Morgunblaðið - 19.03.2008, Page 20

|miðvikudagur|19. 3. 2008| mbl.is
daglegtlíf
Áslaug Traustadóttir stend-ur nú í ströngu við aðundirbúa Kokkakeppnigrunnskólanna í annað
sinn. Keppnin fer fram í Mennta-
skólanum í Kópavogi 12. apríl nk. að
undangenginni forkeppni 9. og 10.
bekkinga í hverjum þátttökuskóla.
Fimm ár eru nú liðin síðan Áslaug
hratt af stað kokkakeppninni í
Rimaskóla þar sem hún hefur verið
heimilisfræðikennari í níu ár. Í fyrra
var svo landskeppni haldin í fyrsta
sinn enda má segja að kokka-
keppnishugmynd Áslaugar hafi
teygt anga sína inn í fjölmarga aðra
grunnskóla. Áslaugu var veitt Fjör-
egg Matvæla- og næringarfræða-
félags Íslands í fyrrahaust fyrir
framtak sitt og nýstárlegar áherslur
í heimilisfræðikennslu.
Bæði gagn og gaman
Hugmyndin að keppninni varð til
þegar Áslaug sá þáttinn „Junior
Masterchef“ á BBC Food í fjölvarp-
inu. Hún sá í hendi sér að þetta hlyti
að vera hægt að framkvæma í heim-
ilisfræðikennslu á Íslandi og að
krakkarnir gætu haft bæði gagn og
gaman af. Keppnisreglur urðu til og
fyrsta kokkakeppni Rimaskóla varð
að veruleika vorið 2004. Reglurnar
úr þeirri keppni standa enn óbreytt-
ar. Að sögn Áslaugar er stórkostlegt
að sjá einbeitinguna, áhugann og til-
þrifin sem þessir ungu matreiðslu-
menn og -konur sýna. En markmið
kokkakeppninnar er einkum að
auka virðingu og áhuga nemenda á
hráefnum, matreiðslu og fram-
reiðslu; efla sjálfstæð vinnubrögð ,
hópvitund og samvinnu.
Sautján ára bóndakona
En þó að heimilisfræðikennarinn
Áslaug hafi alla sína tíð haft áhuga á
matargerð og matarmenningu var
leiðin í heimilisfræðikennsluna ekki
alls kostar bein.
„Sautján ára gömul var ég orðin
bóndakona á bænum Lundarbrekku
í Bárðardal í Suður-Þingeyjarsýslu
með mann og lítið barn og var upp-
full af metnaði til að verða góð hús-
móðir. Þar bjó ég í rúm sex ár, en
flutti svo þaðan til Akureyrar þar
sem ég meðal annars skrifaði Mat-
arkrákuna, matreiðsluþátt dag-
blaðsins Dags. Að lokum lá þó leið
mín til Reykjavíkur þar sem ég nam
sálfræði við Háskóla Íslands og lauk
síðan kennsluréttindanámi 2003.“
Áslaug skrifaði greinaflokkinn
Eldað með unga fólkinu fyrir Gest-
gjafann um nokkurra ára skeið og
samdi uppskriftir til kennslu á ungl-
ingastigi í heimilisfræði sem Náms-
gagnastofnun gaf út sem netefni.
Matur hluti af þjóðarsálinni
Mannfræði eða hefðir, hráefnis-
framboð og landafræði eru þeir þrír
þættir, sem móta að mestu leyti
menningu hverrar þjóðar og því má
segja að matur sé órjúfanlegur hluti
af þjóðarsálinni, segir Áslaug.
„Matarmenningin stjórnar til
dæmis öllum samkomum og það eru
varla nokkrir mannfundir þar sem
matur kemur ekki við sögu. En í
matarmenningu okkar Íslendinga
hefur í gegnum tíðina vantað meiri
litagleði til að lyfta okkur eilítið upp.
Íslenskur matur hefur í gegnum tíð-
ina verið mest í svarthvítu, mórauðu
og brúnu enda íslenskar veislur ei-
lítið formfastari og stífari en til
dæmis veislur suðrænna landa. Ís-
lendingar eru líka taldir töluvert
stífari en Suðurlandabúar sem stát-
að geta af meiri hita og litskrúðugra
hráefni. Sem betur fer berast nú til
landsins litríkir ávextir og grænmeti
sem auka á léttleika mannlífsins
enda erum við smátt og smátt að ná
tökum á að nýta okkur þetta oft nýja
hráefni,“ segir Áslaug, sem gefur
lesendum hugmynd af góðri páska-
máltíð. Uppskriftirnar eru fyrir tvo.
Páskalamb Áslaugar
2 falleg lambaprime eða lambafillet
maldon-salt og nýmalaður pipar
Morgunblaðið/G.Rúnar
Páskaborðið Áslaug Traustadóttir ásamt 15 ára syni sínum, Vigni Smára Vignissyni, nemanda í 10. bekk í Borgarskóla, en tvö eldri börn Áslaugar eru flogin úr hreiðrinu og farin að búa sér.
Eftirréttur Appelsínusúkkulaðimús með páskaeggi og sykurflúri.
Páskalamb
í hátíðarbúningi
„Ætli ég hafi ekki
bara eitthvert gott
páskalamb á borðum
um páskana á mínu
heimili og svo ein-
hvern góðan eftir-
rétt,“ segir Áslaug
Traustadóttir, heim-
ilisfræðikennari í
Rimaskóla, sem
galdraði fyrir Jó-
hönnu Ingvarsdóttur
fram góða páskarétti.
Aðalréttur Páskalamb með hrærðum kartöflum og smáspergli.