Morgunblaðið - 20.10.2006, Blaðsíða 18

18 FÖSTUDAGUR 20. OKTÓBER 2006 MORGUNBLAÐIÐ
ERLENT
Eftir Baldur Arnarson
baldura@mbl.is
BRESKIR fjölmiðlar skýrðu frá því í gær að
Bretland væri nú aðalskotmark al-Qaeda hryðju-
verkanetsins á sama tíma og starfsemi þess yrði
sífellt skipulegri og þróaðri. Tíðindin koma á
slæmum tíma fyrir Tony Blair forsætisráðherra,
nú þegar stjórn hans verst gagnrýni eftir að tveir
meintir hryðjuverkamenn sluppu nýverið úr
greipum yfirvalda er þeir voru undir eftirliti á
Bretlandi.
Þannig fullyrða heimildarmenn breska ríkisút-
varpsins, BBC, og dagblaðsins Guardian, að
staða þessara mála hafi aldrei verið jafn alvarleg
og að al-Qaeda liðar starfræki nú vel skipulagða
hópa á Bretlandseyjum, ekki ósvipað og Írski
lýðveldisherinn, IRA, gerði í áráraðir.
Meðal ástæðna þessa er sú, að Bretland sé nú
auðvelt skotmark meðal annars vegna þess að
tengsl landsins við Pakistan þýði að eftirlit með
fólksflutningum þaðan sé afar erfitt.
Leiðtogi hvers al-Qaeda hóps er sagður hafa
umsjón með söfnun vopna og sprengiefna auk
þjálfunar á nokkrum sjálfboðaliðum. Er starfi
þessara hópa lýst sem fjölbreyttu, þeir útvegi
fjármagn með ýmiskonar fjársvikum og fjáröflun.
„Það er verkaskipting innan hvers hóps sem
lýtur strangri stjórn og fyrirmælum,“ sagði
heimildarmaður Guardian á þessu sviði. „Al-
Qaeda lítur á Bretland sem stórkostlegt tækifæri
til að valda miklum mannskaða og baka yfirvöld-
um skömm,“ sagði annar heimildarmaður blaðs-
ins.
Safna liði í Pakistan og Afganistan
Jafnframt telja sérfræðingar, að árásirnar í
London 7. júlí 2005, þegar á sjötta tug manna lét
lífið í fjórum sprengiárásum, séu „aðeins upphaf-
ið“ og að al-Qaeda-liðar undirbúi fleiri mann-
skæðar árásir. Í breskum miðlum kemur einnig
fram að hryðjuverkamenn í Pakistan og Afgan-
istan hafi á síðustu árum endurskipulagt sig og
safnað liði.
Að sögn BBC telja sérfræðingar, að al-Qaeda
beini nú spjótum sínum að háskólum og sam-
félaginu í leit að nýjum liðsmönnum, og leggi
minni áherslu á moskur í Bretlandi en áður.
Bretland aðalskotmark
liðsmanna al-Qaeda
Reuters
Ógn Sérfræðingar segja árásirnar 7. júlí kunna
að vera upphafið að hrinu árása á Bretlandi.
Starfsemi netsins mun
skipulegri en talið var
TRÚÐAR í Mið- og Suður-Ameríku hafa verið á fundi í
Mexíkóborg þessa síðustu daga og að sjálfsögðu hefur
verið þar glatt á hjalla og mikið um grín og gaman. Eru
þeir um 400 talsins og það gleðilega er að konunum í
hópnum fjölgar ár frá ári.
Tilgangur fundarins er að trúðarnir beri saman bæk-
ur sínar, læri hver af öðrum og síðast en ekki síst eigi
skemmtilega daga saman. Í Rómönsku Ameríku er
gjarnan talað um tvenns konar trúða, „caras blancas“,
sem eru aðallega í að skemmta börnum, og hins vegar
„callejeros“, þá sem bregða á leik á götum úti og geta
stundum verið dálítið grófir. Ekki er vitað hvorum
hópnum þessir trúðar tilheyra en þeir ruddu út úr sér
bröndurunum um leið og myndin var tekin.
