Morgunblaðið - 29.04.2008, Blaðsíða 6

6 ÞRIÐJUDAGUR 29. APRÍL 2008 MORGUNBLAÐIÐ
FRÉTTIR
Eftir Ylfu Kristínu K. Árnadóttur
ylfa@mbl.is
MARKMIÐ nýundirritaðs samn-
ingsins er að færa grunnlaun og
starfskjör kennara nær launum ann-
arra háskólamenntara starfsmanna,
sem sinna sambærilegum störfum,
og gera þau þannig samkeppnishæf-
ari. Áætlað er að launakostnaður
sveitarfélaga vegna samningsins
aukist um 1,2 milljarða kr. en hann
gildir í eitt ár.
Gott sem fyrsta skref
Í samningnum er stefnt að því að
ná fyrrnefndri jöfnun í nokkrum
áföngum. Laun grunnskólakennara
hækka um 25 þúsund kr. 1. júní og
um níu þúsund kr. 1. ágúst auk þess
sem uppbyggingu launatöflu verður
breytt til hagsbóta fyrir yngri kenn-
ara. 1. október munu öll starfsheiti
hækka um einn launaflokk og 1. jan-
úar 2009 hækka laun um 2,5%. Þrjár
fyrstnefndu hækkanirnar, sem eru
fyrir þá sem ekki hafa notið yfirborg-
ana, nema samtals um 15-23% á
grunnlaun eftir aldurshópum.
„Við settum okkur ákveðin mark-
mið núna að jafna laun okkar við aðr-
ar háskólamenntaðar stéttir, þá hópa
sem við berum okkur saman við. Það
tekst þarna á þessu eina ári þannig
að við erum bærilega sáttir við þetta
sem fyrsta skref,“ segir Ólafur Lofts-
son, formaður Félags grunnskóla-
kennara.
Nýjung á vinnumarkaði
Karl Björnsson, formaður samn-
inganefndar Launanefndar sveitar-
félaga, segist vona að þessi samn-
ingur verði til þess að kennarar sem
hafa horfið til betur launaðra starfa á
öðrum sviðum snúi nú aftur til
kennslunnar. Þeir kennarar sem um
ræðir eru yfirleitt ungir en með þess-
um samningi er áhersla lögð á hækk-
anir til þeirra yngstu, sem hafa verið
þeir lægst launuðu, og segir Karl það
til þess fallið að auðvelda nýliðum í
stéttinni.
Í tilkynningu, sem var gefin út
vegna samningsins, kemur fram að
Ásmundur Stefánsson ríkissátta-
semjari hafi á óformlegan hátt fyrir
um einu og hálfu ári leitt saman nú-
verandi formenn samninganefnda að-
ila í þeim tilgangi að finna leiðir til að
bæta samskipti þeirra og taka upp ný
vinnubrögð í kjaraviðræðum. „Ég er
alveg afskaplega ánægður með þessa
þróun í samstarfi við forystu kenn-
aranna. Þetta er í raun og veru nýj-
ung hjá okkur að taka upp svona fag-
leg vinnubrögð því það hafa þau því
miður ekki alltaf verið,“ segir Karl og
vísar í það þegar samningaviðræður
fóru út um þúfur og sjö vikna verkfall
brast á haustið 2004.
Ný vinnubrögð
„Samstarfið var ekki jafngott og
það hefði átt að vera en núna höfum
við tekið upp ný vinnubrögð og það
gefur tilefni til að ætla að þau haldi
áfram,“ segir Karl en hann segir það í
raun vera algera nýjung á vinnu-
markaðinum að tekist hafi að skrifa
undir nýjan kjarasamning mánuði
áður en sá eldri rennur út.
Spurður um þessi nýju vinnubrögð
segir Karl þau felast í því að báðir að-
ilar setji sér sameiginleg markmið og
finni í kjölfarið leiðir að þeim.
„Við höfum unnið saman að gagna-
öflun, gert alls konar samanburð-
arrannsóknir á launakjörum og gert
rannsóknir á launamyndun kennara í
samburði við launamyndun í öðrum
kjarasamningum.
Við höfum smám saman reiknað
okkur niður á þessa niðurstöðu, ann-
ars vegar að hækka sérstaklega laun
þeirra yngstu og síðan að jafna launin
almennt við sambærilega há-
skólahópa.
