Morgunblaðið - 21.02.2008, Síða 14

14 FIMMTUDAGUR 21. FEBRÚAR 2008 MORGUNBLAÐIÐ
ERLENT
Eftir Boga Þór Arason
bogi@mbl.is
BARACK Obama sigraði Hillary
Clinton með miklum mun í Wiscons-
in og Hawaii í fyrradag og hefur nú
sigrað hana tíu sinnum í röð í for-
kosningum demókrata.
Obama fékk 58% atkvæðanna og
Clinton 41% í Wisconsin. Á Hawaii,
þar sem Obama fæddist fyrir 46 ár-
um, fékk hann 76% atkvæðanna en
Clinton 24%.
Obama hefur þar með fengið alls
1.319 kjörmenn og Clinton 1.245, að
meðtöldum svonefndum ofur-
kjörmönnum sem fá sjálfkrafa at-
kvæðisrétt á flokksþingi demókrata
í ágúst, samkvæmt talningu frétta-
stofunnar AP.
Ljóst er því að Clinton verður að
sigra Obama í forkosningum í Ohio
og Texas þriðjudaginn 4. mars þegar
barist verður um alls 389 kjörmenn.
Clinton vonast einnig eftir sigri í
Pennsylvaníu 22. apríl þegar 188
kjörmenn verða í boði.
Kannanir fyrir utan kjörstaði
benda til þess að Obama haldi áfram
að auka fylgi sitt í kjósendahópum
sem hneigðust til að styðja Clinton í
upphafi kosningabaráttunnar.
Obama fékk t.a.m. nær jafnmikið
fylgi og Clinton meðal hvítra kvenna
í Wisconsin. Hann fékk einnig mikið
fylgi meðal verkafólks og það bendir
til þess að honum vegni vel í Ohio og
Pennsylvaníu þar sem þessi kjós-
endahópur er stór.
John McCain sigraði Mike Hucka-
bee í forkosningum repúblikana og
er nú kominn með 942 kjörmenn,
samkvæmt talningu AP. Hann þarf
að fá alls 1.191 kjörmann til að verða
forsetaefni repúblikana.
Skoðanakannanir benda til þess
að McCain hafi unnið marga íhalds-
sama repúblikana á sitt band. Hann
beinir nú einkum spjótum sínum að
frambjóðendum demókrata, að-
allega Obama. „Ég ætla að berjast
hverja stund hvern einasta dag í
kosningabaráttunni til að tryggja að
Bandaríkjamenn láti ekki blekkjast
af málskrúðugu en innantómu ákalli
um breytingu,“ sagði McCain.
Tíundi sigur Obama í röð
Fékk svipað fylgi
og Clinton meðal
hvítra kvenna
Reuters
Herinn heim Barack Obama flytur ræðu í Houston. Hann hét því að kalla
bandaríska herliðið í Írak heim á næsta ári verði hann kjörinn forseti.
HÁTÍÐ luktanna var haldin í Kína og víðar í Austur-
Asíu í gær. Hún fer fram á 15. degi fyrsta mánaðar í
kínverska tunglárinu. Er hátíðin stundum kölluð „litla
nýárið“ vegna þess, að með henni lýkur hátíðahöldum
vegna hins eiginlega nýárs að kínverskum sið. Hér má
sjá „sendiherra himnaguðsins“ í skrúðgöngu í Taípei á
Taívan en í henni tók líka þátt mikill fjöldi barna með
litskrúðugar luktir.
AP
Hátíð luktanna í Austur-Asíu
Íslamabad. AFP. | Pervez Musharr-
af, forseti Pakistans, kvaðst í gær
ekki ætla að verða við kröfu
stjórnarandstöðunnar um að hann
segði af sér eftir mikinn ósigur
bandamanna hans í þingkosningum
á mánudag.
Musharraf sagði að úrslit kosn-
inganna efldu „hófsömu öflin í
landinu“ og lagði áherslu á „þörf-
ina á samstilltri samsteypustjórn í
þágu friðsamlegrar stjórnsýslu,
uppbyggingar og framfara“.
