Morgunblaðið - 23.09.2006, Blaðsíða 68

ÁSKRIFT-AFGREIÐSLA 569 1100 LAUGARDAGUR 23. SEPTEMBER 266. DAGUR ÁRSINS 2006 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 Hæg austlæg
átt og skýjað með
köflum. Hiti 7 til
13 stig en sums
staðar verður nætur-
frost. » 8
Heitast Kaldast
13°C 7°C
Í BYRJUN nóv-
ember kemur út
ný skáldsaga eft-
ir Ólaf Jóhann
Ólafsson, svo að
segja samtímis á
Íslandi og í
Bandaríkjunum.
Bókin ber heitið
Aldingarðurinn
og fjallar um ást-
ina í hinum fjöl-
breyttustu myndum. Enskur titill
bókarinnar er Valentines.
Edda útgáfa gefur bókina út hér á
landi en í Bandaríkjunum er hún gef-
in út hjá Knopf-forlaginu, einu helsta
bókmenntaforlagi Random House-
samsteypunnar, að því er fram kem-
ur í fréttatilkynningu frá Eddu.
Tíðindi í íslenskri útgáfusögu
Páll Valsson, útgáfustjóri skáld-
verka hjá Eddu, segir að hann þekki
þess engin dæmi að íslenskt skáld-
verk komi út samtímis á Íslandi og í
hinum enskumælandi heimi. Þetta
séu því tíðindi í íslenskri útgáfusögu.
Það sé einnig ný og merkileg reynsla
fyrir fólk í útgáfubransanum að ís-
lenska og enska útgáfan séu sam-
ferða á leið í prentsmiðju. Það hafi
t.d. verið gaman að sjá allt banda-
ríska kynningarefnið sem hafi í raun
orðið til á undan því íslenska og á því
hafi sést hversu mikils metinn Ólafur
Jóhann sé.
Valentines, eða Aldingarðurinn,
verður markaðssett í Bandaríkj-
unum í janúar. Enskur titill bók-
arinnar tengist Valentínusardeg-
inum, degi elskenda, 14. febrúar. Í
tilkynningu frá Eddu segir að for-
saga þessarar óvenjulegu tíma-
setningar sé að þegar útgáfustjóri
Random House í Bandaríkjunum
hafi fengið handritið í hendur hafi
hann hrifist svo af verkinu að útgáf-
an, sem alla jafna geri útgáfulista
langt fram í tímann, hafi ákveðið að
flýta verkinu.
Gefin út
samtímis á
Íslandi og
vestanhafs
Ólafur Jóhann
Ólafsson
„VIÐ teljum að það hafi verið gengið
framhjá allavega þremur, ef ekki
fjórum, hæfari einstaklingum,“ segir
Páll Ólafsson, formaður Stéttar-
félags íslenskra félagsráðgjafa
(SÍF), um ráðningu Stellu Víðisdótt-
ur viðskiptafræðings í starf sviðs-
stjóra velferðarsviðs Reykjavíkur-
borgar. Gísli Marteinn Baldursson
borgarfulltrúi segir faghóp hafa talið
Stellu langhæfasta.