Reuters
Trúðasamkoma í Mexíkóborg
Eftir Baldur Arnarson
baldura@mbl.is
GEORGE W. Bush Bandaríkja-
forseti sagði í viðtali við ABC-
sjónvarpsstöðina á þriðjudag að
samanburður á ástandinu í Írak og
Tet-sókn kommúnista í Víetnam-
stríðinu væri réttmætur, en hún er
jafnan talin undanfari brottflutnings
Bandaríkjahers frá Víetnam.
Bush lét þessi orð falla þegar
hann var spurður að því hvort hann
tæki undir þau orð þekkts dálkahöf-
undar að bardagarnir í Írak minntu
á sóknina frægu árið 1968.
„Hann gæti haft rétt fyrir sér.
Tíðni ofbeldisverka hefur svo sann-
arlega aukist og kosningar nálgast,“
sagði forsetinn um samanburðinn.
Þessi ummæli hafa orðið tilefni
mikilla umræðna vestanhafs en 1968
náði repúblik-
aninn Richard M.
Nixon kjöri sem
forseti eftir að
Lyndon B. John-
son dró sig í hlé
og flokksbróðir
hans, forseta-
frambjóðandinn
Robert F. Ken-
nedy, var myrtur
af öfgamanni 5. júní sama ár að lokn-
um kosningafundi í Los Angeles.
Sóknin var mikið áfall
Bush vildi hins vegar ekki taka
undir að vaxandi mannfall í röðum
Íraka og bandarískra hermanna
þýddi að herferðin væri að mistak-
ast, en athygli vekur að almennt er
talið að Johnson hafi dregið sig í hlé
vegna erfiðleikanna í Víetnam.
Þannig hófu hersveitir Víetkong
og Norður-Víetnam sameinaðar
árásir á búðir Bandaríkjahers í Tet-
sókninni sem svo er nefnd. Sóknin
mistókst en var engu að síður mikið
áfall fyrir Bandaríkjamenn, banda-
menn þeirra og Johnson forseta.
Af þessum sökum sáu samstarfs-
menn Bush ástæðu til að skýra orð
hans og sagði Dana Perino, talskona
Hvíta hússins, að hann hefði átt við
að óvinurinn væri að reyna að lama
baráttuþrek Bandaríkjahers.
Hættir að minnast á stríðið
Dagblaðið New York Times
fjallaði um það á vefsíðu sinni í gær
hvernig kosningabarátta repúblik-
ana hefði breyst. Fyrir fjórum mán-
uðum hefði Hvíta húsið gefið flokks-
bræðrum Bush þau fyrirmæli að
leggja áherslu á mikilvægi Íraks-
stríðsins sem lið í baráttunni gegn
hryðjuverkum, um leið og demó-
kratar yrðu gagnrýndir fyrir að vilja
draga hersveitirnar heim.
Nú þegar innan við þrjár vikur
eru til kosninga segir blaðið fram-
bjóðendur repúblikana varla
minnast á Írak á kosninga-
ferðalögum sínum eða í sjónvarps-
auglýsingum. Á sama tíma grípi
andstæðingar þeirra hvert tækifæri
til að gagnrýna stríðið sem mis-
heppnaða herför.
Um mikil umskipti er að ræða frá
kosningunum 2002 og 2004 þegar
áhersla repúblikana á varnarmál var
talin þeirra helsti styrkur.
Þá skýrði dagblaðið Washington
Post frá því á vefsíðu sinni í gær að
níu fyrrum repúblikanar í Kansas
hefðu skipt um lið og væru nú í
framboði sem demókratar.
Ummæli Bush vekja mikið umtal
George W. Bush
Bandaríkjaforseti segir samanburð á ástandinu í Írak og Tet-sókninni í Víetnam ef til vill réttmætan
Í HNOTSKURN
»Alþjóðasamband blaða-manna, IFJ, tilkynnti fyrir
skömmu að 149 blaðamenn hefðu
fallið í Írak frá upphafi innrás-
arinnar í mars 2003.
»Demókratar hafa umtalsvertforskot í flestum könnunum
fyrir kosningarnar 7. nóvember.
» Í nýrri könnun NYT/CBSsegjast tveir af hverjum
þremur ósáttir við stefnu Bush í
Írak um þessar mundir.