Nawaz Sharif, sem Musharraf
steypti af stóli forsætisráðherra í
valdaráni 1999, og Asif Ali Zardari,
ekkill Benazir Bhutto, sögðust
báðir vilja vinna með stjórnarand-
stöðunni eftir kosningarnar. Sharif
hvatti Musharraf til að segja af sér
og flokkur Bhuttos tók undir þá
kröfu. Zardari kvaðst ekki vilja
samstarf við bandamenn forsetans.
Musharraf
neitar að
segja af sér
Flokkar Sharifs og
Bhuttos lofa samstarfi
SERGE Sark-
isian, forsætis-
ráðherra Arm-
eníu, sigraði
með yfirburðum
í forsetakosn-
ingum í landinu
samkvæmt kjör-
tölum sem birt-
ar voru í gær
þegar talningu
var lokið.
Keppinautur hans, Ter-Petrosian,
fyrsti forseti landsins eftir fall
Sovétríkjanna, hefur sakað
stjórnvöld um kosningasvik og
um 15.000 manns mótmæltu í
miðborg Jerevan. Kosningaeft-
irlitsmenn ÖSE lýstu því yfir að
kosningarnar hefðu „í meg-
inatriðum“ samræmst alþjóð-
legum reglum. Ýmislegt mætti þó
bæta.
Forseti kjör-
inn í Armeníu
Serge
Sarkisian
KÍNVERSK stjórnvöld hafa bannað
sýningar á erlendum teiknimynd-
um í sjónvarpi. Ástæðan er að hluta
efnahagslegs eðlis því mikil upp-
sveifla er í kínverska teiknimynda-
iðnaðinum. Á síðasta ári voru fram-
leiddar um 102.000 mínútur af
teiknimyndum í Kína, sem var 23%
aukning frá árinu áður.
Bannið tekur gildi 1. maí og
verður þá bannað að senda út er-
lendar teiknimyndir fram til klukk-
an níu á kvöldin, en þá ættu flest
kínversk börn að vera farin í hátt-
inn.
Mikki mús
ekki leyfður
ÞAÐ er ekki tekið út með sitjandi
sældinni að vera reykingamann-
eskja eins og kona nokkur í bænum
Bielefeld hefur fengið að reyna.
Konunni varð það á að kveikja
sér í sígarettu í sinni eigin íbúð en
kærastinn hennar, mikill reykinga-
andstæðingur, brást þá reiður við
og skipaði henni að slökkva í á
stundinni. Þegar hún gerði það
ekki, greip hann slökkvitæki og
tæmdi það á sígarettuna, kær-
ustuna og alla íbúðina. Sagt er, að
engu líkara hafi verið en sprengja
hefði sprungið í íbúðinni sem var
full af froðu. Manninum tókst sem
sagt að slökkva í sígarettunni og
ekki þarf að spyrja hvað varð um
ástareldinn á milli skötuhjúanna.
Fyrr má rota
en dauðrota
ÞRJÚ Afríkulönd – Rúanda, Kongó
og Úganda – hafa tekið höndum
saman í fyrsta skipti til að reyna að
bjarga fjallagórillum sem eru í út-
rýmingarhættu. Aðeins eru um 700
fjallagórillur eftir í heiminum og
þær lifa á svæði þar sem löndin þrjú
mætast. Górillunum hefur fækkað
mjög á síðustu árum vegna ólög-
legra veiða, ebóla-veirunnar og
skógareyðingar.
Vilja bjarga
fjallagórillum
VEÐURFRÆÐINGAR í Svíþjóð
vita ekki hvaða árstíð er í sunn-
anverðu landinu vegna óvenju
milds veðurs. Samkvæmt skil-
greiningum veðurstofunnar geng-
ur veturinn í garð þegar frost hef-
ur mælst í fimm daga í röð, en
það hefur ekki gerst enn á svæð-
inu. Vorið er ekki heldur komið
vegna þess að það hefst þegar hit-
inn hefur verið yfir frostmarki í
sjö daga í röð og það hefur ekki
gerst enn.
Telst hvorki
vetur né vor
ALLMIKIL umræða á sér stað um
þessar mundir á Norðurlöndum um
málefni lögreglunnar, um skipulag
lögregluumdæma, aðbúnað og fjölda
lögreglumanna miðað við íbúatölu.
