Morgunblaðið - 19.03.2008, Page 12

12 MIÐVIKUDAGUR 19. MARS 2008 MORGUNBLAÐIÐ
ÚR VERINU
FRYSTITOGARINN Venus kom úr
Barentshafi um helgina með afla að
verðmæti um 250 milljónir króna.
Það eru líklega mestu verðmæti
frystitogara úr einni veiðiferð og er
hásetahlutur um 2,5 milljónir.
Túrinn stóð í 40 daga og var unnið
úr 700 tonnum af slægðum þorski og
um 150 tonnum af öðrum tegundum.
Aflinn fékkst innan norsku lögsög-
unnar og var þorskurinn bæði stór
og fallegur og því fljótunninn.
Morgunblaðið/Ómar
Fiskveiðar Fiskinum landað úr Venusi í vesturhöfninni í Reykjavík.
250 milljónir úr
Barentshafi
FISKIMJÖLSVERKSMIÐJA Ís-
félagsins í Vestmannaeyjum tók í
byrjun vikunnar á móti þremur
norskum kolmunnaskipum. Lönd-
uðu þau alls um 5.000 tonnum af kol-
munna þar til bræðslu.
Páll Scheving, verksmiðjustjóri
hjá FES, segir að verksmiðjan ætli
sér að keppa um þetta hráefni til að
bæta sér upp slaka loðnuvertíð. Kol-
munnaskipin eru að veiðum við
Rockall og er siglingatími þaðan til
Eyja 35 til 40 tímar. Það eru að-
allega Norðmenn, Danir og Fær-
eyingar að veiða á þessum slóðum.
„Við erum að bjóða um eina krónu
norska á kílóið og teljum það bara
ánægjulegt að íslenzkar verksmiðj-
ur skuli geta keppt um þetta hrá-
efni. Við vonumst svo til að fá meira
af kolmunna. Þetta skapar atvinnu
og margfeldisáhrifin eru töluverð,
bæði í þjónustu og viðskiptum við
þennan flota,“ segir Páll.
Kaupa kolmunna
af norskum skipum
Ljósmynd/Sigurgeir Jónasson
Kolmunni Norsku kolmunnaskipin bíða löndunar í höfninni í Eyjum.
STJÓRN LÍÚ
hvetur fé-
lagsmenn sína til
að nýta sér kosti
Fjölnetsins sem
er uppboðskerfi
rekið af Reikni-
stofu fiskmark-
aða. Með því geta
innlendir aðilar
með enn auðveld-
ari hætti en áður
boðið í fisk sem senda á ísvarinn í
gámum á erlenda fiskmarkaði og
selja þar.
„Þarna er nýtt og gott tækifæri
og góð aðferð til að koma á við-
skiptum með fisk. Það hefur auðvit-
að verið þannig að fiskkaupendur á
Íslandi hafa vitað hverjir eru að
selja ísvarinn fisk í gámum til út-
landa. Það hefur verið tilkynn-
ingaskylda um það á vef Fiskistofu.
Þeir sem hafa viljað kaupa þennan
fisk og vinna hann á Íslandi hafa því
haft aðgengi að honum með því að
hafa beint samband við viðkomandi
seljanda,“ segir Friðrik J. Arn-
grímsson, framkvæmdastjóri LÍÚ, í
samtali við Verið.
Góð leið til samskipta
„Á Fjölnetinu er komin góð leið
til að þessi viðskipti geti farið fram
á uppboðsmarkaði. Kaupendur
geta þá boðið í fiskinn og seljendur
svo tekið slíkum tilboðum eftir at-
vikum. Fái seljandinn það verð sem
hann telur sig þurfa, verða viðskipti
og fiskurinn fer til vinnslu innan-
lands. Þetta eru mjög einföld við-
skipti. Það er ekki rétt að menn hafi
ekki fengið að kaupa þennan fisk.
Það er töluvert um að innlendir
verkendur kaupi fisk, sem annars
færi ísaður utan. Það gerist bara
maður á mann, en á Fjölnetinu
verður þetta mun aðgengilegri og
þægilegra.
