Morgunblaðið - 16.05.2007, Side 8

8 MIÐVIKUDAGUR 16. MAÍ 2007 MORGUNBLAÐIÐ
FRÉTTIR
FRÉTTASKÝRING
Eftir Andra Karl
andri@mbl.is
VEITINGAMENN mega eiga von á
því að fá sendan upplýsingapakka
frá Lýðheilsustöð á næstu dögum
þar sem breytingar á lögum um tób-
aksvarnar eru útlistaðar, en í þeim
felst m.a. að reykingar verða alfarið
óheimilar inni á veitinga- og
skemmtistöðum, og á það einnig við
um sérstök reykherbergi og -svæði.
Eftir að lögin taka gildi er ábyrgð
rekstraraðila mikil þar sem þeirra er
að sjá til þess að gestir fái notið sín í
reyklausu andrúmslofti.
Samkvæmt lögunum eru heil-
brigðisnefndir sveitarfélaga og
Vinnueftirlit ríkisins eftirlitsaðilar
með því að reykingabanninu sé
framfylgt. Samkvæmt upplýsingum
sem þar fengust mun bannið ekki
hafa í för með sér meira eftirlit en
talist getur hefðbundið og er að
mestu bundið við kvartanir, annað-
hvort starfsfólks eða viðskiptavina.
Í upplýsingum Lýðheilsustöðvar
er m.a. útlistað hvað veitingamenn
eiga að gera ef viðskiptavinir virða
ekki lögin. Þar segir að fyrst skuli
benda viðkomandi á merkingar um
að bannað sé að reykja, útskýra að
samkvæmt lögum séu reykingar
ekki leyfðar innanhúss, vísa á svæði
þar sem reykingar eru leyfðar, neita
um þjónustu og ef ekkert virkar skal
vísa viðkomandi á dyr – jafnvel með
aðstoð dyravarðar eða yfirmanns.
Telja verður flókið að sjá hvaða
viðurlögum beita á en í lögum um
tóbaksvarnir kemur fram að það
varði mann sektum haldi hann áfram
að reykja í húsnæði þar sem það er
bannað, enda hafi umráðamaður
húsæðisins veitt honum áminningu.
Eftirlitsaðilar sem Morgunblaðið
hafði samband við könnuðust hins
vegar ekki við að sektargreiðslum
hefði verið beitt vegna þessa, né
hversu háar þær kynnu að vera.
Jafnframt er þess getið í reglugerð
um takmarkanir við tóbaksreyking-
um að eftir því sem við á sé hægt að
beita ákvæðum laga um aðbúnað,
hollustuhætti og öryggi á vinnustöð-
um og ákvæðum laga um hollustu-
hætti og mengunarvarnir.
Vandamálin verða leyst
Tómas Kristjánsson er fram-
kvæmdastjóri 101 heildar sem rekur
m.a. skemmtistaðina Sólon og Thor-
valdsen Bar. Hann er jákvæður í
garð bannsins og segir að þau vanda-
mál sem komi upp verði leyst. Hann
á ekki von á að gerðar verði ráðstaf-
anir með reykingasvæði utanhúss,
alla vega ekki þegar í stað.
Tómas reiknar jafnframt með því
að almenningur muni sinna hlutverki
eftirlitsaðila. „Ég held að menn láti
ekki bjóða sér það ef einhver tekur
upp sígarettu og mín tilfinning er sú
að þetta verði þannig almennt.“
Er að láta útbúa athvarf
Kormákur Geirharðsson, eigandi
Ölstofunnar, er að láta útbúa tjald
þannig að reykingamenn hafi hjá
honum athvarf. Hann er einn harð-
asti andstæðingur breytinganna og
segir m.a. að stjórnvöld hafi brotið
jafnræðisregluna. „Þeir eru að gefa
ákveðnum mönnum tækifæri á að
búa til tjöld utanhúss en það hafa
ekki allir tækifæri til þess og þar
með brjóta þeir á fjöldamörgum.“
Auk þess segir Kormákur óljóst
hvernig banninu verði framfylgt. „Ef
það eru tveir að vinna en þrjátíu
manna hópur sem ákveður að reykja
þá getum við afar lítið gert,“ segir
hann og vísar að endingu í tölur frá
Skotlandi en þar hafa veitingamenn
orðið fyrir töluverðum tekjumissi
eftir að reykingabann var sett á.
Líkt og Kormákur bendir á eru
ekki allir sem geta komið fyrir svæði
úti við og Guðmundur Kristinsson,
rekstraraðili Næsta bars, er einn af
þeim. Hann segir að banninu verði
framfylgt en telur að farin hafi verið
röng leið.
