Morgunblaðið - 12.09.2006, Side 16

16 ÞRIÐJUDAGUR 12. SEPTEMBER 2006 MORGUNBLAÐIÐ
MENNING
LJÓÐAVERÐLAUNUM
Guðmundar Böðvarssonar og
borgfirskum menning-
arverðlaunum sem Minning-
arsjóður Guðmundar Böðv-
arssonar veitir var úthlutað á
sunnudag. Ljóðaverðlaunin
hlaut Þórarinn Eldjárn fyrir
verðmætt framlag sitt til ljóða
fyrir unga og gamla. Myndlist-
armaðurinn Páll Guðmunds-
son á Húsafelli hlaut Borg-
firsku menningarverðlaunin og samtímis var
opnuð sýning á verkum hans í Safnahúsinu. Fjöldi
manns sótti samkomuna þar sem Þórarinn las úr
verkum sínum og leikið var á steinhörpu Páls.
Verðlaun
Guðmundar Böðv-
arssonar minnst
Þórarinn
Eldjárn
HÖRÐUR Áskelsson, org-
anisti Hallgrímskirkju og
söngmálastjóri þjóðkirkj-
unnar, leikur á september-
tónleikum Selfosskirkju í kvöld
kl. 20.30.
Á efnisskrá tónleikanna eru
verk eftir Jean-Francois Dand-
rieu (1681–1738), J.S. Bach
(1685–1750), C. Saint-Saens
(1835–1921), Jón Hlöðver Ás-
kelsson (1945) og Kjell Mörk
Karlsen (1947).
Tvö síðustu verkin eru tileinkuð Herði sjálfum.
Aðgangur að tónleikunum er að vanda ókeypis
og er boðið upp á kaffi að tónleikunum loknum.
Tónleikar
Septembertón-
leikar Selfosskirkju
Hörður
Áskelsson
LJÓSMYNDARINN Mary
Ellen Mark og kvikmynda-
gerðarmaðurinn Martin Bell
halda fyrirlestur í Opna
listaháskólanum í LHÍ Skip-
holti 1, stofu 113, kl. 17 í dag.
Munu þau fjalla um og
kynna nýleg verk sín, þar á
meðal ljósmyndabókina og
kvikmyndina Twins, þar sem
margslungið samband tvíbura
er skoðað, jafnt í daglegu lífi
sem og við dramatískar aðstæður eins og þær að
missa hluta af sjálfum sér í bókstaflegri merk-
ingu, það er tvíbura sinn.
Fyrirlesturinn fer fram á ensku.
Fyrirlestur
Margslungið
samband tvíbura
Mary
Ellen Mark
Eftir Guðjón Guðmundsson
gugu@mbl.is
EITT AF merkilegri listaverkasöfn-
um landsins er að finna í fjölmörgum
sölum, göngum og herbergjum Hót-
els Holts á Bergstaðastræti. Safnið
er afrakstur myndlistarástríðu
stofnanda hótelsins, Þorvaldar Guð-
mundssonar og eiginkonu hans Ingi-
bjargar Guðmundsdóttur. Þau eru
bæði látin.
Ekki bara hótel
heldur líka listasafn
Geirlaug er dóttir Þorvaldar og
Ingibjargar og er hún nú eigandi
hótelsins. Hún hefur tekið upp á
þeirri nýbreytni, ásamt hót-
elstjórum hótelsins, að opna hótelið
gestum og gangandi og breyta því
þar með í listaverkasafn á vissum
tíma. Fyrsti sýningardagurinn verð-
ur næstkomandi miðvikudag og
verður boðið upp á leiðsögn um safn-
ið.
„Hótel Holt er ekki bara hótel.
Það er líka listasafn,“ segir Geirlaug
í samtali við blaðamann.
„Það eru listaverk í öllum sölum á
fyrstu hæðinni, öllum göngum og öll-
um herbergjum. Mér finnst það
skipta miklu máli að fólk fái að sjá
verkin. Undanfarin tvö ár á Menn-
ingarnótt hef ég haft hótelið opið á
ákveðnum tíma. Þá hefur mönnum
gefist kostur á því að skoða lista-
verkasafnið undir leiðsögn Að-
alsteins Ingólfssonar listfræðings.
Þetta hefur mælst mjög vel fyrir.
Síðan hafa skipuleggjendur ein-
stakra ráðstefna og stórra veislna
farið þess á leit við Aðalstein að
hann hefði leiðsögn um hina ýmsu
sali hótelsins og kynnti gestum lista-
verkin,“segir Geirlaug.
