Morgunblaðið - 23.09.2006, Qupperneq 10
10 LAUGARDAGUR 23. SEPTEMBER 2006 MORGUNBLAÐIÐ
FRÉTTIR
SÁ fáheyrði atburður varð í umferð-
inni í Reykjavík að valtari keyrði á
bíl. Atvikið átti sér stað þar sem
gatnaframkvæmdir stóðu yfir. Við
óhappið sprakk dekk á bílnum og
bretti brotnaði. Við eftirgrennslan
lögreglunnar í Reykjavík kom jafn-
framt í ljós að ökumaður valtarans
hafði ekki tilskilin ökuréttindi til að
stjórna slíkri vinnuvél.
Valtari ók
á bifreið
RÖGNVALDUR Ólafsson hjá al-
mannavarnardeild ríkislög-
reglustjóra flutti erindi á málþinginu
í gær. Þar ræddi hann um almanna-
varnir og upplýsingar til almenn-
ings. Rögnvaldur segir að hafa þurfi
í huga hvernig koma eigi upplýs-
ingum til heyrnarlausra í neyð-
aratvikum. Ekki sé hægt að nota út-
varp til að beina upplýsingum beint
til þessa hóps. Hann segir nútíma-
tækni bjóða upp á ýmsar lausnir, en á
henni séu hins vegar einnig ann-
markar. „Við höfum netið, en þang-
að getum við sett upplýsingar. Við
höfum gsm-síma og sms-skilaboð og
112 notar talvél sem heitir Boði til
þess að senda út talskilaboð í síma-
númer og svo er það textavarp og
skilaboðarendur yfir skjáinn með
annarri dagskrá. En allt þetta getur
bilað. Netið getur legið niðri, hugs-
anlega vegna rafmagnsleysis eða
vegna þess að símkerfið liggur niðri.
GSM-kerfið getur hrunið vegna
álags og sms-kerfið líka, auk þess
sem þau ná ekki yfir allt landið.
Sama á við um Boðann og talvélina,“
segir hann. Því séu mannleg sam-
skipt alltaf afar mikilvæg. Fólk þurfi
að vita af vinum og ættingjum svo
hægt sé að kanna með ástand þeirra
og gera viðvart, komi upp neyð-
aratvik. „Það getur falist falskt ör-
yggi í nútímatækninni,“ segir Rögn-
valdur. Nefna megi sem dæmi
atburði sem kalli á rýmingu á
ákveðnu svæði. Almannavarnir séu
til að mynda með viðbragðsáætlun
vegna Kötlu í Rangárvalla- og Vest-
ur-Skaftafellssýslum. „Þar erum við
með kerfi þar sem við notum Boða og
sms-skilaboð til þess að koma boðum
til íbúa. En við erum samt með hlaup-
arakerfi, en í því felst að menn hafa
það skilgreinda hlutverk að fara á
ákveðna sveitabæi og kanna með
íbúana, hvort allir viti af þessu og all-
ir séu farnir. Við erum alltaf með
mannlega þáttinn í þessu.“
Eftir Elvu Björk Sverrisdóttur
elva@mbl.is
GEYSILEGUR hraði er í
tækniþróun og það eru alltaf að
koma nýir og nýir möguleikar fyrir
heyrnarlausa til þess að nýta sér
þessa tækni, en á sama tíma úreld-
ast eldri tæki. Þetta segir Kristinn
Jón Bjarnason, framkvæmdastjóri
Félags heyrnarlausra, sem stóð í
gær að málþingi í Salnum í Kópa-
vogi um samskiptatækni í tilefni
Dags heyrnarlausra.
Kristinn Jón segir heyrnarlausa
vilja standa jafnfætis heyrandi í
samskiptum og sú tækniþróun sem
orðið hafi skipti heyrnarlausa
miklu. „Við eigum ekki í neinum
vandræðum með að eiga samskipti
hvort við annað,“ segir Kristinn Jón
um heyrnarlausa. Vandamál skapist
hins vegar í samskiptum við heyr-
andi. Heyrnarlausir noti sms-skila-
boð mikið en ekki geti allir sem
heyra tekið á móti slíkum skila-
boðum, margt eldra fólk hafi til að
mynda ekki tileinkað sér þá tækni.
„Þar upplifum við ákveðna hindrun.
En svo erum við líka með msn-
tækni, en ekki nýta hana heldur all-
ir,“ segir Kristinn Jón. Hann segir
að þegar heyrnarlausir ætli að hafa
samband við fyrirtæki verði þeir að
nota túlk.
Heyrnarlausir bindi miklar vonir
við að myndsími verði framtíðar-
lausn í samskiptamálum þeirra.
„Með þessari nýju tækni vonum við
að við getum í framtíðinni haft beint
samband, í gegnum túlk að vísu.
