Morgunblaðið - 23.09.2006, Blaðsíða 4

4 LAUGARDAGUR 23. SEPTEMBER 2006 MORGUNBLAÐIÐ
FRÉTTIR
Eftir Andra Karl
andri@mbl.is
TUTTUGU starfsmönnum Nýju fréttastofunnar,
NFS, var í gær sagt upp störfum og útsendingu
stöðvarinnar í núverandi mynd hætt kl. 20 í gær-
kvöldi. Breyttar áherslur verða í starfsemi NFS
og verður m.a. aukinn þungi lagður í netmiðilinn
visir.is. Fréttatímar NFS verða áfram í morgun-
sjónvarpi Stöðvar 2 og í hádeginu auk kvöldfrétta-
tíma kl. 18:30.
Róberti Marshall, forstöðumanni NFS, var
fyrstum manna tilkynnt uppsögn á fundi með Ara
Edwald, forstjóra 365 miðla, í gærmorgun. Róbert
segist ganga sáttur frá borði en er sannfærður um
að grundvöllur sé fyrir fréttastöð á borð við NFS á
íslenskum markaði. „Auðvitað er ég ekki sáttur
við niðurstöðuna, en þegar maður hefur gert það
sem ætlast var til af manni, stofnað fréttastöð,
rekið hana á áætlun, barist fyrir henni innan fyr-
irtækis sem og utan og gert sitt besta, þá gengur
maður sáttur frá borði þó svo að niðurstaðan sé
ekki sú sem ég vonaðist eftir,“ segir Róbert.
Hann bætir við að það verði að athugast að hætt
var með NFS áður en hún fór í fulla dreifingu. Því
hafi hún ekki náð viðunandi áhorfi og því ekki við-
unandi auglýsingasölu. „Það er alveg á hreinu að
þeir sem hafa lagt upp með svona verkefni, hvort
sem það er CNN, Sky eða fyrirhugaðar sambæri-
legar stöðvar á Norðurlöndum, þá er miðað við að
það taki þrjú ár áður en það fer að skila hagnaði.
Ég er sannfærður um það, miðað við þróun síðustu
mánaða, að okkur hefði tekist að skila þessu jöfnu
eftir tvö ár.“
Annarri fréttamiðlun sinnt betur
„Mælingar hafa sýnt að fleiri nýta sér frétta-
miðlun á annan hátt en af sjónvarpsskjánum yfir
daginn, s.s. í gegnum tölvur og annað,“ segir Ari
Edwald sem hyggst breyta áherslum NFS mikið á
næstunni. „Nú þegar við drögum úr útsendingum
á sjónvarpsskjánum hyggjumst við styrkja mjög
mikið það afl sem við nýtum til að skrifa fréttir
fyrir vefinn og sinna þar einnig annarri frétta-
miðlun, t.d. með bæði innlendum og erlendum
fréttamyndskeiðum án þess að verið sé að klippa
þær úr sjónvarpi.“ Vinsælustu þættir NFS verða
svo fluttir yfir á Stöð 2.
Ari vill ekki greina frá því hversu miklu vantaði
á til að NFS stæði undir kostnaði. „Þetta fór í
sjálfu sér ekki fram úr kostnaðaráætlun en tekj-
urnar voru lægri en þær hefðu átt að vera. Það var
ekki okkar markmið að þessi rekstur myndi
standa undir sér heldur að hann myndi ekki kosta
mikið meira en starfsemi fréttastofu og tengdra
þátta áður.“
Útsendingum sjónvarps-
stöðvar NFS hætt í gær
Í HNOTSKURN
»Tuttugu starfsmönnum NFS var sagtupp í gærdag, sjö frétta- og dag-
skrárgerðamönnum og þrettán tækni-
mönnum.
»Eftir breytingarnar verða stöðugildi ístarfsmannahaldi NFS u.þ.b. 55 auk
lausráðinna starfsmanna og verktaka.
»Áherslubreytingar verða gerðar oglagður grunnur að kröftugri sókn inn
á fréttaflutning á netinu. Einnig verður
hugað að fréttamiðlun í síma.
»Vinsælustu þættir NFS verða fluttiryfir á Stöð 2, s.s. Silfur Egils, Kompás
og Örlagadagurinn.
Tuttugu starfsmönnum sagt upp og nýjar áherslur kynntar – stórefla á visir.is
ÚTSENDINGUM sjónvarpsstöðvar Nýju fréttastof-
unnar, NFS, lauk í síðasta skipti kl. 20 í gærkvöldi.
