Morgunblaðið - 21.08.2006, Blaðsíða 29

SAGA Sigurðardóttir útskrifaðist í
vor úr dansháskólanum Artez í Arn-
hem í Hollandi. Á sýningu í vor sýndi
hún verk eftir ísraelska bekkj-
arsystur sína, Anat Eisenberg að
nafni, sem hlaut ágæta umfjöllun í
einu virtasta danstímariti Evrópu,
Ballet-Tanz. Verkið ber heitið
„Again Absence/Absence Again“.
„Það var auðvitað alveg frábært,
ekki síst vegna þess að verkið var
sýnt sem skólasýning í vor og það er
ekki oft sem slíkar sýningar fá svona
mikla eftirtekt,“ segir Saga í samtali
við Morgunblaðið. Í umsögninni kom
fram að verkið tækist á við áleitin
efni á djarfan hátt og Anat Eisen-
berg væri áhugaverður danshöf-
undur sem hefði nýjar og sterkar að-
ferðir við að koma boðskap til
áhorfenda. Þá var hlutverkum dans-
aranna lýst og sagt að þeir hefðu
komið hryllingi og fáránleika vel til
skila með líkama sínum og samspili.
Dansað um stríð
Ásamt Sögu dansaði í verkinu
önnur ísraelsk bekkjarsystir hennar,
Noa Shadur. „Þar sem þær koma
báðar frá Ísrael hefur stríð haft mik-
ið að segja í þeirra lífi. Verkið er því
mjög pólitískt og fjallar um hryðju-
verk og þær hörmungar sem eiga
sér stað á þessu svæði,“ útskýrir
Saga, en bætir við að verkið fjalli
ekki síst um hvernig fólk taki á slík-
um aðstæðum, ýmist með kaldhæðni
eða gríni. „Eða bara hversu alvar-
lega maður vill taka aðstæðurnar yf-
irleitt; hella sér út í dramatíkina eða
bregðast öðruvísi við.“
En er ekkert erfitt að koma svona
pælingum yfir í dansverk?
„Jú, það er það, enda brugðum við
á það ráð að nota allar hugsanlegar
aðferðir; við tölum í verkinu og not-
um til dæmis gjallarhorn, sem kem-
ur eiginlega fram eins og þriðji dans-
arinn í verkinu sem bregður sér í alls
konar líki. Við förum ansi langt frá
dansforminu stundum, notum líkam-
ann í allri sinni mynd eins og við get-
um til að koma bæði hryllingnum og
líka fáránleikanum til skila.“
Verkið til Íslands?
Saga segir þær stöllur hafa mik-
inn hug á því að sýna verkið hér
heima og vonir standi til að af því
geti orðið í haust. „Það væri gaman
að sýna þetta verk íslenskum áhorf-
endum – þetta er auðvitað allt annar
raunveruleiki hér,“ segir hún og
bætir við að ef af verði myndu þær
líklega einnig sýna fleiri verk sem
þær hafa æft og samið að und-
anförnu ásamt fjórðu bekkjarsyst-
urinni, sem einnig er íslensk og heit-
ir Margrét Bjarnadóttir. „En ég
held að Íslendingar gætu haft gam-
an af því að sjá þetta verk, ekki síst í
ljósi þess hvernig ástandið er í heim-
inum um þessar mundir. Mér finnst
fólk stundum gleyma að hugsa um
mannlega þáttinn í stríði, hvernig
það blasir við almenningi í landinu á
þeim stað þar sem það geisar. Oft
eru alls konar pólitískir fordómar
gagnvart fólki, sem er svo bara eins
og við.“
Í því ljósi, hvernig var að kynnast
þessum ísraelsku stúlkum?
