Morgunblaðið - 14.09.2007, Side 22

|föstudagur|14. 9. 2007| mbl.is
daglegtlíf
Nanaimo-bitar eru hnossgæti
sem allir Kanadamenn kannast
við, en fáir þekkja utan þeirra.
»26
matur
Í suðurhluta Toskana, suður af
Siena, er helsta aristókrata
toskanskra vína er að finna:
Brunello di Montalcino. »27
vín
Eftir Jóhönnu Ingvarsdóttur
join@mbl.is
Ég er mikið náttúrubarn oghef voða gaman af allriútiveru enda má segja aðlaugardagarnir fari svo-
lítið í að þefa uppi landið á höfuð-
borgarsvæðinu,“ segir Ágústína
Ingvarsdóttir sálfræðingur sem er
að byrja með námskeið undir yf-
irskriftinni „Sæl og sátt börn“.
Námskeið þessi eru ætluð for-
eldrum sem vilja kenna börnunum
sínum réttu lífsgildin svo þau séu
betur í stakk búin til að verja sig fyr-
ir öllu því áreiti sem er í kringum
þau. Fyrsta námskeiðið er á morgun
og stendur frá kl. 10-17.
Spurð um uppskrift af uppáhalds-
helgi, segist Ágústína kjósa að fá að
kúra aðeins lengur fram eftir um
helgar. „En svo dríf ég mig af stað
og þykist ansi góð ef ég er komin af
stað upp í Mosskóga í Mosfellsdal
um eða upp úr kl. 11. Það er algjör
hátíð að koma í Mosskóga þar sem
hægt er að kaupa nýjar rósir, ferskt
grænmeti, afbragðs góðar sultur,
belgískt konfekt og annað fínirí.
Næsti viðkomustaður er nýja Mos-
fellsbakaríið þar sem ég sest niður
með capuccino og kaupi svo brauð
fyrir vikuna. Þaðan lalla ég yfir í æv-
intýralandið til Hlínar í samnefndri
blómabúð til að fá hugmyndir og
innblástur af gjafavöru. Úr Mos-
fellsbæ bruna ég svo í Hafnarfjörð
með tóma eggjabakka, sem ég safna
fyrir karmelklaustursystur, en þær
eru með hænsn og selja egg sér til
viðurværis. Gott er að kíkja í kapell-
una til að fá hugarró áður en haldið
er af stað á ný með fersk kærleiks-
egg og gaman er að fara í hunangs-
smökkun að Lambhaga þegar vel
stendur á.
Dagskráin eftir þetta helgast mik-
ið til af árstíma því á aðventunni er
voða gaman að kíkja á jólaútimark-
aðinn í Hafnarfirði. Á haustin er
yndislegt að kíkja eftir berjum eða
sveppum í Heiðmörk og á sumrin er
yndislegt að fara í fuglaskoðun um
Álftanesið,“ segir Ágústína og bætir
við að sunnudagana taki hún hátíð-
lega sem algjöra hvíldardaga.
Snýst um hugsun og skipulag
En hver er besta leiðin til þess að
kenna börnunum okkar réttu lífs-
gildin og hvernig undirbúum við þau
fyrir lífið?
„Ætli uppeldi barns sé ekki það
erfiðasta og mikilvægasta hlutverk
sem nokkur einstaklingur getur tek-
ið sér fyrir hendur. Með því að
kenna börnum ákveðna ramma og
viðmið þá eru foreldrarnir í raun
með barninu þó að þeir séu fjarri.
Börn vilja skýrar og einfaldar reglur
því þær veita þeim öryggiskennd og
börn verða þá færari en ella að meta
hlutina betur sjálf. Stöðugt áreiti er
orðið á börn í nánasta umhverfi
þeirra og því þurfa foreldrarnir orð-
ið að búa við samkeppni á takmörk-
uðum tíma.
Foreldrar upplifa stöðugan tíma-
skort og telja sig ekki hafa mikla
möguleika til að takast á við utanað-
komandi áreiti. En málið snýst ekki
um tíma heldur hugsun og skipulag.
