Morgunblaðið - 16.05.2007, Page 12
12 MIÐVIKUDAGUR 16. MAÍ 2007 MORGUNBLAÐIÐ
FRÉTTIR
NÝR þingflokkur Frjálslynda flokksins kom saman í
fyrsta skiptið í gær.
„Það var engin umræða um þingflokksformann,“
sagði Jón Magnússon, nýr þingmaður Frjálslynda
flokksins, þegar Morgunblaðið spurði frétta af fund-
inum. Að sögn Jóns voru þeir félagar að fara yfir stöðu
mála og úrslit kosninganna. Spurður um hug Frjáls-
lyndra til stjórnarsamstarfs kvað Jón allt vera í bið-
stöðu meðan framsóknarmenn gerðu upp hug sinn um
það hvernig flokkur þeir vildu vera.
Guðjón Arnar með fullt umboð þingflokksins
Jón sagði þá félaga ekki hafa rætt neitt um hugs-
anlegt stjórnarsamstarf eða samstarfsaðila í stjórn.
Hins vegar hefði formaðurinn fullt umboð þingflokks-
ins til þess að ræða við hvern þann sem hann metur far-
sælt að ræða við. Formaður muni svo gera tillögu að
þingflokksformanni þegar það verður tímabært.
Þingflokkur frjálslyndra er skipaður fjórum þing-
mönnum, þeim Guðjóni Arnari Kristjánssyni og Kristni
H. Gunnarssyni og tveimur nýliðum, Jóni Magnússyni
og Grétari Mar Jónssyni.
Ekki alveg ókunnur þingstörfum
Jón Magnússon er að koma nýr inn á þing fyrir
Frjálslynda flokkinn. Hann er þó ekki ókunnur þing-
störfum eða pólitíkinni. Jón var um tíma varaþingmað-
ur Sjálfstæðisflokksins og tók sæti á Alþingi alls fimm
sinnum frá 1984 til 1988.
Jóni líst bara vel á að fara á þing aftur. „Við verðum
þarna saman gömlu jálkarnir,“ sagði Jón um sig og
gamlan samherja á þingi, Ellert B. Schram.
Morgunblaðið/Árni Sæberg
Fóru yfir stöðu mála og úrslitin