Við vonumst til að menn nýti sér
þessa leið, enda er Fjölnetið gott
samskiptaform milli kaupenda og
seljenda. Þetta getur svo leitt til
þess að meira af fiski komi til
vinnslu innan lands og það er mjög
jákvætt,“ segir Friðrik.
Hugmyndin að baki Fjölneti er sú
að veita fiskmörkuðum möguleika á
auknum viðskiptum með fisk, fisk-
afurðir, aðrar vörur og þjónustu á
sínu markaðssvæði. Með Fjölnetinu
er opnað á þann möguleika að selj-
endur og kaupendur geti átt gagn-
virk, rafræn samskipti. Seljendum
er gefinn kostur á því að setja sölu-
kröfur sem verða að nást áður en af
sölu verður, en kaupendum er gef-
inn kostur á að leggja inn tilboð
sem metin eru af Fjölnetinu.
LÍÚ hvetur til notkunar
Fjölnetsins við fisksölu
Friðrik J.
Arngrímsson
SPÆNSK-ÍSLENSKA viðskipta-
ráðið hélt nýlega fund í Barselóna
þar sem sjávarútvegsmál voru helst
til umræðu á fundinum en sérstakur
gestur fundarins var Einar K. Guð-
finnsson, sjávarútvegs- og landbún-
aðarráðherra. Fundinn sóttu fulltrú-
ar íslenskra og spænskra fyrirtækja
sem eiga í ýmiss konar viðskiptum
milli landanna tveggja.
Rætt um umhverfisvottun
Í ljósi langrar sögu viðskipta land-
anna með fisk vógu sjávarútvegsmál
hins vegar þungt í ræðu ráðherrans
og umræðum fundargesta að henni
lokinni. Ráðherrann lagði í erindi
sínu áherslu á sjálfbæra nýtingu
fiskistofnanna við Ísland og ábyrga
fiskveiðistjórnun. Fór hann meðal
annars yfir afstöðu íslenskra stjórn-
valda til umhverfisvottunar og
nefndi sérstaklega til sögunnar Mar-
ine Stewardship Council (MSC) sem
hefur verið að ryðja sér til rúms í
þeim geira.
Ráðherrann sagði starf þeirra
hins vegar ekki hafa hagsmuni ís-
lensks sjávarútvegs að leiðarljósi.
Þess vegna væru Íslendingar að
vinna að því að koma upp eigin vott-
unarkerfi. Ráðherrann sagði í ræðu
sinni frá yfirlýsingu ríkisstjórnar-
innar, sjávarútvegs og fræðimanna á
því sviði, frá árinu 2007, um íslenska
sjávarútvegskerfið. Þegar íslenskt
vottunarkerfi verður tilbúið munu ís-
lenskir framleiðendur sjávarfangs
geta fengið vottun um að hráefni
þeirra sé veitt og unnið í samræmi
við ábyrga nýtingu.
Minnkandi framboð
og hækkandi verð
Á fundinum urðu líflegar umræð-
ur um íslenskan sjávarútveg, einkum
þann hluta hans sem lýtur að fram-
boði íslenskra sjávarafurða á Spáni.
Spænskir kaupendur íslenskra af-
urða, sem sóttu fundinn, hafa fundið
fyrir minnkandi framboði þorsks og
miklum verðhækkunum frá Íslandi.
Ráðherrann svaraði spurningum
fundarmanna um minnkandi þorsk-
afla með vísun til hinnar ábyrgu fisk-
veiðistjórnunar Íslendinga. Spænsk-
ir fundargestir höfðu meðal annars
áhuga á að vita hvort hin íslenska
fiskveiðistjórnun tæki tillit til jafn-
vægis í vistkerfinu með því að falla
ekki í þá gildru að friða einstakar
tegundir og raska þar með jafnvægi
lífríkisins í hafinu. Ráðherrann sagði
það einmitt afar mikilvægt að nýta
alla stofna til þess að raska ekki
þessu jafnvægi og sjávarspendýrin
væru þar ekki undanþegin.
