Morgunblaðið - 16.05.2007, Side 23

Ég ætlaði fyrst að láta kaffi-húsið heita Tukthúsið afþví að hér í húsinu hefurmeðal annars verið fang-
elsi, en mér fannst það ekki nógu
notalegt nafn. Það varð ofan á að láta
það draga nafn sitt af garðinum ynd-
islega sem það stendur við og er eig-
inlega okkar Austurvöllur hér á
Akranesi,“ segir María Guðrún Nol-
an sem nýlega opnaði kaffihúsið
Skrúðgarðinn á Akranesi.
„Ég flutti hingað úr höfuðborginni
fyrir fjórum árum og þar átti ég því
að venjast að geta skroppið á kaffihús
og ég saknaði þess. Mér fannst sár-
lega vanta smá aðsetur fyrir bæj-
arbúa hérna. Hér vantaði líka stað
fyrir ferðamenn til að leita sér upp-
lýsinga og setjast niður og slaka á. Ég
hef verið að melta þetta með mér síð-
an ég kom hingað og ákvað að lokum
að gera eitthvað sjálf í því að bæta úr
þessu kaffihúsaleysi. Ég sló tvær
flugur í einu höggi í samstarfi við bæ-
inn og opnaði kaffihús sem er líka
upplýsingamiðstöð,“ segir María.
Fimm mismunandi sófasett
María sem vildi hafa kaffihúsið
persónulegt og notalegt og því hefur
hún viðað að sér gömlum húsgögnum
og munum.
„Ég hef mikið sótt í Góða hirðinn
og hér eru til dæmis fimm mismun-
andi sófasett. Heimafólk hér í bænum
hefur líka boðið mér hitt og þetta til
sölu sem það vissi að væri þörf fyrir.
Svo er ég með ýmsa persónulega
muni hér uppi við, til dæmis er af-
greiðsluborðið þakið gömlum plötu-
umslögum og vínilplötum með tónlist
sem ég ólst upp við eins og Thrill-
erplötunni. Svo er ég með ýmsa
gamla hluti til skrauts frá frændum
og frænkum og mér þykir sér-
staklega vænt um handskrifaðar lífs-
reglur sem ég hef hér upp á vegg frá
ættfólki mínu frá Stöðvarfirði, þeim
langömmu og langafa mínum. Mér
finnst svo skemmtilegt að margar
þessar reglur eru enn í fullu gildi eins
og til dæmis sú sem segir að ekki
skuli eyða fé fyrr en þess hefur verið
aflað.“
Kaffihúsið hefur því stóra sál en
sérstaða þess er einnig sú að það er
frekar stórt og María átti ekki í vand-
ræðum með að nýta plássið.
„Ég hef útbúið stórt leikhorn fyrir
börn og þar er líka rúm svo hægt sé
að leggja lítil börn til svefns. Eftir að
ég eignaðist sjálf barn komst ég að
því að það er áríðandi að gert sé ráð
fyrir börnum á kaffihúsum. Svo er ég
með bókakaffi hérna þar sem fólk
getur bæði gluggað í bækur, tímarit
og dagblöð en líka skipt út bókum. Ég
er líka með sérstakt golfarahorn og
saumahorn þar sem nóg er afgömlum
og nýjum dönskum saumablöðum.“
María leggur áherslu á að fólki líði
vel þegar það kemur til hennar í
Skrúðgarðinn. „Ég býð fólki upp á
eðalkaffi frá Te og kaffi og svo er allt
bakkelsið nýbakað, beint frá bak-
aranum hér á Akranesi í Brauð- og
kökugerðinni, ekki bara vegna þess
að það er miklu betra en frystivörur,
heldur líka vegna þess að mér finnst
skipta máli að styrkja heimafólk. Hér
verða líka myndlistarsýningar og ein
slík stendur yfir núna þar sem ungir
listamenn frá Akranesi sýna. Núna er
verið að taka garðinn í gegn og end-
urlífga gamla bæjarbraginn,“ segir
María sem fannst þurfa að flikka
upp á bæjarlífið eftir að Akraborgin
hætti að ganga og Hvalfjarðargöngin
voru tekin í gagnið. „Akranesbær er
sívaxandi og það er margt að gerast
hér. Hér eru margar náttúruperlur,
einn besti golfvöllur landsins,
byggðasafn og fleira.“
Morgunblaðið/ÞÖK
Lífsreglurnar María Guðrún Nolan er með gamla hluti til skrauts á kaffihúsinu frá frændum og frænkum og henni þykir sérstaklega
vænt um handskrifaðar lífsreglur sem hanga uppi á vegg frá langömmu hennar og langafa frá Stöðvarfirði.
Vínilplötur og umslög þekja afgreiðsluborðið
Henni fannst alveg ómögulegt að það
væri ekki kaffihús á Akranesi svo hún
gerði bara eitthvað í því sjálf. Kristín
Heiða Kristinsdóttir heyrði í konunni
sem hefur skiptibókamarkað á kaffi-
húsinu sínu og barnarúm svo gestir
geti leyft börnunum að leggja sig á
meðan þeir sötra gómsætt kaffi og
gæða sér á nýbökuðu.
khk@mbl.is
Notalegt Gestir geta gluggað í bækur eða blöð og
hver veit nema þetta gamla viðtæki virki enn.
Ég hef útbúið stórt leik-
horn fyrir börn og þar er
líka rúm svo hægt sé að
leggja lítil börn til svefns.
Sjarmerandi Ýmsa muni hefur María Guðrún fengið á
Akranesi en líka rekist á hitt og þetta í Góða hirðinum.
|miðvikudagur|16. 5. 2007| mbl.is
www.valholl.is
www.nybyggingar.is
Opið virka daga frá kl. 9.00-17.30.
Ingólfur G. Gissurarson, lögg. fast.
Grandavegur – bílskúr
Falleg og björt 4ra herb., 104 fm íbúð á 2. hæð ásamt 26 fm bílskúr í vönduðu fjöl-
býli frá 1990. 3 góð svefnherb. Parket. Stórar suðvestursvalir. Fullbúinn bílskúr
með góðu millilofti. Skemmtilegt skipulag. Stutt í alla þjónustu.
Myndir á mbl.is undir Grandavegur. Verð 31 millj.
Utan skrifstofutíma gefur Bárður upplýsingar í síma 896 5221.
Sími 588 4477
daglegtlíf
Ný tækni ættuð frá Svíþjóð
gerir tannlausum mögulegt að
verða tenntir á ný innan
klukkustundar. »24
heilsa
„Þreyta og vöðvabólga gerir
það að verkum að sumir ákveða
að koma sér í gott form,“ segir
Árni H. Ívarsson. »24
hreyfing
Fáðu fréttirnar
sendar í símann þinn