Morgunblaðið - 27.06.2007, Blaðsíða 14

14 MIÐVIKUDAGUR 27. JÚNÍ 2007 MORGUNBLAÐIÐ
ERLENT
Eftir Arndísi Þórarinsdóttur
arndis@mbl.is
MIKILL vatnselgur hefur ætt yfir
Mið- og Norður-England síðan um
helgina og þúsundir hafa neyðst til
þess að yfirgefa heimili sín. Talið er
að um 900 manns hafist við í björg-
unarskýlum. Þrír eru látnir. Ungur
maður sem reyndi að hreinsa stíflað
niðurfall við hús afa síns í Hull fest-
ist í því og þrátt fyrir þriggja
klukkustunda björgunarstarf reynd-
ist ómögulegt að losa hann áður en
vatnselgurinn æddi yfir vit hans.
Karlmaður á sjötugsaldri drukknaði
þegar hann reyndi að komast yfir
götu í Sheffield og fjórtán ára dreng-
ur í sömu borg féll út í á þegar hann
var á leið heim úr skóla.
Íslendingar á staðnum
Gústaf Baldvinsson, forstjóri Sea-
gold Limited, býr og starfar í Hull.
Vinnustaður hans stendur við sömu
götu og ungi maðurinn drukknaði
við í gær. Gústaf segist aldrei hafa
séð annað eins vatnsveður. „Það
flæddi vatn inn í húsið við hliðina á
okkur en húsið okkar bjargaðist og
sem betur fer flæddi einungis inn í
bílskúrinn okkar. Margt starfsfólk
okkar [Seagold Limited] hefur verið
fast heima hjá sér og svo var hrað-
brautin inn í Hull lokuð í morgun.“
Gústaf sagðist vita af Íslendingi
sem aðstoðaði fólk, sem hefði orðið
innlyksa í húsum sínum, við að kom-
ast út, en það væru allnokkrar ís-
lenskar fjölskyldur búsettar á svæð-
inu.
Sendiherra Íslands í Bretlandi,
Sverrir Haukur Gunnlaugsson,
sagði að sendiráðinu hefðu ekki bor-
ist fregnir af því að Íslendingar bú-
settir á flóðasvæðunum hefðu lent í
vandræðum.
„Ótrúlegur atburður“
Þúsundir Breta hafa flúið heimili
sín, bæði á Norður-Englandi og í
Wales. Vegna flóðanna eru vegir
víða rofnir og allar lestarsamgöngur
eru í miklum ólestri. Flugherinn hef-
ur verið kallaður út til þess að lið-
sinna fólki sem hefur verið stranda-
glópar ýmist heima hjá sér, á
vinnustöðum eða í verslunum. Talið
er að 13.000 manns hafi orðið raf-
magnslausir í kjölfar flóðanna.
Tony Blair, forsætisráðherra
Bretlands, vottaði í gær aðstand-
endum þeirra sem hafa látist samúð
sína og sagði flóðin „ótrúlegan og
mjög alvarlegan atburð“. Hann
sagði að nú skipti mestu að samhæfa
neyðarþjónustur og koma í veg fyrir
frekari mannskaða.
Í gær vöruðu verkfræðingar íbúa í
Suður-Yorkshire við því að stíflu-
veggur Ulley-stíflunnar gæti brostið
eftir að sprungur tóku að myndast í
honum. Stífluveggurinn var styrktur
eftir megni og síðdegis í gær þótti
veggurinn nokkuð stöðugur, þó að
ástandið væri enn mjög alvarlegt.
M1-þjóðveginum hefur verið lokað á
þeim kafla sem gæti farið undir
vatn, bresti stíflan.
Hið versta vonandi afstaðið
Flóðasérfræðingur breska um-
hverfisráðuneytisins sagði að á 12
stundum hefði fallið jafnmikið regn
og félli að meðaltali á hálfu ári.
Fjárhagslegt tjón er gríðarlegt,
bæði fyrir ríkið, einstaklinga og
tryggingarfélögin.
Enn er um annar tugur flóða-
viðvarana í gildi, enda er spáð
áframhaldandi rigningu næstu daga,
þó að veðurfræðingar telji engu að
síður að versta veðrið sé gengið yfir.