Opið einu sinni í mánuði
„Núna langar mig að ganga skref-
inu lengra og hafa opið einu sinni í
mánuði. Ég ætla að hafa hótelið opið
næstkomandi miðvikudag, milli kl.
17 og 18, og Aðalsteinn tekur á móti
gestunum. Það er af mörgu að taka.
Á barnum á fyrstu hæðinni eru til
dæmis eingöngu teikningar eftir
Kjarval, sem sjást nú ekki oft. Inni í
matsalnum er mikil klassík, en safn-
ið samanstendur að stærstum hluta
af hinum klassísku málurum síðustu
aldar, eins og Kjarval, Jóni Stef-
ánssyni og Ásgrími. Í anddyrinu eru
líka stór verk. Nýjungin er sú að í
Þingholti hef ég nýlega látið útbúa
Kjarvalsstofu. Þar getur fólk tyllt
sér niður og er eins og inni í vinnu-
stofu Kjarvals. Veggirnir eru vegg-
fóðraðir með mynd af vinnustofu
Kjarvals í Austurstræti,“ segir Geir-
laug.
Listaverkin eru fjölmörg. Geir-
laug segir það taka um klukkustund
að skoða listaverkin á neðstu hæð-
inni með leiðsögn en segir jafnframt
að einnig sé hugsanlegt að það bjóð-
ist tækifæri til að skoða verk á göng-
um hótelsins.
»Listaverkasafnið var fyrstopnað almenningi á menn-
ingarnótt fyrir tveimur árum.
»Hótel Holt er í eigu Geir-laugar, dóttur Þorvaldar
Guðmundssonar og Ingibjargar
Guðmundsdóttur sem komu upp
stærsta einkasafni á landinu.
»Aðalsteinn Ingólfsson list-fræðingur mun veita leið-
sögn um safnið sem geymir
mörg hundruð listaverk.
»Komið hefur verið uppKjarvalsstofu en veggina
prýðir veggfóður með mynd úr
vinnustofu Kjarvals í Austur-
stræti.
»Öll verk ListaverkasafnsÞorvaldar Guðmundssonar,
að undanskildum þeim sem eru
á Hótel Holti, eru í vörslu Gerð-
arsafns í Kópavogi.
Í HNOTSKURN
Myndlist | Hótel Holt opnar listaverkasafn sitt almenningi einu sinni í mánuði
Klassísk myndlist
Geirlaug Þorvaldsdóttir opnar sali hótelsins fyrir listaverkaunnendum.
Mörg hundruð listaverk eru staðsett á hótelinu, mörg eftir klassíska mál-
ara síðustu aldar. Í bakgrunni eru teikningar eftir Jóhannes S. Kjarval.
Morgunblaðið/Ásdís
Listahótel í Þingholtum
VEFSAMFÉLAGIÐ MySpace.com
er ein vinsælasta vefsíða heims í dag
með 106 milljón skráða notendur.
Síðan sló fyrst í gegn sem kunn-
ingja- og stefnumótavefur en hefur
á síðustu misserum orðið afþreying-
armiðstöð þar sem kvikmyndir og
hljómsveitir geta
komið sér á fram-
færi. Eru nú
nærri þrjár millj-
ónir hljómsveita
af ýmsum stærð-
um og gerðum
með MySpace-
síðu.
Böndum hefur
staðið til boða að
eignast sitt eigið
svæði á MySpace og dreifa gegnum
hana allt að fjórum lögum til al-
mennings, en hingað til hefur ekki
verið hægt að selja tónlist gegnum
MySpace-kerfið.
Nú hafa eigendur síðunnar opnað
fyrir þann möguleika að hægt sé að
selja tónlist gegnum vefinn, milli-
liðalaust frá hljómsveitunum sem
framleiða tónlistina. Böndin fá sjálf
að ráða verði laganna.
Chris DeWolfe, einn af stofn-
endum síðunnar segist vona að MyS-
pace verði ein stærsta verslun heims
fyrir stafræna tónlist og keppi m.a.
við iTunes-netverslun Apple fyr-
irtækisins.
Myspace
býður upp á
tónlistarsölu
Hljómsveitir ráða sjálf-
ar verði fyrir hvert lag
Chris DeWolfe
ENSKA tónskáldið Andrew Lloyd
Webber mun hljóta viðurkenningu
Kennedy-miðstöðvarinnar, eina
virtustu menningarviðurkenningu
Bandaríkjanna, fyrir framlag sitt
til bandarískrar menningar.