Laun grunnskólakennara gerð sam-
keppnishæfari við sambærilegar stéttir
Hækka um 15-23%
samkv. kjarasamningi
milli Félags grunn-
skólakennara og
Launanefndar sveitar-
félaga.
Morgunblaðið/RAX
Sátt Ólafur Loftsson, formaður Félags grunnskólakennara, og Karl Björnsson, formaður samninganefndar
Launanefndar sveitarfélaga, takast í hendur. Ásmundur Stefánsson ríkissáttasemjari fylgist glaðbeittur með.
AÐALHEIÐUR Steingrímsdóttir,
formaður Félags framhaldsskóla-
kennara (FF), segir það vilja félags-
ins að semja aðeins við ríkið til eins
árs. „Það hlýtur að vera mjög eðli-
legt að semja aðeins til eins árs við
þær aðstæður sem núna eru uppi í
efnahagsmálum,“ segir Aðalheiður.
Samningar FF eru lausir frá og
með næstu mánaðamótum. Aðspurð
segir Aðalheiður mikilvægt að geng-
ið verði frá nýjum samningum áður
en skólaveturinn sé úti um mánaða-
mótin maí/júní.
Spurð hvernig gangurinn sé í
samningaviðræðum segir Aðalheið-
ur að ljóst megi vera að efnahags-
ástandið nú um stundir hafi sett
samningaviðræður í ákveðinn hæga-
gang. Segist Aðalheiður þó reyna að
vera bjartsýn. „En miðað við hvernig
þetta hefur gengið til þessa þarf
mikið trukk að komast í málin til
þess að þetta hafist.“
Ríkið tjáir sig ekki
Guðmundur H. Guðmundsson,
varaformaður samninganefndar rík-
isins, vildi ekkert tjá sig um málið
þegar eftir því var leitað í gær.
FF vill
semja til
eins árs
Hægagangur í
samningaviðræðum
GRUNNSKÓLAKENNARAR eru lægst launaðir kenn-
ara í Kennarasambandi Íslands (KÍ). Í október 2007
voru meðalgrunnlaun grunnskólakennara rúmar 242
þúsund kr. „1. janúar 2009 verða allar hækkanir komn-
ar fram. Þá verða meðalgrunnlaunin komin úr 242 þús-
undum í rúm 300 þúsund,“ segir Ólafur Loftsson, for-
maður Félags grunnskólakennara.
Undirbúningur að gerð kjarasamningsins hófst fyrir
um einu og hálfu ári en formlegar samningaviðræður
hófust í febrúar. „Við afgreiddum öll önnur mál en
launaliðinn og settumst síðan í hann fyrir u.þ.b. hálfum
mánuði og síðan höfum við verið að skiptast á skoð-
unum, tölum og vangaveltum um þetta atriði og nú er
það frá og þetta er niðurstaðan.“
Samkvæmt könnun sem Capacent Gallup gerði fyrir
KÍ töldu grunnskólakennarar að laun þeirra þyrftu að
hækka um 46% til að teljast sanngjörn. Til saman-
burðar töldu framhaldsskólakennarar að laun þeirra
þyrftu að hækka um 24%.
Setja þarf raunhæf og eðlileg markmið
Ólafur segir að miðað við þá tölu megi segja að þeim
hafi tekist að komast hálfa leið. „Það gefur auðvitað
auga leið að með eins árs samning í höndunum væri
það auðvitað aldrei möguleiki að fara alla leið, það er
eitt að setja sér raunhæf og eðlileg markmið í kjara-
viðræðum og svo hitt að meta hvað manni finnst eðli-
legt að maður fái greitt fyrir starfið sitt. Þarna erum
við lögð af stað, þarna er þessi áfangi kominn og síðan
er bara að halda áfram.“
Samningurinn tekur gildi 31. maí nk. og gildir í ár.
Samþykkt hefur verið að sá samningur sem þá tekur
við renni út á sama tíma og kjarasamningar annarra
stéttarfélaga starfsmanna sveitarfélaga.
Lægst launuðu kennararnir innan KÍ
STURLA Jónsson, talsmaður at-
vinnubílstjóra, hefur falið lögfræð-
ingi að undirbúa kæru á hendur
lögreglunni vegna skemmda á
vörubíl Sturlu og annars tjóns sem
Sturla telur sig hafa orðið fyrir
vegna aðgerða lögreglunnar við
Norðlingaholt á dögunum. Hann
sagði að ökutækinu hefði verið lög-
lega lagt á hvíldarstæði Vegagerð-
arinnar utan við þjóðveginn.
