Morgunblaðið - 27.06.2007, Blaðsíða 36
Justin Long ætti að
vera vel undirbúinn
fyrir hlutverk tölvuhakkara
þar sem hann er nýbúinn að
leika tölvu… 41
»
reykjavíkreykjavík
Eftir Helga Snæ Sigurðsson
helgisnaer@mbl.is
PARA-DÍS heitir einn af skapandi sumarhópum
Hins hússins, skipaður þeim Hafdísi Vigfúsdóttur
flautuleikara og Kristjáni Karli Bragasyni píanó-
leikara. Þau hafa staðið að verkefninu Tónaregni í
Reykjavík sem hófst í þessum mánuði og stendur
út júlí. Verkefnið er á vegum Hins hússins og
styrkt af Reykjavíkurborg.
Tónaregn felst í því að fluttir verða tónleikar á
leikskólum, dvalarheimilum aldraðra og sjúkra-
húsum en auk þess verða haldnir tónleikar hér og
þar um borgina. „Markmið verkefnisins er að ná
til breiðs hóps hlustenda. Á leikskólum erum við
með fuglaþema, leikum verk sem tengjast fuglum,
t.d. „Svarta skógarþröstinn“ eftir Messiaen,“ seg-
ir Hafdís. Þeim börnum sem heyrt hafa dag-
skrána, utan leikskólanna, hafi líkað vel við verkin
þó svo þau séu engar barnavísur heldur „alvöru“,
klassískar tónsmíðar.
„Þessa dagana erum við að spila á dvalar-
heimilum aldraðra og sjúkrahúsum, reynum að
hafa þar létta, franska tónlist. Það er franskt
þema hjá okkur í sumar, minni verk og áheyrileg,
grípandi lög, í bland við stærri verk,“ segir Haf-
dís. Þau hafi fundið tónleikastaðina og skipulagt
allt sjálf.
Hægt að panta tónleika
Síðast en ekki síst býðst dúóið til að halda tón-
leika í heimahúsum, en skilyrði fyrir slíku tón-
leikahaldi er að píanó eða flygill sé á heimilinu.
Hugmyndina að slíkum tónleikum fékk Krist-
ján þegar hann komst að því að á fjölda heimila
væru lítið notuð eða ónotuð píanó og flyglar. „Það
eru fjölmargir Íslendingar sem hafa keypt sér pí-
anó en aldrei eða afar sjaldan spilað á þau,“ segir
Kristján. Enginn hefur óskað enn eftir slíkum
tónleikum, enda nýhafið að auglýsa þá.
„Við spilum bara í smástund, bara eins og fólk
vill. Við viljum með þessu höfða til breiðs hóps,
sýna að klassísk tónlist er fjölbreytt og auka út-
breiðslu hennar, koma henni til fólksins. Við
leggjum áherslu á létta tónlist, allt mjög áheyri-
legt,“ segir Hafdís. Þessi þjónusta er bundin við
Reykjavík, þar sem hún er á vegum Hins hússins.
Hafdís og Kristján eiga bæði langt tónlistar-
nám að baki og stunda bæði framhaldsnám í
Frakklandi. Kristján nemur við C.N.R. de Versa-
illes en Hafdís við C.N.R. de Rueil Malmaison.
Báðir skólar eru í sveitarfélögum í nágrenni
Parísar. Kristján hóf píanónám tólf ára og Hafdís
í forskóla fjögurra ára. Þau hafa því lifað og
hrærst í tónlist meirihluta lífs síns.
Þegar Tónaregni lýkur, undir lok júlímánaðar,
ætlar para-Dísar-dúóið að halda styrktartónleika,
en ekki hefur verið ákveðið enn til hvaða samtaka
eða málefnis það fé rennur.
Föstudaginn næstkomandi, 29. júní, heldur
dúóið tónleika í Þjóðmenningarhúsinu og er að-
gangur ókeypis og allir velkomnir.
Þeir sem vilja hlýða á þau heima í stofu, þ.e.
þeir Reykvíkingar sem eiga píanó eða flygil, eru
beðnir um að hringja í síma 696 5298 eða 864 0010.
Einnig má senda tölvupóst á hafdisvaff@hotmail-
.com. Ekki amalegt að fá slíka heimaskemmtun og
það endurgjaldslaust.
