Morgunblaðið - 05.12.2007, Side 23
MORGUNBLAÐIÐ MIÐVIKUDAGUR 5. DESEMBER 2007 23
LANDIÐ
Mýrdalur | Aðventuhátíð fyrir alla
íbúa Mýrdalshrepps verður í félags-
heimilinu Leikskálum í Vík, í kvöld,
miðvikudagskvöldið 5. desember, og
hefst klukkan 20.
Á aðventukvöldinu verður helgi-
leikur, söngur og tónlist sem tengist
aðventu og jólum. Einnig verður
upplestur og bæn sem sóknarprest-
urinn annast.
Samkoman er samstarfsverkefni
Grunnskóla Mýrdalshrepps, Tón-
skóla Mýrdalshrepps, auk kóranna
sem syngja í Skeiðflatar- og Vík-
urkirkjum í Mýrdal. Einnig standa
sóknarnefndirnar og sveitarstjórnin
í Mýrdal að hátíðinni.
Í lok samkomunnar verða ljósin
tendruð á jólatré Mýrdælinga.
Aðventuhátíð
Mýrdælinga
Eftir Jón H. Sigurmundsson
Þorlákshöfn | Félagar úr Kiwanis-
klúbbnum Ölver í Þorlákshöfn komu
færandi hendi í heilsugæslu í Þor-
lákshafnar á dögunum. Þeir færðu
stöðinni nýjan skoðunarbekk ásamt
ýmsum fylgihlutum eins og borði og
stólum.
Helgi Hauksson heilsugæslulækn-
ir sagði að þetta væri ekki í fyrsta
skipti sem kiwanismenn kæmu fær-
andi hendi, þeir hefðu til að mynda
gefið gamla skoðunarbekkinn sem
nú fengi hvíldina fyrir um 25 árum.
Séra Baldur Kristjánsson, forseti
Kiwanisklúbbsins, sagði í ávarpi við
afhendingu gjafarinnar: „Góð heilsu-
gæsla er hverju bæjarfélagi ómetan-
leg og það er okkur sönn ánægja að
vera þátttakendur í að gera góða
stöð enn betri, við höfum oft fært
stöðinni gjafir og ekki er langt síðan
við gáfum gegnumlýsingartæki. Það
hefur ávallt verið stefna klúbbsins að
láta bæjarfélagið njóta þeirra fjár-
muna sem við söfnum, nú höfum við
ákveðið að gefa stóla í stúku á nýjum
og glæsilegum íþróttaleikvangi sem
tekinn verður í notkun á Unglinga-
landsmóti Íslands um næstu versl-
unarmannahelgi.“
Ákvörðun um að styrkja veglega
byggingu áhorfendastæða við nýjan
íþróttavöll í Þorlákshöfn var tekin á
félagsfundi 21. nóvember sl. Auk
beins fjárhagslegs stuðnings munu
Ölversfélagar vinna í sjálfboðavinnu
við gerð og uppsetningu þessa
mannvirkis á komandi ári.
Myndin var tekin við afhendingu
skoðunarbúnaðarins. Frá vinstri eru
Sigurður Bjarnason, fyrrverandi
forseti Ölvers, Bergdís Sigurðar-
dóttir hjúkrunarfræðingur, Baldur
Kristjánsson, forseti Ölvers, Hall-
grímur Sigurðsson, formaður styrkt-
arnefndar Ölvers, og Helgi Hauks-
son, læknir á Heilsugæslunni í
Þorlákshöfn, sem tók við gjöf kiw-
anisfélaga.
Gefa skoðunarbekk
Morgunblaðið/Jón H. Sigurmundsson
Selfoss | Kveikt verður á jóla-
trénu á Tryggvatorgi á Selfossi
næstkomandi laugardag. Þá koma
jólasveinarnir úr Ingólfsfjalli til
byggða og heilsa upp á bæjarbúa
og nærsveitunga.
Dagskráin hefst kl.15.45 en þá
syngur Karlakór Selfoss og bæj-
arstjórinn, Ragnheiður Hergeirs-
dóttir, flytur ávarp. Þá verður
sungið og trallað og gengið í
kringum jólatréð. Vonast svein-
arnir til þess að sem flestir komi
og taki þátt í gleðinni og klæðist
jólasveinabúningum eða jóla-
sveinahúfum.
Ungmennafélag Selfoss mun að-
stoða jólasveinana fyrir þessi jól
eins og áður.
Jólasveinarnir
á Tryggvatorgi
♦♦♦
♦♦♦
Selfoss | Viss, vinnu- og hæfing-
arstöð á Selfossi, hefur opnað sinn
árlega jólamarkað. Þar er til sölu
fjölbreytt úrval af jólavörum, list-
munum og öðrum nytjavörum sem
starfsmenn hafa unnið í vetur.
Markaðurinn var opnaður með því
að kveikt var á jólatré sem Rótarý-
klúbbur Selfoss gaf. Markaðurinn er
opinn alla virka daga frá klukkan 9
til 16.
Hjá VISS á Selfossi eru 34 starfs-
menn og 13 leiðbeinendur. Í Þorláks-
höfn eru 6 starfsmenn og 3 leiðbein-
endur en jólamarkaðurinn þar opnar
föstudaginn 7. desember.
Jólavörur Friðgeir Friðgeirsson og
Sigríður Halla Jóhannsdóttir.
Jólamarkaður
VISS opnaður