Morgunblaðið - 06.12.2007, Blaðsíða 2

2 FIMMTUDAGUR 6. DESEMBER 2007 MORGUNBLAÐIÐ
FRÉTTIR
L I S T V I N A F É L AG H A L LG R Í M S K I R K J U - 26. S TA R F S Á R
JólatónlistarhátíÝ
Hallgrímskirkju
1.– 9. DESEMBER 2007
6. DESEMBER - fimmtudagur
20.00 Jólatónleikar Drengjakórs
Reykjavíkur í Hallgrímskirkju
Með kórnum syngja félagar úr Karlakór Reykjavíkur,
ásamt Gunnari Guðbjörnssyni óperusöngvara.
Orgelleikari: Lenka Máteova.
Stjórnandi: Friðrik S. Kristinsson.
Miðaverð: kr. 1500.-
Styrkt af
Reykjavíkurborg
H A L LG R Í M S K I R K J AMENNINGAR- OG FERÐAMÁLARÁÐ
sjá nánar: listvinafelag.is
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Jóhönnu Maríu Vilhelmsdóttur
jmv@mbl.is
MIKIÐ var um að vera í Fjölskyldu-
hjálp Íslands við Eskihlíð í gær. Út-
hlutun matvæla fer þar fram alla
miðvikudaga og er þá ætíð margt um
manninn. Starfsmennirnir, sem allir
eru sjálfboðaliðar, voru snarir í
snúningum og unnu hörðum höndum
við að stilla upp matvöru og öðrum
föngum, áður en opnað yrði fyrir út-
hlutunina.
Ásgerður Jóna Flosadóttir, for-
maður FÍ, segir að alltaf sé mikið að
gera, þótt vissulega sé sérstaklega
mikið álag fyrir jólin. Mánudagar og
þriðjudagar fari í að afla fanga og svo
sé úthlutað á miðvikudögum. Fólkið
sýni fyrst pappíra upp á að það þurfi
aðstoðina og svo sé maturinn
skammtaður eftir fjölskyldustærð.
„Einhvern mat verðum við að
kaupa, eins og í dag erum við með
grísabollur, en annars er þetta allt
matur sem við fáum gefins. Fyrir-
tæki gefa okkur ýmislegt og við
sækjum brauð í bakarí á þriðjudags-
kvöldum, sem er svo gefið á miðviku-
dögum,“ segir Ásgerður. Eitthvað sé
um að einstaklingar gefi stórar mat-
argjafir til félagsins og ein „huldu-
kona“ gefi þeim matargjöf, andvirði
einnar milljónar króna, fyrir hver
jól.
Neyðin alltof mikil
Jóhanna Sigurðardóttir félags-
málaráðherra kom í heimsókn í Fjöl-
skylduhjálpina í gær, kynnti sér
starfsemina og ræddi við fólk sem
beið afgreiðslu.
Spurð um aðgerðir stjórnvalda
vegna aukinnar fátæktar í landinu
sagði hún vandamálið fjölþætt. Mik-
ilvægt væri að ríkið og sveitarfélögin
ynnu saman að málinu. Framfærslu-
kostnaður væri vissulega alltof mikill
miðað við tekjur lægstu launahóp-
anna og það yrði að leysa í kjara-
samningum.
„Nefndir hafa verið starfandi við
að skoða heildarlausnir á málefnum
fátækra, m.a. á vegum ASÍ, og það
liggja fyrir tillögur í ráðuneytinu um
hvernig beri að taka á málinu. Fljót-
lega verður sett á fót nefnd, sem fer
yfir tillögurnar og leggur til hvernig
best er að forgangsraða og bæta
stöðu þessara hópa. Neyðin er því
miður alltof mikil í okkar velferðar-
samfélagi og það verður að taka á
henni með ýmsum hætti,“ sagði Jó-
hanna.
Hópurinn sífellt yngri
Ásgerður segir alls konar fólk
leita til FÍ, mikið sé um öryrkja,
barnmargt fólk, lágtekjufólk auk
einstæðra karlmanna, sem ekki
höfðu í önnur hús að venda fyrir til-
komu FÍ fyrir fjórum árum. Félagið
er líknarfélag og var stofnað af kon-
um sem áttu að baki mikla reynslu af
sjálfboðastörfum.
Guðrún Magnúsdóttir, sem er ein
af stofnendum FÍ, var að selja jóla-
skraut á vægu verði. Hún segir mik-
ilvægt að hafa einhverja hluti til sölu,
þar sem fólk vilji t.d. kaupa jólagjaf-
irnar, stoltið bjóði því ekki að þiggja
þær gefins, þótt einhverjir verði
vissulega að gera það. Henni þykir æ
fleira ungt fólk koma til þeirra í leit
að aðstoð og það sé greinilegt að vel-
ferð samfélagsins fylgi mikil örbirgð,
sem fari ört vaxandi.
Kona á fertugsaldri, sem var að
sækja matarskammt fyrir vikuna,
féllst á að ræða við blaðamann. Hún
kemur alltaf á miðvikudögum, alla
leið af Suðurnesjunum, ásamt sex
öðrum, til að ná í mat fyrir fjölskyld-
una, þar sem engin viðlíka hjálp sé
fyrir hendi þar.
Hún er einstæð móðir með þrjú
börn, auk þess að vera öryrki, og
segir bæturnar engan veginn duga.
Hún sé með um 120.000 krónur í
framfærslu á mánuði, sem svo muni
skerðast eftir áramót. Hún býr í eig-
in húsnæði, en segir það ganga upp
og ofan að greiða af því. „Það má
ekkert út af bregða til að maður sé
kominn út af sporinu og það er mjög
takmarkað sem ég get boðið börn-
unum mínum upp á,“ segir hún.
