Morgunblaðið - 09.02.2007, Blaðsíða 27

tíska
MORGUNBLAÐIÐ FÖSTUDAGUR 9. FEBRÚAR 2007 27
„Við byggðum bústaðinn frá grunni og förum í hann allan ársins hring. Þess vegna keyrir maður oft í gegnum ýmislegt sem
venjulegir fólksbílar ráða ekki við.“ Subaru eigendur vita að hann er allt öðruvísi en aðrir bílar. „Hann er hærri en venjulegur
jepplingur svo maður kemst út um allt. Sumir keyra jepplinga, ég keyri felujeppa.“ Það ætti enginn að kaupa sér bíl án þess
að koma fyrst og reynsluaka Subaru.
www.subaru.is
„Hey, þetta er Ísland“
Opið: Mánudaga - föstudaga kl. 9:00–18:00 og laugardaga kl. 12:00–16:00Sævarhöfða 2 Sími 525 8000 www.ih.is
Forester 2.690.000,- Forester PLUS 2.890.000,- Forester LUX 3.190.000,-
Subaru er á sérlega góðu verði þessa dagana og að sjálfsögðu
fylgja frí vetrardekk með. Komdu og reynsluaktu Subaru í dag!
J
Ó
N
S
S
O
N
&
L
E
’M
A
C
K
S
•
S
ÍA
L
jó
s
m
.:
T
o
r
f
i
Eftir Steingrím Sigurgeirsson
sts@mbl.is
Ég hef um nokkurt skeið veltþví fyrir mér hvort ekki værirétt að breyta formi ein-
kunnagjafarinnar sem ég hef stuðst
við í vínumfjöllun síðustu ára. Þá ekki
síst vegna þess að ég hef haft að leið-
arljósi að vega verð vína inn í ein-
kunnagjöfina. Þetta hefur mörgum
lesendum þótt flækja málið. Því hef
ég velt því fyrir mér hvað ætti að
koma í staðinn, ekki myndi ganga að
halda sama skala en hætta að vega
verð inn þar sem það myndi rugla all-
an samanburð. Niðurstaðan varð sú
að ég ákvað að gera tilraun með 100
punkta skala – sem segja má að sé 10
punkta skali með brotum, 100 hljóm-
ar bara miklu betur! Segja má að
þetta sé sá skali sem hefur notið
mestra vinsælda í Bandaríkjunum og
sums staðar í Evrópu.
Engin einkunnaskali er fullkom-
inn, allir hafa þeir sína kosti og galla
og það á við um þennan nýja skala
rétt eins og aðra. Vín sem ekki ná 80
punktum eru slöpp og varla verður
fjallað um mörg slík hér. Góð vín ná
einkunn á bilinu 80–84, mjög góð vín
fá 85–89 punkta, afburðavín fá 90–94
punkta og stórkostleg vín 95–100
punkta.
Ég gerði tilraun í síðustu grein –
þar sem fjallað var um 15 bestu vín
síðasta árs – til að sjá hver viðbrögðin
yrðu – og þau voru það jákvæð að ég
hef ákveðið að „kýla á það“ og styðj-
ast við 100 punkta kvarðann héðan í
frá.
Rauðvínin frá Rioja standa alltaf
fyrir sínu þegar góðir framleiðendur
eru annars vegar. Vínhúsið Beronia
er svo sannarlega í þeim flokki, þetta
vínhús var upphaflega stofnað árið
1973 af klúbbi mataráhugamanna en
komst síðar í eigu sérrí-risans Gonza-
lez-Byass. Þau hafa verið fáanleg hér
á Íslandi í á annan áratug og klikka
sjaldan ef nokkurn tímann.
