Morgunblaðið - 23.11.2007, Qupperneq 23

vín
MORGUNBLAÐIÐ FÖSTUDAGUR 23. NÓVEMBER 2007 23
Davíð Hjálmar Haraldsson las aðsjö íslenskar álftir með
gervihnattasenda tækju þátt í
grunnrannsóknum til undirbúnings
nýjum vindorkuverum í Skotlandi.
Og hann yrkir:
Svanirnir mínir! Um heiðloftahöll,
hátt yfir bylgjuna vota,
bara þið tækjuð með álverin öll
austur til Breta og Skota.
Hólmfríður Bjartmarsdóttir eða
Fía á Sandi grípur það á lofti og
kastar fram fyrriparti:
Hálslónsstífla á flugi fór
með fuglunum til Bretalands.
Séra Hjálmar Jónsson botnar:
Ætli virkjun, væn og stór,
verði reist í landi Sands?
Þá Pétur Stefánsson:
– Eftir situr urð og mór,
og Austfirðingar tveggja blands.
Og Ólafur Stefánsson:
Vitleysan er víð og stór,
Vinstri grænna kreppubands.
Konráð Erlendsson:
Álftir syngja í einum kór
úti á túni í landi Sands.
Loks Hólmfríður sjálf:
Fannst þeim einkar fagur sjór
flæða um dali austan lands.
pebl@mbl.is
VÍSNAHORNIÐ
Af svönum
og álverum
Eftir Steingrím Sigurgeirsson
sts@mbl.is
Undir lok síðustu aldar komnýr hópur víngerðarhúsafram á sjónarsviðið á svæð-
unum St. Emilion og Pomerol í Bor-
deaux sem fljótlega hlaut nafnið bíl-
skúrshreyfingin eða „les garagistes“.
Má rekja nafngiftina til þess að
þekktasti vínblaðamaður Frakklands
Michel Bettane lýsti þessum víngerð-
um svo í grein að þær ættu það flest-
ar sameiginlegt að starfsemin rúm-
aðist hæglega í bílskúr.
Ólíkt hinum stóru og þekktu vín-
gerðarhúsum Bordeaux eða Chateau-
um sem ráða yfir vínekrum er þekja
oft tugi hektara leituðu þessir vín-
gerðarmenn uppi agnarsmáa bletti
þar sem aðstæður til vínræktar voru
nær fullkomnar og lögðu síðan allt
undir í víngerðinni. Þessi litlu hús
vöktu fljótt mikla athygli og verðið á
mörgum þeirra rauk fljótt upp úr öllu
valdi. Má nefna þar nefna Le Pin, Va-
landraud, Mondotte og Le Dome.
Einn þeirra sem hafa verið leiðandi
í þessari þróun er Bretinn Jonathan
Maltus (raunar fæddur og uppalinn
að hluta í Afríku) sem festi kaup á
vínhúsinu Chateau Teyssier 1994.
Maltus er stór og mikill vexti og mað-
ur veltir því fyrir sér er maður hittir
hann hvort bílskúrinn þurfi ekki að
vera ansi stór til að hann nái að at-
hafna sig. Vínin endurspegla mann-
inn því vínin hans Maltusar eru engin
smásmíði og hafa vakið mikla athygli.
Hann er verkfræðingur að mennt
en ákvað við upphaf tíunda áratugar-
ins að skipta um starfsvettvang.
Hann leitaði um skeið að góðri eign í
Bordeaux og varð Chateau Teyssier í
St. Emilion að lokum fyrir valinu.
Teyssier sameinaði það tvennt að
þarna var fallegt hús sem hann vildi
búa í og vínekrur sem hann taldi búa
yfir miklum tækifærum.
