Morgunblaðið - 16.05.2007, Blaðsíða 29

MORGUNBLAÐIÐ MIÐVIKUDAGUR 16. MAÍ 2007 29
EKKI er hárnákvæmninni
fyrir að fara í Staksteinum gær-
dagsins þar sem ég er sagður
hafa a.m.k. tvisvar sinnum á ein-
um sólarhring gert kröfu um
það opinberlega að Jón Sigurðs-
son formaður Framsókn-
arflokksins bæði mig afsökunar
á auglýsingum sem Framsókn-
arflokkurinn birti í sjónvarpi
fyrir kosningar. Hið rétta er að
ég bauð formanni Framsókn-
arflokksins upp á það í umræðu-
þætti í Ríkissjónvarpinu á
sunnudagskvöldið var, sem sagt
einu sinni, að koma þessu máli
út úr heiminum í eitt skipti fyrir
öll með einhverju í áttina að af-
sökunarbeiðni. Þetta var tilboð,
ekki krafa og læt ég mér í léttu
rúmi liggja hvert framhaldið
verður.
Umræddum auglýsingum
svöruðum við Vinstri græn í
engu á meðan á kosningabarátt-
unni stóð og var það samkvæmt
mínum óskum. Bæði var að ég
reiknaði með að þær væru frem-
ur að skaða Framsóknarflokkinn
en hitt, sem aldeilis er nú ekki
ósennilegt samanber úrslitin, en
auk þess stóð aldrei til að fara
með okkar baráttu niður á slíkt
plan. Fyrir mér vakir það eitt
með því að hreyfa málinu að
menn hugsi sinn gang áður en
framhald verður á og frekari
þróun í átt til andauglýsinga-
eða óhróðursaðferða í íslenskum
stjórnmálum að lítt eft-
irbreytniverðri bandarískri fyr-
irmynd.
Nota svo tækifærið og þakka
Morgunblaðinu ýmsa umhyggju
mér sýnda, m.a. sl. föstudag, en
þá lýsti blaðið áhyggjum sínum
yfir því hvernig fylgið væri að
hrynja af mér í Norðaust-
urkjördæmi og að ég kynni að
vera í fallhættu. Frískur norð-
anvindurinn hefur nú blásið því
skýi af himni yfir Hádegismóum.
Steingrímur J. Sigfússon
Staksteinar og
mislagðar hendur
Höfundur er formaður Vinstri-
hreyfingarinnar – græns fram-
boðs.
FYRIR nokkru birtist grein í
Fréttablaðinu eftir Jón Kaldal,
ritstjóra blaðsins, um kostnað
heilbrigðiskerfisins á Íslandi. Þar
var því haldið fram að hann væri
40% af landsútgjöldum.
Hér er ekki farið með réttar
tölur og væntanlega blandað sam-
an kostnaði við heilbrigðis- og
tryggingamál. Því miður er þetta
ekki í fyrsta sinn sem slíkur mis-
skilningur kemur fram. Hinn
raunverulegi kostnaður heilbrigð-
iskerfisins á Íslandi liggur nær
11-12%. Er vitnað í tölur land-
læknis þar að lútandi (Nýjustu
tölur hafa verið birtar af fyrrv.
landlækni, Ólafi Ólafssyni, og
hafa þær m.a. komið fram í dag-
blöðum.
Þegar menn birta fréttagrein-
ar, er rétt að menn kynni sér stað-
tölur áður en þær eru settar á
prent. Allt annað ruglar hinn al-
menna borgara, ekki sízt skatt-
greiðanda.
Páll B. Helgason
Kostnaður
heilbrigðiskerfisins
Höfundur er fyrrv. yfirlæknir.
AFKOMA og rekstur Seltjarn-
arnesbæjar árið 2006 er sú allra besta
í ríflega þrjátíu ára sögu bæjarfélags-
ins. Sú aðgát og ráðdeild sem ætíð
hefur einkennt rekstur bæjarins end-
urspeglast jafnframt í
góðu samræmi á milli
ársreiknings og fjár-
hagsáætlunar. Það er
því með mikilli ánægju
sem meirihluti Sjálf-
stæðisflokksins leggur
fram reikning síðasta
árs.
Einstaklega sterk
fjárhagsleg staða
Bæjarfélagið býr nú
við meiri fjárhagslegan
styrk en flest ef ekki öll
önnur sveitarfélög
landsins. Rekstur bæj-
arsjóðs hefur verið einkar farsæll á
undanförnum árum. Öflug fjár-
hagsleg staða hefur skapað skilyrði
til að veita íbúum bæjarfélagsins,
ungum sem öldnum, enn betri þjón-
ustu. Það hefur því verið okkur sjálf-
stæðismönnum afar mikið ánægju-
efni að kannanir á viðhorfi
Seltirninga til þjónustu bæjarins
sýna að langflestir þeirra, um 85%,
eru ánægðir með þjónustu bæjarins.
Það hefur jafnframt veitt okkur full-
vissu um að halda eigi áfram á sömu
braut.
Lægsta útsvar og fasteignagjöld
á höfuðborgarsvæðinu
Það hefur verið keppikefli meiri-
hluta sjálfstæðismanna að veita þjón-
ustu sem er með því besta sem þekk-
ist en gæta um leið ráðdeildar í
rekstri og fara vel með fé skattgreið-
enda sem okkur er treyst fyrir. Það
er því gaman að benda á að ef miðað
er við skatthlutföll annarra sveitarfé-
laga er skattgreiðendum á Seltjarn-
arnesi hlíft við á þriðja hundrað millj-
óna króna skattgreiðslum á ári. Með
þessu má segja að á hverju heimili
sparist hundruð þúsunda skattkróna á
við það sem gerist annars staðar. Í því
felst mikil búbót fyrir Seltirninga sem
á stóran þátt í að gera Seltjarnarnes
að eftirsóknarverðu og fjölskyldu-
vænu bæjarfélagi.
