Morgunblaðið - 23.11.2007, Qupperneq 16

16 FÖSTUDAGUR 23. NÓVEMBER 2007 MORGUNBLAÐIÐ
ERLENT
JOHN Howard, forsætisráðherra
Ástralíu, sem á mjög undir högg að
sækja fyrir Kevin Rudd, leiðtoga
Verkamannaflokksins, varð fyrir
enn einu áfallinu í gær, aðeins
tveimur dögum fyrir þingkosning-
arnar í landinu. Þá kom það upp, að
háttsettir menn í flokki Howards,
Frjálslynda flokknum, höfðu dreift
upplognum áróðri um Rudd.
Í flugmiðum, sem bornir voru í
hús í mikilvægu kjördæmi í Sydney
var því haldið fram, að Verka-
mannaflokkurinn hefði sýnt hryðju-
verkamönnum, sem sprengdu upp
næturklúbb á Balí 2002 og urðu
meira en 200 manns að bana, mikla
samúð. Var miðinn útbúinn sem
eins konar þakkarávarp frá ísl-
ömskum sam-
tökum.
Fréttaskýr-
endur segja, að
Frjálslyndi
flokkurinn hafi
síst mátt við
þessu hneyksli á
síðustu dögum
kosningabarátt-
unnar en How-
ard segir, að hvorki hann né flokks-
forystan hafi haft nokkra hugmynd
um tiltækið. Vegna þess hafi nú
tveir menn verið reknir úr flokkn-
um.
Kannanir sýna, að Rudd nýtur nú
fylgis 55% kjósenda en Howard
45%.
Upploginn áróður enn eitt
áfallið fyrir John Howard
John Howard
VAXANDI hætta er talin á farsóttum
og hungursneyð á þeim svæðum sem
urðu verst úti í fellibyl sem gekk yfir
Bangladesh í vikunni sem leið.
Starfsmenn hjálparstofnana sögðu í
gær að forgangsverkefni þeirra núna
væri að koma nægum matvælum til
fólks sem hefur orðið uppiskroppa
með mat og drykkjarvatn. Erfiðlega
hefur gengið að flytja matvæli á ham-
farasvæðin vegna þess að margir
vegir eyðilögðust og fallin tré lokuðu
þröngum siglingaleiðum.
A.m.k. 3.400 manns biðu bana í
óveðrinu, flestir þeirra af völdum sex
metra hárrar flóðbylgju, og þúsunda manna til viðbótar er enn saknað.
Matarskortur Konur og börn bíða
eftir mat í þorpi í Bangladesh.
AP
Hætta á hungursneyð og
farsóttum í Bangladesh
HÆSTIRÉTTUR Pakistans ákvað í
gær að vísa frá kröfu um að ógilda
forsetakjör Pervez Musharrafs og
greiddi þar með fyrir því að hann
segði af sér sem yfirhershöfðingi
og sværi embættiseið borgaralegs
forseta. Ákvörðunin kom ekki á
óvart þar sem dómstóllinn er skip-
aður stuðningsmönnum Musharrafs
sem vék nokkrum dómurum frá
þegar hann setti neyðarlög, að öll-
um líkindum til að koma í veg fyrir
að hæstirétturinn ógilti forseta-
kjörið. Helsti lögfræðilegi ráðgjafi
hershöfðingjans sagði að nú væri
engin lagaleg fyrirstaða fyrir því
að Musharraf héldi völdunum.
Forsetakjör
staðfest
AP
Í hlekkjum Neyðarlögum mótmælt.
ANDERS Fogh Rasmussen, forsætisráðherra Danmerkur, kynnti í gær
stjórnarsáttmála nýrrar ríkisstjórnar flokks síns, Venstre, og Íhaldsflokks-
ins. Vakti mesta athygli að Rasmussen sagði að efnt yrði til þjóðaratkvæða-
greiðslu á kjörtímabilinu um undanþágur Dana í samstarfi Evrópusam-
bandslandanna, þar á meðal um það hvort Danir tækju upp evruna, en
gengi krónunnar fylgir nú gengi evrunnar.
Undanþágurnar ná til varnarmála, dómsmála og innanríkismála auk
myntsamstarfsins. Danir felldu í þjóðaratkvæðagreiðslu árið 2000 tillögu
um að taka upp evru. Stjórnmálaskýrendur segja að Rasmussen vilji m.a.
efla þátt Dana í ESB til að eiga sjálfur möguleika á því að hreppa háa stöðu
hjá sambandinu, ef til vill væntanlegt embætti forseta ráðherraráðsins.
Ráðherrann boðaði einnig umtalsverðar breytingar í efnahagsmálum.
Verður skattur af hæstu launatekjum lækkaður, útgjöld til aðgerða gegn
gróðurhúsaáhrifum hækkuð og þróunaraðstoð aukin. Samsteypustjórn
flokkanna tveggja hélt naumlega velli í þingkosningunum nýverið.
Fogh boðar kosningar um
hvort taka skuli upp evru
RAUTT kjöt er óhollt og krabbameinsvaldandi og alveg sérstaklega kjötá-
legg. Er það álit einhverra kunnustu krabbameinssérfræðinga í heimi, sem
hafa ekki fyrr tekið jafn djúpt í árinni um þetta.
Vísindamennirnir, sem starfa við Alþjóðakrabbameinsrannsóknasjóð-
inn, WCRF, og Bandarísku krabbameinsstofnunina, AICR, segja, að enginn
ætti að neyta meira en 300 g af rauðu kjöti vikulega en forðast kjötálegg
með öllu. Hefur þetta álit vísindamannanna vakið eftirtekt í Danmörk, því