Bíllinn er enn í vörslu lögregl-
unnar. Sturla sagðist ekki hafa
skoðað bílinn sjálfur og kvaðst ekki
mundu sækja hann fyrr en kæran
hefði verið lögð fram og búið væri
að meta tjónið á bílnum. Hann átti
von á að það gæti orðið á næstu
dögum.
Sturla sagði að lögreglan hefði
brotið hliðarrúðu úr bílnum, tekið
af honum drifskaftið, losað upp á
hemlabúnaði og síðan rykkt í bílinn
og dregið með öðrum hætti en
framleiðandi mælir fyrir um. Þá
sagði Sturla eftir að skoða hvernig
farið var að því að losa stýrislás
bílsins og hvort sá búnaður hefði
skemmst. Sturla kvaðst ætla að láta
hornamæla bílinn til að kanna hvort
hann hefði skekkst við aðfarir lög-
reglunnar. Ef bíllinn reyndist ekki
hafa skekkst sagði Sturla að aðrar
viðgerðir og vinnutap næmi nokkr-
um hundruðum þúsunda króna.
Sturla sagði að sér þætti skrýtið
að hvorki fjármögnunarfyrirtækið
sem fjármagnaði kaupin á bílnum
né heldur tryggingarfélag bílsins
vildu taka nokkurn þátt í málinu.
Ætlar að kæra lögregluna
Morgunblaðið/Júlíus
Skemmdir Sturla Jónsson ætlar að láta kanna hvort bíll hans hornaskekkt-
ist við aðfarir lögreglunnar.
RÍKISSTJÓRNIN hyggst leggja
fjórar milljónir króna í aðgerðir til
þess að stemma stigu við verðlags-
hækkunum. Þetta tilkynnti viðskipta-
ráðuneytið í gær en ráðuneytið segir
að sökum lækkunar á gengi íslensku
krónunnar og hækkunar hrávöru-
verðs á alþjóðlegum mörkuðum hafi
skapast nokkur þrýstingur til verð-
hækkana. „Nauðsynlegt er að gripið
verði til víðtækra aðgerða til að
stemma stigu við þessari þróun og
draga úr hraða verðbólgu næstu
misseri,“ segir í tilkynningu ráðu-
neytisins. Ráðuneytið hafi farið ítar-
lega yfir þá þætti sem undir ráðu-
neytið heyri. Hafi Björgvin G.
Sigurðsson viðskiptaráðherra fundað
með fulltrúum hagsmunahópa neyt-
enda og launþega; Neytendasamtök-
unum, Alþýðusambandi Íslands,
Bandalagi starfsmanna ríkis og bæja,
fulltrúum verslunarfyrirtækja og
birgja, Samtökum verslunar og þjón-
ustu, Félagi stórkaupmanna og Sam-
tökum atvinnulífsins sem og Neyt-
endastofu.
Að tillögu viðskiptaráðherra hafi
verið ákveðið að ráðast í fimm meg-
inaðgerðir. Í fyrsta lagi felur ríkis-
stjórnin hagdeild Alþýðusambands
Íslands að sjá um sérstakt átak í
verðlagseftirliti og fylgjast með þró-
un vöruverðs með tíðari hætti en áður
og miðla niðurstöðum sínum til al-
mennings. Í öðru lagi fer Neytenda-
stofa í sérstakt átak í eftirliti með
verðmerkingum á vöru og þjónustu
og endurskoðar þær reglur sem gilda
um verðmerkingar. Í þriðja lagi verð-
ur skipaður sérstakur starfshópur
fjármálaráðuneytis og viðskiptaráðu-
neytis til að endurskoða reglur um
netverslun, einkum við önnur lönd á
EES-svæðinu, með það að markmiði
að auka samkeppni og lækka vöru-
verð.
Neytendur virkjaðir
Ráðist verður í kynningarátak í
samstarfi við Neytendasamtökin til
að virkja neytendur betur á vöru-
markaði, hvetja þá til að gera verð-
samanburð, koma ábendingum um
verðlag til Neytendastofu og Neyt-
endasamtaka og gæta að eigin hags-
munum við kaup á vöru og þjónustu.
Ennfremur verður leitað samstarfs
við Samtök verslunar og þjónustu um
aukna hagræðingu í verslunarrekstri.
Fjórar milljónir
í aðgerðir gegn
verðhækkunum