Morgunblaðið - 06.12.2007, Blaðsíða 23

úr bæjarlífinu
MORGUNBLAÐIÐ FIMMTUDAGUR 6. DESEMBER 2007 23
Níu manns sækja um stöðu deild-
arforseta Hug- og félagsvísinda-
deildar Háskólans á Akureyri, sem
verður til við sameiningu deilda að
þessum vetri loknum. Umsækjendur
eru, í stafrófsröð: Birna María Svan-
björnsdóttir, sérfræðingur, Grétar
Þór Eyþórsson, prófessor og for-
stöðumaður, Haukur Arnþórsson,
doktorsnemi, Helga Dís Sigurð-
ardóttir, master í menntunar- og
uppeldisfræði, Ingibjörg Auð-
unsdóttir, sérfræðingur, Ingibjörg
Ágústsdóttir, kennari, Rósa Egg-
ertsdóttir, sérfræðingur, Sigurður
Kristinsson, deildarforseti, Trausti
Þorsteinsson, forstöðumaður.
  
Fljótlega eftir áramót verða allir
kennarar við grunnskólana komnir
með fartölvur til umráða í starfi
sínu. Þetta var ákveðið við endur-
skoðun fjárhagsáætlunar bæjarins.
  
Umsjónarkennarar allra bekkja í
grunnskólum bæjarins fengu far-
tölvu í fyrra en nú fá kennarar sem
ekki hafa umsjón með bekk einnig
fartölvu til afnota í kennslu og sam-
skiptum við foreldra. Hér er um 100
fartölvur að ræða eða 11 milljóna
króna fjárfestingu fyrir bæinn.
  
Rjúpur bar á góma á þessum vett-
vangi fyrir viku. Annar „rjúpnavin-
ur“ minn hafði óheppnina líka með
sér einu sinni, reyndar ekki á þessu
ári en vítin eru til þess að varast þau.
Hann skaut nokkrar rjúpur í góðum
göngutúr, þorði ekki að geyma þær
á svölunum af ótta við þjófa, þótt
hann búi á efstu hæð og vippaði
fengnum því upp á þak þegar heim
kom. Þegar hann hugðist sækja jóla-
matinn daginn eftir var lítið eftir, en
saddir hrafnar skammt frá...
  
Vikudagur, vikublað sem gefið er út
á Akureyri, varð 10 ára í gær en
fyrsta tölublaðið kom út 5. desember
1997. Það var Akureyringurinn
Hjörleifur Hallgríms sem kom
blaðinu á fót og rak það fyrstu átta
árin.
  
Þórður Ingimarsson var ritstjóri
Vikudags í á fjórða ár á upphafs-
árunum og sjálfur ritstýrði Hjörleif-
ur blaðinu í á fimmta ár. Um ára-
mótin 2005-2006 urðu eigendaskipti
á Vikudegi, þegar Útgáfufélagið ehf.
keypti reksturinn. Að því félagi
standa KEA, Ásprent, Birgir Guð-
mundsson og Kristján Kristjánsson
núverandi ritstjóri og fyrrverandi
blaðamaður á Morgunblaðinu.
  
Tónelskir Akureyringar og nær-
sveitamenn eiga góða daga fyrir
höndum eins og svo oft í desember.Í
kvöld fara t.d. fram tvennir Frost-
rósatónleikar í Glerárkirkju, þar
sem fram koma „dívurnar“ Margrét
Eir, Hera Björk, Heiða Ólafs og
Regína Ósk ásamt tenórunum þrem-
ur, þeim Jóhanni Friðgeiri Valdi-
marssyni, Kolbeini Ketilssyni og
Gunnari Guðbjörnssyni.
  
Stórtenórinn Garðar Thor Cortes
verður svo á Akureyri í laugardags-
kvöldið, þar sem hann kemur fram á
aðventutónleiknum með Sinfón-
íuhljómsveit Norðurlands. Lára Sól-
ey Jóhannsdóttir er einleikari á fiðlu
með hljómsveitinni og á tónleik-
unum kemur einnig fram Söng-
félagið Sálubót, sem er starfandi kór
í Suður-Þingeyjarsýslu. Á efnis-
skránni er ýmis jóla- og aðventu-
tónlist. Nánast var uppselt á tón-
leikana síðast þegar fréttist.
  
Meiri músík: Málmblásarakvintett
Norðurlands býður upp á jólatónlist
í hádeginu á morgun í Ketilhúsinu í
tónleikaröðinni Föstudagsfreist-
ingar. Meðal þess sem hljómar verð-
ur Hallelújakórinn úr Messíasi eftir
G. F.Händel. Að vanda geta gestir
keypt sér mat.
  
Nú fer hver að verða síðastur til að
skoða ljósmyndasýningu Blaða-
mannafélags Íslands á bókasafni
Háskólans á Akureyri. Sýningin er
sett upp í tilefni af 110 ára afmæli fé-
lagsins og gefur þar að líta frétta-
myndir sem spanna þann tíma sem
félagið hefur verið við lýði. Á sýning-
unni eru um 40 ljósmyndir eftir
næstum jafn marga ljósmyndara.
Bókasafn Háskólans á Akureyri
er opið alla virka daga kl. 8:00-18:00
og á laugardögum kl. 12:00 - 15:00.
Allir eru velkomnir.
  
Þau gleðitíðindi bárust úr herbúðum
íþróttafélagsins Þórs á dögunum að
allar deildir þess sem og aðalstjórn
voru reknar með hagnaði fyrstu 10
mánuði ársins. Félagið hefur verið í
kröggum síðustu ár en nú liggur
leiðin upp á við undir stjórn Sigfúsar
Helgasonar og hans manna.
  
Liðsmenn Slökkviliðs Akureyrar
hafa aldrei farið jafn mörg sjúkra-
flug og á þessu ári, frá því að
slökkviliðið hóf að sinna sjúkraflugi
fyrir 10 árum. Þetta kemur fram á
heimasíðu slökkviliðsins. Alls hefur
verið farið í 452 sjúkraflug. Sjúkling-
um hefur líka fjölgað, á sama tíma í
fyrra höfðu verið fluttir 423 sjúk-
lingar en 490 það sem af er árinu.
  
Ferðum með sjúklinga hefur fjölgað
jafnt og þétt síðan sjúkraflug hófst í
þeirri mynd sem það er rekið nú,
fyrir 10 árum. Árið 1997 voru ferð-
irnir 77. Sjúkrahúsið á Akureyri
sendir lækni með þegar óskað er og
Mýflug sér um flugvélakost og flug-
menn. „Það er ljóst að þetta ár verð-
ur enn eitt metárið í fjölda ferða og
fjölda sjúklinga sem staðfestir nauð-
syn þjónustunar í nútíma sam-
félagi,“ segir Þorbjörn Haraldsson
slökkviliðsstjóri á vef slökkviliðsins.
AKUREYRI
Skapti Hallgrímsson
Góður Garðar Thor Cortes syngur í
Íþróttahöllinni á laugardaginn.
Ljósmynd/Karl Berndsen
Vindsveipur eða gegnumtrekkur
getur kveikt eld á ný
Munið að slökkva
á kertunum
i l

Slökkvilið
Höfuðborgarsvæðisins