„Mér fannst þetta vera að þróast í
þá átt að sumir væru með reyklaust
og aðrir ekki. Ég er gjörsamlega á
móti svona bönnum, við erum með 22
ára aldurstakmark og maður skyldi
nú ætla að fólk hefði eitthvað um sín
mál að segja þegar það er komið á
þann aldur,“ segir Guðmundur og
tekur fram að allt hans starfsfólk
reyki í þokkabót. Sjálfur ætlar hann
að hætta að reykja þegar bannið
verður sett á.
Rekstraraðilar verða að
tryggja reykleysi gesta
Morgunblaðið/Ásdís
Bannað Gestir veitinga- og skemmtistaða mega ekki reykja innandyra frá 1. júní nk. en þá ganga í gildi breyt-
ingar á lögum um tóbaksvarnir. Lögin hafa það að markmiði að hlífa starfsfólki við óbeinum reykingum.
Eftir Evu Hrund Hlynsdóttur
og Baldur Arnarson
„KOLVIÐUR er vefsíða sem er opin öllum, ein-
staklingum og fyrirtækjum, og þarna gefst öllum
tækifæri á að kolefnisjafna hlut samgöngutækja
sinna, bifreiða, og vegna flugferða, með skógrækt,“
segir Soffía Waag Árnadóttir, framkvæmdastjóri
Kolviðar, eftir að Ólafur Ragnar Grímsson, forseti
Íslands, vígði vefinn í Grasagarðinum í gær.
Með hugtakinu kolefnisjöfnun er átt við það að
einstaklingar og fyrirtæki geta styrkt gróðursetn-
ingu plantna sem áætlað er að bindi jafn mikið
magn gróðurhúsalofttegunda og stafar frá sam-
göngutækjum þeirra og flugferðum. Varð forsetinn
fyrsti einstaklingurinn til að kolefnisjafna bíl sinn,
sem hann sagðist þó í léttum tóni ekki aka mikið á
sjálfur, og er kostnaður við að kaupa slíka kolefn-
isbindingu á hverja bifreið á ári að jafnaði sem svar-
ar verðinu á eldsneytinu á einum bensíntanki.
Plönturnar verða gróðursettar á Geitarsandi,
ógrónu svæði sem þykir henta vel til skógræktar og
er að sögn Soffíu reiknað með að viðtökur almenn-
ings verði góðar. „Við gerðum samning við Land-
græðsluna til 90 ára sem er mjög mikilvægt því það
er reiknaður binditími skógarins,“ segir hún og
bætir við að skógræktarfélög og/eða verktakar
muni sjá um að gróðursetja plönturnar. Þegar sé
byrjað að skoða önnur ræktarsvæði.
Allar ferðir stjórnarinnar kolefnisjafnaðar
Þegar er búið að kolefnisjafna öll farartæki
stjórnarráðsins og frá og með 1. janúar nk. mun öll-
um ráðuneytum og ríkisstofnunum verða gert skylt
að kvitta fyrir losun gróðurhúsalofttegunda frá
samgöngutækjum og flugferðum starfsmanna.
Kaupþing hefur þegar látið kolefnisjafna allar
ferðir starfsmanna, líkt og Orkuveitan, annar bak-
hjarl verkefnisins, og telur Ingólfur Helgason, for-
stjóri bankans á Íslandi, þetta framlag bankans
bara byrjunina, stuðningur við umhverfismálin sé
að festa sig í sessi í atvinnulífinu. Í stjórn Kolviðar
sitja, auk Soffíu, Guðfinna S. Bjarnadóttir, Magnús
Jóhannesson, Brynjólfur Jónsson, Björgólfur Thor-
steinsson og Bergur Sigurðsson.
Kvittað fyrir kolefnislosunina
 Forsetinn opnar vefinn Kolvidur.is  Tímamót í skógrækt og loftslagsmálum
 Forstjóri Kaupþings á Íslandi segir stuðning bankans bara vera byrjunina
Morgunblaðið/Árni Sæberg
Opna Soffía Waag Árnadóttir, framkvæmda-
stjóri Kolviðar, og Ólafur Ragnar skoða síðuna.
SAMKVÆMT nýjum ákvæðum í lögum um tóbaks-
varnir sem taka gildi 1. júní nk. verða reykingar alfarið
bannaðar í þjónusturými sem almenningur hefur að-
gang að. Þar er átt við „öll húsakynni undir þaki, föstu
eða hreyfanlegu, svo og samkomutjöld og sýningar-
tjöld, sem almenningur hefur aðgang að vegna við-
skipta og veittrar þjónustu og þátttöku í menningar- og
félagsstarfsemi,“ líkt og segir í lögunum.
