Þorgrímsson, Reynomaticmyndir
sem eru litríkar nærmyndir af náttúrunni.
Björn Björnsson tréskúlptúr. Opið kl. 13–
17, alla daga. Nýtt kaffihús er á staðnum.
Café Karólína | Karin Leening sýnir en
hún málar, teiknar, býr til teiknimyndir og
kennir börnum myndlist. Stendur til 1.
sept.
DaLí gallerí | Joris Rademaker sýnir
rýmisverk. Stendur til 26. ágúst. Opið
virka daga og laugardaga kl. 14–18 í sum-
ar.
Eden, Hveragerði | Vaddý (Valgerður
Ingólfsdóttir) sýnir akríl-, vatnslita-, olíu-
og pastelmyndir, eingöngu eftir íslensk-
um fyrirmyndum. Til 28. ágúst.
Energia | Sölusýning á landslagsmyndum
eftir myndlistarmanninn Mýrmann.
Stendur út ágústmánuð. Nánari uppl. á
http://www.myrmann.tk
Hafnarborg | Yfirskrift sýningarinnar
„hin blíðu hraun“ er frá Jóhannesi Kjar-
val og með henni er sjónum beint að
hrauninu í Hafnarfirði. Tólf listamenn
sýna. Til 28. ágúst.
Hallgrímskirkja | Sumarsýning á verkum
Ásgerðar Búadóttur veflistakonu stendur
til 26. ágúst.
Handverk og hönnun | Til sýnis íslenskur
listiðnaður og nútíma hönnun 37 aðila. Á
sýningunni eru hlutir úr leir, gleri, pappír,
tré, roði, ull og silfri. Stendur til 27.
ágúst. Opið kl. 13–17, aðgangur er ókeyp-
is.
Kaffi Sólon | Kolbrún Róberts sýnir af-
strakt málverk. Sýningin ber titilinn Him-
inn & jörð. Stendur til 1. sept.
Listasafn Einars Jónssonar | Opið dag-
lega nema mánudaga kl. 14–17. Högg-
myndagarðurinn við Freyjugötu er alltaf
opinn.
Listasafn Reykjavíkur, Ásmundarsafn |
Sýning á úrvali verka úr safneign Ás-
mundarsafns, sem sýnir með hvaða
hætti listamaðurinn notaði mismunandi
efni – tré, leir, gifs, stein, brons og aðra
málma. Til 31. des.
Listasafn Reykjavíkur, Hafnarhús | Erró
– Grafík. Myndirnar eru frá ýmsum tíma-
bilum í list Errós þær nýjustu frá síðast-
liðnu ári. Til 31. des.
Listasafn Reykjavíkur, Kjarvalsstaðir |
Sýning á verkum úr eigu safnsins. Margir
af helstu málurum þjóðarinar eiga verk á
sýningunni sem spannar tímabilið frá
aldamótunum 1900 til upphafs 21. ald-
arinnar. Til 17. sept.
Listasafn Sigurjóns Ólafssonar | Lokað
á mánudögum. Safnið og kaffistofan opin
alla aðra daga yfir sumarið kl. 14–17.
Sýning á völdum skúlptúrum og port-
rettum Sigurjóns Ólafssonar. Tónleikar á
þriðjudagskvöldum. Sjá nánar á www.lso-
.is
Norræna húsið | Sumarsýning í anddyri
til 27. ágúst. Ljósmyndir frá Austur-
Grænlandi eftir danska ljósmyndarann
Ole G. Jensen. Opið virka daga til kl. 9–
17, laugardaga og sunnudaga kl. 12–17.
Reykjavíkurborg | Stella Sigurgeirsdóttir
sýnir skilti á 20 stöðum víða um borgina
til 28. ágúst.
Saltfisksetur Íslands | Sýningu Sigridar
Österby lýkur 30. ágúst. Opið alla daga
kl. 11–18.
Sögusetrið á Hvolsvelli | Einkasýning
Helenu Hansdóttur samanstendur af víd-
eógjörningi, innsetningu og ljósmyndum.
Sýningin heitir „Éta“. Til 3. september,
opið alla daga kl. 10–18.
