Morgunblaðið - 05.12.2007, Blaðsíða 8

8 MIÐVIKUDAGUR 5. DESEMBER 2007 MORGUNBLAÐIÐ
FRÉTTIR
Eftir Sunnu Ósk Logadóttur
sunna@mbl.is
Á TOSSALISTA sem ég á í fórum
mínum frá því við stofnuðum
Listaháskóla Íslands árið 1998 tel
ég upp ýmis atriði sem okkur þótti
brýnt að kæmu til framkvæmda. Á
þessum lista er: Að kaupa tölvur,
finna skrifstofupláss, athuga með
kaffidót, fá netfang og pósthólf,
byggja hús. Allar götur síðan hafa
byggingarmálin verið í forgangi
[...] Og nú loksins, og mér liggur
við að segja loksins, loksins, eru
þau mál orðin að veruleika.“
Þetta sagði Hjálmar H. Ragn-
arsson, rektor Listaháskóla Ís-
lands (LHÍ), m.a. í ávarpi er hann
flutti í gær við undirritun samn-
ings milli LHÍ og Samson Proper-
ties ehf. um nýtt húsnæði fyrir
skólann á svokölluðum Frakka-
stígsreit við Laugaveg í Reykjavík.
Góð stemning var meðal við-
staddra sem fögnuðu samningnum
endurtekið og ákaft með lófaklappi
en undirritunin fór fram í Sölvhóli,
tónlistarsal LHÍ og var fullt út úr
dyrum. Sveinn Björnsson, fram-
kvæmdastjóri Samson Properties,
óskaði nemendum og starfsfólki
skólans sem og borgarbúum öllum,
til hamingju með áfangann.
Miðað er við að skólinn taki þar
til starfa haustið 2011. Skólabygg-
ingin verður um 13.500 m² að
stærð í samræmi við húsrým-
isáætlun skólans. Mun hún hýsa
starfsemi allra deilda LHÍ. Þriðj-
ungur húsnæðisins verður opinn
almenningi, t.d. leikhús, tónlistar-
salur, bókasafn og veitingasala.
Lóðin undir skólann verður í
eigu Listaháskólans en Samson
Properties mun eiga skólabygg-
inguna og leigja hana skólanum
fyrir 210 milljónir á ári á verðlagi
andi afl í kraumandi iðu.“ Sagði
hann mikilvægt að skólinn væri í
tengslum við almenning. „Við telj-
um að með þessum skóla verði
brotið blað í sögu íslenskra lista.“
Samson og LHÍ munu standa að
hönnunarsamkeppni bæði vegna
deiliskipulags fyrir miðborgarlóð-
ina og hönnunar byggingarinnar.
fjárlaga árið 2007. Stofnkostnaður
hússins er ráðgerður 5,2 milljarðar
króna.
Gert er ráð fyrir stækkunar-
möguleikum á aðliggjandi lóðum
norðan Hverfisgötu sem og í húsi
Regnbogans. LHÍ lætur Samson
Properties fá í makaskiptum lóð í
Vatnsmýrinni sem skólanum var
úthlutað af Reykjavíkurborg sl.
vor.
„Allt frá upphafi hefur það verið
stefna skólayfirvalda að skólinn
byggist upp í miðborginni í
tengslum við götulífið,“ sagði
Hjálmar. „Þar sem skólinn yrði lif-
„Loksins, loksins“
Miðborg LHÍ verður á Frakka-
stígsreit með möguleika á stækkun
norðan Hverfisgötu.
 Samson Properties byggir 13.500 m² húsnæði fyrir Listaháskólann í mið-
bænum  Á að kosta um 5,2 milljarða króna  Samkeppni verður um hönnun
„VIÐ Dagur [B. Eggertsson, borg-
arstjóri] tókum eftir því að þú
skrifaðir ræðu þína á nótnablöð,“
sagði Þorgerður Katrín Gunn-
arsdóttir, menntamálaráðherra við
Hjálmar H. Ragnarsson, rektor
LHÍ í gær er hún ávarpaði gesti í
Sölvhóli. Óskaði hún skólanum vel-
farnaðar og gaf Degi borgarstjóra
svo orðið. „Ég hélt hreint og beint
að Hjálmar ætlaði að setjast við
flygilinn, væri búinn að útsetja
„nettan“ söngleik um leit að lóð
fyrir skólann um allt höfuðborg-
arsvæðið. Leit sem endaði á reit
sem hefur kannski ekki verið
þekktur fyrir menningar-
starfsemi,“ sagði Dagur, en um-
ræddur reitur sem nýtt húsnæði
LHÍ verður reist á hefur oft verið
kenndur við nektardansstaðinn Ve-
gas sem þar hefur verið til húsa.