Hins vegar má leyfa reykingar á útisvæðum stofn-
ana, fyrirtækja og félagasamtaka, ef þau eru undir
beru lofti, eða alla vega ekki lokuð algjörlega af.
„Sé útisvæði undir þaki, föstu eða hreyfanlegu, má
aðeins leyfa þar reykingar ef svæðið er að hámarki lok-
að með veggjum eða öðru að ¾ hlutum og nægjanlegt
loftstreymi tryggt upp í gegnum þak eða meðfram þak-
skeggi.“
Útisvæði reykingamanna má ekki loka af
Föstudagsins 1. júní 2007
verður minnst sem fyrsta
reyklausa dagsins á
skemmtistöðum landsins,
þ.e.a.s. ef rekstraraðilum
tekst að hafa hemil á
reykingaþörf gesta
sinna þegar líða tekur
á kvöldið.
ÁRBÓK Ferða-
félags Íslands
2007 er komin út,
sú átttugasta í
ritröðinni, en
bókin hefur kom-
ið út samfellt frá
árinu 1928. Að
þessu sinni er ár-
bókin um Húna-
þing eystra og ritar hana Jón
Torfason frá Torfalæk. Í bókinni er
lýst náttúrufari og staðháttum og
er rík af sögum og sögnum, segir í
fréttatilkynningu.
Flestir þekkja Vatnsdalshóla en
forvitnileg og lítt þekkt náttúru-
fyrirbæri er víðar að finna eins og
lýst er í bókinni. Þar má t.d. nefna
Kattaraugað í Vatnsdal og fossa-
röðina í gljúfri Vatnsdalsár. Bókar-
höfundur leiðir lesanda um grósku-
mikla og söguríka dali milli hárra
fjalla, út á ystu strendur Skagans,
móti opnu íshafi og loks fram til
heiða og afréttarlanda.
Sveinbjörg Sveinsdóttir og Jón
Viðar Sigurðsson tóku myndir fyrir
bókina en víðar var leitað fanga. Þá
prýða bókina kort Guðmundar Ó.
Ingvarssonar.
Átttugasta
árbókin frá FÍ
VARÐSKIP hefur undanfarið haft
það aukaverkefni að leggja út fimm
hlustunardufl sem ætluð eru til að
hlusta eftir jarðskjálftum og hvala-
ferðum. Verkefnið er unnið fyrir
Jarðvísindastofnun Háskóla Íslands
og bandarísku haffræði- og veður-
stofnunina, NOAA.
Verkefnið er leitt af líffræðingi
frá NOAA sem hefur sérhæft sig í
að greina hljóð hvala eftir tegund-
um og jafnvel einstaklingum. Jarð-
vísindastofnun HÍ nýtir upplýsing-
arnar sem hlustunarduflin safna til
að staðsetja jarðskjálfta betur en
áður. Hafrannsóknarstofnun er
aðili að verkefninu.
Hlusta hvali
og jarðskjálfta
KÓMEDÍULEIKHÚSINU á Ísafirði
hefur verið boðið á einleikjahátíð-
ina Albamono í Albaníu með leikinn
Gísla Súrsson. Um er að ræða al-
þjóðlega leiklistarhátíð 21. – 25.
maí. Þetta er í þriðja sinn sem leik-
húsið sýnir verkið erlendis og verð-
ur sýnt á íslensku, segir á bb.is.
Fyrri viðkomustaðir eru Hannover
og Lúxemborg og áætluð er ferð til
Úkraínu á næsta ári. Borist hafa
boð frá Makedóníu og Hvíta-
Rússlandi. Elfar Logi Hannesson og
Jón Stefán Kristjánsson eru höf-
undar leiksins um útlagann Gísla
Súrsson. Elfar Logi leikur og Jón
Stefán leikstýrir
Gísli Súrsson í útrás
KARLMAÐUR á fertugsaldri var
handtekinn eftir þriggja bíla
árekstur í Breiðholti síðdegis á
mánudag en hann er grunaður um
ölvunarakstur. Tildrög slyssins
voru þau að tveir bílar voru kyrr-
stæðir aftan við strætisvagn sem
hafði numið staðar við biðskýli. Bíll
mannsins kom þá aðvífandi og lenti
aftan á öðrum bílnum sem kastaðist
síðan áfram á þann þriðja.
Bíll tjónvaldsins skemmdist sýnu
mest en hann vildi alls ekki láta
kalla til lögreglu og forðaði sér af
staðnum með látum. Við það mátti
litlu muna að ófrísk kona yrði fyrir
bíl hans en konan var ökumaður
bílsins sem maðurinn ók á. Nokkur
vitni voru að atvikinu og því fékk
lögreglan góða lýsingu á kauða sem
fannst á öldurhúsi skömmu síðar.
Ökuþrjótur tekinn