Nokkrir fundarmenn lýstu yfir
vonbrigðum með síhækkandi verð á
íslenskum þorski og vildu halda fram
að íslenskur sjávarútvegur bæri
jafnmikið úr býtum fjárhagslega
þrátt fyrir minnkandi kvóta. Sjávar-
útvegsráðherra benti á að embætti
hans kæmi ekki nálægt verðmynd-
um á íslenskum sjávarafurðum en
það ætti ekki að koma á óvart að verð
hækkaði við minnkandi framboð.
Heimsóknir á
fiskmarkað og í fyrirtæki
Spánsk-íslenska viðskiptaráðið
skipulagði einnig heimsókn ráðherra
á fiskmarkað Barselóna, Merca-
barna, og heimsóknir til nokkurra ís-
lenskra fyrirtækja í borginni. Fund-
ur Spánsk-íslenska viðskiptaráðins
var haldinn með dyggum stuðningi
viðskiptaráðs Barselónaborgar og ís-
lenskra fyrirtækja, Eimskips, Ice-
land Seafood, Icelandair og Icelandic
Ibérica. Formaður ráðsins er Sigríð-
ur Á. Andersen og framkvæmda-
stjóri er Kristín S. Hjálmtýsdóttir.
Áhersla á sjálfbæra nýt-
ingu og ábyrga stjórnun
Morgunblaðið/Kristinn Benediktsson
Umræður Við pallborðið sátu Einar K. Guðfinnsson sjávarútvegsráðherra,
Sol Daurella, kjörræðismaður Íslands í Barcelona, Luis Lloch frá Við-
skiptaráði Barcelona og Sigríður Á. Andersen, formaður SPÍS.
Fundir Fundarmenn voru margir og urðu umræðu líflegar.
Í HNOTSKURN
»Þegar íslenskt vott-unarkerfi verður tilbúið
munu íslenskir framleiðendur
sjávarfangs geta fengið vottun
um að hráefni þeirra sé veitt
og unnið í samræmi við ábyrga
nýtingu.
»Nokkrir fundarmenn lýstuyfir vonbrigðum með sí-
hækkandi verð á íslenskum
þorski og vildu halda fram að
íslenskur sjávarútvegur bæri
jafnmikið úr býtum fjárhags-
lega þrátt fyrir minnkandi
kvóta.
Eftir Kristin Benediktsson
krben@internet.is
BÁTASMIÐJAN Trefjar í Hafnar-
firði afgreiddi nú á dögunum nýjan
Cleopatra-bát til Kvaløysletta í
Troms-fylki í Noregi. Kaupandi báts-
ins er útgerðarfyrirtækið Eskøy AS.
Báturinn hefur hlotið nafnið Saga
K. Báturinn mælist 15 brúttótonn.
Saga K er af gerðinni Cleopatra 36
sem er sérstök útgáfa af Cleopatra
38.
Aðalvél bátsins er af gerðinni Yam-
ar 6HYM-ETE, 700 hestöfl, tengd
ZF V-gír. Ljósavél er af gerðinni
Westerbeke. Báturinn er útbúinn
fullkomnum siglingatækjum frá Són-
ar. Báturinn er einnig útbúinn með
hliðarskrúfu sem tengd er sjálfstýr-
ingu bátsins. Öryggisbúnaður bátsins
kemur frá Viking.
Báturinn er útbúinn til línuveiða.
Línubeitningakerfi af gerðinni Must-
ad er á millidekki fyrir 17.000 króka.
Línuspil og færaspil er frá Beiti.
Rými er fyrir 12 660 lítra kör í lest.
Borðsalur er í brúnni auk stóla fyrir
skipstjóra og háseta. Svefnpláss er
fyrir fjóra í lúkar auk eldunaraðstöðu
með eldavél, örbylgjuofni og ísskáp.
Selja bát til Tromsö