Morgunblaðið - 21.05.2007, Page 4

4 MÁNUDAGUR 21. MAÍ 2007 MORGUNBLAÐIÐ
FRÉTTIR
Heimsferðir bjóða frábært tilboð á síðustu sætunum til Costa del Sol
þann 30. maí. Þú bókar og tryggir þér sæti og 4 dögum fyrir brottför
færðu að vita hvar þú gistir. Gríptu tækifærið og tryggðu þér sumarfrí
á frábærum kjörum á vinsælasta sumarleyfisstað Íslendinga.
Skógarhlíð 18 • sími 595 1000 • www.heimsferdir.is
Stökktu til
Costa del Sol
30. maí
frá kr. 39.990
Allra síðustu sætin
Verð kr. 39.990
Netverð á mann, m.v. hjón með 2 börn, 2-11
ára, í íbúð í viku. Aukavika aðeins kr. 10.000.
Verð kr. 49.990
Netverð á mann, m.v. 2 í herbergi/stúdíó/íbúð í
viku. Aukavika aðeins kr. 10.000.
Munið Mastercard
ferðaávísunina
FJÓRIR hjól- og fellihýsaeigendur
segja farir sínar ekki sléttar eftir
viðskipti sín við geymslufyrirtæki að
Auðnum í Vogum á Vatnsleysu-
strönd. Segir fólkið að eigur þess
hafi orðið fyrir skemmdum upp á
mörg hundruð þúsund krónur með-
an þær voru í geymslu hjá fyrirtæk-
inu. Einar Guðmundsson, eigandi
geymslunnar, segir hins vegar að í
flestum tilfellum sé um að ræða fólk
sem reyni að svíkja fé út úr trygg-
ingafélögum vegna skemmda sem
hafi ekkert með hann að gera.
„Þegar ég sótti hjólhýsið þá sá ég
strax að búið var að festa aftur ljós
með glæru límbandi sem hafði losn-
að af. Það hefur líka verið beyglað og
rekið upp undir því útblásturstúðan
var líka fest á með glæru límbandi.
Svo hefur listi losnað af og hann síð-
an festur á með skrúfum,“ segir Þór-
ir Kristjánsson, eigandi hjólhýsis
sem geymt var í geymsluhúsnæðinu
í vetur. Þórir segir að þegar
skemmdirnar hafi verið bornar upp á
eiganda geymslunnar þá hafi hann
bent á tryggingafélag sitt. „Þá kem-
ur í ljós að hann er ótryggður fyrir
þessu. Síðan fer hann þangað daginn
eftir og skilar annarri skýrslu og
segir að ekkert hafi komið fyrir hjá
sér.“ Þórir er sjálfur tryggður og
voru skemmdirnar þess eðlis að
tryggingafélag hans ákvað einfald-
lega að leysa til sín hjólhýsið í stað
þess að greiða fyrir viðgerðina.
Hann þarf hins vegar að greiða
sjálfsábyrgðina sem nemur rúmum
100 þúsund krónum.
Þrír aðrir hjól- og fellihýsaeigend-
ur hafa sömu sögu að segja og Þórir,
þótt tjón þeirra sé ekki jafn mikið.
Atli Rúnar Halldórsson er ekki
kaskótryggður og mun sjálfur þurfa
að greiða fyrir viðgerð upp á tæpar
80 þúsund krónur. Einar Guðmunds-
son, eigandi geymslunnar, vísar hins
vegar ásökunum á bug og segist vera
fulltryggður. „Að sjálfsögðu bætir
maður það sem maður er tryggður
fyrir. Ég gat hins vegar ekki verið
sammála því að þetta hefði gerst hjá
mér því það gerðist ekki. Þarna er
bara verið að reyna að svíkja trygg-
ingarnar.“ Hann viðurkennir þó að í
tilfelli Atla Rúnars beri hann sök á
skemmdunum og muni hann fá það
greitt frá tryggingunum. Atli Rúnar
segir Einar hins vegar fara með al-
gjörlega rangt mál. Tryggingafélag
Einars hafi þegar tilkynnt honum að
Einar sé ekki tryggður vegna
skemmdanna.
