Morgunblaðið - 05.12.2007, Blaðsíða 22

22 MIÐVIKUDAGUR 5. DESEMBER 2007 MORGUNBLAÐIÐ
AKUREYRI
Eftir Svanhildi Eiríksdóttur
Reykjanesbær | „Vatnsleikfimi er
það heilsusamlegasta sem maður
getur farið í. Hún heldur mér
gangandi,“ sagði Emil Sigbjörns-
son, einn iðkenda, í samtali við
Morgunblaðið, en hann hefur
stundað vatnsleikfimi hjá Félagi
eldri borgara í sex ár. Félagið hef-
ur nú aðstöðu í Vatnaveröld.
Guðrún Sigurbergsdóttir, eldri
borgari í Reykjanesbæ, hefur lengi
barist fyrir málefnum eldri borgara
og á heiðurinn af því að komið var
á fót félagsskap fyrir eldri borgara.
Hún var þá aðeins 42 ára og átti
aldraða foreldra en vissi sem víst
að baráttan kæmi henni til góða
síðar meir. Með sömu atorku barð-
ist hún fyrir því að farið yrði að
bjóða upp á vatnsleikfimi fyrir eldri
borgara. „Þetta var hellings vinna
en hafðist á endanum. Ég þurfti að
tala við skólastjóra til að fá sund-
tímum barnanna hliðrað til en mér
mætti skilningur. Ég er öllu þessu
fólki afar þakklát. Það er svo mik-
ilvægt að fullorðið fólk hreyfi sig,“
sagði Guðrún og er sérstaklega
ánægð með aðstöðuna og starfs-
fólkið í Vatnaveröld. Reykjanesbær
lánar þeim aðstöðuna endurgjalds-
laust og þjálfaralaun borgar Félag
eldri borgara á Suðurnesjum
(FEB).
Góður félagsskapur
Tvisvar í viku komu að jafnaði 16
til 26 eldri borgarar í Vatnaveröld
til þess að stunda vatnsleikfimi
undir stjórn Guðríðar S. Brynj-
arsdóttur íþróttakennara (Gauju).
Tímarnir eru á föstudagsmorgnum
og um miðjan dag á mánudögum.
Félagsskapurinn þykir mönnum
góður og iðkendur bregða sér
gjarnan í heitu pottana eftir tímann
og setjast svo niður í anddyrinu og
fá sér kaffisopa og spjalla meira
áður en hver heldur til síns heima.
Vatnsleikfimin er aðeins einn
þáttur af mörgum sem eldri borg-
urum á Suðurnesjum stendur til
boða og er mikið úrval bæði af
íþróttanámskeiðum og marg-
víslegum tómstundanámskeiðum.
„Úrvalið er svo mikið og fjölbreytt
að fólk þarf að forgangsraða,“ sagði
Guðrún Elísa Ólafsdóttir, formaður
FEB, og benti á að félagsskap-
urinn væri fyrir 60 ára og eldri.
Sjálf stundar Guðrún vatnsleikfimi.
„Mér finnst þetta æðislegt, í einu
orði sagt. Ég byrjaði í haust og
finn mikinn mun á mér. Ég reyni
að sleppa ekki úr tíma og hefði
helst viljað fá einn tíma í viðbót á
viku. Ég var slæm í fótum en það
hefur lagast mikið. Gauja lætur
okkur púla í einn klukkutíma og
teygja í lokin og hún lætur okkur
hreyfa við vöðvum sem maður vissi
ekki að maður hefði. Hún er alveg
æðisleg, hún Gauja.“
Emil Sigurbjörnsson er einn
þeirra sem hafa stundað vatns-
leikfimi hvað lengst, en henni
kynntist hann í Lúxemborg þar
sem hann bjó um langt skeið. „Ég
hef lengi verið slæmur í baki, alveg
frá því ég datt af mótorhjóli um
tvítugt. Vatnsleikfimi var notuð í
endurhæfingu sem ég fór í hin síð-
ari ár í Lúxemborg og þar fann ég
hvað þetta hafði góð áhrif á mig.
Hún Guðrún Sigurbergsdóttir dreif
mig í þetta fyrir 6 árum og ég hef
ekki hætt síðan. Vatnsleikfimin
þjálfar allan skrokkinn og á allt
annan hátt en önnur leikfimi. Ég
hef þurft að gefa dansinn upp á
bátinn vegna bakmeiðslanna en
þetta get ég stundað með góðum
árangri.“
„Hreyfir við vöðvum sem maður
vissi ekki að maður hefði“
Morgunblaðið/Svanhildur Eiríksdóttir
Vatnsleikfimi eldri borgara Íbúar eru ánægðir með vatnsleikfimina sem þeim stendur til boða eldurgjaldslaust. Á
bakkanum standa Guðríður S. Brynjarsdóttir íþróttakennari og Guðrún Sigurbergsdóttir baráttukona.
Eldri borgurum á
Suðurnesjum gefst
kostur á að stunda
vatnsleikfimi í
Vatnaveröld í
Reykjanesbæ
Í HNOTSKURN
»1.250 manns eru í Félagieldri borgara (FEB) á Suð-
urnesjum, sem er næststærsta fé-
lagið á landinu, á eftir Reykja-
vík. Félagsmenn eru 60 ára og
eldri.
»Sigrún Valtýsdóttir, formað-ur íþróttanefndar FEB, er
mjög ánægð með þátttöku eldri
borgara í vatnsleikfiminni.
» 1/7 af líkamsþyngd hversmanns er vatn og léttleikinn í
vatninu gerir honum kleift að
gera æfingar sem hann gæti ann-
ars ekki gert.
