Morgunblaðið - 21.02.2008, Blaðsíða 17

MORGUNBLAÐIÐ FIMMTUDAGUR 21. FEBRÚAR 2008 17
MENNING
HIN frjálsa leikgleði sem birtist í
málverkum og pappamassafígúrum
Söru Vilbergsdóttur í Galleríi Fold
minnir að mörgu leyti á litríka
sköpunargleði barna um leið og
ljóst er að þar er á ferðinni valið
og stílfært myndmál. Viðfangsefnin
í málverkum Söru hafa aðallega
verið konur og börn og kettir í
sambland við heimilisstemmur
hverskonar þar sem koppar og
kirnur hafa stundum leikið stórt
hlutverk. Uppstillingarnar á mynd-
unum eru oftast hlýjar, skondnar
og skemmtilegar smásögur sem
óhætt er að segja að eigi uppruna
sinn í kvennaheimi. Næmi Söru á
dýpt lita endurspeglast á köflum í
næmi hvað varðar samskipti fígúr-
anna á striganum.
Fallegar myndir af þessum toga
í listmunaverslunum eru eiginlega
sér partur í myndlistarflórunni og
ekki sjálfgefið að vel til takist. Hins
vegar verður ekki hjá því horft að
skiptagildi verkanna/vörunnar yf-
irtaka notagildið. Þar á ég við að
verslunarbragurinn og framsetn-
ingin yfirgnæfir hið listræna inni-
hald svo auðvelt er að ætla að hér
sé á ferðinni hreinn og beinn list-
varningur.
Pappamassaverkin draga úr
þessari tilfinningu enda efniviður-
inn ekki hátíðlegur, hefðbundinn né
markaðsvænn í eðli sínu. Í þessum
þrívíðu málverkum nær Sara að
laða fram og undirstrika sér-
kennilegt tilvistarlegt ástand fígúr-
anna, undarlegt og íhugult sam-
band þeirra við umhverfið og hvort
annað.
Ljósmyndaverkin eru skemmti-
leg og persónuleg skráning á raun-
verulegum leik barna með list-
munina eins og þeir væru eins og
hvert annað dót. Þessi nálgun
styrkir verkin um leið og hún gerir
þau allt að því kómísk í því sam-
hengi sem þau eru í galleríinu.
Konur, krakkar og kettir
Árvakur/Golli
Smásögur „Í þessum þrívíðu málverkum nær Sara að laða fram og undir-
strika sérkennilegt tilvistarlegt ástand fígúranna.“
MYNDLIST
Gallerí Fold, Rauðarárstíg 14
Sýningin stendur til 24. febrúar. Opið á
verslunartíma
Smásögur – Akrílmálverk, pappamassa-
skúlptúrar, ljósmyndaverk
bbbnn
Þóra Þórisdóttir
GALLERÍ Anima hefur ekki lagt
upp laupana heldur birtist í nýrri
mynd í geðþekku rými á horni
Freyjugötu og Njarðargötu, sýn-
ingarrýmið er ekki stórt en býr
yfir ákveðnum sjarma. Þar verða
sýndir ungir myndlistarmenn fram
á vor og Elín Anna Þórisdóttir
ríður á vaðið.
Litrík augnablik hversdagsins
hafa orðið mörgum myndlist-
armanninum að yrkisefni í gegn-
um aldirnar og ekki síst á síðast-
liðnum árum. Uppstillingar
gærdagsins hafa sprungið út í
rýmið og í stað þess að vinna með
tvívíðan myndflötinn fara málarar
nú hamförum í rýminu öllu og líta
á það sem sinn striga. Í hinu þrí-
víða rými er unnið með form og
liti og oft eru það sterkir og skær-
ir litir sem ráða ferðinni, litir á
fundnum hlutum og iðnaðarefnum
eins og í verkum Jessicu Stockhol-
der sem haft hefur mikil áhrif á
unga myndlistarmenn, eða þá að
málarar mála sjálfir á fundna
hluti, veggi og gólf.
Elín Anna notar skæra liti í inn-
setningu sinni sem samanstendur
af smærri og stærri verkum og
skapar eina heild í galleríinu. Þess
utan geta smærri verk staðið ein
og sér, bæði sjónrænt og hug-
myndafræðilega sem sköpun með
rætur í samspili málverks og dag-
legs lífs. Listakonan málar ma. á
fundnar tréplötur, svampa sem
eiga uppruna sinn á stólsetum,
gamla brauðspaða og bretti. Þetta
gæðir verk hennar vissri nostalgíu
og tilfinningu fyrir hinu liðna. Slík
tilfinning er líka yfir skuggamynd-
um hennar ef svo má nefna þær,
þar sem td. eru útlínur manns
málaðar eins og eftir skugga hans,
eins og minning um liðna stund.
Sýningin er til vitnis um listakonu
í mótun sem sækir styrk sinn í hið
smáa og hversdagslega en undir
niðri er ef til vill vísir að meiri og
dramatískari átökum, bæði efn-
islega og að inntaki.