1.700 milljóna hagn-
aður af rekstri
Tekjur Seltjarnarnes-
bæjar jukust verulega
árið 2006 og voru tæpir
þrír milljarðar króna.
Rekstrarhagnaður nam
rúmum 1.750 milljónum
króna sem er um hálfum
milljarði meira en fjár-
hagsáætlun bæjarins
gerði ráð fyrir. Þetta er
sérstaklega því að þakka
að mun betri samningar
náðust um sölu bygging-
arréttar á Hrólfs-
skálamel og við Bygg-
garða en væntingar stóðu til.
Engin lán tekin í áratug
Það er því óhætt að segja að vel hafi
tekist til í rekstri bæjarins á síðasta
ári þrátt fyrir að framkvæmdir á hans
vegum hafi aldrei verið meiri. Fjárfest
var fyrir um 664 milljónir króna á
árinu en þrátt fyrir það voru engin lán
tekin. Raunar er hartnær áratugur
frá því Seltjarnarnes sló síðast lán fyr-
ir framkvæmdum og staðan nú er
þannig að bæjarsjóður ávaxtar um 1,2
milljarða króna hjá viðskiptabönkum
sínum og nýtir vaxtatekjurnar til
framkvæmda ásamt rekstrarafgangi
bæjarsjóðs.
Efnahagur Seltjarnarnesbæjar
undirstrikar einnig eina traustustu
fjárhagsstöðu á meðal sveitarfélaga á
Íslandi. Eignir bæjarjóðs námu tæp-
um 4,9 milljörðum króna um áramót
og jukust um tæplega 59% á síðasta
ári. Eigið fé bæjarsjóðs hækkaði um
89% á milli ára og eiginfjárhlutfallið í
árslok var 76%. Langtímaskuldir bæj-
arins hafa lækkað verulega á síðustu
árum og nema nú einungis um 300
milljónum króna sem er óverulegt í
ljósi fjárhagslegra burða Seltjarn-
arnesbæjar.
Góð niðurstaða og
bjartar horfur
Niðurstaða endurskoðanda bæj-
arins, Deloitte, er meirihluta Sjálf-
stæðisflokks mikið ánægjuefni. Í end-
urskoðunarskýrslu segir m.a. að „...
allar kennitölur beri með sér trausta
fjárhagsstöðu og rekstur“.
Dæmin sanna að traustur opinber
rekstur, ríkis og sveitarfélaga ræðst
ekki af tilviljunum, heldur stefnu-
festu, ábyrgðarkennd og skilningi á
því að hafa langtímahagsmuni að leið-
arljósi. Meirihluti Sjálfstæðisflokks á
Seltjarnarnesi hefur ætíð fylgt þeirri
stefnu að lágmarka álögur á skatt-
greiðendur en veita um leið fyrsta
flokks þjónustu. Þrátt fyrir að álögur
á bæjarbúa hafi verið lækkaðar á
allra síðustu árum og þjónusta um
leið aukin hefur rekstur bæjarins
aldrei skilað meiri afgangi. Það er því
óhætt að segja að framtíðin í rekstri
Seltjarnarness er björt.
Í síðustu bæjarstjórnarkosningum
lofuðum við sem nú myndum meiri-
hluta í bæjarstjórn, að hafa hag bæj-
arbúa að leiðarljósi við rekstur bæj-
arins. Það var því með nokkru stolti
að við lögðum þessa reikninga fram
fyrr í mánuðinum. Og það er okkur
nú sönn ánægja að lofa íbúum bæj-
arins að halda áfram á sömu braut.
Besta afkoma Seltjarnarnes-
bæjar frá upphafi
Jónmundur Guðmarsson er
ánægður með rekstur og af-
komu Seltjarnarnesbæjar
»Meirihluti Sjálfstæð-isflokks á Seltjarn-
arnesi hefur ætíð fylgt
þeirri stefnu að lág-
marka álögur en veita
um leið fyrsta flokks
þjónustu.
Jónmundur
Guðmarsson
Höfundur er oddviti
sjálfstæðismanna og
bæjarstjóri á Seltjarnarnesi.
Nidarosdomens
Guttekor
Tónleikar í Hallgrímskirkju
fimmtudaginn 17. maí kl. 17.00
Hin frægi Drengjakór Niðarósdómkirkju heldur tónleika í Hallgríms-
kirkju á uppstigningardag kl. 17.00. Af efnisskrá má t.d. nefna verk
eftir Andrew Carter, Egil Hovland, Georg Fr. Händel, Henning
Sommero, Knut Nystedt og Þorkel Sigurbjörnsson. Stjórnandi
kórsins er Bjørn Moe og organisti Harald Rise.
17. maí tekur drengjakórinn þátt í messunni í Hallgrímskirkju
kl. 11.00 og syngur við norska messu í Dómkirkjunni kl. 14.00 á
þjóðhátíðardegi Norðmanna.
Sunnudaginn 20. maí kl. 17.00 heldur kórinn tónleika í Akureyrar-
kirkju og þriðjudaginn 22. maí kl. 20.00 tónleika í Skálholti.