Þúsundir Breta flýja heimili
sín í mannskaðaflóðum
Reuters
Flúin Víða um England hefur verið komið upp neyðarskýlum í skólum og
öðrum stórum byggingum, þar sem leita má skjóls fyrir vatnselgnum.
ÞAÐ liggur hálfgerð heimsendastemmning í loftinu í
Evrópu þessa dagana. Í Rússlandi geisa stormar, í Suð-
austur-Evrópu liggur hitabylgja eins og mara yfir öllu
og í Bretlandi rignir svo ákaflega að óbreyttir borg-
arar drukkna á strætum úti.
Einar Sveinbjörnsson veðurfræðingur segir að flóðin
í Bretlandi séu ekki einstök og minnir á flóðin sem urðu
í Mið-Evrópu sumarið 2002. Honum finnst óvarlegt að
draga ályktanir um þróun veðurfars af einstökum at-
burðum, skoða verði lengri tímabil til þess. Hann segir
öll ofangreind veðurbrigði hluta sömu keðju.
„Rakinn sem berst vanalega frá Atlantshafinu til
okkar í Norður-Evrópu fer nú nokkuð sunnarlega inn
yfir Evrópu. Það ástand er búið að vara í dálítinn tíma
norðan Alpafjalla. Vindar hafa fylgt þessu, loftið er
kalt og óstöðugt, og mikið um þrumur og eldingar.
Hitarnir sem eru við austanvert Miðjarðarhafið beina
síðan röku loftinu yfir Bretlandseyjar og norðanverða
Evrópu, en það hafa líka verið miklar rigningar í
Skandinavíu og í Þýskalandi allan þennan mánuð.“ Því
má segja sem svo að rigningin sem nú fellur í Bretlandi
hafi verið ætluð allri Evrópu, „allt frá Suður-Græn-
landi, yfir til Íslands, norður til Svalbarða og Norður-
Noregs og afgangnum af meginlandi Evrópu“.
Rigning í Bretlandi ætluð allri Evrópu
Í DAG er ráðgert
að Tony Blair víki
úr embætti for-
sætisráðherra
Bretlands. Hann
virðist þó ekki
þurfa að kvíða að-
gerðaleysinu, því
þegar hafa heyrst
sögusagnir þess efnis að hann haldi
til Mið-Austurlanda í hlutverki
sáttasemjara áður en langt um líð-
ur. Bandaríkjamönnum hugnast
það vel að fá Blair í hlutverkið, en
mörgum aröbum hrýs hugur við því
að fá forsætisráðherrann fyrrver-
andi í hringiðuna fyrir botni Mið-
jarðarhafs, enda kunna þeir honum
litlar þakkir fyrir stefnu hans í Írak
og þykir hann fullhallur undir
Bandaríkjastjórn.
Blair kveður
Downing-
stræti
Tony Blair
EFTIRLITSMENN á vegum Sam-
einuðu þjóðanna komu í gær til
Pyongyang í Norður-Kóreu til að
ræða við stjórnvöld um lokun Yong-
byon-kjarnorkuversins umdeilda í
landinu. Fimm ár eru síðan slíkir
eftirlitsmenn fengu síðast að heim-
sækja landið. Stjórn N-Kóreu samdi
við nokkur ríki, þ. á m. Bandaríkin,
í febrúar um að loka verinu gegn
margvíslegri fyrirgreiðslu af hálfu
stórveldanna og grannríkisins Suð-
ur-Kóreu, meðal annars fá N-
Kóreumenn mat og olíu.
SÞ-menn heim-
sækja N-Kóreu
KENNARI í bókmenntafræði í Afr-
íkuríkinu Malí hefur verið dæmdur
í tveggja mánaða fangelsi. Ástæðan
er að maðurinn er talinn hafa
móðgað forseta landsins, Amadou
Toumani Touré. Birt var viðtal við
kennarann þar sem hann sagðist
hafa falið nemendum sínum að
skrifa ritgerð um ímyndað kynlífs-
hneyksli með forseta í aðal-
hlutverki. Blaðamaður sem sagði
frá málinu hlaut 13 daga fangelsi.
Móðguðu
forseta Malí