Orð eru gegn orði vegna
tjóns á hjól- og fellihýsum
Skemmdir upp á
mörg hundruð
þúsunda króna
Morgunblaðið/Ómar
Límd á Lofttúða á þaki hjólhýsis Þóris var fest á með glæru límbandi. Hann
segir augljóst að reynt hafi verið að fela skemmdina.
UM 60 sérfræð-
ingar Evrópu-
sambandsins,
Evrópuráðsins og
alþjóðlegra stofn-
ana funda í
Reykjavík frá
þriðjudegi til
fimmtudags um
innfluttar lífverur
sem skaða upp-
runalegt lífríki
þeirra svæða sem þær eru fluttar til.
Á ráðstefnunni verður fjallað um það
hvernig til hafi tekist að framfylgja
stefnumörkun og aðgerðaáætlun
gegn útbreiðslu ágengra tegunda í
Evrópu, en sem dæmi um ágengar
framandi lífverur hér á landi má
nefna mink, lúpínu og skógarkerfil.
Kastljósinu verður einnig beint að
því hvernig vinnu Norður- og
Eystrasaltslandanna við að taka
saman lista og upplýsingar um
ágengar tegundir hefur miðað auk
þess sem rætt verður um starf Evr-
ópsku umhverfisstofnunarinnar og
Alþjóða náttúruverndarsamtakanna
við að þróa mælikvarða og vísitölur
til að meta stöðu vandamálsins á
heimsvísu.
Líklega ályktað um stöðu mála
Ráðstefnan er haldin á vegum
Bernarsamningsins um verndun
villtra plantna og dýra og lífsvæði í
Evrópu, en sérfræðingarnir koma
saman annað hvert ár. Auk al-
mennra umræðna mun dr. Sigurður
H. Magnússon halda erindi um
ágengar framandi tegundir á Íslandi
og dr. Páll Hersteinsson fjalla um
framkvæmd áætlunar um að eyða
mink hér á landi. Jón Gunnar Ott-
ósson, forstjóri Náttúrufræðistofn-
unar Íslands og fulltrúi Íslands í
fastanefnd Bernarsamningsins, seg-
ir að málin verði skeggrædd á þess-
um tveimur dögum og ályktun verði
væntanlega gefin út í kjölfarið, er
send verður til fastanefndarinnar,
sem síðan tekur hana til umfjöllunar
í desember.
Sérfræðingar funda um
ágengar framandi lífverur
Jón Gunnar
Ottósson
Í HNOTSKURN
» Ágengar framandi teg-undir eru þær lífverur sem
hafa verið fluttar til landsins
og skaða upprunalegt lífríki
þeirra svæða sem þær eru
fluttar til.
» Sem dæmi um ágengarframandi tegundir hér á
landi má nefna mink, lúpínu
og skógarkerfil.
»Sérfræðingar ýmissa fjöl-þjóðastofnana funda um
stöðu þessara mála í Evrópu
hér á landi.
RÉTT tæp 70% íbúa á Norðaustur-
landi eru hlynnt byggingu álvers á
Bakka við Húsavík samkvæmt skoð-
anakönnun, sem Capacent Gallup
hefur gert. Stuðningur við álverið
mælist nú 69,5% og hefur aukist um
rúm 11% frá því í desember en þá
studdu 58,2% íbúa byggingu álvers-
ins. Alls reyndust 19,9% andvíg
áformum um byggingu álvers á
Bakka nú, en 27,7% voru á móti
framkvæmdum í desember. Á Húsa-
vík mælist stuðningurinn nokkru
meiri en á landsfjórðungsvísu; 83%
Húsvíkinga styðja áformin. Í könn-
uninni kemur einnig fram að vaxandi
meirihluti íbúa Norðausturlands er
jákvæður í garð Alcoa Fjarðaáls.
67% íbúa eru frekar eða mjög já-
kvæðir í garð fyrirtækisins, tæpum
10% fleiri en í síðustu mælingu.
Önnur könnun Capacent Gallup
leiðir í ljós að stuðningur á meðal
íbúa Mið-Austurlands við Alcoa
Fjarðaál og álversframkvæmdir á
Reyðarfirði hefur heldur minnkað
frá síðustu könnun. Þannig eru
75,8% íbúa nú hlynnt framkvæmd-
unum en voru 82,2% í desember.
Þeir sem eru jákvæðir í garð Alcoa
Fjarðaáls mælast nú 76,2% en voru
83,9% í desember.