Beronia Rioja Reserva 2000 er
þægileg og mild Reserva, þ.e. vín
sem hefur fengið að hvíla að minnsta
kosti þrjú ár eftir gerjun, fyrst á
tunnu og síðan flösku áður en það er
sett á markað. Þrúgublandan er
klassískur Rioja-kokkteill, 89%
Tempranillo og afgangurinn Gra-
ciano og Mazuela. Nefið er opið og
eikað með rauðum og á köflum sultu-
kenndum berjaávexti, kjöti, vanillu
og kókos. All kryddað, mjúkt og
þykkt. 1.560 krónur. 86/100
Beronia Tempranillo 2001 er
fersk og nútímaleg útgáfa af víni frá
Rioja þar sem Tempranillo-þrúgan
stendur ein og sér ásamt amerískri
eik en hinum hefðbundnu reglum um
tunnu- og flöskugeymslu sem eru ær
og kýr Rioja er ekki fylgt. Vínið er
þess í stað látið liggja á nýjum 225
lítra barrique-tunnum í nokkra mán-
uði áður en það er sett á flösku. Stíll-
inn er því um sumt frábrugðinn
klassískum Rioja-vínum, ávöxturinn
bjartari og eikin sömuleiðis. Í nefi
kraftmikill ávöxtur, hindber, bróm-
ber og vottur af byrjandi þroska jafnt
í ilm sem lit. Eikin gefur reyk- og
kryddkeim, og allgóða þyngd og dýpt
í munni. Góð kaup. 1.490 krónur. 86/
100
Búrgund er eitt helsta hvítvínsvígi
Frakka og heimavöllur Chardonnay-
þrúgunnar. Yndislegt hvítvín þaðan
er Francois d’Allaines Meaursault
2004. Bjartur og mikill sítrus í nefi,
greip og lime, með ferskri sýru og
hreinni eik. Ungt og ljúffengt en mun
vafalítið ná að öðlast góðan þroska og
aukna dýpt við geymslu. 2.890 krón-
ur. 89/100
Ef við höldum beint í suður frá
Meursault komum við brátt til Rón-
ardalsins, þar sem rauðvínin ráða
ríkjum. Chapoutier er með betri hús-
um þar, hágæðaframleiðandi með
vistvænar áherslur.
Chapoutier Crozes Hermitage
„Les Meysonniers“ 2005 er vín af
sléttunum fyrir neðan Hermitage-
hæðina, tignarlegur og hreinn Syrah-
ávöxtur með krækiberjum og rifs-
berjum. Öflug en mjúk tannín, þarf
tíma til að opnast. Klassavín. 2.190
krónur. 90/100
En Chapoutier hefur einnig haslað
sér völl í Ástralíu, nánar tiltekið á
Mount Benson í Suður-Ástralíu og
þar er svo sannarlega athyglisvert
vín á ferðinni. Mount Benson er ný-
legt ræktunarsvæði og hófst vínrækt
þar 1978 í tilraunaskyni en 1989 í at-
vinnuskyni. Það er á hinni svokölluðu
Limestone Coast í suðausturhluta
Suður-Ástralíu og hafa sjávarvindar
temprandi áhrif á loftslagið og gera
það svalara en á þekktari rækt-
unarsvæðum SA. Domaine Tournon
2003 er blanda úr Shiraz (97%) og
hinni hvítu Marsanne-þrúgu. Vínið er
dökkt og minnir um margt á vín frá
Cote Rotie í Frakklandi og þá góðan
Cote Rotie. Djúpur ilmur með þrosk-
uðum, margslungnum ávexti, plóm-
ur, rifsber, rabarbari, kryddað með
tóbaki og fágaðri eikarnotkun. Mjúkt
og algjörlega tilbúið. Þarna er á ferð-
inni nýr, magnaður og spennandi vín-
gerðarstíll fyrir Ástralíu. Frábært
vín. 2.290 krónur. 94/100
Krydduð vín og klassísk
HÖNNUÐIR leita innblásturs víða til að fá nýja vídd í sköpunarverk sín.
Tia Cibani, hönnuður Ports 1961, horfði alla leið til Íslands þegar hún
kynnti fatalínu sína á tískuviku í New York á miðvikudaginn. Hún lýsti lín-
unni í samtali við fréttastofu AP og sagði hana í grunninn sprottna úr ís-
lenskum arkitektúr og iðnhönnun eftirstríðsáranna. Litirnir minntu á ís-
lenska náttúru, bæði mosa og mold og líka svartan sand og stuðlaberg.
Íslenskur arkitektúr
áhrifavaldur
AP
Náttúrulegt Hálsmenið minnir
mjög á hagalagð.
Stuðlaberg Línurnar hér minna á
náttúrulegar klettamyndir.
Jörðin Tónar íslensks mosa og
moldar má sjá hér.
Glans Einhvers konar silfraður
hrafntinnuglans er yfir flíkinni.