Morgunblaðið - 26.05.2007, Page 1

Morgunblaðið/Brynjar Gauti
ÞAU voru vel útbúin, krakkarnir sem æfðu sig utan á olíutönkunum
á Ísafirði nýverið. Þegar ljósmyndari Morgunblaðsins átti leið
framhjá voru þau Arnar og Lóa að láta reyna á reipin og byrjuð að
fikra sig niður eftir tönkunum með góðri aðstoð fagmanna sem
fylgdust vandlega með þeim.
Sigið utan í tönkum
Mengun Einkennilegur litur á Elliðaánum.
Eftir Silju Björk Huldudóttur
silja@mbl.is
„EF ÞESSAR fréttir reynast réttar er þetta
kjaftshögg fyrir okkur,“ segir Örn Sigurðsson,
settur sviðsstjóri mengunarvarna hjá Reykja-
víkurborg, sem síðdegis í gær barst ábending
um mengun í Elliðaánum. Vart hefur orðið
mengunar í Elliðaánum að undanförnu, sem
m.a. birtist í grunsamlegum vatnslit á ánum og
telja sumir sig geta greint olíubrákir niður eftir
þeim.
Að sögn Arnar verður það hans fyrsta verk að
kanna málið í dag og bregðast við eftir atvikum.
Segir hann óviðunandi ef rétt reynist að meng-
un berist í árnar úr öðru sveitarfélagi, ekki síst í
ljósi þess að Reykjavíkurborg hafi á umliðnum
árum eytt ómældum tíma og fjármunum í að
halda Elliðaánum hreinum, t.d. með því að koma
upp settjörnum sem taka við yfirborðsvatni svo
það mengi ekki árnar. „Ég óttast að svona
mengun geti haft áhrif á dýralífið í ánum.“
Að sögn Magnúsar Sigurðssonar, sem starfar
að umsýslu fasteigna hjá OR, er annars vegar
um að ræða rör frá iðnaðarhverfi í Kópavogsbæ
sem liggur út í ána skammt frá Breiðholtsbrú,
en með því berist sjóðandi heitt vatn og „önnur
óþekkt efni“, eins og hann orðar það. Hins vegar
sé um að ræða rör sem liggi frá bílaþvottastöð
skammt frá Sprengisandi, en við ákveðin skilyrði
berist sápa þaðan út í árnar. Aðspurður segir
hann ástandið hafa verið svona í tæpt ár og hann
hafi ítrekað sett sig í samband við Kópavogsbæ
til að benda mönnum á málið en án viðbragða.
Settjörn væntanleg
Stefán L. Stefánsson, deildarstjóri fram-
kvæmdadeildar Kópavogsbæjar, staðfesti að yf-
irborðsvatn úr neðsta hluta iðnaðarhverfisins í
Urðarhvarfi rynni út í Elliðaárnar, en tók fram
að ekki væri um skólp að ræða. Sagði hann fyr-
irhugað að koma upp settjörn síðar á þessi ári til
þess að taka við þessu yfirborðsvatni. Sagði hann
af og frá að heitt vatn flæddi út í árnar frá Kópa-
vogsbæ, enda væri tvöfalt kerfi í hitaveitunni í
Vatnsenda, sem tryggði það að allt heitt vatn
rynni til baka til hitaveitunnar. Aðspurður sagð-
ist hann þess fullviss að dýralíf Elliðaánna hefði
ekki hlotið skaða af yfirborðsvatninu sem flætt
hefði í árnar, enda hefði það verið í svo litlu
magni, og að það hefði verið ástæða þess að ekki
hefði þótt ástæða til að koma upp settjörn fyrr.
„Kjaftshögg fyrir okkur“
 Vart hefur orðið við mengun í Elliðaánum að undanförnu  Sviðsstjóri
mengunarvarna óttast áhrifin á dýralífið  Sumir segjast sjá olíubrákir
Í HNOTSKURN
»Deildarstjóri framkvæmdadeildarKópavogsbæjar segir aðeins um yfir-
borðsvatn að ræða.
»Yfirborðsvatn úr neðsta hluta iðn-aðarhverfis í Urðarhvarfi rennur út í
Elliðaárnar.
STOFNAÐ 1913 142. TBL. 95. ÁRG. LAUGARDAGUR 26. MAÍ 2007 PRENTSMIÐJA MORGUNBLAÐSINS mbl.is
Í TÍMAFLAKKI
ÞRÖSTUR VILL BARA GAMLA BÍLA OG
ALMENNILEGA MATARGERÐ >> 24
KJÓLARNIR Á RAUÐA
DREGLINUM Í CANNES
LITADÝRÐ
FALLEGA FÓLKIÐ >> 49
FRÉTTASKÝRING
Eftir Hjört Gíslason
hjgi@mbl.is
NORSK-ÍSLENZKA síldin er að koma á
ný. Mikið af henni er nú innan lögsögunnar,
mun meira en verið hefur undanfarin ár.
Hún gengur nú vestar og vestar og stöðugt
aukast líkurnar á því að hún fari að hafa vet-
ursetu fyrir Norðurlandi. Fari svo verður
hún í verulegu magni innan íslenzku lögsög-
unnar í um níu mánuði á ári og gæti hugs-
anlega tekið upp á því að hrygna hér við land
að hluta til eins og gerðist á gömlu góðu síld-
arárununum. Þá var gangur síldarinnar sá
að hún hrygndi við Noreg og leitaði síðan í
æti á svæðinu norður og austur af Íslandi. Þá
hafði hún oft vetursetu á Rauðatorginu
djúpt austur af landinu.
Gömlu síldarárin hreint ævintýri
Gömlu síldarárin voru hreint ævintýri og
á sjöunda áratugnum stóð síldin undir nán-
ast allri verðmætasköpun í landinu. Afli Ís-
lendinga fór mest í 691.400 tonn árið 1966, en
það ár varð heildaraflinn nærri tvær millj-
ónir tonna. Svo fór að halla undan fæti,
stofninn skorti æti og hann var ofveiddur og
eltur uppi langt norður í höfum, þar sem
endanlega var gengið frá honum, enda voru
margar þjóðir um hituna. Það tók 40 ár að
byggja hann upp á ný.
Síðastliðin ár hefur ekki náðst samkomu-
lag um veiðarnar og því verið veitt umfram
ráðleggingar fiskifræðinga. Samkomulag
um skiptinguna er hins vegar í gildi nú og því
verða veiðarnar í samræmi við ráðleggingar.
Norðmenn hafa mesta hlutdeild, 61%, en
hlutdeild Íslands er 14,5%. Kvóti Íslands er
um 183.000 tonn á þessu ári en í fyrra varð
aflinn 157.000 tonn. Norðmenn hafa lengi
viljað auka hlut sinn verulega á kostnað ann-
arra þjóða á grundvelli þess að síldin hrygni
við Noreg og haldi sig lengst af innan
norskrar lögsögu. Með breyttu göngu-
mynstri síldarinnar er þó ljóst að vígstaða
Íslands verður mun betri en áður. Íslend-
ingar hafa í auknum mæli veitt síldina innan
eigin lögsögu. Í fyrra veiddust 40.000 tonn í
eigin lögsögu, 38.000 tonn í þeirri færeysku
og 79.000 tonn í Síldarsmugunni, alþjóðlega
hafsvæðinu milli Íslands og Noregs.
Mikilvægi síldarinnar
Síldin skiptir miklu máli. Á síðasta ári var
útflutningsverðmæti síldar 9,8 milljarðar og
hafði aukizt um rúmlega þriðjung frá fyrra
ári. Það eru aðeins þrjár fisktegundir sem
skila meiru, þorskur, ýsa og karfi. Síldin er
að miklu leyti unnin til manneldis. 2005 var
bróðurparturinn af síldinni frystur um borð í
fiskiskipum og í landi. Í fyrra voru markaðir
fyrir frysta síld ekki eins góðir og árið áður
og fór mest af síldinni í mjöl- og lýsisvinnslu.
Verð á þeim afurðum var þá í sögulegu há-
marki og verðmætasköpun mikil.
Það er síld!
Mikið af norsk-íslenzku
síldinni innan lögsögu