Hvað það síðastnefnda varðar er
staðan best í Svíþjóð og þar stendur
til að gera enn betur.
Í Svíþjóð eru nú starfandi 17.866
lögreglumenn og miðað við íbúatöl-
una, sem er 9,1 milljón, eru það 509
íbúar á hvern lögreglumann. Sam-
þykkti sænska þingið nýlega að fjölga
í lögregluliðinu upp í 20.000 manns og
verða þá 460 íbúar á hvern lögreglu-
mann.
Í Danmörku eru 516 íbúar á hvern
lögreglumann en í Noregi þar sem
lögregluliðið er skipað 8.185 lögreglu-
mönnum eru 562 íbúar á lögreglu-
mann. Þar hefur lögregluumdæmum
verið fækkað og verið að ræða hver
fjöldi lögreglumanna skuli vera á
næstu árum. Á það að liggja fyrir í
júní.
Í Finnlandi eru lögreglumenn
7.600 eða 694 íbúar á hvern og einn.
Þar er hins vegar verið að fækka í lög-
regluliðinu um 460 manns vegna
sparnaðaraðgerða hins opinbera. Það
stefnir því í, að í Finnlandi verði 739
íbúar á lögreglumann. Á næsta ári er
síðan fyrirhugað að fækka finnsku
lögregluumdæmunum úr 90 í 24.
Til samanburðar má nefna, að lög-
reglumenn á Íslandi eru nú 707 og
miðað við íbúatölu um síðustu áramót,
313.376, eru 443 íbúar á hvern lög-
reglumann eða allnokkru færri en á
öðrum Norðurlöndum.
Við setningu Lögreglan stendur
heiðursvörð við setningu Alþingis.
Málefni lögreglu
í sviðsljósinu
ÁSAKANIR vegna skattsvika sem
eru talin nema um 400 milljörðum ís-
lenskra króna, hafa skyggt á sam-
band Þýskalands og Liechtenstein
undanfarna daga.
Yfirvöld í Liechtenstein hafa sak-
að þýsk stjórnvöld um að hafa á ólög-
legan hátt komist yfir ítarleg gögn,
þar sem nöfn og samskipti rúmlega
700 Þjóðverja við LGT-bankann í
Liechtenstein er að finna. Það að
veita viðskiptaupplýsingar sem slík-
ar sé lögbrot í Liechtenstein og
furstadæmið muni ekki sætta sig við
aðferðirnar. Talsmaður LGT-bank-
ans segir að gögnunum sem þýska
leyniþjónustan (BND) keypti fyrir
um 400 milljónir íslenskra króna hafi
líklega verið stolið frá bankanum af
fyrrverandi starfsmanni hans.
Angela Merkel, kanslari Þýska-
lands, átti fund með Otmar Hasler
forsætisráðherra Liechtenstein í
gær, þar sem málið var til umræðu.
Á vef Der Spiegel segir að Merkel
hafi þrýst á Hasler að herða tökin,
ýmislegt í starfi bankanna ýtti bein-
línis undir slík svik. Hasler hefur
þegar gert kunnugt að til standi að
breyta þeirri skattalöggjöf sem varð
til þess að umrædd svik voru mögu-
leg, það hafi þó verið ákveðið án til-
lits til svika Þjóðverjanna.
Þýska fjármálaráðuneytið hafnar
ásökunum yfirvalda í Liechtenstein
og segir rangt að ráðist hafi verið
gegn furstadæminu. Málið snúi að
þýskum glæpamönnum, en skatt-
svikararnir eru flestir þýskt há-
tekjufólk.
Þjóðverjar sviku milljarða undan skatti
Liechtenstein
verst ásökunum
Í HNOTSKURN
»Forsætisráðherra Liechten-stein segir bankana ganga út
frá því að viðskiptavinir virði
skattareglur heimalanda sinna.
»Kanslari Þýskalands hefurþrýst á að Liechtenstein end-
urskoði reglur banka sinna,
margt í þeim ýti undir skattsvik.