Morgunblaðið - 16.02.2008, Page 20

20 LAUGARDAGUR 16. FEBRÚAR 2008 MORGUNBLAÐIÐ
SUÐURNES
Enn er verið að ganga frá tæknilegum at-
riðum í sambandi við kaupin og húseignirnar
hafa því ekki verið afhentar. Um leið og það
gerist verður ráðist í lagfæringar á húsinu.
Bílalyfturnar, skrúfstykkin og annar búnaður
bílaverkstæðisins verður fjarlægður ásamt
hluta af loftræstibúnaði og í staðinn koma
milliveggir, ljós og annar hefðbundinn bún-
aður kvikmyndavera.
Þarf að hljóðeinangra gaflana og síðan er
hugmyndin að skipta salnum niður í þrjú
myndver. Það stærsta verður tólf til fjórtán
hundruð fermetrar og lofthæðin er þrettán
metrar. Telur Hallur að þetta verði mjög góð
aðstaða sem geti keppt við kvikmyndaver í
Eftir Helga Bjarnason
helgi@mbl.is
Vallarheiði | Allt verður iðandi af lífi í gömlu
flugskýli á Keflavíkurflugvelli, sem lengst af
þjónaði sem bifreiðaverkstæði varnarliðsins,
þegar búið verður að innrétta húsnæðið sem
alþjóðlegt kvikmyndaver. Hugmyndin er að
bjóða erlendum kvikmyndafyrirtækjum sem
hingað koma til að taka upp efni í kvikmyndir
eða auglýsingar til að vinna stærri hluta efnis-
ins hér á landi. Þá skapast þarna aðstaða fyrir
íslenska kvikmyndagerðarmenn.
Fyrirtækið Atlantic Film Studios gerði til-
boð í tólf byggingar á fyrrum varnarsvæði
þegar Þróunarfélag Keflavíkurflugvallar aug-
lýsti þær til sölu á síðasta ári og fékk þær
keyptar fyrir 575 milljónir kr. Að fyrirtækinu
standa þrír kvikmyndagerðarmenn, Hallur
Helgason, Ingvar Þórðarson og Júlíus Kemp.
Stærsta eignin er flugskýli, bygging nr.
501. Þar var stærsta bifreiðaverkstæði lands-
ins í tíð varnarliðsins og ýmis önnur starfsemi.
Með í kaupunum fylgja nokkrar skemmur og
sjö fjölbýlishús. Perlan í þessum kaupum er
svo fullbúið kvikmyndahús vallarins, Andrews
Theater. Húsin eru samtals tæplega 14 þús-
und fermetrar að stærð og þeim fylgir stórt
malbikað svæði og byggingarréttur.
Sáum tækifæri
„Við fengum þessa hugmynd fljótlega eftir
að fréttir bárust um að herinn væri að fara.
Við sáum að þarna gætu verið tækifæri,“ segir
Hallur Helgason þegar hann sýnir blaða-
manni aðstöðuna. „Það vantar myndver fyrir
innlend og erlend kvikmyndafyrirtæki. Er-
lendu kvikmyndafyrirtækin koma hingað
vegna landslagsins og með því að bjóða upp á
svona aðstöðu ættum við að geta náð stærri
hluta kvikmyndaframleiðslunnar hingað til
lands,“ segir Hallur.
nágrannalöndunum. Þeir félagarnir bera sig
sérstaklega saman við Prag í Tékklandi og
gera sér vonir um að þannig ævintýri geti
gerst á Keflavíkurflugvelli. Hallur segir að
góð tenging við London, með allt að átta flug-
ferðum á dag, geri það að verkum að hægt sé
að nálgast sérhæfða þjónustu og tæki með
stuttum fyrirvara. Tekur hann þannig til orða
að þetta sé eins og að vera í einu af úthverfum
London.
Auk myndveranna eru tugir skrifstofu-
herbergja og ýmis önnur húsakynni sem nýta
má fyrir þjónustu við kvikmyndafyrirtækin.
Hallur segir að allt hjálpi þetta til. Þannig
gætu leikstjórarnir haft klippara með sinn
búnað nálægt sér við tökurnar. Ætlunin er að
hafa smíðaverkstæði í einni af skemmunum.
Þá er hugmyndin að koma upp stórum vatns-
tönkum til að geta boðið upp á aðstöðu fyrir
neðansjávartökur. Ekki má gleyma gríð-
arstóru malbikuðu plani í kringum húsið og
það segir Hallur að sé hægt að nota við útitök-
ur, til dæmis minni bílaatriða ef á þurfi að
halda. Andrews Theater má síðan nota til að
hljóðblanda kvikmyndir.
Finnst gaman að koma
Erlend kvikmyndafyrirtæki hafa sótt mikið
hingað til lands á síðustu árum. Stórmynd-
irnar hafa ekki farið fram hjá fólki en Hallur
segir að auk þess sé mikið kvikmyndað fyrir
minni þætti og auglýsingar. Getur sérstaklega
um bílaauglýsingar í því efni. Hallur segir að
það þyki skemmtilegt að koma til Íslands. Hér
sé allt til alls fyrir fólkið sem vinni við þessi
verkefni, góð hótel og veitingastaðir og ýmis
afþreying. Skapar þetta miklar tekjur fyrir
ferðaþjónustuna og önnur þjónustufyrirtæki.
Eigendur hins væntanlega kvikmyndavers
hugsa til þess að auka þessi viðskipti og auka
möguleika fyrirtækja á að ná hingað verk-
efnum með því að bjóða kvikmyndafyrirtækj-
unum að vinna stærri hluta efnisins hér.
Væntanleg aðstaða hefur verið kynnt og segir
Hallur að undirtektir séu góðar.
