Morgunblaðið - 05.12.2007, Page 6

6 MIÐVIKUDAGUR 5. DESEMBER 2007 MORGUNBLAÐIÐ
FRÉTTIR
„MIÐAÐ við stöðuna á mörkuðum, þann
óróa sem nú er og hugsanlegan óróa fram-
undan þá töldum við að þyrfti að styrkja eig-
infjárgrunn FL Group,“ segir Jón Ásgeir Jó-
hannesson, stjórnarformaður FL Group og
Baugs Group, spurður um ástæður þess að
styrkja þurfi efnahag FL Group.
„Fl Group er kjölfestufjárfestir í banka og
rekur tryggingafélag. Við teljum að fast-
eignir passi mjög vel við þær eignir og þær
muni styrkja hvorar aðrar. En það er engin
launung að eiginfjárhlutfall félagsins var orð-
ið heldur lágt.“
Jón Ásgeir segir að gengið 14,7 á nýju
hlutafé í FL Group sé samkvæmt útreikningi
sem hafi verið rökstuddur af bönkunum.
Hann neitar því að það gengi sem hefur verið
á bréfum félagsins að undanförnu, þ.e. 19 til
20, sé of hátt. Hins vegar sé eðlilegt, þegar
um svo stór viðskipti sé að ræða og í því ár-
ferði sem við búum nú við, að gefa afslátt af
verðinu.
Afsláttur af verði eðlilegur
„Við sjáum dæmi eins og Finnair, sem við
þekkjum mjög vel enda höfum við fjárfest í
því, sem var að gefa út hlutafé með 25% af-
slætti. Og Storebrand var að gefa út með
40% afslætti. Þetta gera menn til að ná inn fé
á erfiðum tímum. Það breytir því ekki að eft-
ir stendur sterkara félag fyrir þá fjárfesta
sem eru núna inni. Þess vegna eru meiri lík-
ur á því að gengið fari upp frá 14,7.“
Hann staðfestir að miklir sviptivindar hafi
leikið um FL Group á þriðja ársfjórðungi
vegna þrenginga á fjármálamarkaði sem
gengið hafa yfir að undanförnu og telur að
vextir á lánsfé séu orðnir alltof háir, bæði
hér á landi og í Evrópu.
Jón Ásgeir boðar hagræðingu í rekstri FL
Group og segir ýmislegt verða skoðað hvað
það varðar. Þó liggur fyrir að skrifstofa fé-
lagsins í Danmörku verði lögð niður og
reksturinn þar sameinaður rekstrinum í
London.
„Það er alveg ljóst að það eru færri fjár-
festingartækifæri sem menn geta klárað á
þessum tímum. Við munum velja mjög vel
næstu fjárfestingar. Auk þess höfum við nóg
að gera innanhúss, að byggja upp TM,
byggja upp Glitni, byggja upp fasteignirnar.“
Hvað varðar Baug segir Jón Ásgeir að
fjárfestinga- og fasteignaarmur Baugs verði
nú eingöngu fjárfestingaarmur og það ein-
faldi rekstur Baugs. Baugur geti því einbeitt
sér meira að smásölunni og í því sjái hann
tækifæri.
Hann segir af og frá að sett hafi verið skil-
yrði í viðskiptunum um að Hannes Smárason
færi úr forstjórastólnum. „Alls ekki. Þetta er
allt í góðri sátt. Hannes átti hugmyndina að
því að standa upp úr stólnum á þessum tíma-
punkti, þar sem Baugur var orðinn kjölfestu-
fjárfestir í fyrirtækinu.“
„Eiginfjárhlutfallið var
orðið heldur lágt“
Morgunblaðið/Ómar
Jón Ásgeir „Við munum velja mjög
vel næstu fjárfestingar.“
HANNES Smárason hættir sem forstjóri FL
Group og tekur sæti í stjórn félagsins.
„Ástæðan er fyrst og fremst sú að und-
anfarin ár hef ég gegnt tveimur hlutverkum hjá
félaginu. Annars vegar hef ég verið kjölfestu-
fjárfestir með stærsta eignarhlutinn og hins
vegar forstjóri. Með þessum miklu breytingum
sem verða á félaginu kemur inn nýr kjölfestu-
fjárfestir í félaginu og þá finnst mér mjög eðli-
legt að stíga til hliðar en koma áfram að starf-
semi félagsins sem fjárfestir í stjórn þess. Ég
vil gefa nýjum aðila tækifæri til að stíga fram
og móta framtíðina þannig að ekki sé verið að
blanda saman annars vegar ímynd Hannesar
Smárasonar og ímynd FL Group, vegna þess
að hún er í rauninni svolítið samtvinnuð út af
sögunni.“
Við hlutafjáraukninguna þynnist eign-
arhlutur Hannesar í FL Group og hann áætlar
að þegar upp verði staðið muni hans hlutur í fé-
laginu nema í kringum 15%. Hann segist mjög
sáttur við þessa niðurstöðu mála.