Maltus framleiðir nokkur vín í Bor-
deaux og þekktast þeirra er ofurvínið
Le Dome sem keppir við þau allra
bestu í Bordeaux. Breska víntímaritið
Decanter valdi það besta vín St. Emi-
lion 2005 ásamt Chateau Ausone og
það er vissulega ekki ódýrt, rúmlega
14.000 kr. í vínbúðunum. Séu menn að
leita að víni í þessum flokki má þó
gera margt vitlausara en að fjárfesta
í Le Dome. Ég snæddi kvöldverð með
Maltus fyrr á árinu og var boðið upp á
Dome 2000 með aðalréttinum sem
sýndi svo sannarlega að vínið keppir í
efstu deild. Tröppugangurinn hjá
Maltus er raunar allur spennandi, en
hann byrjar á víninu frá Chateau
Teyssier, sem er með betri kaupum
sem hægt er að gera í Bordeaux-
vínum í dag en það kostar um 2.600
kr. Sjálfur er ég ekki síður hrifinn af
Grand Destieu sem er þúsundkall-
inum dýrara en þeir árgangar sem ég
hef smakkað, 2004 og 2005 eru báðir
þéttir og vínið afskaplega aðgengilegt
þrátt fyrir stærð. Þeir sem vilja svo
fara enn ofar en ættu að líta á Chat-
eau Laforge sem er nokkrum þrepum
ofar Destieu í stærð jafnt sem verði,
kostar á sjöunda þúsund krónur.
Vissulega ekki ódýr vín en þó ekki
dýr miðað við sambærileg vín frá
Bordeaux úr þessum árgangi.
Þetta eru með fyrstu hágæða Bor-
deaux-vínunum frá hinum magnaða
2005 árgangi sem berast til Íslands-
lands og ættu unnendur góðra vína að
njóta hans á meðan færi gefst.
Maltus lét sér hins vegar ekki
nægja að fjárfesta í Bordeaux heldur
fór fljótlega að svipast víðar um.
Hann velti fyrir sér Kaliforníu en
endaði í Ástralíu þar sem hann setti á
laggirnar vínhúsið Colonial í Barossa.
Þau eru gjörólík Bordeaux-vínunum,
flest úr þrúgunum Shiraz, Grenache
og Mourvedre. Dökk, þykk, þung og
djúp. Á toppnum trónir Exile sem
Robert Parker (sem alla tíð hefur
haldið mikið upp á vín Maltusar) gaf
nýlega 96 punkta.
Víngerðarmaður Jonathan Maltus.
Litli risinn í St. Emilion
Morgunblaðið/Steingrímur
Veigarnar Vínin frá Maltus eru stór eins og maðurinn sjálfur.
Þjóðleikhúsið
Á öllum sviðum lífsins
Afgreiðsla miðasölu á Hverfisgötu er opin frá kl. 12.30–18.00
mán. og þri. Aðra daga frá kl. 12.30–20.00.
Símapantanir frá kl. 10.00 virka daga.
Miðasala í síma 551 1200 og á www.leikhusid.is
eftir Þorvald Þorsteinsson og
Jóhann G. Jóhannsson
Konan áður
Háski og heitar
tilfinningar á
Smíðaverkstæðinu
eftir Roland Schimmelpfennig
Skilaboða-
skjóðan
Uppselt fram til jóla.
Örfá sæti laus á auka-
sýningu í dag kl. 18!
Síðustu forvöð
Söngleikurinn Leg
aukasýning 28/11 kl. 20
allra síðasta sýn. 29/11 kl. 20 uppselt
Óhapp!
24/11 kl. 20 örfá sæti laus
30/11 kl. 20 uppselt
síðasta sýn. 9/12 kl. 20
Hjónabandsglæpir
23/11 kl. 20 uppselt
29/11 kl. 20 örfá sæti laus
síðasta sýn. 7/12 kl. 20
Hamskiptin
í uppfærslu Vesturports
24/11 kl. 20 örfá sæti laus
30/11 kl. 20 örfá sæti laus
síðasta sýn. 1/12 kl. 20 örfá sæti laus
Gott kvöld
síðasta sýning fyrir jól
sun 25/11 kl. 13.30 örfá sæti laus
M
jú
kd
ýr
Laugavegi 7 • 101 Reykjavík • Sími 561 6262 • www.kisan.is
Opið MÁN - FIM 10:30 - 18:00 FÖS 10:30 - 19:30 LAU 10:30 - 18:00
C O N C E P T S T O R E
Anima Steiff Sigikid