„Það var auðvitað bara frábært,
sérstaklega vegna þess að við kynnt-
umst úti í Hollandi þar sem hver
kom úr sinni átt. Við mættumst
þannig á hlutlausum stað og kynnt-
umst bara sem einstaklingar. Svo
hefur verið mjög forvitnilegt að
kynnast þeim ólíku hugmyndum sem
fólk hefur um heiminn. En samt náð-
um við að tengjast vináttuböndum
sem manneskjur.“
Saga stefnir á að búa í Belgíu
næsta vetur og feta þar sín fyrstu
spor sem atvinnudansari. „Það eru
nokkur lítil verkefni að læðast inn
hér og þar,“ segir hún. „En svo þarf
maður bara að leggja rosalega hart
að sér – láta þetta ganga og komast
að. Fá að hafa eitthvað að segja.“
Ef allt gengur upp fá Íslendingar
þó að sjá Sögu og bekkjarsystur
hennar dansa hérlendis líka í haust.
„Þá munu víkingar og gyðingar
mætast,“ segir Saga Sigurðardóttir
dansari hlæjandi að lokum.
Dans | Fjallað um Sögu Sigurðardóttur dansara í tímaritinu Ballet-Tanz
„Víkingar og gyðingar mætast“
Saga Sigurðardóttir og Noa Shadur í dansverkinu „Again Absence/Absence Again“.
Eftir Ingu Maríu Leifsdóttur
ingamaria@mbl.is
Morgunblaðið/Jim Smart
„Mér finnst fólk stundum gleyma
að hugsa um mannlega þáttinn í
stríði,“ segir Saga Sigurðardóttir.
BROTIÐ var blað í íslenskri tónlist-
arsögu á menningarnótt þegar
haldnir voru tónleikar með sígildri
tónlist á Klambratúni. Nokkrar
helstu stjörnur úr íslenskum óperu-
heimi stigu fram á sviðið, sem var
býsna stórt og inni í risavöxnu skýli.
Sinfóníuhljómsveit Norðurlands
spilaði undir stjórn Guðmundar Óla
Gunnarssonar og á efnisskránni var
sumt af því allra vinsælasta úr
óperubókmenntunum.
Gríðarlegur mannfjöldi safnaðist
saman á túninu og álíka gagnslaust
var að telja fólkið eins og að reyna
að komast að því hversu mörg grjón
maður fær sér venjulega með vor-
rúllunum. Ekki var mikið um stóla
svo ég kom mér þægilega fyrir á
grasinu undir birkitré sem stóð um
hundrað metra hægra megin við
sviðið. Undir öðru tré við hliðina á
mér sat maður og sötraði bjór, en
fyrir ofan hann sat ung stúlka á
grein. Undir því þriðja sátu tvær
eldri konur á stólum sem þær höfðu
sjálfar komið með másandi og blás-
andi áður en tónleikarnir byrjuðu.
Eftir ávarp verndara tónleikanna,
Vigdísar Finnbogadóttur, hófst dag-
skráin á forleiknum að óperunni
Vald örlaganna eftir Verdi. Miðað
við fremur ógnandi skýjabakka ótt-
aðist ég þó frekar vald veðurguð-
anna, a.m.k. um stund, en sem betur
fer rigndi ekki. Í rauninni var veðrið
hið ágætasta og kjöraðstæður fyrir
tónleikana.
Auðvitað var ekki hægt að ætlast
til sama hljómburðar og í venjuleg-
um tónleikasal. Hljómurinn úr há-
tölurunum var dálítið mattur og það
virtist skipta miklu máli hvar maður
var á túninu. Undir birkitrénu
heyrðist ekki sérlega vel svo ég var
fljótur að færa mig, en bara það að
ganga nokkra metra í áttina að miðj-
unni hækkaði tónlistina um allt að
helming.
Söngvararnir sem fram komu
voru Kristinn Sigmundsson, Kol-
beinn Ketilsson, Ólafur Kjartan Sig-
urðarson, Sigríður Aðalsteinsdóttir
og Arndís Halla Ásgeirsdóttir. Þá
síðastnefndu heyrir maður alltof
sjaldan hér á landi, en hún syngur
dýrðlega. Sigríður er líka frábær, en
hún mætti gjarnan koma oftar fram.
Þær stóðu sig báðar prýðilega á tón-
leikunum og er sömu sögu að segja
um Ólaf Kjartan sem m.a. vakti
mikla lukku með „Largo al factot-
um“ úr Rakaranum í Sevilla eftir
Rossini. Kolbeinn söng líka margt
ákaflega fallega.