Yfir hundrað manns sóttu fé-
lagsfund SÍF sem var haldinn um
málið í gær og í ályktun fundarins
kemur fram að félagsmönnum þyki
óásættanlegt að gengið sé framhjá
sérfræðiþekkingu á sviði velferðar-
mála við ráðninguna. „Við ítrekum
að þetta hafi ekkert með persónu
Stellu að gera. Við erum eingöngu að
hugsa um hvaða menntun og reynsla
passar í þetta starf og okkur þykir
undarlegt að það skuli vera gengið
framhjá fólki með meiri menntun og
meiri reynslu af stjórnunarstörfum,“
segir Páll, en félagið fer fram á að
ráðningin verði endurskoðuð og að
hæfasti einstaklingurinn verði ráð-
inn. „Við félagsráðgjafar höfum í
gegnum tíðina margsinnis orðið fyrir
því að fólk með aðra menntun er ráð-
ið í okkar störf. Þarna er verið að
ráða yfirmann á okkar stærsta
vinnustað, sem áður hét Félagsþjón-
ustan í Reykjavík, og að það skuli
vera ráðinn viðskiptafræðingur á þá
stöðu, það kemur bara ekki til
greina.“
Talin langhæfust
Gísli Marteinn segir að Stella hafi
verið ráðin einfaldlega vegna þess að
hópurinn sem fór yfir umsóknirnar
hafi talið hana langhæfasta umsækj-
andann. „Það var einróma ályktun
embættismannanna sem fóru yfir
þessar umsóknir, enda hefur hún
unnið á velferðarsviði Reykjavíkur-
borgar, og var m.a. staðgengill í
þeirri stöðu sem hún hefur verið ráð-
in í,“ segir Gísli og bætir því við að
ekki hafi annað komið til greina en
að ráða þá manneskju sem fagnefnd-
in mælti með.
Deila hart á ráðningu
sviðsstjóra hjá borginni
Eftir Andra Karl
andrik@mbl.is
ÍSLENSKU sjónlistarverðlaunin
voru afhent við athöfn sem fram fór
í Samkomuhúsinu á Akureyri í
gærkvöldi, en Ríkissjónvarpið
sýndi beint frá athöfninni.
Að verðlaununum standa Ak-
ureyrarbær, Form Ísland – samtök
hönnuða og Samband íslenskra
myndlistarmanna.
Myndlistarkonan Hildur Bjarna-
dóttir og Guðrún Lilja Gunnlaugs-
dóttir hönnuður hlutu Sjónlist-
arverðlaunin, hvor í sínum flokki,
en Magnús Pálsson hlaut heiðurs-
orðu Sjónlistar fyrir einstakt ævi-
framlag til myndlistar. Á myndinni
má sjá Sigrúnu Björk Jakobsdóttur,
formann stjórnar Sjónlistar, veita
Magnúsi viðurkenninguna. Í bak-
grunni er Einar Sveinsson, formað-
ur menningarsjóðs Glitnis. | 56
Heiðursorða fyrir æviframlagið
Morgunblaðið/Skapti Hallgrímsson
ÁRNÍNA Guðmundsdóttir, fyrrverandi yfirhjúkr-
unarkona á Barnaspítala Hringsins, afhenti nýver-
ið spítalanum íbúð sína í Eskihlíð til eignar. Íbúðin
verður nýtt fyrir foreldra utan af landi sem koma
með börn sín til meðferðar á Barnaspítalann.
Anna Ólafía Sigurðardóttir, sviðsstjóri hjúkr-
unar á Barnaspítalanum, segir gjöfina virkilega
kærkomna, ekki síst vegna staðsetningarinnar en
íbúðin er ekki langt frá LSH við Hringbraut – og
þar með Barnaspítalanum. „Við erum með nokkr-
ar íbúðir sem eru í umsjón okkar á spítalanum og
þær er mjög vel nýttar. Þannig að það er mikil þörf
fyrir svona íbúðir,“ segir Anna Ólafía og mærir
Árnínu fyrir góða gjöf sem og ómetanlegt starf
fyrir Barnaspítala Hringsins en hún helgaði líf sitt
hjúkrun veikra barna og starfaði við það í nær
fjóra áratugi.
Árnína lauk námi frá Hjúkrunarskóla Íslands
árið 1943 og vann nær allan sinn starfsferil á
Landspítalanum. Á árinu 1956 fór hún til Dan-
merkur, Svíþjóðar og Finnlands til að kynna sér
rekstur og uppsetningu barnadeilda og á árinu eft-
ir tók hún þátt í stofnun barnadeildar við Land-
spítalann.
