Morgunblaðið - 12.09.2006, Blaðsíða 40

|þriðjudagur|12. 9. 2006| mbl.is
Staðurstund
Hugmyndin að Looking for
Comedy in the Muslim World
hefði getað orðið magnaður
grunnur að kvikmynd. » 43
dómur
The Covenant er vinsælust
vestanhafs en Step Up hefur
sigrað hug og hjarta íslenskra
bíógesta. » 42
bíó
Af listum í dag fjallar um gena-
verkefni tónlistarinnar – hvers
tilgangur er að hjálpa fólki að
velja sér tónlist. » 43
tónlist
Rökkvi Vésteinsson bar sigur
úr býtum í fyrstu umferð uppi-
standskeppninnar The Great
Canadian Laugh Off. » 42
fólk
Þrjár myndlistarkonur sýna í
Galleríi + á Akureyri. Ragna
Sigurðardóttir veltir vöngum
yfir sýningunni. » 43
myndlist
ÞAÐ SÆTIR alltaf tíðindum þegar
Nemendaleikhús Listaháskóla Ís-
lands kunngjörir vetrardagskrá
sína, en Nemendaleikhúsið er vett-
vangur fyrir útskriftarárgang leik-
listardeildar skólans. Að venju und-
anfarinna ára verða sett upp þrjú
verk, í þetta sinn eitt klassískt leik-
rit og tvær frumsmíðar.
Fyrsta verk vetrarins nefnist
Hvít kanína og er samið af leik-
hópnum sjálfum og öðrum aðstand-
endum sýningarinnar. Um er að
ræða svokallað „samsett“ leik-
húsverk sem er unnið upp úr text-
um og í kringum hluti sem orðið
hafa á vegi leikhópsins á æfinga-
tímabilinu. Það er því réttara að
tala um leiksýningu fremur en leik-
rit. Leikstjóri sýningarinnar er Jón
Páll Eyjólfsson og er frumsýning
22. september nk. á Litla sviði
Borgarleikhússins.
Leikhópurinn heldur svo á nokk-
uð ólík mið í öðru verkefni leikárs-
ins sem einnig verður sett upp í
Borgarleikhúsinu. Þá er röðin kom-
in að hinu ljóðræna og harm-
þrungna Blóðbrullaupi eftir
spænska rithöfundinn Federico
García Lorca í leikstjórn Kamillu
Mortensen. Blóðbrullaup er sann-
kölluð klassík í heimi leik-
húsbókmenntanna og hefur nokkr-
um sinnum ratað á íslenskar
leikhúsfjalir áður. Uppsetning
Nemendaleikhússins verður frum-
sýnd 24. nóvember.
Lokaverkefnið er svo nýtt verk
eftir Þorvald Þorsteinsson sem
nefnist Lífið – notkunarreglur. Hér
er um að ræða samstarfsverkefni
við Leikfélag Akureyrar og verður
frumsýnt norðan heiða 16. mars á
næsta ári. Í fréttatilkynningu frá
LHÍ kemur fram að verkið fjalli
um „ævintýrið um okkur öll“ og sé
„fullt af hlýju, tónlist og leiftrandi
húmor“. Leikstjóri er Kjartan
Ragnarsson.
Leiklist | Nemendaleikhús Listaháskóla Íslands með þrjár sýningar í vetur
Tvö ný íslensk verk og eitt klassískt
Morgunblaðið/Golli
Frumsmíði Undanfarin ár hefur Nemendaleikhúsið sýnt ný íslensk verk.
Eftir Ásgeir Ingvarsson
asgeiri@mbl.is
MAGNI er kominn á lokasprettinn í
Rock Star: Supernova og þarf á
stuðningi landsmanna að halda nú
sem aldrei fyrr.
Að sögn talsmanns Skjás eins hef-
ur nokkuð borið á misskilningi meðal
áhorfenda um að kosningu sé lokið.
Svo er ekki og ríður á að styðja
Magna dyggilega í keppninni í kvöld
svo hann komist í úrslit.
Skjár einn sýnir í kvöld kl. 23.35
Rock Star raunveruleikaþáttinn og
strax á eftir, á miðnætti, hefst
Magnavaka þar sem Felix Bergsson
og Guðrún Gunnarsdóttir stýra kosn-
ingavöku Skjás eins.
Tónleikar kvöldsins hefjast kl. 1.00
og hefst kosning í kjölfarið, og reynir
þá á stuðning Íslendinga við Magna,
því sá sem hlýtur fæst atkvæði í kosn-
ingunni fellur úr leik í lokaþætti Rock
Star: Supernova sem sýndur verður á
miðvikudagskvöld.
Úrslitaþátturinn á miðvikudag
verður tvöfaldur að lengd og munu
forsprakkar Supernova þá velja sig-
urvegara keppninnar úr hópi þeirra
þriggja sem komast áfram og von-
andi að Magni verði þeirra á meðal.
Þess má geta að byrjað er að leggja
drög að þriðja Rock Star-þættinum.
Ekki hefur enn verið ákveðið hvaða
hljómsveit mun verða fengin til sam-
starfs við framleiðendur þáttanna en
hitt hefur verið gefið upp að keppnin
verður eingöngu opin konum.
Baunir og lamb í LA
Ferðamálaráð Íslands í Bandaríkj-
unum sendi íslenska stjörnukokkinn
Völund Snæ Völundarson til Los
Angeles til að elda góðan íslenskan
mat ofan í Magna og félaga hans í
þættinum.
Þegar blaðamaður Morgunblaðs-
ins náði tali af Völundi sagði hann
matinn hafa slegið rækilega í gegn,
en máltíðin var sú síðasta sem kepp-
endur fengu að snæða saman í næði, í
friði fyrir myndavélum.
Völundur eldaði m.a. dýrindislax
með jógúrtsósu og íslenskt lamba-
kjöt, en í eftirrétt var boðið upp á
skyr og ávexti. Girnilegt Völli Snær töfraði fram ýmsa góða rétti handa rokkurunum.
Íslenskur veislumatur
fyrir Magna og félaga
Kosning í kvöld og tvöfaldur úrslitaþáttur á morgun
Ljósmynd/Matthias Ingimarsson
Fræga fólkið Hjónakornin Völli og Þóra stilla sér upp ásamt úrslitageng-
inu í Rock Star: Supernova: Magna, Dilönu, Lukas og Toby.