Morgunblaðið - 05.12.2007, Blaðsíða 38

38 MIÐVIKUDAGUR 5. DESEMBER 2007 MORGUNBLAÐIÐ
Elsku nafna mín, ég
sakna þín. Mig langar
til að skrifa þér hér
smá bréf. Það hefur
tekið mig nokkra daga að átta mig á
því að þú sért farin. Ég hef ekki vilj-
að trúa því. Í jarðarförinni þinni
rann það samt nokkurn veginn upp
fyrir mér að ég ætti ekki eftir að
hitta þig oftar né tala oftar við þig í
síma. Ég er þakklát fyrir þann tíma
sem við áttum saman á þessu ári.
Margar minningar um þig mun ég
ætíð geyma í hjarta mínu. Hannes
Kristinn á eftir að fá að heyra marg-
ar góðar sögur af þér. Það var sárt
en samt gott að geta komið til þín á
sjúkrahúsið til þess að kveðja þig.
Jarðarförin þín var svo falleg og
Hildigunnur
Kristinsdóttir
✝ HildigunnurKristinsdóttir
fæddist að Höfn á
Dalvík 18. júlí 1930
og lést á Fjórðungs-
sjúkrahúsinu á
Akureyri 29. októ-
ber síðastliðinn og
var jarðsungin frá
Dalvíkurkirkju 3.
nóvember.
sýndi vel hversu hlý og
góð kona þú varst.
Þegar við yfirgáfum
Dalvíkina var eins og
þú stæðir á tröppun-
um og vinkaðir okkur,
líkt og þú gerðir alltaf.
Ég veifaði þér til baka.
Alltaf þegar ég
breiði yfir Eydísi og
kyssi hana góða nótt
segi ég við hana að
Guð og englarnir passi
hana. Nú síðast þegar
ég sagði það við hana
þá svaraði hún: ,,og
amma“ og ég sagði þá: ,,já og
amma“. Hún kallaði þig alltaf ömmu
en þú varst líka henni og Ívari mín-
um svo góð. Þú hugsaðir alltaf vel um
þína, hvernig sem þeir tengdust þér.
Ég veit að það var vel tekið á móti
þér og bið ég kærlega að heilsa þeim.
Ég hlakka til að hitta þig aftur þegar
röðin kemur að mér að kveðja þenn-
an heim en þangað til veit ég að þú
munt fylgjast með mér og mínum og
passa okkur ásamt hinum englunum.
Ég elska þig,
þín nafna
Hildigunnur.
Hinsta kveðja, elsku
afi minn.
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
(Ásmundur Eiríksson)
Nú ert þú farinn til elsku Guðs, afi
minn.
Ég er svo sorgmæddur og hjartað
mitt grætur, ég vissi ekki að þú
myndir deyja þegar ég væri bara sex
ára. Ég er svo ánægður að heita Jó-
hann eins og þú og þegar ég verð stór
þá verð ég Jóhann afi eins og þú.
Ég bið Guð að passa þig alla eilífð.
Sakna þín svo sárt.
Takk fyrir allt afi minn, ég mun
sakna að sjá þig ekki, en ég geymi þig
í hjartanu mínu.
Góði Guð, vilt þú biðja englana að
passa ömmu Þórhöllu og gefa henni
styrk.
Þinn vinur og barnabarn að eilífu
Jóhann Egill.
Stundin líður, tíminn tekur,
toll of öllu hér,
sviplegt brotthvarf söknuð vekur
sorg í hjarta mér.
Þó veitir yl í veröld kaldri
vermir ætíð mig
að hafa þó ung að aldri
eignast vin sem þig.
(Hákon Aðalsteinsson.)
Elsku hjartans afi minn. Með mikl-
um söknuði í hjarta kveð ég þig.
Margt hefur farið um hugann síðustu
daga og vikur. Ég var alltaf að vona
að þér myndi batna. Ég bað bænir
mínar á hverju kvöldi og bað Guð að
gefa þér styrk til að sigra í barátt-
unni við meinið. Aldrei eina einustu
stund hvarflaði það að mér að barátt-
unni myndi ljúka þannig að Guð tæki
þig til sín. Ég reyndi á hverjum degi
að vera þolinmóð og sýna skilning og
bera virðingu fyrir því að veikindi þín
hefðu forgang. Ég var svo sannfærð
um að þér myndi batna og við barna-
börnin fengjum að koma oftar í heim-
sókn og hitta þig. Það hefur ekki allt-
af verið auðvelt að geta bara hitt þig
svona sjaldan. Vonin var mér svo
mikils virði, vonin um að þú, elsku afi
minn, yrðir aftur hress og losnaðir
undan veikindunum. Afi, ég er svo
þakklát fyrir að við Sibba systir feng-
um að koma upp á Landspítala.
Stundin sem við áttum með þér var
svo kyrrlát og falleg, við héldum í
höndina á þér og hvísluðum í eyrað á
þér hversu heitt við elskuðum þig og
báðum Guð að blessa þig í himnaríki.