Árnína var yfirhjúkrunarkona þar frá upphafi
og einnig eftir að Barnaspítali Hringsins var stofn-
aður 1. mars 1965. Hún lét af störfum sem yfir-
hjúkrunarkona vegna aldurs árið 1984 en sinnti
verkefnum fyrir Barnaspítalann um nokkurt skeið
þar á eftir.
Árnína sem er 92 ára óskaði sjálf eftir því að
íbúðin yrði notuð fyrir foreldra barna utan af landi,
sem dveljast þurfa tímabundið í Reykjavík vegna
veikinda barnanna.
Færði Barnaspítalanum íbúð
Ánægð Árnína Guðmundsdóttir á milli Önnu
Ólafíu Sigurðardóttur, sviðsstjóra hjúkrunar, og
Ásgeirs Haraldssonar, sviðsstjóra lækninga.
Óskaði sjálf eftir því að íbúðin yrði notuð fyrir foreldra barna utan af landi
AL GORE, fyrrverandi varaforseti
Bandaríkjanna, þáði í gær, á fundi
með Ólafi Ragnari Grímssyni, forseta
Íslands, boð um að koma bráðlega í
heimsókn hingað til lands. Fundur
Ólafs Ragnars og Gore fór fram á
samráðsþingi Bills Clintons, fyrrver-
andi forseta Bandaríkjanna, sem er
haldið í New York.
Í heimsókninni mun Al Gore kynna
sér árangur Íslendinga á sviði end-
urnýjanlegrar orku, alþjóðlegt til-
raunaverkefni um eyðingu koltvísýr-
ings úr andrúmsloftinu og jafnframt
ræða breytingar í hafinu umhverfis
Ísland, bæði á hafstraumum og lífríki
hafsins. Þá mun hann halda opinber-
an fyrirlestur í boði forseta Íslands.
Íslendingum hrósað
Í ferð sinni til New York veitti Ólaf-
ur Ragnar Grímsson viðtöku verð-
launum frá Loftslagsstofnuninni í
Washington fyrir forystu í umhverf-
ismálum og fjallaði hann við það til-
efni um notkun Íslendinga á endur-
nýjanlegum orkugjöfum. Ræða
forsetans varð til þess að Karl Gawell,
framkvæmdastjóri Jarðvarmasam-
takanna í Bandaríkjunum
(Geothermal Energy Association),
gaf út yfirlýsingu þar sem Íslend-
ingum var hrósað fyrir að byggja upp
efnahagslíf sem byggist á hreinni
orku frá jarðvarma. Var lagt til að
Bandaríkin og Ísland myndu í
sameiningu verða í forystu um að
auka rafmagnsframleiðslu með jarð-
varma.
Al Gore
þáði boð
um Íslands-
heimsókn
Til Íslands Al Gore mun m.a. kynna
sér árangur Íslendinga á sviði end-
urnýjanlegrar orku og ræða breyt-
ingar á hafinu umhverfis landið.
VÍSITALA íbúðaverðs hækkaði
nokkuð óvænt milli júlí og ágúst eða
um 2,4% en vísitala íbúðaverðs á höf-
uðborgarsvæðinu hefur ekki hækkað
jafnmikið milli mánaða frá því í nóv-
ember í fyrra. Að raunvirði hefur
íbúðaverð hækkað um 2,1% síðustu
tólf mánuðina en síðastliðið hálft ár
hefur það lækkað um 1,7%.
Þrátt fyrir hækkunina nú eru
greiningardeildir bæði Glitnis og
Kaupþings banka á því að þrýsting-
ur sé til verðlækkunar á næstu miss-
erum. Í umhverfi hárra vaxta og
verðbólgu sé ólíklegt að hækkunin
nú sé til marks um að íbúðaverð
muni taka að hækka á ný.
Morgunblaðið/Arnaldur
Óvænt
hækkun

Verð á íbúðarhúsnæði | 16