   
    
   

   

   
TILBOÐ bárust í allar lóðaeiningar
sem í boði voru í nýrri íbúðarbyggð í
Urriðaholti í Garðabæ, í nágrenni
verslunar IKEA, sem opnuð var und-
ir lok síðasta árs. Tilboð voru opnuð í
gær en alls stóðu 47 lóðaeiningar fyr-
ir 100 íbúðir til boða og var tilboðum
tekið í rúmlega helming lóðanna
samkvæmt fréttatilkynningu frá eig-
anda svæðisins, Urriðaholti ehf.
Í fréttatilkynningunni er haft eftir
Jóni Pálma Guðmundssyni, fram-
kvæmdastjóra Urriðaholts, að þetta
sé skýr viðurkenning á verðmæti
landsins og þeim skipulagsgæðum
sem lagt var upp með.
Sex óvenjustórar einbýlishúsalóðir voru boðnar út og var viðmiðunar-
verð fasteignasala fyrir þessar lóðir á bilinu 50–60 milljónir króna. Athygli
vekur að tilboð bárust í allar þessar lóðir en aðeins einu þeirra var tekið.
Viðmiðunarverð annarra lóða sem óskað var tilboða í var á bilinu 6–29
milljónir króna.
Boðið var í allar
lóðirnar í Urriðaholti
Eftirsótt Sex óvenjustórar ein-
býlishúsalóðir voru boðnar út og
bárust tilboð í þær allar.
Morgunblaðið/ÞÖK