Morgunblaðið - 28.04.2008, Blaðsíða 14

14 MÁNUDAGUR 28. APRÍL 2008 MORGUNBLAÐIÐ
ERLENT
Kabúl. AFP. | Hamid
Karzai, forseti Afganist-
an, slapp ómeiddur er ta-
líbanar gerðu árás á
meðan á hersýningu stóð
í gær. Forsetinn var við-
staddur sýninguna
ásamt öðrum háttsettum
embættismönnum í Ka-
búl. Þrír létust í árásinni
og á annan tug særðist.
Öflug öryggisgæsla var við hersýninguna
og kom árásin því á óvart.
Hreyfing öfgasinnaðra talíbana játaði
fljótlega á sig árásina en talsmaður hennar
sagði jafnframt að henni hefði ekki verið
beint sérstaklega að forsetanum. Það hafi
því ekki verið um beint tilræði að ræða. Tíu
ára drengur sem bjó í nágrenninu var meðal
þeirra sem létust. Auk hans létust þingmað-
ur og ættbálkaleiðtogi. Að sögn leiðtoga ta-
líbana létust þrír úr þeirra röðum í gagn-
árásum.
„Árásinni var ekki beint að neinum
ákveðnum. Við vildum bara sýna heiminum
að við getum gert árásir hvar sem okkur
sýnist,“ sagði Zabihullah Mujahed, talsmað-
ur talíbana.
Þrír féllu
í árás í
Kabúl
Karzai, forseti Afgan-
istans, slapp ómeiddur
Hamid Karzai
RÚMLEGA átta þúsund lögreglu- og sérsveit-
armenn voru á vettvangi þegar hlaupið var með
ólympíukyndilinn um götur Seúl, höfuðborgar
Suður-Kóreu, í gær.
Yfirvöld landsins höfðu gefið út yfirlýsingu
um að þeirra sem myndu reyna að hindra för
kyndilsins biði hörð refsing. Þrátt fyrir örygg-
isráðstafanirnar brutust út átök en þúsundir
Kínverja voru mættar til að sýna landi sínu
stuðning.
Mótmælendum tókst ekki að stöðva 24 kíló-
metra langa för kyndilsins á áfangastað, en um
120 lögreglumenn hlupu leiðina á enda auk þess
sem þyrla sveimaði yfir.
Vöktu athygli á málefnum flóttamanna
Auk þess að mótmæla framgöngu Kínverja í
málefnum Tíbets var nokkur hluti mótmælend-
anna kominn til að mótmæla stefnu Kínverja í
málefnum norður-kóreskra flóttamanna. Einn
slíkur hellti yfir sig bensíni og hugðist kveikja í
sér en lögreglu tókst að koma í veg fyrir að það
tækist.
Kínverjar hafa verið einarðir í þeirri stefnu
að senda alla flóttamenn aftur til Norður-
Kóreu. Þar bíður þeirra jafnan hörð refsing eða
jafnvel dauðadómur. Samkvæmt upplýsingum
BBC hefur Kína sent 75.000 Norður-Kóreubúa
aftur yfir landamærin á síðustu fimmtán árum.
Átök á leið kyndilsins í Seúl
AP
Þúsundir Kínverja voru
í miðborginni og tókust
á við mótmælendur
Eftir Jóhönnu Maríu Vilhelmsdóttur
jmv@mbl.is
AUSTURRÍSKA lögreglan handtók
á laugardag Josef Fritzl, 73 ára
gamlan mann frá bænum Amstet-
ten, sem er grunaður um að hafa
haldið dóttur sinni, Elisabeth Fritzl,
fanginni í kjallara íbúðarhúss síns í
24 ár.
Samkvæmt upplýsingum austur-
ríska ríkisútvarpsins ORF er mann-
inum einnig gert að sök að hafa getið
sjö börn með dóttur sinni, eitt þeirra
hafi látist stuttu eftir fæðingu. Börn-
in eru nú á aldrinum fimm til 20 ára.
Vissu ekki af móður sinni
Þrjú barnanna bjuggu með móð-
urinni í kjallaranum en þrjú þeirra
hinsvegar ásamt afa sínum [föður]
og ömmu á efri hæðum hússins. Tal-
ið er að hvorki börnin né amma
þeirra hafi vitað af Elisabeth og
börnunum í kjallaranum.
Upp komst um fangavist Elisa-
beth, sem nú er 42 ára gömul, er 19
ára dóttir hennar sem bjó með henni
í kjallaranum, þurfti að leggjast inn
á sjúkrahús. Læknarnir hófu þá leit
að móðurinni sem leiddi til handtöku
Josefs síðastliðinn laugardag.
Samkvæmt upplýsingum sem
austurríska lögreglan veitti ORF
sagði Elisabeth frá því að í ágúst
1984 hefði faðir hennar lokkað hana
niður í kjallara hússins, handjárnað
og læst hana inni í einu herbergj-
anna.
Frá ellefu ára aldri hefði hann
beitt hana kynferðisofbeldi og þau
eignast sjö börn saman. Þrjú
barnanna sem bjuggu með móður-
inni í kjallaranum komu út undir
bert loft í fyrsta skipti á ævi sinni í
gær. Lík barnsins sem lést stuttu
eftir fæðingu fjarlægði Josef úr
kjallaranum og brenndi.
Þröngur og gluggalaus kjallari
Lögreglan opnaði vistarverur
konunnar í gærkvöldi. Þær voru
faldar á bak við hillu í vinnuher-
bergi. Dyrnar voru læstar með raf-
lás sem lögreglan opnaði með aðstoð
Josefs en vilji hans til samstarfs er
talin vísbending um að hann muni
senn játa.