En afi minn, þú vissir líka alltaf þeg-
ar þú varst lifandi að við elskuðum
þig og nutum þess að hafa þig hjá
okkur. Hvert einasta skipti þegar þið
amma komuð í heimsókn til okkar í
Kvistalandið áttum við notalega
stund saman og mamma bakað
handa okkur vöfflur. Ég trúi því,
elsku afi minn, að þó svo að líkami
þinn hafi verið farinn þegar við
kvöddumst hafi sálin þín alveg
greinilega verið hjá okkur. Ég fann
svo vel fyrir þér uppi á spítala. Mér
fannst þú halda um sorgætt hjarta
okkar Sibbu og leiða okkur systurnar
áfram. Þegar við gengum út af spít-
alanum fannst mér að fæturnir á mér
gætu ekki borið mig af sorg, við syst-
urnar vorum algjörlega niðurbrotn-
ar. Ég held, afi minn, að þú hafir gef-
ið okkur styrk og leitt okkur út. Afi
minn, ég er ekki hissa á því að kirkj-
an hafi verið þéttsetin á kveðjustund.
Þú hefur snert svo ótal marga í gegn-
um lífið og margir sem elska þig. At-
höfnin í Bústaðakirkju var svo falleg,
söngurinn, erfidrykkjan og svo öll
Jóhann Eymundsson
✝ Jóhann Ey-mundsson fædd-
ist á Vatneyri við
Patreksfjörð 3.
september 1927.
Hann lést á Land-
spítalanum við
Hringbraut 12. nóv-
ember síðastliðinn
og fór útför hans
fram frá Bústaða-
kirkju 20. nóvem-
ber.
fallegu blómin og
kransarnir sem lýstu
upp kirkjuna. Amma
mín, ég vil þakka þér
alla þá tryggð, ást og
vináttu sem þú hefur
alltaf sýnt afa. Þið vor-
uð alltaf svo samstiga
og ástfangin, maður sá
það langa leið alltaf
hversu skotin þið vor-
uð hvort í öðru. Ég trúi
því að hann afi sé alltaf
hjá þér og haldi í hönd
þína og gefi þér styrk.
Elsku amma mín. Það
er ekki hægt að setja sig í þín spor,
þið afi voruð svo náin og missir þinn
og sorg er djúp og sár. Ég votta þér
mína dýpstu samúð og bið Guð í bæn-
um mínum að vaka yfir þér og veita
þér styrk til að lifa áfram. Siggu,
ömmu Helgu, Eymundi, Viðari og
Elfu Dís votta ég mína dýpstu sam-
úð. Missir ykkar er mikill. Afi. Guð
geymi þig að eilífu, nú verð ég aldrei
hrædd við að deyja því ég veit að þú
munt taka á móti mér síðar. Þitt
barnabarn að eilífu,
Helga Dís.
Elsku afi minn.
Nú ertu kominn upp til guðs.
Mér þykir svo leitt að þú sért far-
inn frá okkur. Þú varst alltaf svo
vænn og góður við alla, alltaf í svo
góðu skapi og svo notalegur.
Ég mun alltaf hugsa um þig og
sakna þín.
Þú varst besti afi og allt sem ég
óskaði mér.
Guð geymi þig alltaf afi minn, ég
finn þú ert hjá mér og í hvert sinn
sem ég sofna á kvöldin leggst ég á
koddann þinn og finn hlýjuna
streyma frá þér.
Ó Jesú bróðir besti
og barnavinur mesti.
Æ breið þú blessun þína
á barnæskuna mína.
Góði guð, viltu passa elsku ömmu
Þórhöllu, sorgin hennar er svo sár,
gefa henni og okkur öllum sem elsk-
uðum afa Jóhann svona mikið styrk
til að komast áfram í gegnum lífið.
Ég elska þig að eilífu. Þitt barna-
barn
Sigurbjörg Halla.
Þar sem englarnir syngja sefur þú
sefur í djúpinu væra.
Við hin sem lifum í trú
á að ljósið bjarta skæra
veki þig með sól að morgni
veki þig með sól að morgni.
Drottinn minn faðir lífsins ljós
lát náð þína skína svo blíða.
Minn styrkur þú ert mín lífsins rós
tak burt minn myrka kvíða.
Þú vekur hann með sól að morgni.
Þú vekur hann með sól að morgni.
Faðir minn láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni
vekja hann með sól að morgni.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni
svo vöknum við með sól að morgni.
(Bubbi Morthens)
Þínar að eilífu
Berglind Ólafsdóttir og
Halla Jóhanna Magnúsdóttir.
Jóhann Eymundsson, sem ég leit
alltaf á sem tengdaföður minn, er
fallinn frá. Kynni okkar Jóhanns hóf-
ust er ég giftist dóttur hans Berglindi
og hann kom í brúðkaup okkar alla
leið vestur til Ameríku. Ég kunni
strax afskaplega vel við Jóhann og
röbbuðum við oft saman. Við þekkt-
um sameiginlega margt skemmtilegt
og áhugavert fólk og hafði ég gaman
af að hlusta á Jóhann segja mér frá
ýmsum uppátækjum þeirra og
skemmtilegheitum.