Helst mátti finna að frammistöðu
Kristins, sem var nokkra stund að
ná sér á strik, og var það eiginlega
ekki fyrr en í þriðja atriðinu hans að
hann söng af fullri getu.
Hljómsveitin spilaði oftast ágæt-
lega og var hljóðblöndunin (sem allt-
af er vandasöm þegar heil sinfón-
íuhljómsveit á í hlut) vel heppnuð.
Það merkilegasta við tónleikana
var þó ekki frammistaða söngv-
aranna eða hljómsveitarinnar, held-
ur stemningin sem myndaðist á
Klambratúni. Hún var alveg ein-
stök. Eitt megineinkenni opinberrar
menningarstefnu á Íslandi er krafan
um að listin eigi að vera fyrir alla, að
hún eigi að sameina ólíka þjóð-
félagshópa. Sjaldan hefur klassísk
tónlist náð því eins vel að sameina
þjóðina eins og á þessum tónleikum.
Það var allskonar fólk á túninu og
hvergi þessi uppskrúfaða andakt
sem sjálfsagt fælir marga frá sí-
gildri tónlist. Vonandi verður fram-
hald þar á. Hafi styrktaraðili tón-
leikanna, BM Vallá, þökk fyrir
frábært framtak.
Gríðarlegur mannfjöldi á Klambratúni
Morgunblaðið/Sverrir
Gagnrýnandi segir einstaka stemningu hafa myndast á Klambratúni: Ólaf-
ur Kjartan Sigurðarson syngur af innlifun.
TÓNLIST
Söngtónleikar
Tónlist eftir Verdi, Rossini, Mozart, Bizet,
Gounod, Offenbach, Verdi og Wagner.
Flytjendur: Kristinn Sigmundsson, Kol-
beinn Ketilsson, Ólafur Kjartan Sigurð-
arson, Sigríður Aðalsteinsdóttir og
Arndís Halla Ásgeirsdóttir ásamt Sinfón-
íuhljómsveit Norðurlands undir stjórn
Guðmundar Óla Gunnarssonar. Laug-
ardagur 19. ágúst.
Klambratún
Jónas Sen
MORGUNBLAÐIÐ MÁNUDAGUR 21. ÁGÚST 2006 29
MENNING
RONJA RÆNINGJADÓTTIR
Sun 10/9 kl. 14 Sun 17/9 kl. 14
Sun 24/9 kl. 14 Lau 30/9 kl. 14
VILTU FINNA MILLJÓN?
Lau 2/9 kl. 20 Sun 3/9 kl. 20 UPPS.
Fim 7/9 kl. 20 Sun 10/9 kl. 20
FOOTLOOSE
Fim 24/8 kl. 20 Fös 25/8 kl. 20 UPPS.
Fim 31/8 kl. 20 Lau 9/9 kl. 20
EYFI STÓRTÓNLEIKAR
Fös 1/9 kl. 20 Fös 1/9 kl. 22
HÖRÐUR TORFA-AFMÆLISTÓNLEIKAR
Fös 8/9 kl. 19:30 Fös 8/9 kl. 22:00
MARGRÉT
Árnadóttir
leikur í
kvöld tvær
svítur eftir
J.S. Bach
fyrir ein-
leiksselló kl.
20.30 í Lista-
safni Sig-
urjóns Ólafs-
sonar.
Tónleikarnir
eru hluti af sumartónleika-
röð safnsins.
Margrét lauk einleik-
araprófi árið 2000 undir
handleiðslu Gunnars Kvaran.
Hún stundaði framhaldsnám
við The Juilliard School of
Music í New York og út-
skrifaðist þaðan með meist-
aragráðu síðastliðið vor.
Margrét hefur komið fram
á einleiks- og kammertón-
leikum hér heima og erlend-
is. Í kvöld mun hún leika
Svítu númer 2 í d moll, BWV
1008 og Svítu númer 6 í D
dúr BWV 1012.
Aðgangseyrir er 1.500 kr.
Margrét Árna-
dóttir í Lista-
safni Sigurjóns
Margrét
Árnadóttir
Fréttir á SMS