Morgunblaðið - 15.03.2008, Blaðsíða 23

MORGUNBLAÐIÐ LAUGARDAGUR 15. MARS 2008 23
ÁRBORGARSVÆÐIÐ
Selfoss | „Ég sé margs konar verk-
efni fyrir mér þar sem kvenfélögin
geta látið til sín taka á komandi árum
á sviði líknar- og menningarmála og
kvenfélögin munu blómstra. Þó
verða konur að muna að láta störfin í
kvenfélögunum verða þeim til gleði
og uppbyggingar svo þær verði
sterkari til að takast á við hið daglega
líf,“ segir Guðrún Þóranna Jóns-
dóttir, formaður Kvenfélags Selfoss,
en félagið fagnaði 60 ára afmæli sínu
4. mars sl.
Guðrún er fædd fyrir norðan, nán-
ar tiltekið í Ártúnum í Blöndudal.
Foreldrar hennar, Jón Tryggvason
og Sigríður Ólafsdóttir, voru bændur
þar. „Frá unga aldri hef ég verið
meðvituð um starfsemi kvenfélaga.
Móðir mín og ömmur báðar voru
virkar í Kvenfélagi Bólstaðarhlíð-
arhrepps. Það kvenfélag, eins og
mörg kvenfélög landsins, gerði mikið
fyrir félagslíf og mannlíf sveit-
arinnar. Ég hef búið bæði á Rauf-
arhöfn og Hvammstanga og starfað í
kvenfélögunum þar, þannig að það
kom ekkert annað til greina en að
ganga í Kvenfélag Selfoss þegar ég
flutti hingað á Selfoss,“ segir Guðrún
Þóranna þegar hún var spurð út í
áhuga sinn á starfsemi kvenfélaga.
Kvenfélag Selfoss var stofnað 4.
mars 1948 af 76 konum í gamla
barnaskólanum. Þær rituðu allar
nöfn sín í fundarbók og greiddu inn-
tökugjald í félagið sem var 10 kr.
Megintilgangur með stofnun félags-
ins var að bæta og styrkja verkefni
sem horfðu til framfara fyrir sveitar-
félagið, einkum á sviði líknar- og
menningarmála. Í raun var félaginu
nánast ekkert óviðkomandi.
Leikvellir og sjúkrahúsið
„Á Selfossi þroskaðist hreppurinn
og kvenfélagið hlið við hlið, konurnar
unnu að framfaramálum samhliða
hreppsnefndinni,“ sagði Arndís Þor-
bjarnardóttir sem var formaður
kvenfélagsins um skeið.
Kvenfélagið vann að mörgum
framfaramálum fyrir sitt bæjarfélag
fyrstu árin. Sem rauður þráður í
starfsemi kvenfélagsins hefur verið
frá upphafi að styðja og styrkja
sjúkrahúsið. Fyrst var unnið ásamt
fleiri aðilum að stofnun Sjúkrahúss
Selfoss og síðan gefin tæki og margs
konar búnaður á það. Kvenfélag Sel-
foss vann að stofnun leikvalla og leik-
skóla á Selfossi.
Félagið tók einnig þátt í undirbún-
ingi að kirkjubyggingu á Selfossi og
gaf góða muni við vígsluna. Einnig
unnu félagskonur í sjálfboðavinnu við
þrif á kirkjunni og hreinsun á kirkju-
garðinum í nokkur ár. Félagskonur
gáfu fermingarkirtla til kirkjunnar
þá, sáu um að hirða þá og hjálpuðu
fermingarbörnum að klæðast kirtl-
unum á fermingardaginn. Kvenfélag
kirkjunnar var stofnað árið 1966 og
tók þá við verkefnum sem Kvenfélag
Selfoss hafði sinnt í þágu kirkjunnar.
Dagbókin Jóra
Guðrún Þóranna er næst spurð
hvernig kvenfélagið hafi þróast í
þessi 60 ár. „Starfsemin hefur þróast
og þroskast vel á þessum árum.
Strax á fyrsta ári félagsins fór fé-
lagatalan yfir 100 og hefur verið það
óslitið síðan, mest hefur hún verið um
180. Fyrstu áratugina var starfið
mjög öflugt og þá störfuðu um 25
nefndir í félaginu og 60 konur í
nefndum. Mikil sjálfboðavinna var
innt af hendi og kvenfélagið var mjög
sýnilegt í samfélaginu. Kvenfélagið
eignaðist hlut í Selinu árið 1983 á
móti Héraðssambandinu Skarphéðni
og Sambandi sunnlenskra kvenna.
Skiptir það miklu máli að hafa fund-
araðstöðu og geymslu fyrir gögn fé-
lagsins.