mikla kjötneyslulandi, en þar er vikulegur skammtur af rauðu kjöti á mann
um 900 g. Með rauðu kjöti er átt við allt kjöt annað en fuglakjöt.
Bannfæra allt rautt kjöt
Eftir Svein Sigurðsson
svs@mbl.is
GEORGE W. Bush, forseti Banda-
ríkjanna, átti í fyrradag símaviðtal
við leiðtoga Ísraels, Egyptalands og
Palestínu um friðarráðstefnuna, sem
hefst í Annapolis í Bandaríkjunum í
næstu viku. Vonast hann einlæglega
til, að hún beri þann árangur, að
stofnað verði sérstakt, palestínskt
ríki innan árs eða áður en hann lætur
sjálfur af embætti. Horfurnar eru þó
ekki allt of góðar enda má heita, að
Ísraela og Palestínumenn greini á
um flest mikilvægustu málin.
Meginkrafa Palestínumanna er
sú, að landamæri Ísraels verði þau,
sem þau voru fyrir 1967, en með að-
skilnaðarmúrnum og mörgum
byggðum gyðinga hafa Ísraelar í
raun innlimað hluta af Vesturbakk-
anum. Palestínumenn krefjast þess
einnig, að Austur-Jerúsalem verði
höfuðborg ríkis þeirra en ekkert
bendir til, að Ísraelar fallist á það. Í
málamiðlunarskyni hafa stórveldin
lagt til, að A-Jerúsalem verði sett
undir alþjóðlega stjórn vegna mik-
ilvægis hennar fyrir múslíma,
kristna menn og gyðinga, en Ísraelar
hafa heldur ekki léð máls á því.
Nýjasta útspil Ísraela er svo það,
að það verði fyrsta mál á dagskrá á
ráðstefnunni í Annapolis og eins
konar skilyrði fyrir framhaldinu, að
Ísrael verði viðurkennt og skilgreint
sem ríki gyðinga. Hefur sú krafa
reitt Palestínumenn til reiði og kynt
undir spennu milli gyðinga og arab-
íska minnihlutans í Ísrael. Talsmað-
ur Ehuds Olmerts, forsætisráðherra
Ísraels, segir, að krafan sé ófrávíkj-
anleg og eiginlega ekki til umræðu.
Óttast að verða í minnihluta
Þessi krafa á rætur sínar í þeim
ótta gyðinga, að þeir geti orðið í
minnihluta í sínu eigin landi og meg-
intilgangur hennar er að koma í veg
fyrir, að palestínskir flóttamenn,
sem hröktust á sínum tíma frá Ísr-
ael, geti snúið þangað aftur.
Arabar í Ísrael eru nú um 20%
landsmanna, sem eru alls um sjö
milljónir, og þeir segja, að krafan
um, að Ísrael verði skilgreint sér-
staklega sem ríki gyðinga, muni enn
auka á það misrétti, sem þeir séu
beittir.
AP
Múrinn Lega aðskilnaðarmúrsins
hlýtur að verða rædd í Annapolis.
Lítil bjartsýni á ráð-
stefnuna í Annapolis
Krafa um að Ísrael verði skilgreint og viðurkennt sem
sérstakt ríki gyðinga vekur reiði meðal Palestínumanna
BRESKIR og þýskir vísindamenn
hafa fundið stóra steingerða kló úr
sjávarsporðdreka sem talið er að
hafi verið um 2,33-2,59 metra langur
og lifað fyrir 255-460 milljónum ára.
Er þetta stærsta liðdýr sem fund-
ist hefur til þessa, að því er fram
kemur í breska tímaritinu Biology
Letters. „Þetta er stórmerkileg upp-
götvun,“ sagði Simon Braddy, vís-
indamaður við Bristol-háskóla. „Við
höfum vitað í nokkurn tíma eftir
rannsóknir á steingervingum að til
voru ferlegar þúsundfætlur, ofur-
stórir sporðdrekar, heljarmiklir
kakkalakkar og tröllvaxnar dreka-
flugur en fyrst núna gerum við okk-
ur fulla grein fyrir því hversu stór
sum þessara kvikinda voru.“
Vísindamenn eru ekki á einu máli
um hvers vegna liðdýrin urðu svona
stór. Sumir segja að dýrin hafi notið
góðs af mjög súrefnisríku lofti en
aðrir telja að þau hafi stækkað til að
geta veitt fiska, sem höfðu einnig
stækkað, eða vegna þess að sam-
keppnin frá hryggdýrum um fæðuna
var minni en nú.
Liðdýrin voru firnastór
#$%&'( )*+$%'),'-.'/01
7 
'('  '  '
' "# ' 
'

 '(  
'

'"'''
'('# '
'-13'
'"

'' '
'= '''  '( '
,1' > >'# '

' , ''" '#'

3/  :2 





  

 
 

  
!   
 

 " # 
 
 

$  

 

!
 

 
?
 
'( 

%
 
& 
' ( 
  )* 

@ '

# 
 
UM ÞESSAR mundir, eða frá 22. nóvember til 13. jan-
úar, stendur yfir mikil vetrarhátíð í borginni Brügge í
Belgíu. Þar fá listamenn að leika lausum hala og keppa
í því að búa til fjölbreyttar ævintýramyndir úr ís og
snjó. Raunar fer engum fréttum af fannfergi eða frost-
hörkum á staðnum enda ekki þörf á því á tæknitímum.
Reuters
Skrípitröll í hugmyndaskógi
Dalvegi 10-14 • Sími 577 1170
Innrettingar
Þi´n vero¨ld
X
E
IN
N
IX
0
7
06
0
08