„Þetta var mikil skömm fyrst þeg-
ar maður byrjaði að koma hingað, en
þegar ég sá allt hitt fólkið rann upp
fyrir mér að ég er ekkert ein í þess-
um aðstæðum,“ segir hún og segist
verða vör við mikla neyð í kringum
sig. Hún eigi reyndar foreldra sem
hún geti leitað til, en vilji ekki biðja
þá um aðstoð of oft.
„Jólin verða ekki gleðileg, ég verð
að halda í hverja krónu,“ segir hún.
Örbirgð vex með aukinni velmegun
Morgunblaðið/Sverrir
Heimsókn Ásgerður Jóna útskýrir starfsemina fyrir
Jóhönnu Sigurðardóttur félagsmálaráðherra.
Morgunblaðið/Sverrir
Biðröð Örtröð myndaðist þegar opnað var fyrir viku-
lega úthlutun Fjölskylduhjálparinnar.
Í HNOTSKURN
» FÍ úthlutar nauðstöddummatvöru á hverjum mið-
vikudegi.
» Starfsmenn FÍ segja neyðinaaldrei meiri, ungt fólk sæki
aðstoð í meira mæli en áður.
» Félagsmálaráðherra segirmálefni fátækra í athugun og
að nefnd muni forgangsraða
verkefnum fljótlega.
Félagsmálaráð-
herra heimsótti
Fjölskylduhjálp
Íslands í gær
LÖGREGLAN lýsir eftir ökumanni
sem ók Subaru bifreið 23 km yfir há-
markshraða um gatnamót Sæbrautar
og Langholtsvegar hinn 27. nóvember
síðastliðinn. Hámarkshraði á þessum
stað er 60 kílómetrar á klukkustund,
en maðurinn mældist á 83 kílómetra
hraða. Athæfi mannsins þykir sér-
staklega bíræfið því hann huldi núm-
eraplötur bílsins og sýndi hraða-
myndavél fingurinn þegar hann fór
yfir gatnamótin.
Á myndum úr vélinni sést að barn
sat í framsætinu við hlið ökumannsins.
Samkvæmt upplýsingum frá lög-
reglu mun henni bera skylda til þess
að tilkynna barnaverndarnefnd atvik-
ið ef ökumaðurinn finnst, enda telst
hann stofna öryggi barnsins í hættu.
„Það er merkilegt að á sama tíma
og við heyrum af alvarlegum slysum í
umferðinni og jafnvel banaslysum
skuli menn leyfa sér að haga sér
svona,“ sagði Kristján Ólafsson að-
stoðaryfirlögregluþjónn hjá umferð-
ardeild Lögreglunnar á höfuðborgar-
svæðinu.
Ekki hafði enn tekist að hafa uppi á
manninum í gærkvöldi, en unnið var
að rannsókn málsins.
Fingur Ökumaðurinn sendi kveðju þegar hann ók um gatnamótin.
Ljósmynd/LRH
Með barn í bíl á
ólöglegum hraða
HRAÐAHINDRANIR voru settar upp til bráðabirgða við Vesturgötu í
Keflavík í fyrradag. Kröfur íbúa um bætt umferðaröryggi hafa verið há-
værar síðan ungur drengur lést eftir slys í götunni síðastliðinn föstudag.
Meðal þeirra aðgerða sem þeir hafa gripið til var að leggja bílum þvert í
götuna á laugardag til þess að hindra umferð.
Að sögn Árna Sigfússonar var svokölluðum línuhindrunum komið upp á
Vesturgötu á milli Hringbrautar og Hafnargötu. „Við töldum rétt að setja
þetta upp á þremur stöðum,“ sagði Árni og tók fram að hraðahindranirnar
hefðu verið settar upp í samráði við íbúana sem lýst hafa áhyggjum sínum
af umferðaröryggi í götunni undanfarna daga.
Samkvæmt framkvæmdaáætlun er stefnt að því að setja upp ljósastýr-
ingu á mótum Vesturgötu og Hringbrautar. Þá mun verða bætt við einni
hraðahindrun neðan Kirkjuvegar.
Íbúar fá hraðahindranir
25 ára gömul hollensk kona við-
urkenndi skýlaust fyrir Héraðs-
dómi Reykjaness í gær að hafa flutt
til landsins 249 grömm af kókaíni.
Tollverðir fundu efnið þegar konan
kom til landsins frá Amsterdam
þann 19. október sl. Hún bar tæp
158 grömm af efninu innvortis en
afgangurinn var falinn í handtösku
hennar.
Konan var dæmd í 10 mánaða
fangelsi, en hún hefur setið í gæslu-
varðhaldi frá því að hún kom til
landsins og reiknast sá tími til frá-
dráttar dómnum. Hún var jafn-
framt dæmd til þess að greiða sak-
arkostnað sem nam rúmum 400
þúsund krónum að meðtöldum
launum verjanda hennar.
Viðurkenndi
kókaínsmygl
fyrir dómi
FARÞEGI réðst á leigubílstjóra við
Hátún rétt fyrir klukkan níu í gær-
kvöldi. Farþeginn steig út úr bíln-
um og réðst svo að bílstjóranum,
veitti honum áverka á hönd með
eggvopni og krafði hann um pen-
inga. Síðan sló hann bílstjórann í
andlitið. Meiðsl bílstjórans eru ekki
alvarleg, en lögreglan lítur árásina
og ránstilraunina mjög alvarlegum
augum.
Unnið er að rannsókn málsins, en
myndir náðust af manninum í ör-
yggismyndavélum við Kringluna
þar sem ferðin hófst.
Árás á leigu-
bílstjóra