Mjög þröngt var í gluggalausum
kjallaranum og lofthæðin aðeins um
170 sentimetrar, þar var að finna
eldunaraðstöðu, sjónvarp og snyrt-
ingu.
Samkvæmt upplýsingum lögregl-
unnar virðist hinn grunaði hafa
skipulagt athæfið vel. Hann til-
kynnti hvarf stúlkunnar árið 1984 og
sagði hana hafa gengið til liðs við
sértrúarsöfnuð. Josef falsaði jafn-
framt bréf í nafni dóttur sinnar þar
sem stóð að hún gæti ekki sinnt
þremur barnanna og hefði því skilið
þau eftir hjá ömmu sinni og afa.
Nítján ára gömul dóttir Elisabeth
liggur enn á sjúkrahúsi, í gærkvöldi
var hún enn í lífshættu. Hún mun
vera þjökuð af sjúkdómi sem tengist
sifjaspellunum.
Elisabeth og synir hennar tveir
eru nú í umsjá lækna og sálfræðinga
en enn hefur ekki komið í ljós hvort
hinn grunaði beitti börnin kynferðis-
ofbeldi.
Ekki einsdæmi
Þetta er annað tilfellið sem kemur
upp í Austurríki á skömmum tíma
þar sem konu er haldið fanginni svo
árum skiptir. Árið 1998 var Na-
tascha Kampusch rænt er hún var
aðeins 10 ára gömul. Henni tókst að
sleppa átta árum síðar.
Hélt dóttur sinni
fanginni í 24 ár
AP
Fangi Elisabeth dvaldi í 24 ár í kjallara þessa húss í Amstetten í Austurríki.
Í HNOTSKURN
»Josef Fritzl hefur ekki ennjátað sök en lögreglan segir
frásögn dóttur hans trúverðuga.
»Beðið er niðurstaðna úr DNArannsóknum til að hægt verði
að staðfesta faðerni barnanna.
 Beitti dóttur sína kynferðisofbeldi  Eignuðust 7 börn
Eftir Jóhönnu M. Vilhelmsdóttur
jmv@mbl.is
AÐALRÁÐ gyðinga í Þýskalandi hefur lýst sig
hlynnt því að bók Adolfs Hitlers, Mein Kampf,
verði gefin út í Þýskalandi á ný og þá í fræðilegri
útgáfu. Stephan Kramer, framkvæmdastjóri
ráðsins, sagði í útvarpsviðtali hjá Deutschland-
funk, að ráðið væri reiðubúið til samstarfs við út-
gáfuna.
Skynsamleg uppfræðsla
Safn í Þýskalandi sem tileinkað er sögu nas-
ismans þar í landi (Dokumentationszentrum
Reichsparteitagsgelände) hefur mælst til þess
að yfirvöld í Bæjaralandi veiti leyfi fyrir fræði-
legri útgáfu hennar. Yfirvöld Bæjaralands hafa
einkaleyfi á útgáfu bókarinnar en
það rennur út samkvæmt lögum árið
2015, sjötíu árum eftir dauða Hitl-
ers.
Talsmenn safnsins segja mikil-
vægt að þegar verði hafist handa við
„ábyrga“ útgáfu bókarinnar sem
muni stuðla að skynsamlegri upp-
fræðslu almennings. Þegar bókin
verði laus undan einkaleyfum muni
hún eflaust verða gefin út í áróðurs-
skyni og fræðileg útgáfa myndi þar
veita jafnvægi.
Virðing við fórnarlömbin
Mein Kampf er að hluta til sjálfsævisaga Hit-
lers auk þess sem hún fjallar um hugmyndafræði
nasista og kynþáttastefnu þeirra.
Landsyfirvöld í Bæjaralandi hafa
lagt strangt bann við útgáfu og fjöl-
ritun bókarinnar í Þýskalandi og
segja þá ákvörðun grundvallaða á
virðingu og ábyrgð gagnvart fórn-
arlömbum Helfararinnar. Í skrif-
legu svari til útvarpsstöðvarinnar
Deutschlandfunk sagði talsmaður
fjármálaráðuneytis Bæjaralands
að afstaða yfirvalda væri óbreytt.
Bannið sé „viðurkennt og mikils
metið í Þýskalandi sem í öðrum
löndum og þá sérstaklega af gyð-
ingum.“ Að víkja frá banninu
myndi „vekja alþjóðlega pólitíska athygli og lík-
lega verða misskilið gróflega.“
Þýskir gyðingar hlynntir
fræðilegri útgáfu Mein Kampf
UM ÞÚSUND manns hafði verið gert að
yfirgefa heimili sín í gær vegna geis-
andi elda í nágrenni Los Angeles í Kali-
forníu.
Reynt var að sporna við eldinum með
vatni úr flugvélum og þyrlum en hann
hafði þegar étið upp hundruð hektara
lands.
Talsmaður slökkviliðsins á svæðinu
sagði AFP-fréttastofunni að fólki hefði
verið gert skylt að yfirgefa hús sín til
öryggis þó eldurinn væri enn í nokkurri
fjarlægð.
Talið er að fjórir til fimm dagar líði
þar til hægt verður að ráða niðurlögum
eldsins. Ekki hafa orðið meiðsl á fólki
en gífurlegur hiti frá eldinum auk hita-
bylgju sem geisar á svæðinu gætu
reynst íbúum svæðisins erfið.
Eldar geisa
í Kaliforníu
♦♦♦