SUÐURNES
Eftir Skapta Hallgrímsson
skapti@mbl.is
ÁRSHÁTÍÐ Menntaskólans á Akur-
eyri hefur árum saman verið vímu-
laus og MA-ingar ákaflega stoltir af
því. Þessa stærsta vímulausa hátíð
landsins fór fram á föstudaginn í
Íþróttahöllinni og segir Vilhjálmur
Bergmann Bragason, formaður
skólafélagsins Hugins, að mjög vel
hafi til tekist.
Blaðamaður hitti Vilhjálm og Erlu
Karlsdóttur að máli, en hún er ritari
stjórnar Hugins og var veislustjóri.
„Þegar fólk kemur í skólann veit það
af þeim reglum sem hér gilda og ég
held það hvarfli ekki að neinum að
fylgja ekki hefðinni. Það hefur aldrei
verið í umræðunni,“ segir Erla.
Vilhjálmur undirstrikar að allar
samkomur á vegum skólans séu
vímulausar. „Það er ekki þannig að
menn drekki heima hjá sér áður en
þeir mæta á árshátíðina, heldur er
enginn undir áhrifum á skemmtun-
inni. Ég ætla ekki að halda því fram
að nemendur skólans drekki ekki, en
allir sjá sóma sinn í því að fylgja
reglum á skemmtunum á vegum
skólans.“
Þrátt fyrir að fólk á menntaskóla-
aldri megi ekki drekka áfengi, lögum
samkvæmt, mun það óalgengt að
skemmtanir sem þessar séu vímu-
lausar. Kannski einstakt.
Vilhjálmur segir að það taki
stundum á að vera eina skólinn þar
sem þessum reglum sé algjörlega
fylgt. „Ég var á fundi með fulltrúum
annarra framhaldsskóla um daginn
og sumum þeirra finnst ótrúlegt að
þetta skuli vera hægt. Það hefur ver-
ið mismunandi hvað fólk finnst, en
þeim, sem eru í forsvari fyrir aðra
skóla núna finnst þetta stórkost-
legt.“ Stundum hafa jafnaldrar MA-
ingana dregið það í efa að samkvæm-
in séu algerlega vímulaus. Enda var
gjarnan spurt, segir Vilhjálmur,
þegar þetta bar á góma: „Og er ekki
líka alltaf sól á Akureyri?!“
Árshátíðin er jafnan lengi í und-
irbúningi. Fljótlega eftir að skóli
hefst að hausti er farið að huga að
henni, allt fer á fullt í byrjun nóv-
ember „og síðustu vikuna fyrir
árshátíð gerum við eiginlega ekkert
annað en undirbúa hana,“ segir for-
maðurinn, en hátíðin er jafnan hald-
in sem næst fullveldisdeginum.
Allir nemendur hafa ákveðið hlut-
verk. Margir taka þátt í skemmti-
atriðum, aðrir skreyta Höllina og svo
framvegis. Fyrstu bekkingar taka
alltaf til eftir hátíðina, nemendur
annars bekkjar bera fram matinn og
þjóna til borðs, þriðju bekkingar
leggja á borð fyrir veisluna en hið
eina sem fjórðu bekkingar þurfa í
raun að hafa áhyggjur af er að út-
vega sér þjóðbúning!“
MA er ekki „lítill skóli utar á
landi,“ eins og Vilhjálmur orðar það,
heldur eru nemendur 800. „Þrátt
fyrir það er samheldnin mjög mikil í
skólanum.“
„Sumum finnst ótrúlegt
að þetta skuli vera hægt“
Morgunblaðið/Skapti Hallgrímsson
Samheldni Vilhjálmur Bergmann Bragason og Erla Karlsdóttir: Sumum
nemendum finnst ótrúlegt að hægt skuli að halda vímulausa árshátíð.
Í HNOTSKURN
»Rúmlega 900 manns voruá árshátíð MA, nemendur,
kennarar og aðrir starfsmenn,
auk nokkurra gesta.
SÝNING á teikningum japanskra
og akureyrskra barna, þar sem við-
fangsefnið er friður, var opnuð í
Ketilhúsinu í gær og stendur til 16.
desember. Sýningin var upphaflega
sett upp í Borgarbókasafninu í
Reykjavík í tilefni þess að frið-
arsúla Yoko Ono var tendruð, 9.
október. Þar voru teikningar reyk-
vískra barna úr þremur leikskólum
og einum grunnskóla, en nú má sjá
myndir nemenda úr Lundarskóla
og Hlíðaskóla, svo og barna frá
borginni Chiryu í Japan.
Morgunblaðið/Skapti Hallgrímsson
Friður Bergþóra Lísa Björnsdóttir, 6 ára, var við opnun sýningarinnar.
Friður í Ketilhúsinu
ÓLAFUR Ólafsson hefur verið skip-
aður dómstjóri Héraðsdóms Norður-
lands eystra á Akureyri til fimm ára,
frá og með næstu áramótum.
Ásgeir Pétur Ásgeirsson lætur af
starfi dómstjóra 31. desember fyrir
aldurs sakir. Hann hefur gegnt því frá
því fyrr á þessu ári þegar Freyr
Ófeigsson hætti, en Freyr hafði verið
dómstjóri um árabil.
Ólafur lauk lagaprófi frá Háskóla
Íslands 1984. Fyrst eftir nám var
hann fulltrúi sýslumannsins í Austur-
Skaftafellssýslu á Höfn í Hornafirði
og settur sýslu-
maður um tíma.
Ólafur hefur
verið héraðsdóm-
ari við Héraðs-
dóm Norðurlands
eystra á Akureyri
frá 1. júlí 1992.
Sambýliskona
Ólafs er Magn-
fríður Sigríður
Sigurðardóttir.
Ólafur á einn son frá fyrra hjónabandi
og eina fósturdóttur.
Ólafur verður dómstjóri
Ólafur
Ólafsson