„Við verðum að horfast í augu við að nú eru
þannig tímar, eins og við höfum séð bæði hér
innanlands og á alþjóðlegum fjármálamörk-
uðum, að menn þurfa að búa sig undir að þurfa
að herða ólina. Þetta þýðir fyrir fyrirtæki eins
og FL Group, sem er með stórar fjárfestingar
og þá sérstaklega í fjármálageiranum, að það
þarf sterkari eiginfjárgrunn til þess að geta
staðið þessar sveiflur af sér. Þess vegna er
þessi styrking svo mikilvæg. Á þessum tilteknu
tímamótun sem eru í raun alveg ný fyrir heim-
inn – það eru 20 ár síðan við höfum séð viðlíka
tíma á fjármálamörkuðum – þá þarf maður að
hugsa meira um sinn hag sem fjárfestir og um
hag fyrirtækisins heldur en endilega hvað væri
hagkvæmast ef tímarnir væru öðruvísi. Mér
finnst þetta vera skynsamleg og rétt nálgun.“
Hannes segist sjá mörg tækifæri fyrir sjálf-
an sig á öðrum vettvangi, t.d. á sviði orkumála.
Þar sjái hann tækifæri sem þurfi að sinna vel.
„Ég hef mjög gaman af því að byggja hluti upp
frá grunni og að fjárfesta í mörgum ólíkum
verkefnum og held að það henti mér mjög vel að
vera í því hlutverki. Eins og ég hef sagt áður við
svipuð tækifæri, þá horfi ég aldrei í baksýnis-
spegilinn. Hann er bara ekki til,“ hlær hann við.
Um styrkinguna á FL Group segir Hannes
að ástæðan liggi að mestu í þeim sveiflum sem
kunni að vera framundan. „Félagið var í sjálfu
sér fjárhagslega sterkt, með eigið fé langt yfir
100 milljarða, þannig að í sjálfu sér var aldrei
nein hætta á því að það yrði illa statt. Menn
rugla stundum saman sveiflum á undirliggjandi
eignum og eigin fé. Eigið fé félagsins var alveg
nægjanlegt. Hins vegar, til þess að hafa borð
fyrir báru og geta tekið enn frekari dýfur á sig,
þá held ég að þessi aðgerð hafi verið nauðsyn-
leg. Og ekki síður til að renna fleiri stoðum und-
ir reksturinn, fá fjölbreyttari tekjumyndun og
gera fyrirtækinu kleift að draga úr markaðs-
áhættu með því að fara þarna inn á nýtt svið,“
segir Hannes.
„Mjög eðlilegt að
stíga til hliðar“
Morgunblaðið/Ómar
Hannes „Ég vil gefa nýjum aðila tækifæri til
að stíga fram og móta framtíðina.“
„ÞETTA eru vissulega ánægjuleg
tímamót hjá fyrirtækinu FL Group.
Þessi mikla styrking sem felst í
þessari hlutafjáraukningu mun gefa
fyrirtækinu kost á því að styrkjast
og eflast til áframhaldandi sóknar.
Og er það mjög ánægjulegt,“ sagði
Hannes Smárason, fráfarandi for-
stjóri FL Group, á blaðamannafundi
í gær, þar sem tilkynnt var að for-
svarsmenn Baugs Group hefðu
ákveðið að auka hlutafé sitt í FL
Group um allt að 67 milljarða króna.
Á sama fundi var tilkynnt að Jón
Sigurðsson, sem verið hefur aðstoð-
arforstjóri FL Group, tæki við for-
stjórastarfinu.
„Ég held að þetta sé rétti tíminn
fyrir mig að stíga til hliðar og var
það alfarið mín eigin ákvörðun. Ég á
von á því og tel fullvíst að Baugur
sem leiðandi fjárfestir í þessu fyr-
irtæki muni gegna sinni skyldu með
miklum ágætum og verða til mikilla
hagsbóta fyrir hluthafa,“ segir
Hannes.