Thorvaldsen bar | Málverkasýning Arn-
ars Gylfasonar stendur til 8. sept.
Söfn
Borgarskjalasafn Reykjavíkur | Í tilefni
af 70 ára afmæli Laugarnesskóla stend-
ur yfir sýning á Reykjavíkurtorgi,
Tryggvagötu 15, 1. hæð. Opin virka daga
kl. 11–19 og um helgar kl. 13–17. Ókeypis
aðgangur.
Gamli bærinn í Laufási | Bærinn er nú
búinn húsmunum og áhöldum eins og
tíðkaðist í kringum aldamótin 1900. Veit-
ingar í Gamla Presthúsinu. Opið daglega
kl. 9–18, fimmtud. 9–22. 500 kr. inn, frítt
fyrir börn.
Gljúfrasteinn – Hús skáldsins | Opið alla
daga í sumar kl. 9–17. Hljóðleiðsögn á ís-
lensku, ensku, þýsku og sænsku. Marg-
miðlunarsýning og gönguleiðir í nágrenn-
inu. Frekari upplýsingar á
www.gljufrasteinn.is og í 586 8066.
Iðnaðarsafnið | Á safninu gefur að líta
vélar og verkfæri af öllum stærðum og
gerðum, framleiðsluvöru o.fl. Opið dag-
lega frá 13–17 til 15. sept. 400 kr inn,
frítt fyrir börn.
Kotbýli kuklarans | Sýning á Klúku í
Bjarnarfirði sem er bústaður galdra-
manns og litið er inn í hugarheim al-
múgamanns á 17. öld. Opið alla daga kl.
12–18 til 31. ágúst.
Landnámssýningin Reykjavík 871±2 |
Sýning á rúst af landnámsskála frá 10.
öld sem fannst við fornleifauppgröft í
Reykjavík 2001. Fróðleik um landnáms-
tímabilið er miðlað með margmiðl-
unartækni. Opið alla daga kl. 10–17.
Landsbókasafn Íslands, Háskóla-
bókasafn | Sýning í Þjóðarbókhlöðu. Rit-
að í Voðir. Sýning Gerðar Guðmunds-
dóttur.
Sýning á teikningum Halldórs Bald-
urssonar byggðar á Vetrarborginni eftir
Arnald Indriðason. Myrkraverk og misind-
ismenn. Reykjavík í íslenskum glæpasög-
um. Opið mán.–fösd. kl. 9–17, laugard. kl.
10–14.
Minjasafnið á Akureyri | Ef þú giftist?
Brúðkaupssiðir fyrr og nú fjallar um
brúðkaup og brúðkaupssiði í gegnum tíð-
ina. Opið alla daga kl. 10–17, til 15. sept.
Perlan | Sögusafnið er opið alla daga kl.
10–18. Hljóðleiðsögn leiðir gesti í gegnum
fjölda leikmynda sem segja söguna frá
landnámi til 1550. www.sagamuseum.is
Veiðisafnið – Stokkseyri | Skotveiðisafn
– uppstoppuð veiðidýr ásamt veiðitengd-
um munum, ísl. og erlend skotvopn o.fl.
Opið kl. 11–18. Sjá nánar á www.hunting.is
Þjóðmenningarhúsið | Íslensk tískuhönn-
un og Í spegli Íslands, um skrif erlendra
manna um Ísland og Íslendinga fyrr á
öldum. Auk þess helstu handrit þjóð-
arinnar á handritasýningunni og Fyr-
irheitna landið.
Leiklist
Iðnó | The best of Light Nights í Iðnó –
öll mánudags- og þriðjudagskvöld í
ágúst. Sýningar hefjast kl. 20.30. Fjöl-
breytt efnisskrá flutt á ensku (að und-
anskildum þjóðlagatextum og rímum),
þjóðsögur færðar í leikbúning, þættir úr
Íslendingasögum, dansar og fleira. Nánari
uppl. á www.lightnights.com
Fyrirlestrar og fundir
Grasagarður Reykjavíkur | Námskeið um
ræktun og notkun mat- og kryddjurta
verður haldið í Grasagarði Reykjavíkur
22. og 24 ágúst kl. 19–22. Skráning í
síma 411 8650. Hámark 20 þátttakendur.