Sagðist Þorgerður líta svo á að
tónlistar- og ráðstefnuhúsið og
Listaháskólinn yrðu í framtíðinni
akkeri miðborgarinnar og mikill
drifkraftur. Lögðu þau Dagur
bæði áherslu á að skólinn yrði
byggður með tilliti til eldri húsa í
nágrenninu. „Listaháskólinn skipt-
ir mjög miklu máli fyrir miðborg-
ina varðandi það líf sem við viljum
sjá á götunum,“ sagði Dagur. „Ég
var reyndar farinn að sjá fyrir
mér opnunardag skólans,“ bætti
hann við léttur í bragði. „Ég á það
sameiginlegt með mörgum í þess-
um sal að vita nákvæmlega hvern-
ig listaháskólar eru af því að við
ólumst upp við sjónvarpsþættina
Fame. Ég sé fyrir mér að það
verði ekki bara sungið, dansað og
elskast inni í húsinu, heldur flæði
þetta meira út á göturnar. Við get-
um verið sammála um það að þetta
verður ekki í fyrsta skipti sem
dansað verður á Vegas-reitnum.“
Afhenti tryggðarpant
Hjálmar H. Ragnarsson, rektor
Listaháskóla Íslands, sagði að með
samningnum væru skólinn og
Samson Properties gengin í eina
sæng. Báðir þessir aðilar ynnu að
sameiginlegu markmiði. „Ég ætla
af þessu tilefni að afhenda Sveini
Björnssyni, framkvæmdastjóra,
sérstakan tryggðarpant, trúlof-
unargjöf,“ sagði Hjálmar. Var það
myndverk Kristins E. Hrafns-
sonar, Núllpunktur. „Þessum grip
fylgir gæfa, ég veit það. Ég set
þennan grip í þínar hendur
Sveinn, í trausti þess að við mun-
um eiga gæfuríkt samstarf um
byggingu skólans,“ sagði Hjálmar.
Sveinn tók við gjöfinni með þökk-
um.
Dansað á
götunum
í anda
Fame
Morgunblaðið/Golli
Tryggðapantur Sveinn Björnsson, framkvæmdastjóri Samson Properties, tekur við listaverkinu Núllpunkti sem
Hjálmar Ragnarsson, rektor LHÍ, færði honum að gjöf. Menntamálaráðherra og borgarstjóri glöddust með.
Á ALÞJÓÐADEGI fatlaðra í fyrra-
dag var í fyrsta sinn úthlutað
styrkjum til blindra og sjónskertra
nemenda til náms við Háskóla Ís-
lands. Styrkirnir voru veittir af
Þorsteinssjóði og Blindravinafélagi
Íslands og afhentir við hátíðlega at-
höfn af rektor Háskóla Íslands,
Kristínu Ingólfsdóttur. Fyrstu
styrkþegarnir voru þau Gunnar
Valur Gunnarsson og Erla Soffía
Jóhannesdóttir sem fengu hálfa
milljón hvort. Gunnar Valur stund-
ar MS-nám í tölvunarfræði við
verkfræðideild og Erla Soffía
stundar BA-nám í þýsku við hugvís-
indadeild.
Þórsteinssjóður er til minningar
um Þórstein Bjarnason, stofnanda
Blindravinafélags Íslands. Meg-
intilgangur sjóðsins er að styrkja
blinda og sjónskerta til náms við
Háskóla Íslands. Ennfremur er
sjóðnum ætlað að efla rannsóknir
sem aukið geta þekkingu á blindu
og skertri sýn og afleiðingum henn-
ar.
Þórsteinssjóður var stofnaður af
Blindravinafélagi Íslands í desem-
ber 2006. Sjóðurinn er jafnframt
hinn fyrsti sinnar tegundar hér á
landi og tilkoma hans hefur aukið
möguleika blindra og sjónskertra
til háskólanáms. Að þessu sinni
voru kr. 500.000 til úthlutunar úr
sjóðnum auk kr. 500.000 frá
Blindravinafélagi Íslands. Því var
alls 1 milljón króna til úthlutunar.
Ljósmynd/Kristinn Ingvarsson
Afhending Rannveig Traustadóttir, f.v., Jón Torfi Jónsson, Helga Ey-
steinsdóttir, Gunnar Valur Gunnarsson, Kristín Ingólfsdóttir, Erla Soffía
Jóhannesdóttir og Arnfríður Ólafsdóttir við styrkveitinguna.
Námsstyrkir afhentir til
blindra og sjónskertra