„Ég er mjög ánægður með þessar
breytingar. Þetta er áhugavert tæki-
færi fyrir mig að taka við félaginu á
þessum tímapunkti, því með þeim
breytingum sem átt hafa sér stað
hér í dag skapast mikil tækifæri,“
sagði Jón Sigurðsson, nýr forstjóri
FL Group. Benti hann á að með
breytingunni færi eigið fé félagsins í
180 milljarða króna sem gerði félag-
ið að öðru stærsta fjárfestingafélagi
landsins, mælt út frá eigin fé. Sagði
hann það gefa félaginu gríðarmikinn
styrk, bæði til að takast á við þær
sveiflur sem verið hefðu á mörk-
uðum að undanförnu og jafnframt til
að nýta sér þau tækifæri sem væru á
markaði um þessar mundir og
myndast hefðu í fyrrnefndum sveifl-
um.
Benti Jón á að þegar félagið yrði
búið að ljúka þeirri endurfjár-
mögnun sem unnið væri að hefði það
35 milljarða króna í handbæru fé
sem þýddi að félagið yrði vel í stakk
búið til að takast á við frekari verk-
efni. „Ég held að þetta verði farsælt
fyrir félagið. Það lýsir trú manna á
félagið að þeir eru tilbúnir til að
koma með svo afgerandi hætti að fé-
laginu,“ sagði Jón og minnti á að all-
ir aðilar og markaðurinn hefðu tæki-
færi til að koma að FL Group á
þessum tímapunkti. „Og taka þátt í
þeim spennandi tímum sem fram-
undan eru hjá félaginu,“ sagði Jón.
Minnka á áhættu og vernda
eiginfjárgrunn félagsins
Fram kom í máli Jóns Ásgeirs Jó-
hannessonar, stjórnarformanns
Baugs Group, á fundinum, að eitt af
þeim verkefnum sem eigendur FL
Group ætluðu að fara í væri að
minnka áhættu félagsins og vernda
þann eiginfjárgrunn sem þegar væri
til staðar. Sagði hann félagið þegar
hafa dregið úr markaðsáhættu og
vísaði þar til þess að það seldi nýver-
ið hlut sinn í American Airlines.
Spurður hvort hann teldi að farið
hefði verið of geyst í fjárfestingum
félagsins svaraði Jón Ásgeir neit-
andi og benti á að menn hefðu séð
tækifæri í þeirri fjárfestingu. Benti
hann á að þekking hefði verið fyrir
hendi innan félagsins á svona
rekstri. Hins vegar hefði hátt olíu-
verð keyrt niður verðmæti flug-
félaga þrátt fyrir að þeim hefði
gengið betur en áður fyrr. Hann
sagði fjárfestingarfélög þurfa stöð-
ugt að endurmeta stöðu sína og
minnti jafnframt á að innan FL Gro-
ups væru mjög góðar eignir, meðal
annars Glitnir banki og Trygginga-
miðstöðin. Jón Ásgeir tók fram að
með því að renna fasteignahluta
Baugs Groups inn í FL Group væri
verið að setja þriðja stóra hjólið und-
ir félagið, þar sem fasteignir hefðu í
gegnum tíðina reynst vera besta
langtímafjárfesting sem hugsast
gæti.
„Við höfum verið að vinna þetta
verkefni í dálítinn tíma og reynt að
hraða því sem mest. Verkefnið snýst
um það að byggja upp efnahag FL
Group og efla félagið til framtíðar,“
sagði Jón Ásgeir á fundinum. Einnig
væri verið að endurfjármagna félag-
ið en það hefur fengið vilyrði fyrir 45
milljarða langtímafjármögnun sem
gerir því kleift að greiða upp
skammtímaskuldir. Jón Ásgeir segir
það búa félagið undir þann óróa sem
er á mörkuðum og styrkja það enn
frekar.“
Morgunblaðið/Ómar
Allir ánægðir Hannes Smárason, Jón Ásgeir Jóhannesson og Jón Sigurðsson segja breytingarnar miða að því að byggja upp efnahag FL Group.
„Þetta verður til mikilla
hagsbóta fyrir hluthafa“
Hlutafjáraukning, for-
stjóraskipti, hagræð-
ing, endurfjármögnun
og kaup á fasteigna-
félögum eru meðal
breytinga hjá FL Gro-
up sem kynntar voru á
fundi með blaðamönn-
um í gær.