Fólk þarf bara að hafa sýn fyrir
framtíðina, markmið til að stefna á
og undirmarkmið, sem varða leið-
ina,“ segir Ágústína.
Reglur, samkennd og hlutverk
„Stöðugt áreiti er á nútíma-
fjölskyldum. Börnin upplifa að þau
þurfi að vera með í öllu sem býðst og
foreldrarnir dragast inn í hringiðu
þarfa og væntinga. Mikilvægt er að
foreldrar nái tökum á atburða-
rásinni og stýri henni. Ýmsar leiðir
eru til að ná tökum á áreitinu, skapa
áhugaverða valkosti fyrir börnin og
góða samveru fyrir fjölskylduna alla.
Foreldrar þurfa sko ekki að
standa hjá áhrifalausir og horfa á
umhverfið móta börnin sín í ein-
staklinga sem fjarlægjast smám
saman. Foreldrarnir geta tekið í
taumana og stýrt málum innan fjöl-
skyldunnar. Þeir geta einnig tekið
saman við foreldra félaga barna
sinna þannig að reglur verði sam-
ræmdar. Þá er líka hægt að kenna
börnum samkennd, að hugsa meira
um hvert annað og þora að segja frá
þegar einhver í hópnum lendir í
vandræðum. Með því að læra að láta
sig varða, eykst samkenndin og
stuðningur innan hópsins og þá er
síður hætta á að barn eða unglingur
verði útundan eða lendi í ógöngum.
Samkennd er líka hægt að kenna
með því að barn læri að leggja hluta
af peningum fyrir laugardagsnammi
í sjóð, sem allir í fjölskyldunni leggja
sömu upphæð í. Þessa peninga má
t.d. nota til að styrkja hjálparstarf
með því að fylgja ákveðnum ein-
staklingi eftir og leyfa börnunum að
fylgjast með í gegnum myndir og
bréfaskriftir hvernig viðkomandi
reiðir af með þeirra hjálp. Foreldrar
geta líka látið börnin fá hlutverk á
heimilinu með ákveðnum tímasetn-
ingum. Með því má minnka álagið á
foreldrana um leið og börnin fá að-
hald, sem stýrir tíma þeirra. Það má
líkja þessu við stjórnun fyrirtækis
þegar hlutirnir ganga eðlilega fyrir
sig þó að stjórnandinn sé ekki við.
Síðan fer það eftir stjórnendunum
hversu vel fyrirtækið er rekið. Það
sama á við í fjölskyldum. Það þýðir
ekkert að setja reglur og fella þær
svo úr gildi við fyrstu mótmæli,“
segir Ágústína.
Börn þurfa að læra
réttu lífsgildin
Morgunblaðið/Árni Sæberg
Sálfræðingurinn Ágústína Ingvarsdóttir notar laugardagana gjarnan til að kaupa rósir og grænmeti í Mosfells-
dal, nýbökuð brauð í Mosfellsbakaríi og sækir svo fersk egg og hugarró til Karmelsystranna í Hafnarfirði.
www.lifenavigation.com
Fallegasti staðurinn: Snæ-
fellsnesið, sunnan megin við
Snæfellsjökul.
Göngutúrinn: Það er stórkost-
legt að labba meðfram sjónum
úti á Seltjarnarnesi.
Sundlaugin: Bláa lónið er lúx-
us baðstaður.
Besti maturinn: Grillaður sil-
ungur fylltur með blóðbergi, en
nú er ég að skipta yfir í hrá-
fæði.
Líkamsræktin: Ég reyni að
halda í góðan líkamlegan styrk
án þess að vilja vöðva og geri
það í Hreyfingu.
Matsölustaðurinn:
Austur-Indíafjelagið, La Prima-
vera, Sjávarkjallarinn, Vox og
Holtið eru allir flottir staðir auk
Ambrosiu, sem er hráfæð-
isstaður við Ingólfsstræti.