Litir daganna
MYNDLIST
Anima Gallerí, Freyjugötu 27
Til 23. febrúar. Opið fim.fös. og lau. frá
kl. 13–17.
Einhleypur grænn, Elín Anna Þórisdóttir
bbnnn
Litrík augnablik „Sýningin er til
vitnis um listakonu í mótun sem
sækir styrk sinn í hið smáa og
hversdagslega …“
Ragna Sigurðardóttir
Á EFRI hæð Startart listamanna-
húss sýnir bandaríska listakonan
Christine Gartner ljósmyndir sem
hún hefur tekið í Loðmundarfirði
þar sem hún hefur dvalið sumrin
löng með eiginmanni sínum, Bernd
Koberling. Myndir Gartner sýna
mosagróður í nærmynd og ýmsa
óvænta náttúrunnar gesti sem
hreiðra um sig í mjúkum mosanum,
s.s. sveppi, krækiber og smáblóm.
Þetta eru 6 sæmilega stórar ljós-
myndir sem hanga tvær og tvær
saman í rýminu. Helst er það áferðin
sem birtist á þessum smágerðu fyr-
irmyndum sem vekur einhverjar
fagurfræðilegar kenndir. Þær eru
þó ekki ýkja rífandi og fyrir mitt
leyti eru ljósmyndirnar einfaldlega
of fáar til þess að þetta fábrotið
myndefni nái að hrífa mann í einni
sýningu.
Áferð Ýmislegt gægist upp úr mosanum.
Náttúrunnar gestir
MYNDLIST
Startart listamannahús
Opið þriðjudaga til laugardaga frá 13 –
17. Sýningu lýkur 5. mars. Aðgangur
ókeypis.
Christina Gartner
bbnnn
Jón B. K. Ransu
5
4
3
2
SÍMI 545 2500 ::: WWW.SINFONIA.IS
Hljómsveitarstjóri ::: Eivind Aadland
Einleikari ::: Daniel Müller-Schott
Hljómsveitarstjóri ::: Arvo Volmer
Einleikari ::: Ewa Kupiec
Hljómsveitarstjóri ::: Rumon Gamba
Einleikari ::: Sigrún Eðvaldsdóttir
Hljómsveitarstjóri ::: Johannes Fritzsch
Einsöngvarar ::: Dorothee Jansen
Terje Stensvold
Kór ::: Söngsveitin Fílharmónía
Kórstjóri ::: Magnús Ragnarsson
Wolfgang Amadeus Mozart ::: Töfraflautan, forleikur
Joseph Haydn ::: Sellókonsert í D-dúr
Ludwig van Beethoven ::: Sinfónía nr. 6
Franz Liszt ::: Píanókonsert nr. 2
Anton Bruckner ::: Sinfónía nr. 3
J.S. Bach ::: Ricercare úr Tónafórninni
Alban Berg ::: Fiðlukonsert
Brahms/Schönberg ::: Píanókvartett í g-moll
Bohuslav Martinu ::: Minnisvarði um Lidice
Johannes Brahms ::: Þýsk sálumessa
Olivier Messiaen :::
Kvartett fyrir endalok tímans
Daniel Müller-Schott er ein skærasta selló-
stjarna heimsins í dag og leikur sellókonsert eftir
Haydn á þessum tónleikum þar sem klassísk
heiðríkja er allsráðandi.
Spennandi
tónleikar
framundan
Tveir jöfrar af ólíku tagi. Ævintýralegar flugelda-
sýningar Liszts mynda kröftugt mótvægi við
mikilfenglega tónlist Bruckners.
Magnþrunginn fiðlu-
konsert Bergs.
Þýsk sálumessa Brahms er eitt mikilfenglegasta
kórverk tónbókmenntanna.
Olivier Messiaen samdi þennan óð til eilífðar-
innar í stríðsfangabúðum nasista sem hefur
síðan fest sig í sessi sem eitt ástsælasta tónverk
20. aldarinnar.
rauð tónleikaröð í háskólabíói
gul tónleikaröð í háskólabíói
rauð tónleikaröð í háskólabíói
páskatónleikar í háskólabíói
kammertónleikar í þjóðmenningarhúsinu
Í KVÖLD, FIMMTUDAGSKVÖLD KL. 19.30 UPPSELT
FIMMTUDAGINN 28. FEBRÚAR KL. 19.30
FIMMTUDAGINN 6. MARS KL. 19.30
ÖRFÁ SÆTI LAUS
FIMMTUDAGINN 13. MARS KL. 19.30
LAUGARDAGINN 15. MARS KL. 17.00
fl group er aðalstyrktaraðili
sinfóníuhljómsveitar íslands
sellósnillingur í toppformi
liszt og bruckner
gamalt og nýtt
páskatónleikar
eilífðartónleikar stríðsfangans
1