»Hundruð manna hafa fallið íÍrak frá upphafi Ramadan-
mánaðar 23. september í nær
linnulausum árásum í landinu.
New York. AP. | Sjö stjórnendur útfar-
arstofa í Bandaríkjunum hafa játað
aðild að stuldi á líkamshlutum sem
voru seldir fyrirtækjum er sérhæfa
sig í sölu á vefjum úr líkum, meðal
annars fyrir ígræðsluaðgerðir.
Stjórnendurnir samþykktu að
greiða fyrir rannsókn málsins gegn
því að fá vægari dóma. Á meðal
þeirra er stjórnandi útfararstofu
sem tók hluta úr líki breska útvarps-
mannsins Alistairs Cooke, sem lést
árið 2004, 95 ára að aldri, en hann
starfaði í alls 70 ár hjá breska rík-
isútvarpinu BBC og sá um þáttinn
Bréf frá Ameríku í 58 ár.
Saksóknarar segja að fjórir aðrir
menn, þeirra á meðal Michael Mast-
romarino, eigandi fyrirtækis sem
selur vefi úr líkum, hafi fjarlægt húð,
bein og aðra hluta úr allt að þúsund
líkum sem fengin voru frá útfarar-
stofum. Mastromarino, sem er fyrr-
verandi munnskurðlæknir, er sakað-
ur um hafa grætt milljónir dollara á
því að selja stolna vefi sem notaðir
voru í algengar læknisaðgerðir, m.a.
tannígræðslur og mjaðmaskiptaað-
gerðir.
Játuðu
líkstuldi
Stjórnendur útfar-
arstofa meðsekir
MIKLIR þurrkar
í Ástralíu eru
farnir að hafa al-
varlegar afleið-
ingar fyrir bænd-
ur og landbún-
aðinn í landinu.
Hefur sjálfsvíg-
um meðal bænda
stórfjölgað.
Þurrkarnir
hafa nú staðið á
sjötta ár og eru þeir mestu í meira en
öld. Er nú svo komið að fjórða hvern
dag gefst einhver bóndi upp og svipt-
ir sig lífi. Hafa stjórnvöld ákveðið að
verja miklu fé til styrktar bændum
en þeir eru margir búnir að missa
alla von um að úr rætist. Sjá veð-
urfræðingar enda ekki fram á neina
úrkomu á næstu vikum og mánuð-
um.
Mikil einangrun
Ástandið meðal ástralskra bænda
hefur lengi verið erfitt þótt ekki bæt-
ist þurrkarnir við. Þeir búa margir
við mikla einangrun og mikið hefur
verið um áfengismisnotkun og erf-
iðleika innan fjölskyldna af þeim
sökum. Fjarlægðir eru miklar og því
vill það dragast að fólk leiti sér hjálp-
ar áður en í óefni er komið.
Svipta sig
lífi vegna
þurrka
Þurrkur Vatnsból
en ekkert vatn.
SÆNSKU fjölmiðlarnir fullyrtu í
gær að Fredrik Reinfeldt, forsætis-
ráðherra Svíþjóðar, ætlaði að skipa
Ulf Dinkelspiel viðskiptaráðherra í
stað Mariu Borelius, sem neyddist
til að segja af sér.
Dinkelspiel fór með utanríkisvið-
skipti í ríkisstjórn Carl Bildts, sem
var við völd frá 1991 til 1994, og
hann barðist ötullega fyrir aðild Sví-
þjóðar að Evrópusambandinu. Rein-
feldt vildi ekkert um þetta segja í
gær en hann hafði áður sagt að hann
myndi skipa í embætti viðskipta- og
menningarmálaráðherra eftir helgi.
Stjórn borgaraflokkanna hefur
ákveðið að hætta við að lækka
skatta á áfengi eins og jafnaðar-
menn ætluðu að gera. Var það talið
nauðsynlegt til að koma í veg fyrir
gífurlegt áfengissmygl en Maria
Larsson úr Kristilega þjóðarflokkn-
um, sem fer með þessi mál í rík-
isstjórninni, segir að þess í stað
verði gripið til meira eftirlits og
harðari refsinga.
Dinkelspiel
í viðskiptin?
♦♦♦