Jóhann var afskaplega fróður um
margt og góður sögumaður. Frá-
sagnir hans urðu léttar, lifandi og
skemmtilegar auk þess að fræða og
upplýsa um það sem hann var að
segja frá. Rann þá oft upp fyrir mér
að fátt er nýtt undir sólinni og hlutir
sem virðast gerast fyrirvaralaust
hafa oft langan aðdraganda og mikla
sögu.
Ég minnist Jóhanns einnig sem
þess trausta föður og fjölskyldu-
manns sem hann var. Það fylgdi því
ánægja og traust að umgangast
mann eins og Jóhann. Alltaf reiðubú-
inn að hjálpa til og gefa af sjálfum
sér. Styrkur og stoð sínu fólki, í ólgu-
sjó lífsins.
Ég kveð þig með söknuði, elsku
Jóhann, og þakka þér okkar góðu
kynni og hvað þú reyndist mér og
mínum ætíð vel.
Hvíl í friði.
Elsku Þórhalla, ég votta þér og
fjölskyldu mína dýpstu samúð.
Svavar Egilsson.
MINNINGAR
✝
Innilegar þakkir til þeirra sem sýndu okkur samúð,
hlýhug og sendu kveðjur við andlát og útför elsku-
legrar móður okkar, tengdamóður, ömmu og
langömmu,
ÞORBJARGAR TRYGGVADÓTTUR.
Sérstakar þakkir til þeirra sem önnuðust hana á
Hjúkrunarheimilinu Skjóli.
Guðrún Ína Ívarsdóttir, Kristinn Valdimarsson,
Anna Guðrún Ívarsdóttir, Þorlákur Jónsson,
Þorbjörg Ása Kristinsdóttir, Finnbogi Hafþórsson,
Valgerður Halla Kristinsdóttir, Njörður Sigurjónsson,
Áslaug Ína Kristinsdóttir, Thomas Már Gregers
og barnabarnabörn.
✝
Innilegar þakkir færum við öllum þeim sem sýndu
okkur samúð og vinarhug við andlát og útför
bróður okkar og frænda,
GUÐMUNDAR JÓNSSONAR
frá Ásmúla.
Sérstakar þakkir til starfsfólks deildar V3a á dvalar-
og hjúkrunarheimilinu Grund fyrir einstaka umönnun
og hlýlegt viðmót.
Lilja Jónsdóttir,
Dagbjört Jónsdóttir
og systkinabörn.
✝
Hugheilar þakkir fyrir samúð og hlýhug við andlát
og útför ástkærrar móður okkar, tengdamóður,
ömmu og langömmu,
AÐALBJARGAR G. ÞORGRÍMSDÓTTUR
frá Holti á Ásum.
Jósefína Hrafnh. Pálmadóttir, Ingimar Skaftason,
Vilhjálmur Pálmason, Ingibjörg Jóhannesdóttir,
Guðrún Pálmadóttir, Andrés Arnalds,
Þorgrímur Pálmason, Svava Ögmundardóttir,
Ólöf Pálmadóttir, Valdimar Guðmannsson,
Elísabet Pálmadóttir, Jón Ingi Sigurðsson,
Bryndís Pálmadóttir Henrik Nielsen,
barnabörn og barnabarnabörn.
✝
Innilegar þakkir til þeirra fjölmörgu sem heiðruðu
minningu
SIGURÐAR GRÉTARSSONAR,
Skipalæk,
og með hlýhug, samúð og vináttu veittu okkur
styrk.
Gréta Jóna Sigurjónsdóttir,
Sigurjón Torfi Sigurðarson,
Þórunn Gréta Sigurðardóttir,
Kristín Arna Sigurðardóttir,
Grétar Þór Brynjólfsson,
Þórunn A.M. Sigurðardóttir,
Sigurjón Jónsson
og aðrir aðstandendur.
✝
Hjartans þakkir öllum þeim er sýndu okkur samúð
og vinarhug við andlát og útför elskulegs eigin-
manns míns, föður, tengdaföður, afa og langafa,
GUÐMUNDAR KRISTINS ERLENDSSONAR,
Neðstaleiti 2,
Reykjavík.
Sigursteina M. Jónsdóttir,
Sigursteinn Guðmundsson, Therese Thøgersen,
Kári Guðmundsson, Jytte Guðmundsson,
Elín S. Guðmundsdóttir, Hjörtur Árnason,
Guðmundur Kr. Guðmundsson, Unnur Ólafsdóttir,
Þröstur Guðmundsson, Helle Rosenlyst Guðmundsson,
Jórunn Guðmundsdóttir, Magnús Þór Sveinsson,
Bjarki Guðmundsson, Dagmar G. Þorleifsdóttir,
Jón E. Guðmundsson, Hanna Björnsdóttir,
Þórarinn F. Guðmundsson, Rannveig Björnsdóttir
Gunnar S. Guðmundsson, Jóna Kristín Halldórsdóttir,
barnabörn og barnabarnabörn.