Fréttastofan mun halda starfsemi sinni áfram en miklar
breytingar verða gerðar á umhverfi hennar og verða út-
sendingar NFS í sjónvarpi eingöngu á Stöð 2 og Sirkus.
Sigurður Þ. Ragnarsson, Þór Jónsson, Elín Sveinsdóttir,
Haukur Hólm og Sigmundur Ernir Rúnarsson höfðu því
um margt að ræða að lokinni útsendingu.
Morgunblaðið/Árni Sæberg
Að lokinni síðustu útsendingu
„ÍSLENSK löggjöf um meðferð
sakamála verður að taka mið af
hinni alþjóðlegu þróun, svo að hún
komi að því gagni sem að er
stefnt. Hafi íslensk lög að geyma
sérhannaðar, heimatilbúnar réttar-
farsreglur, sem ganga á svig við
almenna þróun erlendis, þurfa að
vera fyrir þeim sterk og skýr rök.“
Þetta sagði Björn Bjarnason
dómsmálaráðherra í ræðu á fundi
Lögfræðingafélags Íslands um
meðferð sakamála sem haldinn var
í gær.
Boðað var til fundarins til að
kynna efni frumvarpa til laga um
sakamál og laga um nálgunarbann.
Í ræðu sinni ræddi Björn um að
í Evrópu væri þung þróun til
þeirrar áttar að settar yrðu sam-
eiginlegar reglur um flest svið
refsiréttarins til að auðvelda við-
brögð við vaxandi alþjóðlegri
glæpastarfsemi. Þrýst væri á ríki
um að láta af öllum
fyrirvörum sem taldir
væru tefja úrlausn
mála. Þá væri lögð
áhersla á samræmi í
rannsóknarheimildum
lögreglu, ekki síst á
sviði fjarskipta, en
það mætti ekki síst
rekja til vaxandi raf-
rænnar glæpastarf-
semi. „Ég nefni þetta
atriði sérstaklega
vegna þess að hér
geta mínútur skipt
sköpum, eigi lögregla
að ná þeim árangri,
sem af henni er kraf-
ist. Samkvæmt
norskri og danskri réttar-
farslöggjöf getur lögregla, að
ákveðnum skilyrðum uppfylltum,
hafið hlerun án undangengins
dómsúrskurðar, enda fáist slíkur
úrskurður innan 24
tíma frá því að aðgerð
hófst. Hér er ekki að
finna nein sambærileg
ákvæði.
Sumir þeirra, sem
hafa lagst gegn því að
íslenska lögreglan hafi
að þessu leyti sömu
heimildir og lögregla í
Noregi og Danmörku,
hafa gert það á þeirri
forsendu að í heimild-
inni felist skerðing á
mannréttindum, þar
sem ekki sé leitað til
dómara fyrirfram.
Þessir sömu menn
gagnrýna síðan
ákvæði í tillögunum að frumvarpi
til laga um nálgunarbann vegna
þess, að þar sé lögreglu ekki veitt
heimild án dómsúrskurðar til að
ganga á mannréttindi með því að
fjarlægja mann af heimili hans og
banna honum aðgang að því, ef
rétt er skilið,“ sagði Björn í ræð-
unni.
Mörg álitaefni
Björn sagði að mikilvægt væri
að umræða um frumvarp til laga
um meðferð sakamála væri víðtæk
og vönduð. Í lögunum væru mörg
álitaefni og ekki væru allir á einu
máli um þá skipan ákæruvalds
sem kæmi fram í tillögunum.
Einnig væri umdeilt hvort dómari
gæti tekið sjálfstæða ákvörðun en
væri ekki bundinn með lögum um
að yfirheyrslur á börnum skuli
fara fram í Barnahúsi. Þá væri
ljóst að lögregla hér á landi teldi
að íslenskar reglur um aðgang að
rannsóknargögnum á meðan mál
væru á vinnslustigi veittu henni
minna svigrúm til úrvinnslu en
tíðkast annars staðar.
Björn Bjarnason segir sterk rök þurfa fyrir heimatilbúnum réttarfarsreglum
Miðist við alþjóðlega þróun
Björn Bjarnason
dómsmálaráðherra.
SÓLVEIG Kr. Bergmann, trúnaðar-
maður starfsfólks á 365 miðlum, seg-
ir óvíst hvernig starfslokum þeirra
tuttugu sem sagt var upp störfum í
gær verður háttað. „Sumir kjósa ef-
laust að fá að vinna uppsagnarfrest-
inn en hjá öðrum er líklegt að þeir fái
greitt og fái að hætta störfum strax,
segir Sólveig en tekur skýrt fram að
ekkert sé ákveðið í þessum efnum og
á mánudag verði farið yfir málin með
einstökum starfsmönnum og starfs-
mannastjóra – í fullu samstarfi við
Rafiðnaðarsamband Íslands og
Blaðamannafélag Íslands.