Utanríkisráðherra Bandaríkj-
anna, Condoleezza Rice, mun af-
henda Webber viðurkenninguna við
hátíðlega athöfn sem fram fer 1.
desember næstkomandi. Við sama
tilefni munu leikstjórinn Steven
Spielberg, hljómsveitarstjórnand-
inn Zubin Mehta og tónlistarmenn-
irnir Dolly Parton og Smokey Rob-
inson einnig hljóta viðurkenningar.
Meðal þeirra sem áður hafa hlot-
ið þessa viðurkenningu Kennedy-
miðstöðvarinnar eru tónlistarmað-
urinn Tina Turner og leikararnir
Jack Nicholson og Paul Newman.
Lloyd Webb-
er heiðraður
Eftir Flóka Guðmundsson
floki@mbl.is
SENN líður að hinni árvissu bóka-
stefnu í Gautaborg. Dagana 21.–24.
september munu fulltrúar forlaga
hvaðanæva úr Evrópu hópast til
borgarinnar í þeim tilgangi að kynna
bækur á sínum vegum og grennslast
samtímis fyrir um það sem ber hæst í
evrópskri og þá fyrst og fremst
skandinavískri bókaútgáfu um þess-
ar mundir. Hið endanlega takmark
er svo að sjálfsögðu að selja bækur
og eins að handsala að stefnunni lok-
inni útgáfusamninga við erlend for-
lög. Anna Einarsdóttir hefur haft
umsjón með kynningarbás íslensku
forlaganna ásamt Þórdísi Þorvalds-
dóttur allar götur síðan 1989. Stefnan
í ár, sem er sú 22. frá upphafi, er þar
engin undantekning og halda þær
stöllur senn utan á vegum bók-
menntakynningarsjóðs og Félags
bókaútgefenda. Anna segir að sem
endranær taki öll íslensku forlögin
þátt. Hún upplýsir jafnframt að hún
verði með nýjustu íslensku bækurnar
í farteskinu til Svíþjóðar og að verð-
launabókum síðasta árs verði sér-
staklega flaggað. Þá verður Drauma-
landinu eftir Andra Snæ Magnasonar
stillt í forgrunn.
„Við erum alltaf svolítið eftir á þar
sem bækur koma svo seint út á árinu
hérlendis,“ útskýrir Anna. „Þegar ég
fer út í september er ekki komið svo
mikið af nýjum bókum. Jólaútgáfan
hefst síðar á Íslandi.“
Að venju verða ljósmyndabækur
einnig fyrirferðarmiklar.
Spurð um ávinning þess að taka
þátt í bókastefnu sem þessari svarar
Anna því til að aukinn áhugi erlendra
forlaga í kjölfarið á útgáfu íslenskra
bóka sé ótvíræður.
Fyrir tveimur, þremur árum tók-
um við saman lista yfir hvað hafði
verið þýtt af íslenskum bókum síðan
við fórum að taka þátt í þessari bóka-
sýningu. Þá voru það yfir fimmtíu
titlar. Þetta er auðvitað ekki bara
Gautaborg að þakka heldur að sjálf-
sögðu einnig alþjóðlegu bókasýning-
unni í Frankfurt. En aukinn áhugi
Svía á Íslandi hefur oft verið rakinn
til stefnunnar í Gautaborg,“ segir
hún og bætir því við að Svíar séu ekki
einir um að nýta sér stefnunna held-
ur séu áberandi bókaverðir og bóka-
útgefendur á Norðurlöndum. Að auki
hafi þátttaka annarra Evrópulanda
aukist mjög.
Málfrelsi þema stefnunnar
Að venju er sérstakt þema í for-
grunni stefnunnar og er þemað í ár
tjáningarfrelsi og ógnir sem að því
steðja. Tjáningarfrelsinu verða gerð
fjölbreytileg skil í formi fyrirlestra og
pallborðsumræðna sem hugsuðir af
ýmsu þjóðerni t.d. úr röðum rithöf-
unda, útgefenda, blaða- og frétta-
manna, háskólafólks og þýðenda taka
þátt í. Hafa sumir þeirra reynslu frá
fyrstu hendi af skertu tjáningarfrelsi.
Bókmenntir | Íslendingar taka þátt í Bókastefnunni í Gautaborg í sautjánda sinn
Draumalandið
eftir Andra Snæ
í forgrunni
Morgunblaðið/Ásdís
Reynd Anna Einarsdóttir hefur selt íslenskar bækur á bókastefnunni í
Gautaborg frá árinu 1989 ásamt Þórdísi Þorvaldsdóttur.