Morgunblaðið - 21.02.2008, Síða 19

MORGUNBLAÐIÐ FIMMTUDAGUR 21. FEBRÚAR 2008 19
SUÐURNES
Eftir Helga Bjarnason
helgi@mbl.is
Keflavíkurflugvöllur | Samið hefur
verið um að menntastofnunin Keilir
taki að sér námskeiðahald sem
Flugmálastjórnin á Keflavíkurflug-
velli hefur annast. Þar er um að
ræða fræðslu um flugvernd, örygg-
isvörslu og endurmenntun. Hjálmar
Árnason, forstöðumaður fagskóla
Keilis, segir að með þessum sam-
starfssamningi sé stigið fyrsta
skrefið að uppbyggingu öryggis-
klasa og flugklasa hjá Keili.
Allir starfsmenn við millilanda-
flugið þurfa að fá fræðslu í öryggis-
málum, svokallaða flugverndarþjálf-
un, samkvæmt alþjóðlegum reglum
og kröfum Alþjóðaflugmálastofnun-
arinnar. Þetta á við um alla starfs-
menn flugfélaga og opinberra stofn-
ana á flugvellinum, annarra þjón-
ustufyrirtækja, verktaka og annarra
sem fá aðgangsheimildir að flugvall-
arsvæðunum. Á þetta við um Kefla-
víkurflugvöll og aðra flugvelli lands-
ins þar sem millilandaflug fer fram.
Flugmálastjórnin á Keflavíkurflug-
velli hefur annast þessa fræðslu
undanfarin ár, einnig lengri nám-
skeið fyrir þá sem vinna við örygg-
isgæslu og endurmenntun. Þá eru í
undirbúningi sérstök námskeið í
flugvernd fyrir stjórnendur. Stofn-
unin tók í notkun nýjan hermibúnað
til þjálfunar við skimum á fólki sem
nýtist vel að sögn Arngríms Guð-
mundssonar, yfirmanns öryggis-
sviðs flugvallarins.
Koma upp flugklasa
Samið hefur verið um að Keilir
taki að sér þetta námskeiðahald frá
og með 1. ágúst næstkomandi. Flug-
málastjórnin mun áfram bera fag-
lega ábyrgð á verkefninu. „Umfang
þessarar starfsemi er orðið mikið og
við teljum henni betur fyrir komið í
samstarfi við Keili sem sérhæfir sig
í fræðslustarfi. Við teljum að hún
geti blómstrað þar með öðrum
tengdum þáttum,“ sagði Stefán
Thordersen flugvallarstjóri þegar
gengið var frá samningum.
Að sögn Hjálmars eru uppi hug-
myndir að bæta þjónustuþáttum við
fræðsluna, í samvinnu við fyrirtæk-
in sem senda starfsfólk á námskeið-
in.
Keilir er að byggja upp ýmsar
námsleiðir. Samningurinn um nám-
skeiðahald fyrir Flugmálastjórnina
á Keflavíkurflugvelli er liður í upp-
byggingu tveggja þeirra, öryggis-
klasa og flugklasa. Í flugakadem-
íunni er ætlunin að sinna kennslu í
allri flugtengdri starfsemi svo sem
flugmennsku, flugþjónustu, flugum-
ferðarstjórn og flugvirkjun. Áhugi
er á svipaðri nálgun í öryggisklasa.
Niðurstöður nefndar sem dóms-
málaráðherra skipaði um athugun á
sameiningu menntunar tollvarða,
lögreglumanna, fangavarða og
starfsmanna Landhelgisgæslunnar
eru nú til athugunar í ráðuneytinu.
Keilir tekur að sér
flugverndarþjálfun
Samstarf Ólafur Thordersen og
Hjálmar Árnason takast í hendur
eftir undirritun samninga.
Í HNOTSKURN
»Um tvö þúsund manns vinnavið millilandaflugið á Kefla-
víkurflugvelli.
»Enginn starfsmaður fær að-gangsheimild fyrr en hann
hefur fengið flugverndarþjálfun.
»Á síðasta ári voru haldin 128námskeið og þau sóttu alls
1.740 nemendur. Meginhluti
þátttakendanna var í almennri
flugverndarþjálfun. Einnig eru
haldin námskeið í öryggisvörslu
og endurmenntun sinnt.
1.740 sóttu örygg-
isnámskeið á flug-
vellinum í fyrra
AUSTURLAND
Reyðarfjörður | 160 nemendur
Grunnskólans á Reyðarfirði gengu
ásamt kennurum sínum í gær gegn
einelti um þéttbýlið á Reyðarfirði.
Mikill hugur var í krökkunum og
sögðust þau vilja útrýma einelti úr
skólanum sínum í eitt skipti fyrir
öll.
Grunnskólinn á Reyðarfirði er
þátttakandi í Olweusarverkefninu
gegn einelti og hafa nemendur
unnið ýmis verkefni og átt sam-
ræðu um einkenni eineltis og við-
brögð við því. M.a. hafa þeir stað-
fest með lófafari sínu á stóran
hvítan dúk vilja sinn til að taka
aldrei þátt í einelti.
Í gær var svo efnt til vinadags í
skólanum og í hádeginu þustu
krakkarnir út á skólalóð með
kröfuspjöld í hendi, þar sem m.a.
mátti líta áletranir eins og „Ú á
einelti,“ „Einelti sökkar feitt“ og
„Ekkert einelti í skólanum okkar.“
„Við erum að mótmæla einelti,
það er vont mál. Það er lítið um
einelti í skólanum okkar en samt
eitthvað eins og alls staðar annars
staðar. Við látum kennarana og
skólastjórann vita ef við heyrum
um eitthvað. Það þarf að tala um
þetta. Við þolum ekki einelti og
viljum útrýma því,“ sögðu nokkrir
sjöundubekkingar í göngunni í gær.
Árvakur/Steinunn Ásmundsdóttir
Samtaka 160 nemendur Grunnskólans Reyðarfirði ganga gegn einelti.
Einelti skal ekki
þrífast í okkar skóla!
Neskaupstaður | Bæjarráð Fjarða-
byggðar ákvað á þriðjudag að bjóða
upp á fríar rútuferðir í Oddsskarð.
Ekið verður alla virka daga og frá
öllum þéttbýlisstöðunum í Fjarða-
byggð. Miðað er við að rútur komi á
skíðasvæðið um kl. 17:00 og lagt er af
stað til baka kl. 20.30.
Þetta er tilraunaverkefni sem
standa mun til 19. mars nk. Reynslan
á þessu tímabili verður svo notuð til
að ákveða framhaldið til vors og
verður höfð til hliðsjónar næsta vet-
ur. Skíðaleiga er í Oddsskarði og á
fimmtudagskvöldum er boðið upp á
skíðakennslu fyrir fullorðna.
Ókeypis
rútuferðir í
Oddsskarð
Þvottavél verð frá kr.:
104.500
vi
lb
or
ga
@
ce
nt
ru
m
.is
Suðurlandsbraut 20, Reykjavík | Baldursnes 6, Akureyri | Sími 588 0200
www.eirvik.is
Íslenskt stjórnborð
Íslenskar leiðbeiningar
Stórt hurðarop
20 ára ending
Gerð Listaverð TILBOÐ
Þvottavél W1514 149.285 104.500
1400sn/mín/5 kg
Þvottavél W1714 179.600 134.700
1400sn/mín/6 kg
Þurrkari T7644C 142.144 99.500
rakaþéttir/6 kg
Eirvík kynnir
sportlínuna
frá Miele
Miele gæði
TILBOÐ