Sólveig segir engar skýringar
hafa verið gefnar á einstökum upp-
sögnum en svo virðist sem þeir sem
hafi unnið styst hjá fyrirtækinu hafi
verið látnir fara. „Flestir eru
reynsluminni en þó eru þarna
reynsluboltar inn á milli. Ef maður
lítur yfir þennan hóp þá eru flestir,
alla vega í þessum sjö manna hópi –
þó það eigi ekki við um tæknimenn-
ina – þá eru það þeir sem hafa verið
hjá okkur skemmst.“
Starfslok
tekin fyrir
eftir helgi
LÖGREGLUNNI í Reykjavík var
tilkynnt um innbrot í bifreið sem
stóð við verslunarmiðstöð í borg-
inni um hádegisbilið í gær. Sam-
kvæmt upplýsingum frá lögreglu
hafði rúða verið brotin og farsíma
sem í bílnum var verið stolið. Þar
að auki var búið að aka utan í bílinn
þannig að greinilega á honum sá.
Ekið á bíl og
stolið úr honum
SAMKOMULAG í varnarviðræðum
milli Íslands og Bandaríkjanna er
nánast í höfn og að óbreyttu verður
það kynnt á þriðjudag, samkvæmt
heimildum fréttastofu Ríkissjón-
varpsins. Greint var frá þessu í
fréttatíma Sjónvarpsins í gærkvöldi.
Fram kom að samkomulagið fæl-
ist í því að íslenska ríkið taki við öll-
um eignum Bandaríkjahers á Kefla-
víkurflugvelli en í staðinn muni ríkið
standa straum af öllum kostnaði við
hreinsun á varnarsvæðinu.
Að sögn fréttastofu Sjónvarpsins
stóð jafnvel til að kynna samkomu-
lagið í þessari viku en af því hafi ekki
orðið þar sem hnýta hafi þurft
nokkra lausa enda. Svo virtist sem
fundur íslenskra og bandarískra
embættismanna í síðustu viku hefði
verið sá síðasti í samningalotunni því
ekki væri ráðgert að halda fleiri
fundi. Til stendur að kynna sam-
komulagið fyrir ríkisstjórninni eftir
helgi, forystumönnum stjórnarand-
stöðuflokkanna á mánudag og utan-
ríkismálanefnd á þriðjudag, að sögn
Sjónvarpsins.
Taka við
eignum og sjá
um hreinsun
♦♦♦
STEFNT er að
því að á næsta ári
verði Arnar Jens-
son, aðstoðaryfir-
lögregluþjónn hjá
ríkislögreglu-
stjóra, tengi-
fulltrúi hjá Euro-
pol, fyrstur
íslenskra lög-
reglumanna.
Þetta kom fram í ræðu Björns
Bjarnasonar dómsmálaráðherra á
fundi Lögfræðingafélags Íslands í
gær.
Europol er löggæslustofnun Evr-
ópusambandsins og er ætlað að
styðja við störf lögreglu í aðildarríkj-
um sambandsins. Einnig hefur
Europol gert samninga við fjölmörg
ríki og stofnanir utan sambandsins
um samvinnu í löggæslumálum.
Arnar Jensson
til Europol
Arnar Jensson
♦♦♦
ÞAÐ sem af er september hefur
lögreglunni í Reykjavík verið til-
kynnt um 418 árekstra og slys eða
19 á dag. Eru þá ótaldir þeir minni-
háttar árekstrar sem aldrei koma
inn á borð lögreglu heldur eru að-
eins tilkynntir tryggingafélögum.
Frá klukkan sjö í gærmorgun til
klukkan 21 í gærkvöldi var tilkynnt
um 22 árekstra, heldur meira en
venja er til. Á þessu tímabili voru
tíu ökumenn teknir fyrir of hraðan
akstur. Sá sem hraðast ók var piltur
sem hafði aðeins haft ökuréttindin í
einn sólarhring þegar hann var tek-
inn á Sæbrautinni á 115 km hraða
en þar er 60 km hámarkshraði.
Þessi piltur hafði látið áróður um
gætilegan akstur sem vind um eyru
þjóta, því að sögn lögreglu sagði
hann lögreglumönnum að þeir ættu
frekar að sinna öðrum málum en að
vera eltast við hann. Þá voru þrjú
innbrot tilkynnt í vinnuskúra en
verkfæraþjófnaðir virðast í tísku
þessa dagana, að sögn lögreglu.
19 árekstrar á dag
í september