Morgunblaðið - 20.10.2006, Blaðsíða 20

20 FÖSTUDAGUR 20. OKTÓBER 2006 MORGUNBLAÐIÐ
MENNING
Í SEPTEMBER frumsýndi
Kvenfélagið Garpur, í sam-
vinnu við Hafnarfjarðarleik-
húsið, Gunnlaðar sögu eftir
Svövu Jakobsdóttur. Aðstand-
endur sýningarinnar blása til
málþings og umræðna um
Gunnlaðar sögu í Hafnarfjarð-
arleikhúsinu á sunnudaginn kl.
16. Frummælendur verða:
Soffía Auður Birgisdóttir,
sem kallar erindi sitt: Lífsvon í
deyjandi sköpunarverki, Ármann Jakobsson sem
fjallar um ágenga nálægð goðsagnanna í verkinu,
og höfundur leikgerðarinnar, Sigurbjörg Þrast-
ardóttir, sem spyr: Hver á að leika tréð?
Málþing
Gunnlaðar saga í
Hafnarfirðinum
Svava
Jakobsdóttir
NÚ STENDUR yfir ljós-
myndasýning í strætóskýlum
borgarinnar. Um er að ræða
verk eftir Rebekku Guðleifs-
dóttur sem notið hefur mikilla
vinsælda á netinu fyrir ljós-
myndir sínar. Sýningin er vítt
og breitt um borgina en hægt
er að aka þrjár leiðir til að
njóta hennar í heild sinni auk
þess sem hægt er að ganga hring í miðborg
Reykjavíkur og virða verkin nánar fyrir sér. Sýn-
ingin stendur fram yfir helgi í strætóskýlunum en
einnig verður hægt að sjá verkin í sýningarsal
Toyota við Nýbýlaveg á morgun milli kl. 13 og 17.
Ljósmyndasýning
Strætóskýlin skarta
ljósmyndum
KÓMEDÍULEIKHÚSIÐ
sýnir einleikinn Gísla Súrsson
í Möguleikhúsinu nú um
helgina. Leikurinn er nú sýnd-
ur þriðja leikárið í röð og var
nýlega sýndur á leiklistarhátíð
í Hannover í Þýskalandi og
vann þar til verðlauna fyrir
besta handrit. Fyrsta sýning á
Gísla í Möguleikhúsinu verður
á morgun kl. 20. Önnur sýning
verður á sunnudag kl. 20 og þriðja sýning á
fimmtudag 26. október en uppselt er á þá sýningu.
Gísli Súrsson er byggður á einni af þekktustu Ís-
lendingasögunum, en í hlutverki hetjunnar er Elf-
ar Logi Hannesson.
Einleikur
Gísli Súrsson kom-
inn aftur á svið
Elfar Logi
LJÓÐATÓNLEIKAR þar sem flutt
verða lög við kvæði Gunnars Gunn-
arssonar verða að teljast hápunkt-
urinn á dagskrá sem haldin er í til-
efni 100 ára rithöfundarafmælis
Gunnars. Um er að ræða flutning
fimmtán laga eftir átta tónskáld,
flest þeirra samtímamenn Gunnars í
Danmörku, Svíþjóð og Þýskalandi,
en auk þess verður frumflutt lag
Atla Heimis Sveinssonar sem hann
hefur samið við sonnettuna „Vetr-
arnótt“ sem birtist í Eimreiðinni
1914.
Þrjú lög við sama kvæðið
Nótur af lögunum fimmtán fund-
ust í gögnum skáldsins og hefur
Daníel Þorsteinsson tónlistarmaður
unnið að því frá því í sumar að tölvu-
setja lögin úr handritum. Við þá iðju
hefur hann einnig þurft að lagfæra
villur sem slæðst hafa inn í handritin
og færa lögin, sem öll eru skrifuð
sem einsöngslög við píanóundirleik,
milli tóntegunda þar sem oftast er
um útsetningar fyrir óskilgreinda
rödd að ræða. Að auki hefur Daníel
sjálfur útsett tvö laganna fyrir dúett.
Fyrir tónleikana hefur hann svo
fengið til liðs við sig þau Huldu
Björk Garðarsdóttur sópran og
Ágúst Ólafsson barítón og munu þau
syngja þrjá dúetta auk þess að
skipta bróðurlega með sér öðrum
lögum.
Daníel segir að fyrir fram hafi
hann ekki haft neina vitneskju um
tónskáldin átta nema þá óbeint í einu
tilviki, en danski tónsmiðurinn Vilh.
Hansen er teiknari bókanna um hinn
geðþekka bangsa Rasmus Klump.
„Þetta eru allt frá því að vera lítil
sæt lög í síðrómantískum stíl, eins
og við þekkjum frá okkar tón-
skáldum af fyrri hluta 20. aldar, og
yfir í að vera ómstríðari og aðeins
meira modern lög,“ segir Daníel um
tónsmíðarnar. „Dagskráin endar svo
á Atla Heimi sem myndi vera boð-
beri tónlistarinnar í dag.“
Daníel segir athyglisvert að eitt
kvæði virðist sérstaklega hafa heill-
að tónskáldin því við „Spørge vinden
om vej“ hafa þrjú tónskáld kosið að
semja sitt lagið hvert. „Það er fróð-
legt að sjá hversu ólíkum tökum
menn taka þennan texta.“
Málþing og leiklestur
Tónleikarnir fara fram í Gerðu-
bergi á morgun og hefjast klukkan
16. Tveimur tímum fyrr verður hald-
ið málþing á sama stað þar sem Jón
Yngvi Jóhannsson, Gunnar Her-
sveinn og Halldór Guðmundsson
flytja erindi. Pallborði á eftir erind-
um stýrir Pétur Gunnarsson rithöf-
undur og er aðgangur ókeypis.
