Morgunblaðið - 21.08.2006, Blaðsíða 30

30 MÁNUDAGUR 21. ÁGÚST 2006 MORGUNBLAÐIÐ
SÝNDI BÆÐI
MEÐ
ÍSLENSKU OG
ENSKU TALI
eee
L.I.B. Topp5.is
eee
S.V. Mbl.
eeee
P.B.B. DV
Snakes on a Plane kl. 5, 8 og 10.50 B.i. 16 ára
Miami Vice kl. 5, 8 og 10.50 B.i. 16 ára
Miami Vice LÚXUS kl. 5, 8 og 10.50
The Sentinel kl. 8 og 10.20 B.i. 14 ára
Ástríkur og Víkingarnir kl. 4 og 6
Silent Hill kl. 10 B.i. 16 ára
Over the Hedge m. ensku.tali kl. 4
Over the Hedge m.ísl.tali kl. 4 og 6
Stick It kl. 8
Snakes on a Plane kl. 8 og 10 B.i. 16 ára
Miami Vice kl. 8 og 10.40 B.i. 16.ára.
The Sentinel kl. 6 B.i. 14.ára.
Ástríkur og Víkingarnir kl. 6.
Sími - 564 0000Sími - 462 3500
EITRAÐASTI
SPENNUTRYLLIR ÁRSINS
COLIN FARRELL JAMIE FOXX
ACADEMY AWARD WINNER
FRÁ MICHAEL MANN LEIKSTJÓRA
“COLLATERAL” OG “HEAT”
SVALASTA SPENNUMYND SUMARSINS
LEIKRITIÐ Purpuri eftir norska
leikskáldið Jon Fosse var frumsýnt
á föstudagskvöld við góðar móttökur
áhorfenda.
Að sýningunni stendur leikhóp-
urinn Jelena sem skipaður er ungum
áhugaleikmönnum, en í aðal-
hlutverkum á sýningunni eru Bragi
Árnason, Erna Svanhvít Sveins-
dóttir, Gunnar Atli Thoroddsen, Sig-
urður Kjartan Kristinsson og Balt-
asar Breki Baltasarsson. Leikstjóri
er Friðrik Friðriksson en Álfrún
Helga Örnólfsdóttir þýddi verkið úr
norsku.
Verkið segir frá unglinga-
hljómsveit sem er að stíga sín fyrstu
skref. Forsprakki hljómsveitarinnar
er í tilvistarkreppu og lítur út fyrir
að bandið flosni upp þegar stúlka
bætist í hópinn.
Sýningar verða haldnar í dag,
þriðjudag og miðvikudag kl. 9 í
Verinu í Loftkastalanum.
Miðaverð er aðeins kr. 1.000 en
sýningin er um 40 mínútur að lengd.
Leiklist | Leikhópurinn Jelena sýnir leikritið Purpura eftir Jon Fosse
Aðeins sýnt
næstu þrjú kvöld
Morgunblaðið/Sverrir
Frá æfingu á Purpura sem segir frá átökum innan unglingahljómsveitar.
Heppinn er bíófíkill fyrirmargra hluta sakir, tildæmis þær að hann getur
umsvifalaust gert sér mat úr
strandi í stórborginni, þegar ferða-
plön fara algjörlega úrskeiðis. Tala
nú ekki um þegar það er í sjálfri
bíóhöfuðborginni, París.
Í þokustrandinu mínu á leið
vestur um haf tók ég kúrs úr nær-
liggjandi einnar nætur hótelinu á
Max Linder Panorama bíóið í ní-
unda hverfi. Það er á Boulevard
Poissonniere, við metróstöðina
Grands Boulevards og kennt við
einn fremsta grínleikara Frakka
frá tímum þöglu myndanna, en
þarna lét hann innrétta eigin bíó-
sal, sem var enduropnaður í núver-
andi mynd árið 1987. Hér er salur,
neðri svalir og efri svalir, og algjör
nautn að fara á bíó. Engu líkara en
risatjaldið umlyki mann, og hljóm-
gæðin frábær. Líklega besti bíó-
salur sem ég hef komið í. Þarna
skoðaði ég Guðföður tvö eftir
Francis Ford Coppola. Þakkaði
guði fyrir snillinginn sem þessi
leikstjóri er, í sjöunda himni að
endurnýja kynni mín af myndinni
og eðalleikurunum Al Pacino og þó
sérstaklega Robert de Niro.
Fyrir mynd mældi ég Grands
Boulevards og grennd, og lagði
upp frá Óperu. Eitt af því sem ein-
kennir þetta svæði í París eru
skemmtileg og falleg „passages“
(yfirbyggð sund) þ. á m. Passage
Jouffroy, þar sem er að finna bari
og búðir, og eina fyrir bíófíkla.