Ágústína mælir með
Ingibjörg Unnur Sigmundsdóttirvar í útreiðartúr á Ísafirði og
orti undir yfirskriftinni: „Á hesti í
villta vestrinu“:
Hvernig sem að byrinn blæs
hjá byssuveiðiköllum.
Allir fara að elta gæs
Á undirlendi og fjöllum.
Ég sem kjarki er góðum gædd
gerist niðurbrotin.
Alvarlega orðin hrædd
um að verða skotin.
Þegar Morgunblaðið auglýsti eft-
ir blaðbera „á Mývatni“ orti Hjálm-
ar Freysteinsson:
Mývatn löngum mesti
merkisstaður var.
Jesús bróðir besti
ber út Moggann þar!
Jóhannes frá Syðra-Langholti
bætir við:
Oft meiri hluta ársins á Mývatni er ís
svo mannssonurinn sleppur þá frá
Mogga.
Hann hasta kann á vindinn ef hátt þar
aldan rís
svo hringja má í Júdas eða blogga.
VÍSNAHORNIÐ
Af villta
vestrinu
pebl@mbl.is
Nú þegar bændur landsins smala samanlömbum sínum sem blómstrað hafa áfjalli sumarlangt, hlakka margir til að
bergja á gómsætri réttarsúpu, sem er ómiss-
andi hluti af réttunum. Hvað er betra eftir að
hafa dregið fé í dilka en að ríða heim með fjár-
hópinn og setjast svo glorhungraður að borði
og gæða sér á kraftmikilli kjötsúpu? Mat-
reiðslumeistarinn Andreas Jacobsen hefur
aldrei smalað kindum eða dregið fé réttum en
hann segir haustið vera besta tíma íslensku
kjötsúpunnar enda ætlar hann fyrir hönd ís-
lenskra garðyrkjubænda að bjóða þeim sem
verða á ferðinni í dag í Bónus á Selfossi, til að
smakka á kjötsúpu sem hann hefur lagað af
list. Þannig vill hann vekja athygli fólks á úr-
vali íslensk grænmetis sem nú er í boði frá
grænmetisbændum.
„Fólk er fastheldið á kjötsúpuna og vill hafa
hana hefðbundna. Þess vegna bý ég hana til
eins og amma gerði en ég nota kannski meira
af íslensku grænmeti en hún gerði. Ég nota
allt það grænmeti sem er í blóma núna, eins og
hnúðkál, blómkál og hvítkál. Það jafnast ekk-
ert á við íslenskt grænmeti, sem kemur ferskt
og gott til kaupenda.“
Andreas eldaði súpuna í gær enda segir
hann súpuna langbesta daginn eftir, þannig
verði hún bragðbetri.
Kjötsúpa
grænmetisbóndans
fyrir 4
2 l vatn
1 kg gott súpukjöt
1 msk. salt (eftir smekk)
½ laukur, saxaður smátt
25g sellerí, saxað
1 dl hrísgrjón
500 g gulrófur
500 g kartöflur
250 g gulrætur
100 g hvítkál
50 g blómkál
50 g hnúðkál
25g grænkál
nýmalaður pipar eftir smekk
Kjötið fituhreinsað og sett í pott. Vatninu
hellt yfir og hitað að suðu. Froðu fleytt ofan af
og saltað. Lauk, sellerí og hrísgrjónum hrært
saman við. Soðið við vægan hita í 45 mín. Á
meðan eru gulrófurnar og kartöflurnar af-
hýddar og skornar í bita ásamt gulrótum og
þessu bætt út í og soðið í 15 mín. til viðbótar.
Kálið skorið í mjóar ræmur og blómkálið skor-
ið smátt. Þessu er bætt saman við og soðið í 5-
10 mín. eða þar til allt grænmetið er meyrt.
Smakkað og bragðbætt með salti og pipar.
Mörgum finnst kjötsúpan best er hún er hit-
uð upp í annað eða þriðja sinn.
Íslensk kjötsúpa, best á haustin
Morgunblaðið/Kristinn
Andreas Jacobsen Lagar matarmikla súpu.