Morgunblaðið - 05.12.2007, Síða 46

46 MIÐVIKUDAGUR 5. DESEMBER 2007 MORGUNBLAÐIÐ
Eftir Jóhann Bjarna Kolbeinsson
jbk@mbl.is
„VIÐ leggjum mikla áherslu á graf-
íkina, sem hefur alltaf verið okkar
aðalsmerki. Samtíminn hefur hins
vegar náð okkur þannig að nú erum
við að fara önnur fimm ár fram í
tímann,“ segir Hilmar Veigar Pét-
ursson, framkvæmdastjóri tölvu-
leikjaframleið-
andans CCP,
sem í dag kynnir
nýja viðbót við
tölvuleikinn
EVE Online.
Ekki er um
neina smáviðbót
að ræða því
vinna við hana
hefur tekið um
það bil tvö ár og
að sögn Hilmars
gerir hún leikinn miklu flottari en
hann hefur verið.
„Næst þegar menn skrá sig inn í
leikinn fer ákveðinn hugbúnaður af
stað sem nær í viðbótina og hleður
henni niður. Við það uppfærist for-
ritið, geimskipin og allt sem er á
tölvunni, þannig að menn eru
komnir með nýjan EVE,“ segir
hann, og bætir því við að stærsta
breytingin felist í miklu betri grafík
en áður var í leiknum.
205.000 áskrifendur
Viðbótin er sú stærsta sem CCP
hefur nokkurn tímann gert fyrir
EVE Online, en minni breytingar
eru gerðar á leiknum á um það bil
sex mánaða fresti. „Þetta er mjög
stór viðburður og menn eru mjög
spenntir hér innanhúss enda eru
allir búnir að leggja hart að sér við
að klára þessa viðbót,“ segir fram-
kvæmdastjórinn.
„Útgáfan var fyrst kynnt á aðdá-
endahátíðinni okkar í byrjun nóv-
ember þar sem 1.500 manns fengu
að sjá fyrstu sýnishornin úr þessari
viðbót sem við köllum EVE Online:
Trinity.“
EVE Online er gríðarlega vinsæll
tölvuleikur um allan heim, en hann
er spilaður í gegnum netið. Um
þessar mundir eru rúmlega 205.000
manns áskrifendur að leiknum, en
Hilmar býst við því að þeim muni
fjölga í kjölfar útgáfunnar. „Við bú-
umst við því, í ljósi reynslunnar, að
þessi viðbót skili okkur svona 10 til
20 þúsund nýjum áskrifendum,“
segir hann, en hver notandi borgar
15 dollara á mánuð í áskrift, sem
nemur rúmlega 900 krónum. Við-
bótin sem tekin verður í gagnið í
dag er hins vegar ókeypis, en Hilm-
ar vill þó alls ekki meina að aðeins
sé um reglubundið viðhald að ræða.
„Við erum stanslaust að efla leik-
inn, eftir því sem honum vex ás-
megin. Við þurfum að taka á mál-
um eftir því sem samfélagið
stækkar. Þannig að þetta er alls
ekki viðhald, heldur framþróun og
sókn.“
Björt framtíð
CCP er nú með nýjan tölvuleik í
bígerð, en Hilmar vill ekkert láta
uppi um hann utan þess að hann
muni koma til með að heita World
Of Darkness. Það er því nóg að
gera hjá fyrirtækinu sem er að
stækka við sig í húsakynnum sínum
við Grandagarð 8. „Ræturnar
sökkva dýpra og dýpra í hafn-
argarðinn,“ segir Hilmar, og því
ljóst að fyrirtækið er ekki á þeim
buxunum að flytja höfuðstöðvarnar
til útlanda þótt það fái sínar tekjur
í dollurum. „Það væri náttúrlega
gott fyrir alla ef íslenska krónan
væri rétt skráð. En við finnum okk-
ar leið út úr þessu, eins og öðru.
Þetta eru ekki stóru hlutirnir í okk-
ar rekstri, að takast á við þetta,
þótt auðvitað sé hvimleitt að þurfa
að vinna í umhverfi þar sem ekki er
auðvelt að gera áætlanir út af
þessu gengisflökti. En maður tekur
því eins og hverju öðru hundsbiti.“
Alls vinna um 280 manns hjá
CCP í þremur borgum; í Reykja-
vík, Atlanta í Bandaríkjunum og
Sjanghæ í Kína, en flestir vinna í
Reykjavík, um 180 manns. Að-
spurður segir Hilmar mikla bjart-
sýni ríkjandi innan fyrirtækisins.
„Það gengur geðveikt vel og
framtíðin hefur aldrei verið bjart-
ari.“
Á undan
tímanum
Stærsta viðbót sem gerð hefur verið
við EVE Online afhjúpuð í dag
www.eve-online.com
Hilmar Veigar
Pétursson „Leiksviðið er fjarlæg framtíð,
þar sem EVE Online býður spil-
endum upp á magnþrungið flug
gegnum himinhvolfið og til
stjarnanna, í óvissuferð sem lofar
háska, ævintýrum, ríkidómi og
frægð. EVE, sem er stutt af
geysistóru markaðskerfi rekið af
spilurunum sjálfum, býður upp á
ótal framaleiðir sem ná yfir allt
frá markaðsbraskara til málaliða,
loftstirnisvinnslu til herstjórn-
unar, og hvað sem er annað sem
spilurum kemur til huga. Mik-
ilvægasta eign þín er geimskipið,
hannað og sniðið að þínum þörf-
um, metnaði og himindraumum. Í
bland við vopn þess og stríðstól
bjóðast þúsundir af íhlutum og
viðbótum sem leyfa óteljandi sam-
setningar, enda er þeirra þörf,
því þú munt þurfa að skapa þér
stað í heimi stórvelda sem herja
um yfirráð á heilum sólkerfum.
Ef þú vilt fara á flug, stefndu á
www.eve-online.com.“
Hvað er EVE Online?