Alltaf hef ég haft sérstaka vel-
þóknun á þessum hluta níunda
hverfis, sem er heimur út af fyrir
sig, ekki síður en til dæmis Mýrin
(Le Marais) eða Latínuhverfið. En
ég var ekki svo hagvön að ég vissi
um sérstakan stað til að seðja
ferðahungrið, sem var orðið nokk-
uð sárt eftir langdregnar hafvillur
þar sem leikurinn hafði borist út
um helstu flugvelli borgarinnar.
Eftir að hafa skannað nærliggj-
andi veitingastaði tók ég kúrsinn á
Richelieu brasseríið við Richelieu
Drouot metróstöðina. Ekki var
slegið vindhöggið þar, því mat-
urinn var dásamlegur og viðmótið,
og staðurinn þar að auki mjög
ákjósanlegur fyrir eina konu úti að
borða. Björk Guðmundsdóttir
sagði einhvern tímann að hún gæti
skrifað leiðbeiningabækling um
hvernig sofa skuli í flugvél, en ég
hefði mikið til málanna að leggja
um Eina konu úti að borða, með
leiðbeiningum og ívafi.
Og á Richelieu, sem er reynd-ar opinn til fimm á morgn-ana, sneri ég í mínu stúku-
sæti baki í aðra eina konu að
borða. Fyrir neðan tvær einar kon-
ur úti að borða sátu þeim til halds
og trausts þrjár stúlkur sem voru
svo hryllilega kátar og hlógu svo
hátt að gjörvallur staðurinn smit-
aðist og jafnvel þjónarnir kímdu.
Á eftir gæsalifrarkæfu með
fíkjumauki fékk ég þorsk (cabill-
aud) sem ég trúi ekki enn að hafi
verið þorskur, svo safarík og mið-
jarðarhafsleg sem skepnan var.
Þegar ég gekk á þjóninn var mér
tjáð að fyrst væri hann soðinn, og
svo grillaður (greinilega í hófi) en
eitthvað hefur nú verið átt við
hann meir, ef ég þekki minn fisk
rétt.
Undir máltíð brast á hvellur,
þrumuveður með úrhelli, en það
stytti einmitt snyrtilega upp um
leið og bíótíminn var kominn, og
ný birta með ferskum skýjum á
kvöldhimininum í bíóborginni –
sem er þar að auki um það bil að
bjóða upp á bíósvall með bíómiðum
á sérkjörum nú í ágúst og sept-
ember.
B í ó k v ö l d í P a r í s
Kvöldstund með Corleone
Al Pacino í hlutverki sínu í Guðföðurnum II.
Eftir Steinunni Sigurðardóttur
Söngvarinn Barry Manilow þurftiað aflýsa þrennum tónleikum
um helgina vegna eymsla. Manilow
er laskaður á brjóski á báðum
mjöðmum og er bókaður í aðgerð
eftir að hann syngur Emmy-
verðlaunahátíðinni sem fram fer í
Los Angeles 27. ágúst.
Manilow er orðinn 63 ára gamall
og hafði áður aflýst 16 tónleikum til
að hafa tíma fyirr aðgerðina og til að
jafna sig í kjölfarið.
Manilow birtist á bandaríska vin-
sældalistanum fyrr á árinu í fyrsta
skipti í 29 ár og hefur verið nokkuð í
fréttum undanfarið. Í upphafi árs
var hann gagnrýndur fyrir að gera
grín að samkynhneigðum á tón-
leikum í New York, og komst sömu-
leiðis í fréttirnar þegar yfirvöld í
smábæ notuðu tónlist hans til að
fæla vandræðagemsa úr almenn-
ingsgarði að nóttu til, en uppskáru
aðeins að íbúar í hverfinu urðu dauð-
þreyttir á hljómþýðri rödd Copacab-
ana-söngvarans fræga.
  
Stjörnu-miðillinn Uri Geller hefurhöfðað mál á hendur fyrrver-
andi eigendum fyrsta hússins sem
Elvis Presley keypti sér. Presley
keypti húsið fyrir tekjurnar af sínum
fyrstu lögum og bjó þar í 13 mánuði
ásamt foreldrum sínum og ömmu áð-
ur en hersingin
settist að í Grace-
land.
Uri bauð í hús-
ið á eBay og var
með hæsta boðið,
u.þ.b. 900 þús.
dollara þegar
uppboðinu lauk.
Hann setti selj-
endunum 60 daga frest til að tæma
húsið, sem seljendunum þótti alls
ekki henta, og seldu þeir því húsið
frekar hljómplötuframleiðandanum
Mike Curb, sem var reiðubúinn að
greiða hærri fjárhæð fyrir húsið, eða
heila milljón dollara.
Uri unir ekki við sitt hlutskipti og
sakar eigendur hússins um samn-
ingsbrot. Að sögn talsmanna Mike
Curb standa vonir til að í húsinu
verði starfræktur tónmenntaskóli í
samstarfi við háskóla á svæðinu.
Fólk folk@mbl.is