Bílaverkstæði verður kvikmyndaver
Árvakur/Helgi Bjarnason
Verkefni Mikið verk bíður Halls Helgasonar og félaga í gamla flugskýlinu. Bílalyfturnar víkja
fyrir leikmyndum og kvikmyndatökubúnaði. Ætla þeir að hefja starfsemi á vormánðum.
Í HNOTSKURN
»Fyrirtækið Atlantic Film Studios festikaup á tólf byggingum á fyrrum varn-
arliðssvæði á Keflavíkurflugvelli.
»Gamalt flugskýli verður innréttað semalþjóðlegt kvikmyndaver og aðrar
byggingar og stórt útisvæði munu einnig
nýtast við starfsemina. Kvikmyndahúsið
Andrews Theater fylgir með í kaupunum.
AKUREYRI
MIKIÐ var um dýrðir á árlegri söngkeppni Verkmenntaskólans á Akureyri
í fyrrakvöld. Boðið var upp á 22 lög og uppselt í Gryfjuna, samkomusal
skólans, þar sem mörg hundruð voru saman komin. Hér er skiptineminn
Allan Haywood á sviðinu – og atriðinu varpað á skjái í salnum til þess að
allir sæju vel. Sigurvegari kvöldsins var Stefán Þór Friðriksson.
Sungið af hjartans lyst
Árvakur/Skapti Hallgrímsson
Eftir Orra Pál Ormarsson
orri@mbl.is
„ÞAÐ er bara málning og strigi hjá
mér alla daga. Þeir eru helvíti harðir
við mig. Það gengur líka allt eftir
sem þessir menn segja,“ segir Óli G.
Jóhannsson listmálari en ekkert lát
er á samstarfi hans og hins fjöl-
þjóðlega gallerís Opera. Vegna stífs
sýningahalds þarf Óli að senda öll
þau verk sem verið hafa í sölu hjá
umboðsaðila hans hér á landi, Studio
Stafni, utan á næstunni. „Það verða
engin verk eftir mig til sölu hér á
landi að sinni.“
17. apríl næstkomandi verður
opnuð sýning á fimmtán til tuttugu
málverkum eftir Óla hjá galleríinu í
Singapúr en þar sýnir hann á móti
öðrum listamanni. Í lok apríl mun
Opera opna nýtt gallerí í Monte
Carlo og mánuði síðar í Dubai og
verða verk eftir Óla á opnunarsýn-
ingunum á báðum stöðum. 1. maí
verður síðan opnuð einkasýning á
verkum Óla hjá Opera-galleríinu í
New York, líkt og hann upplýsti í
samtali við Morgunblaðið í desem-
ber. Í tilefni af því verður gefin út
bók með verkunum á sýningunni en
þau verða um 25 talsins. „Það verður
meira en oft áður af fígúratífum
verkum í New York. Skapgerðin er
þannig núna,“ segir Óli.
Þá er hann nýkominn heim frá
Miami en Opera-galleríið þar óskaði
eftir því að taka tvö málverk eftir
hann til sölu.
Óli verður viðstaddur allar opn-
anirnar utan þá í Singapúr en þang-
að kom hann vegna sýningarhalds í
fyrra. „Einhverju verð ég að sleppa
ef ég á að hafa einhvern tíma til að
vinna.“
Féll strax fyrir verkum Óla
Jean-David Malat, galleristi hjá
Opera-galleríinu í Lundúnum,
kveðst í samtali við Morgunblaðið
hafa fallið fyrir verkum Óla um leið
og þau voru kynnt fyrir honum í
upphafi síðasta árs. „Ég gerði mér
ferð til Íslands til að skoða verkin á
vinnustofunni hans og eftir þá heim-
sókn lá fyrir að við myndum taka
Óla upp á okkar arma. Góðir ab-
straktmálarar eru vandfundnir í dag
og Óli er algjör gersemi.“
Sem kunnugt er seldust öll verk
Óla á sýningu Opera-gallerísins í
Lundúnum í júní upp á opnunardag-
inn og segir Malat það hafa komið
sér þægilega á óvart. Og snjóboltinn
rúllar. „Það er ekki að sökum að
spyrja, þegar við fáum til sölu nýtt
verk eftir Óla selst það um leið.“
Þar sem Óli er nýtt nafn í mál-
verkaheiminum í Bretlandi segir
Malat að verðið á verkum hans hafi
fram að þessu verið „sanngjarnt“ en
viðbúið sé að það fari ört hækkandi.
„Mikilvægir listaverkasafnarar eru
byrjaðir að safna verkum eftir Óla
og það hefur sitt að segja varðandi
verðlagninguna,“ segir Malat.
Eins og fram hefur komið festi Óli
kaup á gömlu kartöflugeymslunni í
Listagilinu á Akureyri fyrir
skemmstu og fær hann húsnæðið af-
hent í lok þessa mánaðar. Vonast
hann til að opna þar listhúsið Fest-
arklett fljótlega í næsta mánuði.
Bara málning og
strigi hjá mér
Árvakur/Skapti Hallgrímsson
Mikið að gera „Mikilvægir listaverkasafnarar byrjaðir að safna verkum
eftir Óla,“ segir Jean-David Malat, galleristi hjá Opera í Lundúnum,
Opera-galleríið
sýnir verk Óla G.
Jóhannssonar í
fjórum löndum
ⓦ
Upplýsingar í síma
461 6011/ 840 6011
Helgamagrastræti
Oddeyrargötu
Huldugil
Innbæ
Eyrarlandsveg
Blaðburður verður
að hefjast um leið og
blöðin koma í bæinn.
Á AKUREYRI