Fleiri hlynnt-
ir álveri
á Bakka
ROBERT E. Longo er einn þeirra
erlendu sérfræðinga sem flytja
munu erindi á ráðstefnu um for-
varnir gegn kynferðislegu ofbeldi á
börnum sem haldin verður í vikunni.
Longo er framkvæmdastjóri dval-
arheimilis fyrir ungmenni með geð-
ræn vandamál í Winston-Salem í
Norður-Karólínu í Bandaríkjunum.
Hann hefur í hartnær þrjá áratugi
beint sjónum sínum að forvörnum og
meðferð ungmenna sem eru ger-
endur í kynferðisbrotamálum.
Longo hefur stýrt starfsþjálfun heil-
brigðisstarfsmanna, lögreglumanna,
dómara og annarra starfsmanna í
refsivörslukerfinu að því er varðar
kynferðislegt ofbeldi gegn börnum.
Þá á hann sæti í fjölda opinberra
nefnda í Bandaríkjunum sem fjalla
um vandamál og lausnir í kynferð-
isbrotamálum auk þess sem hann
hefur tekið þátt í stefnumörkun í
málefnum kynferðisbrotamanna í
heimalandi sínu, Evrópu og víðar.
Longo hefur einnig látið til sín taka
á ritvellinum en eftir hann liggur
fjöldinn allur af kennsluritum og
tímaritsgreinum um meðferð kyn-
ferðisbrotamanna.
Úrelt aðferðafræði
Á ráðstefnunni hér á landi mun
Longo beina sjónum sínum að ung-
mennum og kynferðislegu ofbeldi.
Að hans sögn eru kynferðisbrot þar
sem ungmenni eru í hlutverki ger-
anda vaxandi vandamál í nútíma-
samfélagi og staðreyndin sé sú, að
ungmenni eru sá hópur gerenda sem
fer örast vaxandi í kynferðisbrota-
málum. „Undanfarna áratugi hefur
verið unnið við að festa hendur á
kynferðislegri misnotkun þar sem
ungmenni eru gerendur, en það eru
aðeins örfá ár síðan rannsóknir og
meðferð á þessu sviði hafa tekið það
með inn í myndina hversu ólíkur
þessi hópur er öðrum kynferð-
isbrotamönnum. Sama aðferðafræði
hefur verið notuð við meðhöndlun á
ungmennum og notuð er þegar um
fullorðna gerendur er að ræða. Stað-
reyndin er hins vegar sú að ungir
gerendur skera sig að mörgu leyti
úr. Þeir alast upp í mismunandi um-
hverfi og eru á mismunandi þroska-
stigum. Sumir þeirra glíma við for-
tíðardrauga úr æsku, hafa orðið
fyrir andlegu eða líkamlegu ofbeldi
og svo framvegis.“
Longo telur mikilvægt að láta
ekki almenningsótta og hræðslu
stjórna þróuninni í málefnum ungra
gerenda, heldur þurfi þvert á móti
að leggja áherslu á uppbyggilega
réttvísi og forvarnir. „Margir vita
ekki eða hafa ekki áhuga á að kynna
sér þau margþættu vandamál sem
rætur eiga að rekja til ofbeldis og
misnotkunar í æsku og hafa lagt til
harðneskjulegri og kaldlyndari með-
ferð ungra gerenda. Ein mesta
áskorun okkar, sem fáumst við unga
kynferðisbrotamenn, er að gleyma
ekki hverja við erum að fást við. Við
innum þessa vinnu af hendi í þágu
barna okkar og til þess að hjálpa
komandi kynslóðum,“ segir Longo
að lokum.
Fyrirlestur Longo er sem fyrr
segir hluti af ráðstefnu um forvarnir
gegn kynferðislegu ofbeldi á börn-
um og fer fram nk. fimmtudag í
Kennaraháskóla Íslands. Á föstu-
daginn stýrir Longo síðan málstofu
um efnið.
Virtur sérfræðingur á sviði kynferðisbrotamála fjallar um ungmenni sem gerendur í kynferðisbrotum
Morgunblaðið/Ómar
Frumkvöðull Robert E. Longo flytur fyrirlestur um úrræði í málefnum
ungra kynferðisbrotamanna á ráðstefnu um kynferðisofbeldi gegn börnum
Umburðarlyndi í stað
harðneskjulegra úrræða