Upp úr 1990 var farið að gefa út
dagbókina Jóru sem varð fljótlega
aðalfjáröflun félagsins. Nefndum
hefur fækkað og um leið þeim konum
sem unnu í nefndum. Í dag eru tíu
nefndir starfandi í félaginu og 30
konur alls sem vinna í stjórn og
nefndum. Það hafa 16 konur gegnt
formennsku þennan tíma. Lengst
hefur Sigríður Rósa Björgvinsdóttir
verið formaður og varaformaður eða
í 13 ár.“
„Á hverju ári veitir Kvenfélag Sel-
foss fjárstyrki, á sviði líknar-
mennta- og menningarmála, til ým-
issa aðila, oftast í heimahéraði. Tals-
verður tími fer í að sinna fé-
lagsmálum, haldnir eru átta
félagsfundir á ári og er stundum far-
ið í skemmti- eða fræðsluferðir sem
hafa notið vinsælda félagskvenna.
Kvenfélagið hefur staðið fyrir konu-
kvöldum annað hvert ár frá 2001.
Félagið hefur séð um kvennahlaup
ÍSÍ síðan 1991. Starfsárinu lýkur
jafnan á kvennadaginn, 19. júní, en
þá er farið í skemmti- eða fræðslu-
ferð. Þá minnumst við þess að konur
fengu kosningarétt 19. júní 1915.
Starfið gengur vel og það eru kröft-
ugar og duglegar konur í félaginu, þó
við vildum gjarnan sjá fleiri konur á
fundum félagsins,“ sagði Guðrún
Þóranna.
Áfram þörf fyrir kvenfélögin
Að lokum er formaðurinn spurður
hvernig hann sjái framtíð kvenfélag-
anna í landinu á næstu árum, hvort
þau séu í „útrýmingarhættu“ eða
muni blómstra.
„Við þurfum að gera okkur grein
fyrir því að fyrstu kvenfélögin á Ís-
landi voru stofnuð um og upp úr
1870, þá var þörfin brýn fyrir margs
konar aðstoð. Félögunum fjölgaði
síðan mikið á síðustu öld. Í dag eru
kvenfélög fjölmennasta kvenna-
hreyfing landsins og saga þeirra hef-
ur mótað skýr spor í sögu þjóð-
arinnar. Þó að áherslur hafi mikið
breyst á þeim 140 árum síðan fyrstu
kvenfélögin voru stofnuð er ennþá
full þörf fyrir hugsjónastarfsemi eins
og kvenfélögin hafa staðið fyrir,“
sagði Guðrún Þóranna.
Kvenfélögin munu blómstra áfram
Kvenfélagskonur Guðrún Þóranna Jónsdóttir ásamt fjórum af stofn-
félögum kvenfélagsins á 60 ára afmælishátíð, Þóru Magnúsdóttur, Sig-
urbjörgu Guðmundsdóttur, Ólöfu Árnadóttur og Halldóru Ólafsdóttur.
Guðrún Þóranna
Jónsdóttir hefur
lengi starfað
í kvenfélögum
Í HNOTSKURN
»Guðrún Þóranna Jóns-dóttir er gift Guðmundi
Guðmundssyni, sviðsstjóra hjá
Landgræðslu ríkisins, og eiga
þau fjögur uppkomin börn og
fjögur barnabörn.
»Hún lauk kennaraprófifrá Kennaraskólanum og
fór síðar í sérkennaranám í
Svíþjóð. Guðrún Þóranna
starfar við Vallaskóla á Sel-
fossi, sem deildarstjóri sér-
kennslu. Hlutverk hennar er
m.a. að halda utan um sér-
kennsluna í skólanum, vera í
samstarfi við ýmsa aðila sem
tengjast henni, sérkennara,
kennara, foreldra og grein-
ingaraðila.
Hveragerði | Blómaskálinn Eden í
Hveragerði hefur verið opnaður á
nýjan leik. Í vetur hafa verið gerð-
ar endurbætur á skálanum, hann
fengið eins konar andlitslyftingu.
Opið verður um páskana.
„Við höfum tekið allt í gegn,
þrifið og málað, breytt innrétt-
ingum og stækkað blómaskálann,“
segir Þorvaldur Snorrason rekstr-
arstjóri. Eden verður 50 ára á
þessu ári. Þorvaldur segir að kom-
inn hafi verið tími á viðhald og
endurbætur og ákveðið hafi verið
að loka í nokkra mánuði til að
vinna að þeim. Endurbótunum er
ekki að fullu lokið en þær eru
nógu langt komnar til þess að
hægt sé að opna, að sögn rekstr-
arstjórans.
Eden er rekið með sama sniði
og fyrr, að sögn Þorvaldar, enda
ekki hægt að breyta of mikið þess-
um fasta punkti í tilverunni hjá
mörgum höfuðborgarbúum. Þar
eru kaffiveitingar með tertum
bökuðum á staðnum, grill, ísbúð,
blómabúð, verslun og gróðurhús.
Myndlistarsýningar verða áfram
fastur liður í starfseminni. Sýning
Ingunnar Jensdóttur stendur fram
yfir páska.
Eden opnuð eftir
andlitslyftingu
Morgunblaðið/Ómar
Ís Ísbúðir eru vinsælir viðkomustaðir í helgarferðum höfuðborgarbúa.