Klassíkin til fólksins
Morgunblaðið/Ásdís
para-DÍS Dúóið lék valin, klassísk verk á Landspítalanum í gær. Kristján Karl Bragason og Hafdís Vigfúsdóttir munu halda fjölda tónleika næstu vikur.
Nánar um tónleikahaldið á
blog.central.is/flautarinn
tuðruna safnast alltaf hópur af
fólki,“ segir Páll. Knattspyrnan sé
jákvæð, félagslegt athöfn.
Páll fékk hugmyndina að bókinni
þegar hann var að ljósmynda staði
á heimsminjaskrá í Afríku fyrir
Menningarmálastofnun Sameinuðu
þjóðanna, UNESCO. Hann vill sýna
jákvæðu hliðarnar á álfunni, hún sé
oftast í fréttum vegna hörmunga og
styrjalda. „Það er óskaplega mikil
gleði, litadýrð og bjartsýni í þessari
álfu,“ segir Páll.
Þetta er fyrsta sýning Páls á
Afríkumyndunum. Sýningin stend-
ur til 4. ágúst og er opið í Fótógrafí
alla daga vikunnar frá kl. 12 til 18.
NÆSTA laugardag, 30. júní, verð-
ur opnuð sýning Páls Stefánssonar
ljósmyndara í ljósmyndagalleríinu
Fótógrafí, á ljósmyndum sem hann
tók í Afríku. Sýningin ber hinn við-
eigandi titil Heitt, en myndirnar
tók Páll í Kamerún í maí síðast-
liðnum fyrir ljósmyndabók um álf-
una sem hann er með í smíðum.
„Knattspyrna er hryggjarsúlan
eða samnefnari í bókinni. Það er
vegna þess að Kamerúnar hafa
brennandi áhuga á knattspyrnu,
þeir eru ekki sófaknattspyrnu-
menn. Þetta er ódýr íþrótt, þú get-
ur verið úti á akri berfættur. Það
eina sem þú þarft er tuðra og um
Gleði, litadýrð og
bjartsýni
Einbeittur Stoltur knattspyrnu-
maður í treyjunni öfugri.
Ljósmynd/Páll Stefánsson
Efnilegur Ungur drengur í Kamerún sýnir hvað hann getur og þrumar
tuðrunni að marki. Knattspyrna er rauður í Afríkumyndum Páls.
ÍSLENSKA R&B söngkonan Kenya
heldur kynningartónleika á Gauki á
Stöng annað kvöld. Þar flytur hún
frumsamin lög. Lag Kenya, „Hot
Dancing“, hefur fleytt nokkuð öldur
ljósvakans í sumar og má benda
áhugasömum um Kenyu á vefsíðu
hennar, myspace.com/kenyaice-
land. Þar eru 200 ókeypis miðar á
tónleikana í boði sem hægt er að
prenta út. Húsið verður opnað kl. 20.
Kenya heldur kynning-
artónleika á Gauknum
LEIKFÉLAGIÐ Leikhús Frú Norma
frumsýnir á morgun barnaleikritið
Bara í draumi í sláturhúsinu á Egils-
stöðum. Verkið fjallar um ungan
dreng sem verður eina nóttina vitni
að því að leikföngin hans lifna við.
„Er hann að dreyma? Geta bangs-
ar bara talað í draumi? Eru höfuð-
áttirnar fjórar eða átta?“ segir m.a. í
lýsingu á verkinu.
Leikfélagið sýnir þó fleiri en eitt
verk því nú standa yfir sýningar á
Nátthröfnum, einnig í sláturhúsinu.
Verkið verður einnig sýnt á
Humarhátíð, Höfn í Hornafirði, á
laugardaginn kl. 11 og 15 og verður
frítt inn í boði bæjarfélagsins.
Barnaleikrit í
Sláturhúsi
HALDIÐ verður upp á nýtt útlit
vefsíðu Jafningjafræðslu Hins húss-
ins, www.jafningjafraedslan.is, frá
kl. 17 til 22 á morgun í kjallara Hins
hússins. Undir lok uppákomunnar
verður málverkauppboð og rennur
ágóði af því til góðs málefnis, að því
er segir á vefsíðunni. Búast má við
kaffihúsastemningu. Ýmsar hljóm-
sveitir leika tónlist, m.a. <3 Svan-
hvít, Byssupiss, Ministery of for-
eign affairs, Ásgeir, Eysteinn og
Sæi, Söngfuglinn Tríó og Breathe.
Jafningjafræðslan með
málverkauppboð