Þeir sem heyra þurfa bara að svara
í símann og tala í hann og það fer
síðan í gegnum táknmálstúlkinn
sem kemur svo á skjáinn hjá okk-
ur,“ segir Kristinn Jón. Ljóst sé að
myndsími sé það sem koma skal, en
slík tækni sé orðin mjög útbreidd
vestanhafs og í nokkrum löndum
Evrópu líka.
Styrkur dugir ekki
Spurður um hvort segja megi að
framtíðin sé björt í samskiptamál-
um heyrnarlausra, segir Kristinn
Jón að heyrnarlausir voni að svo sé.
„En þetta er alltaf spurning um
peninga frá ríkinu í þessu sam-
bandi. Heyrnar- og talmeinastöð
styrkir okkur í hjálpartækjakaup-
um á tveggja ára fresti [um 30.000
krónur á einstakling] … En við
þurfum alltaf að borga eitthvað með
sjálf,“ segir Kristinn Jón. Þessi
styrkur dugi ekki til. „Við þurfum
að vera með sms-tækni, myndsíma
og það er alltaf aukakostnaður, en
við vonum að framtíðin verði okkur
hliðholl.“ Ríkisstjórnin leggi áherslu
á „aðgengi fyrir alla“. „Þá er auðvit-
að sjálfsagt að við sem erum heyrn-
arlaus eigum fullt aðgengi að öllu,“
segir Kristinn Jón Bjarnason.
Standi jafnfætis heyrandi
Morgunblaðið/Eyþór
Málþing Rætt var um samskiptatækni fyrir heyrnarlausa á málþingi í tilefni Dags heyrnarlausra í Salnum í gær.
Í HNOTSKURN
»Hið opinbera styrkirheyrnarlausa um 30.000
krónur á einstakling á tveggja
ára fresti vegna kostnaðar við
hjálpar- og samskiptatæki.
»Meðal þess sem heyrnar-lausir geta nýtt styrkinn
til eru kaup á gsm-síma, fax-
tæki, tölvu og vefmyndavél.
Nútímatækni takmörkuð
♦♦♦
SLÖKKVILIÐSMENN á Keflavík-
urflugvelli hafa gert kjarasamning
við ríkið og var hann samþykktur
með 51 atkvæði gegn engu.
Þessi samningur er sögulegur að
því leyti að þetta er fyrsti kjara-
samningurinn sem slökkviliðsmenn
á Keflavíkurflugvelli gera. Hinn 1.
október nk. mun íslenska ríkið taka
yfir rekstur slökkviliðsins á Kefla-
víkurflugvelli og slökkviliðsmenn
því komnir með fullgildan samn-
ingsrétt.
Fram til þessa tíma hefur kaup-
skrárnefnd ákvarðað kaup og kjör
slökkviliðsmanna á Keflavíkurflug-
velli og oftar en ekki verið vand-
kvæðum bundið að fá Starfsmanna-
hald varnarliðsins til að fara að
þeim úrskurði.
Slökkviliðs-
menn sömdu
HÉRAÐSDÓMUR Vestfjarða hef-
ur dæmt karlmann á þrítugsaldri
til fimm mánaða fangelsisvistar
fyrir umferðarlagabrot, fíkniefna-
lagabrot og brot á vopnalögum.
Með brotunum rauf maðurinn skil-
orð og var því óhjákvæmilegt að
taka skilorðsbundna hlutann upp.
Maðurinn játaði brot sín ský-
laust fyrir dómi en hann var m.a.
kærður fyrir að hafa í vörslum sín-
um tæp 137 grömm af hassi, 28
grömm af amfetamíni og rúmlega
eitt gramm af tóbaksblönduðu
hassi.
Efnin fundust í bifreið mannsins
en við leitina framvísaði hann
einnig byssusting sem lögregla
lagði hald á. Við málsmeðferðina
var gerð krafa um upptöku á fíkni-
efnunum ásamt áhöldum til neyslu,
s.s. grammvog, íblöndunarefnum,
álpappír og plastflösku.
Ekki tilefni til að
skilorðsbinda refsinguna
Ákærði kvaðst fyrir dómi hafa
látið af fíkniefnaneyslu en þrátt
fyrir það þótti ekki tilefni til að
skilorðsbinda refsinguna, ekki síst
með tilliti til sakaferils mannsins.
Hann hefur m.a. verið dæmdur áð-
ur fyrir fíkniefnamisferli og um-
ferðarlagabrot. Í nóvember árið
2004 var hann dæmdur til greiðslu
500 þúsund króna og sviptur öku-
rétti í þrjú ár fyrir brot á umferð-
arlögum og 10. janúar 2005 dæmd-
ur í þriggja mánaða fangelsi fyrir
brot gegn almennum hegningar-
lögum.
Erlingur Sigtryggsson dóm-
stjóri kvað upp dóminn. Ólafur
Hallgrímsson fulltrúi sótti málið af
hálfu ákæruvaldsins en ákærði
naut ekki aðstoðar lögmanns.
Tekinn
með fíkni-
efni og
byssusting
Karlmaður á þrítugs-
aldri dæmdur í hér-
aðsdómi Vestfjarða