Á morgun klukkan 20.30 verður
dagskrá í Gunnarshúsi að Dyngju-
vegi 8. Leiklesið verður úr leikgerð
Jóns Hjartarsonar á Fjallkirkjunni,
auk þess sem sungin verða ljóð úr
fyrstu bókum skáldsins við frum-
samin lög Agnars Más Magn-
ússonar.
»Hundrað ár eru liðin frá þvíað ljóðakver Gunnars
Gunnarssonar komu út.
»Gerðuberg menningar-miðstöð, Gunnarsstofnun
Skriðuklaustri og Rithöfunda-
samband Íslands standa fyrir
dagskrá í dag og á morgun.
»Á morgun verða ljóða-tónleikar í Gerðubergi.
Sungin verða lög átta tónskálda
við kvæði Gunnars á íslensku,
dönsku og þýsku.
»Frumflutt verður nýtt lageftir Atla Heimi Sveinsson.
»Daníel Þorsteinsson tónlist-armaður hefur unnið í lög-
unum og verður með tvo söngv-
ara sér til fulltingis við
flutninginn.
Í HNOTSKURN
Menning | Dagskrá í tilefni 100 ára rithöfundarafmælis Gunnars Gunnarssonar
Kvæði Gunnars sungin
Daníel Þorsteinsson segir að lag Atla Heimis Sveinssonar við „Vetrarnótt“
Gunnars sé fallegur dúett. Hulda Björk Garðarsdóttir og Ágúst Ólafsson
syngja dúettinn sem og önnur lög við kvæði skáldsins á laugardagskvöldið.
Morgunblaðið/ÞÖK
Dúettar og einsöngslög
ROKKARARNIR gömlu í Genesis
hafa ákveðið að snúa aftur, tíu ár-
um eftir að söngvari þeirra, Phil
Collins, yfirgaf sveitina.
Collins, gítarleikarinn Mike Rut-
herford og hljómborðsleikarinn
Tony Banks hafa samþykkt að fara
í stóra tónleikaferð bráðlega, en
taka má fram að þeir þrír eru allir
komnir vel á sextugsaldurinn.
Genesis seldi yfir 130 milljónir
hljómplatna á áttunda og níunda
áratuginum þrátt fyrir að hafa
misst upphaflegan söngvara sinn,
Peter Gabriel, árið 1975.
Genesis var stofnuð af Ruther-
ford, Banks og Gabriel, sem kynnt-
ust í Charterhouse almenningsskól-
anum, á sjötta áratuginum. Collins
kom inn í bandið sem trommari um
1970 en tók við hljóðnemanum þeg-
ar Gabriel sagði skilið við bandið.
Talsmaður hljómsveitarinnar
sagði dagskrá tónleikaferðarinnar
og framtíðarplön hljómsveitarinnar
verði tilkynnt á næstu vikum, en
talið er að Genesis muni koma fram
með nýtt efni innan skamms, göml-
um sem nýjum aðdáendum líklega
til mikillar gleði.
Hljómsveit-
in Genesis
snýr aftur
Phil Collins verður í
fararbroddi bandsins
ÞAÐ getur verið
stórvarasamt að
skoða málverkin
sín, ekki síst ef
maður er valtur
á fótunum og
höfundur verks-
ins heitir Pi-
casso. Þetta
reyndi auðjöf-
urinn Steve
Wynn nýlega þegar hann var að
sýna vinum sínum málverkið
Drauminn eftir Picasso. Ekki tókst
betur til en svo að Wynn, sem hald-
inn er augnsjúkdómi sem truflar
skynjun á fjarlægðum, rak olnbog-
ann í verkið svo gat kom á strigann
og fór í gegn. En þetta var ekki
nóg, því Wynn var nýbúinn að
skrifa undir sölusamning á verkinu,
en fyrir það átti hann að fá andvirði
tæpra tíu milljarða króna. Einn við-
staddra sagði frá því að Wynn hefði
bölvað, en sagst glaður að það var
hann sjálfur sem í hlut átti. Kaup-
samningurinn góði gekk til baka.
Martröð í
stað Draums
Draumurinn Mál-
verkið eftir Picasso
Jólahlaðborð
Glæsilegur blaðauki um jólahlaðborð, tónleika og uppákomur
í nóvember og desember fylgir Morgunblaðinu föstudaginn
3. nóvember 2006.
Meðal efnis er: Jólahlaðborð, jólamarkaðir, tónleikar og ýmsar aðrar
uppákomur, ásamt öðru spennandi efni.
Auglýsendur! Pantið fyrir kl. 16.00 þriðjudaginn 31. október.
Allar nánari upplýsingar
veitir Katrín Theódórsdóttir
í síma 569 1105 eða kata@mbl.is