Fréttir og tilkynningar
Ferðaklúbbur eldri borgara | 23. ágúst
verður dagsferð: Hvammstangi–
Vatnsnes–Borgarvirki–Kolugljúfur. Upplýs-
ingar hjá Hannesi í síma 892 3011.
1. e4 e5 2. Rf3 Rc6 3. Bb5 a6 4. Ba4
Rf6 5. d3 b5 6. Bb3 Bc5 7. Rc3 d6 8.
Rd5 h6 9. c3 Hb8 10. O-O O-O 11.
He1 Ba7 12. h3 Be6 13. d4 exd4 14.
cxd4 Bxd5 15. exd5 Re7 16. Rh4 Dd7
17. Hxe7 Dxe7 18. Rf5 Dd7 19. Bc2
g6 20. Bxh6 Hfe8 21. Df3 Hbc8 22.
Df4 Rh7 23. Hd1 He2 24. Bd3 Hxb2
25. Dg4 He8
Staðan kom upp á sterku al-
þjóðlegu kvennamóti sem lauk fyrir
skömmu í Krasnoturyinsk í Rúss-
landi. Alþjóðlegi meistarinn Lilit
Mkrtchian (2459) frá Armeníu hafði
hvítt gegn rússneska kollega sínum
Tatiönu Kosintsevu (2479). 26. Bc1!
Hvítur hótar nú hróknum og að
vinna drottninguna með Rf5-h6+.
26 … Rf6 27. Dh4 Rxd5, svartur
hefði einnig haft gjörtapað tafl hefðu
aðrir leikir orðið fyrir valinu. 28.
Bxb2 gxf5 29. Dg5+ Kf8 30. Bxf5
Dc6 31. Hc1 Db7 32. Dh6+ Ke7 33.
Dh4+ f6 34. Dh7+ Kf8 35. Bg6 og
svartur gafst upp.
SKÁK
Helgi Áss Grétarsson | ritstjorn@mbl.is
Hvítur á leik.
Hlutavelta | Þessir duglegu strákar héldu hlutaveltu um daginn og söfnuðu til
styrktar Rauða kross Íslands 2.023 krónum. Þetta eru félagarnir Hallgrímur Þor-
steinsson og Nikulás Tumi Hlynsson.
Út er komin hjá
Háskólaútgáfunni
Gripla XVI, ársrit
Stofnunar Árna
Magnússonar.
Ritið er alþjóð-
legur vettvangur
fyrir rannsóknir á
sviði íslenskra og
norrænna fræða,
að því er segir í tilkynningu, og er efni
Gerplu að venju fjölbreytt.
Meðal efnis í ritinu má nefna grein
eftir bandaríska fræðimanninn Philip
Roughton um stíl og heimildir í elstu
handritum sem varðveita íslenskar
þýðingar úr latínu af lífssögum post-
ula. Jóhannes Nordal rekur aðdrag-
anda þess að Skarðsbók post-
ulasagnanna var keypt af íslensku
ríkisbönkunum á uppboði í Lundúnum
1965 og færð þjóðinni að gjöf.
Í grein sinni fjallar Jens Eike
Schnall um niðurröðun efnis í Jóns-
bók, Vésteinn Ólason birtir grein um
Grottasöng, og Marteinn H. Sigurðs-
son ritar um Hymiskviðu.
Sian Grönlie fjallar um Kristni sögu
í ljósi sagnahefðar miðrar 13. aldar
og Gísli Baldur Róbertsson segir frá
ferli Reykjarfjarðarbókar og sögu
handrits sem varðveitir Önnu sögu.
Guðrún Nordal fjallar um kvæðahand-
rit Gísla Jónssonar biskups og Kirsten
Wolf ritar um táknræna merkingu lita í
frásögninni af Jakob og Esaú í Stjórn.
Ritstjórar Griplu eru Gísli Sigurðs-
son, Margrét Eggertsdóttir og Sverrir
Tómasson. Leiðbeinandi verð er
4.695.
Nýjar bækur